火狐爐端燒 (已結業)

上次小胖女帶路去食既呢間火狐太回味,今日又捉埋小胖女一齊返頭食多次好彩比較早既時間黎到,到場時已經坐爆場,入座立即order野食,叫左厚玉子燒,一個燒茄子,燒五花腩,牛舌,雞翼,同埋一個和牛露荀炒飯,首先出場係厚玉子燒,超大舊超厚身,店員教落要點埋邊既白蘿蔔一齊食更好食,非常香蛋味,之後係燒茄子,火喉岩岩好,個皮都燒到好脆,再黎就係燒五花腩同埋牛舌,調味做得好正,咬落彈牙肉汁勁濃,燒雞翼個皮都好脆卜卜,咬落個肉都唔鞋口,最後係和牛露荀炒飯,份量十足,飯底唔油,粒粒都夠乾身,加埋和牛粒同露荀條,真係好配合,兩個人食呢到既份量岩岩好

呢間串燒已經唔係第一次食，今天同朋友仔路經此店，又入去試下新野先~這裏雖然舖仔細細，但坐得好舒適! 我們先叫了些特色串燒及飲料#豆付唐揚：豆腐外脆內滑熱辣辣，蘿蔔蓉鋪喺豆腐上，加點醬油一齊食感覺不錯～#大啡菇芝士燒：好濃芝士味，又軟又juicy#䐁大腸山葵燒燒得好香脆#牛舌厚燒肉質軟淋，入口即溶#蟹膏海鮮炒飯：飯炒得粒粒分明，蝦、帶子同尤魚都鮮甜美味，食落每啖都有蟹膏味好正，廚師功夫了得💪最後加埋個炒飯，一噸完美的晚餐。呢餐全部食物都好滿意，下次約多幾個朋友過來試多D其他菜式。

荃灣多嘢食係人都知 坐立排晒長龍嘅雲南米線格黎竟然有間隱世小店 見米線排晒長龍 不如試吓一啲新野小店有裝修風格偏向日本式 牆上有一手寫得好靚嘅粉筆字 令到成間鋪頭好特別 燒茄子茄子外皮超脆 入面又好淋 唔到會燒得咁好食明太子雞翼雞翼燒到表皮好脆 燒烤來講係十分之高質和牛露荀炒飯佢有驚喜反而係呢個和牛露筍炒飯 牛肉份量勁多 而且食得出係好淋 一碟炒飯嘅精粹係可以食晒佢所有配料 佢所有配料都炒得好香好好食 真係好值得大家去試一試

剛搬來荃灣，就係要穿插橫街窄巷去搵野食兼熟習環境，"火狐爐端燒"就喺千色匯後街附近既四坡坊，今晚就黎食下日式串燒。日式小店裝修帶點情調，頭上既一盞燈吸引咗我～ 哈～🔸胡麻秋葵🔸 ⭐⭐⭐平時我同秋葵實在唔係朋友，男人極力推介我試下，第一次配胡麻醬原來又幾好食，胡麻醬反而令到秋葵少咗平時不太喜歡既滑捋捋。 🔸豚大腸山葵燒🔸 ⭐⭐⭐⭐外皮燒得脆卜卜，內裡還有少少油脂，燒得剛剛好，加埋芥茉醬口感豐富。🔸牛舌🔸 ⭐⭐⭐⭐⭐男人至愛，要知道好食既牛舌唔係咁容易，不會燒過火，調味實在係加咗分，我覺得好好味。🔸雞翼🔸 ⭐⭐⭐⭐每次食串燒都會點，雞皮燒得脆口但肉汁還在，雞肉仲好嫩滑。🔸大啡菇芝士燒🔸 ⭐⭐⭐⭐⭐一上枱都聞到香到不得了，芝士燒到半溶狀態舖喺大啡菇，而大啡菇仲有好多汁添，食完一隻又想食第二隻。🔸和牛露荀炒飯🔸 ⭐⭐⭐⭐⭐除咗主角和牛同露荀，有大量炸蒜片，加埋一齊炒令到炒飯多咗脆脆口感, 和牛既油脂味好夠香, 好快就清哂成碟炒飯。

