火箭餐廳

营业中

休息中

我見咁多人講, 所以一場來到點都試下.我覺得味道有D似M記既將軍漢堡.

上星期去迪士尼，當然要一試此店獨有的叉燒漢堡。雖然同行友人說口碑麻麻，但我都決定一試，三十幾蚊包一大籃薯條，不包飲品，另加上一杯飲品，已經40幾蚊。我覺得叉燒漢堡幾好味，雖然外貎不太似叉燒，但卻有叉燒味，幾特別呀!我也一試朋友的燒雞扒漢堡，但我不太喜歡此味道。我們另叫了一客雞翼，估唔到都奉送一大碟薯條，雞翼味道一般啦，最後剩下滿枱都是薯條，略嫌過多薯條呀，太浪費呀! 如果每個漢堡可予顧客選擇要薯條與否，若不要薯條可減幾蚊，那便不用浪費啦。真係見到薯條都怕怕呀!題外話: 迪士尼樂園內售賣的果汁好好味，包括:西瓜汁、橙汁、西柚汁、芒果汁、石榴熱情果汁，仲有豆漿添，價錢$15-$20。我最喜愛石榴熱情果汁，大家有機會都要一試呀!

9月3日有機會去左迪士尼預演,夜晚我就用$35黎左呢度食左個叉燒漢堡飽(連薯條)加杯可樂(正價是$35+$15,由於預演所有餐食有7折優惠)先講個叉燒漢堡,真係見到都唔想食.....塊叉燒扒係一塊唔知用左咩肉整成,再加叉燒醬調味煮出黎(唔係煎呀)....我好快好快甘食得幾多得幾多,盡快填飽個肚....薯條個味道同口感都唔錯,不過份量比較少,但係食落又夠飽喎!點解?其一係個飽太難食,所以我已經無咩胃口.其二就係包茄汁,我甘大個仔都未食過甘難食既茄汁!佢似甜酸醬多d,重要係'杰撻撻'果隻!大好一包薯條就甘浪費左...所以話去迪士尼做足準備!如果去呢度食我相信食芝士漢堡飽就比較穩陣,最好就自己帶定兩包茄汁啦!

星期六有迪士尼總綵排飛，超多人入場，食飯時間各餐廳自然迫爆，但最多人都算係火箭餐廳，我淨排隊買餐都用了近一個鐘（晚上7;30排到8:20），罪魁禍首應該係不同傳媒猛谷呢度隻叉燒漢堡！見各方煲到咁恆，就算點排隊巴士佬點都要試下啦！一set$35有一個包加薯條（飯剛剛冇晒），唔包飲品，不過算啦，$15買杯可樂，入得去冇諗過抵食。講番野食，個包唔係麥當奴式，好點似生煎包外皮咁，有少少甜味，不過就冇咁油，好可惜凍左就差ｄ啦！餡方面，我之前以為成舊叉燒，原來都係漢堡式（係wo...話明叉燒漢堡），當然冇成舊叉燒咁有口感，但都會食到叉燒味道，至於係唔係好食就見仁見智喇。反而成份野入面，最捧係薯條，比麥當奴粗一點，咬入去有薯仔肉，而且好熱好香，不過佢俾茄汁係李錦記，茄汁呢一環都係麥記最強！同一時間，我地有人叫炸雞藍，我冇食，但睇落似哈迪斯炸雞咁樣，我朋友評價就覺得冇KFC 咁油，但味道都係KFC好食少少。

個個入到去迪士尼都想食完啦啦聲去玩gar啦, 我o地都唔會例外! 呢到係賣快餐,炸雞籃好好味,我覺得好食過KFC添! 魚柳飽呢d例排o野唔會做得差.呢到有傳說中o既叉燒漢堡,仲可以跟飯添! 係有味飯,類似海南雞飯果d呢. 試就梗係會試o既. 不過當然係由老豆包底!