唔知大家係四坡坊有冇食過好出名嘅川味米線，但大家可能睇漏眼，隔離原來有間日式嘅爐端燒好值得推介。一入到黎先見到佢哋店內嘅裝修燈光令人好輕鬆，隨意點了幾款前菜和和風小食，如胡麻秋葵和豆腐唐揚，胡麻秋葵好清爽，胡麻漿甜甜酸酸，配上秋葵的菜汁，吃下去是非常有口感，脆脆爽爽的。豆腐唐揚亦是非常好吃，醬汁是冷的，嫩滑的豆腐外皮是經油炸過，下去的感覺是暖暖的，涼涼的。厚燒玉子是我的大愛，玉子很厚身，蛋明顯經過處理，裡面的餡料豐富，配上白蘿蔔蓉，蛋香洋溢，口感極佳。最後吃了一個冷稻庭蕎麥面，以往吃的是Wasabi配醬汁，但原來店員跟我們說蕎麥面是要以姜和蔥花去混合醬汁才能達成。真是長知識了，下次一定要再來非常有質素的小店。

我真係好耐好耐好耐好耐好耐冇試過食過一間串燒係咁好食！咁足料！咁令人回味！淨係從佢鋪頭店外嘅裝修，就已經知道佢係一間好有心思嘅日式串燒舖，裏邊嘢食嘅價格一啲都唔貴，於是我就瘋狂點左一啲串燒食，包括燒茄子、豚肉車尼茄串、黑豚腩串、雞軟骨黃金串同雞亦。真係唔講得笑，淨係個燒茄子都睇得出師傅嘅心機，平時點會見燒茄子整整齊齊剪做兩條，方便你食用，旁邊仲驚你熱氣，擺定一啲白蘿蔔蓉，食落去口感涼浸浸。兩者加埋一齊，簡直令人回味無窮，茄子軟腍腍，好香滑呀。豚肉車厘茄串又係令我地尖叫的食物，車厘茄喺口中爆開，酸酸地好多汁，豚肉又加上黑椒，惹味非常，豚肉又唔會太薄身，烤得岩岩好，兩樣野又係好夾，真係好食。飲埋佢哋啖熱茶就結帳，每人只係$180左右，平時食垃圾都差不多這個價，如此高質的食物，相信我下一次應該不會光顧其他連鎖的日式串燒店......

荃灣真係美食之都，今次去咗德華公園附近搵食，食嘅係爐端燒，呢間比較特別，師傅唔會係你面前燒起啲嘢食，雖然冇得欣賞師傅嘅功架，但就少咗一份油煙味。店入面除咗menu之外，亦列出咗本日のおすすめ，為客人推薦當日最新鮮、最優質嘅選擇。黑豚五花腩 $28 用上少量調味，唔會掩蓋豬肉本身嘅味道，五花腩略瘦，肥返啲更正🤣厚燒玉子 $68 玉子好嫩，上枱時熱辣辣，配上旁邊嘅蘿蔔蓉，一冷一熱，冰火嘅感覺，亦都可以中和一下味覺！雞翼 $24 事先已經開邊，所以燒得好均勻，略嫌細隻得滯。胡麻秋葵 $32 第一次食秋葵，黏黏哋，配埋胡麻醬調吓味，都幾特別喔～豚大腸山葵燒 $22 大腸乾淨、夠咬口，配上山葵，夠惹味。蟹膏海鮮炒飯 $98 炒飯有大蝦、帶子等作配料，用料新鮮，蟹膏味唔算重，重味啲會更滿足！需加一服務費，埋單2人約$300。如果你鍾意睇我嘅食評，不妨關注我，支持吓我，謝謝你☺️💕

之前也曾到訪過荃灣四阪坊，為的是吃一碗聞名網絡的雲南米線。想不到今晚的飯局場地——「火狐爐端燒」，原來就是米線舖的鄰居。小小的一間居酒屋放有7-8張枱。麻雀雖小，五臟俱全。「火狐爐端燒」供應的食物種類也算相當豐富呢。食物即點即做，確保熱騰騰的上枱。豚大腸山葵燒 （$22）豬大腸外皮燒得金黃，配上了山葵醬。豬腸惹味，山葵味不算濃，未有嗆喉感。雞軟骨黃金燒（$25）筆者每逢吃串燒時，都會必點雞軟骨。它的爽身口感， 讓人越吃越有咬勁。廣東話說法就是炸豆腐。唐揚豆腐浸在味醂汁上，舖有白蘿蔔蓉及紅椒絲點綴。經香炸的唐揚外皮頗為香口，豆腐細滑至極，甫放入口便溜進喉嚨間。看似做法簡單的一道菜，材料就只有大啡菇、芝士跟適量調味料；但要做出令人一食愛上的味道卻又是殊不簡單。芝士有著非常濃厚的忌廉香，而大啡菇經調味後，增添有少許咸度但又不失菇菌原有的鮮味。在筆者拍照時，已發出陣陣香味的炒飯。炒飯鑊氣十足，米飯粒粒分明。飯粒似是下了鼓油等調味，加上早已融入其中的蟹膏，惹味香口。炒飯配料有鮮蝦、帶子等，鮮蝦肉也頗彈牙，整體來說不錯。另外值得一讚的是店員細心度，不時幫忙添茶，上餐時又介紹食材，加分不少。

今日即興同朋友去食爐端燒😍竟比我地搵到一間正野先説説環境，餐廳的的骰骰，面積不大但不侷促。店內貼滿日本電影的海報，牆上更有電視播放著電影，可見店主非常熱愛電影。桌椅擺放整齊有序，椅子上放有座墊，讓有坐得相當舒服。食物方面，餐廳的燒物十分美味，調味到位，款式相當多元化，小編認為以下幾款是必點的啊！1. 黑豚五花腩五花腩經過燒製迫出油香，變得又香又好吃，肉與脂肪比例十分分明，是完美的結合。2. 牛舌牛舌的味道夠重，而且燒得很香口，調味亦恰到好處，加上少量檸檬汁更加味美。3. 雞軟骨黃金燒雞軟骨的咸蛋黃味很濃，相當惹味，又有咬口，是一些挺新鮮的搭配。4. 厚燒玉子厚燒玉子的確是相當厚身，而且燒得剛好，絕無過老情況出現，配上蘿蔔蓉一起食用，玉子甜味更為突出。5. 唐揚豆腐外面炸得香脆滋味，內裡香滑可口，加上少許紅椒線和蘿蔔蓉，再配上醬汁，味道出奇地夾。6. 蟹膏海鮮炒飯炒飯粒粒分明，而且十分足料，每口也充滿蟹膏鮮味，加上魷魚、蝦和帶子，鮮味無比。

今日男朋友話想食日本野，醒起之後係荃灣見過一間食爐端燒嘅就決定試下啦。入到去店員帶左我地埋位，鋪頭唔係好大，二十幾個位左右，靜靜地傾計都唔會好嘈。首先上左道牛舌，牛味十足，牛舌唔會燒到好乾，仲會有汁，感覺好似同緊隻牛打車輪咁。之後黎左個厚燒玉子，玉子非常嫩滑，好似食緊豆腐一樣，同時蛋味濃郁，就好似置身於農場一樣。跟著就係雞軟骨黃金燒，食落同平時嘅雞軟骨唔同，感覺好特別，但又食唔出係咩味，一問店員，原來係係雞軟骨上加左鹹蛋黃，估唔到原來係咁夾嘅，俾我食過咁出眾嘅雞軟骨，相信我以後都唔會再係其他地方再食雞軟骨了。然後就係燒黑豚肉，燒豚肉最忌就係燒到塊豚肉又乾又柴，但師傅手勢好，燒得恰到好處，完全好似身處於北海道同啲黑豚一齊奔跑一樣。食左幾款肉之後，就黎左一道土佐豆腐，豆腐炸到外脆內軟，加上面頭啲蘿蔔蓉同辣椒絲， 去油膩之餘又唔會太無味。跟著黎嘅係海鮮炒飯，師傅炒飯功夫一流，炒到粒粒分明，唔會痴到一舊舊，炒飯調味都好恰當，唔會太鹹太淡，啲海鮮亦一啲都唔孤寒，係外邊食海鮮炒飯，一般都係會俾啲平價貨，或者分量好少，但係哩到會俾原隻帶子同蝦等，非常滿足。總體黎講，今日哩餐每款菜無論係調味賣相價錢都

接完男朋友放工，在荃灣四陂坊搵食，見到呢間串燒居酒屋，就入去試試鹽燒牛舌：牛舌肉質彈牙，配少少檸檬汁，減去油腻黑豚五花肉：薄切，再加上燒到肥油已滴走了大部份，上面用上黑椒調味，色香味正雞軟骨黃金燒︰雞軟骨特別在沾上蛋黃醬， 鹹香可口唐揚豆腐：外皮炸過，再浸入淡淡地的醬油內，紅色的會不會是辣椒，有少少辣，吃時皮不是很脆那種，幾好 厚燒玉子：嫩滑的蛋，燒得剛好，仲可以加埋蘿蔔溶來食。最後來個蟹膏海鮮炒飯，上菜時聞到好香，蟹膏溶入飯中，海鮮有蝦、魷魚及帶子，飯炒得夠乾身，鮮味十足

今日約左兩個女仔朋友喺荃灣食飯。其中一個朋友想食日本野於是就揀咗「火狐爐端燒」。店員推介厚燒玉子於是我們叫了一客。份量都幾大份抵食。蛋味香濃而且有淡淡的炙燒過的味道，味道不錯！串燒我們選了：大啡菇芝士燒呢個配搭幾新鮮。大啡菇很厚身，很重菇菌的味道。芝士炙燒過味道更香。牛舌牛舌處理得不錯沒有酥味。牛舌本身頗厚切的。口感不錯👍。黑豚五花腩五花腩半肥瘦我最鍾意。燒過後更加惹味！另外叫了兩個主食：蟹膏海鮮炒飯材料豐富，有帶子數件和蝦三隻。值得一讚蝦肉很新鮮彈牙，食得出是新鮮蝦。蟹膏味道亦頗突出。飯本身亦炒得乾身，飯粒分明，好好味！日式冷烏冬用的是稻庭烏冬。滑滑的。口感不錯。配上冷麵汁，雖然簡單但不錯吃！此餐廳座位舒適，而且客人不是太多，可以慢慢食慢慢傾，是個不錯的選擇！

今晚荃灣收工有老公接我勁餓隨便在附近搵到間食串燒好呀！最緊要夠快上菜我攰到無力老公點菜吧今晚客人質素好好大家都安靜食飯我真心想靜下厚燒玉子⭐️⭐️⭐️⭐️好香滑又厚身加上蘿蔔蓉更好味！豆腐唐揚⭐️⭐️⭐️⭐️老公至愛都唔明豆腐有咩好味我上世一定係食太多豆腐今世一食就會想嘔但老公話要叫多客痴線😂😂😂😂燒黑豚五花腩⭐️⭐️⭐️⭐️鬆軟但外層爽口有少少黑胡椒夠嘢味燒牛舌⭐️⭐️⭐️⭐️⭐️厚燒係我心頭好我覺得牛舌真係要厚燒先好味架雞軟骨黃金燒⭐️⭐️⭐️⭐️⭐️加上咸蛋、好好味喎超香口！最後蟹膏海鮮炒飯⭐️⭐️⭐️⭐️⭐️有蝦、帶子、尤魚勁重蟹膏味支持下小店店職超有禮貌又細心

今天工作來到荃灣，同事喜歡吃串燒，見到這間「火狐爐端燒」，便毫不猶豫地入去了。餐廳應該是串燒出名，我們點了3樣串燒，有燒牛舌、燒雞軟骨和燒黑豚五花腩。牛舌不太咸，肉質好爽口，好惹味，加兩滴檸檬汁更正。黑豚五花腩，雖然有些肥肉，望落好似好肥膩，但原來燒完後D肥油會出晒來，還很爽口，感覺一D都唔漏。雞軟骨十分有咬口，塗上蛋黃醬更加惹味。厚燒玉子$68玉子燒好滑，有很香的蛋味，配碟邊的白蘿蔔蓉一起吃，一冷一熱，感覺清新。豆腐唐揚$30豆腐外皮炸到脆脆地，再浸入醬油內，上面加有蘿蔔蓉，味道立即豐富起來。蟹膏海鮮炒飯 $98炒飯滲著淡淡的蟹膏味，大蝦很新鮮。不錯

我地點左豆腐唐揚 $30厚燒玉子 $68雞軟骨黃金燒 $25黑豚五花腩 $28牛舌 $40雞翼 $24胡麻秋葵 $32牛油粟米 $20豆腐唐揚 $30外脆內滑，好有層次個汁好香醬油味但唔知面頭紅色幾條係咩厚燒玉子 $68好厚好大塊，夠幾個人分唔知店家用咩蛋，蛋味香濃雞軟骨黃金燒 $25雞軟骨好爽口燒得金黃但唔濃火候掌握得好好黑豚五花腩 $28肉味重，爽口加上黑胡椒，香味提升真係好正牛舌 $40我的至愛，牛味好濃燒得好香，質地好淰同樣加埋黑胡椒，完美！！雞翼 $24很用心先用刀界開，所以裡外都燒得好均勻夠干身，皮夠脆，好好味！胡麻秋葵 $32秋葵膠質好重加上胡麻汁，味道好夾有黏又滑，又香！牛油粟米 $20個粟米好香牛肉味本身個粟米好甜加上火燒，鎖住水份，真係好甜。不錯，好滿意這個晚餐！