火山石石鍋手打烏冬專門店 (已結業)

平時食開既烏冬都係好似自家煮個d咁無咩特別 比我發現呢度既烏冬係手打烏冬佢一出場個湯係仲出緊煙真係好新鮮滾熱呀麵質同普通烏冬好唔同呢個係有種柔軟感仲左個炸鰻魚做配菜呢個又係第一次食幾有趣既煮法！本以為鰻魚會被炸到脆左點知原來唔係！佢只係外面個層脆但係內裡既鰻魚仍然保持肉感幾好 唔錯 回頭率很高

打開Open rice睇，就搵咗呢間 火山石手打烏冬，第一次來，環境裝條簡單，地方不大，座位偏細。我地叫咗 辛辣湯底海鮮烏冬，辛辛湯底黑豚烏冬。辛辣湯底海鮮烏冬，有驚喜，未試過食海鮮烏冬會有蠔，呢間就有一隻蠔，一隻凡立貝，一隻青口，一條蟹柳，一隻蝦，每樣海鮮都算大隻，滿意。湯底辣度適中，好味。烏冬幾彈牙。如果下次再來想試吓咖哩湯底。價錢方面偏貴，仲有加一。

今天中午吃飯時間，當然要去女人街找便宜美食，今天又去我經常光顧的日本餐廳---火山石。星期一至五中午時間有午市定食，包熱飲，都只是$42-45左右，不用加一，不過套餐內沒有石鍋烏冬。我叫了1號餐，咖哩雞排飯，飲熱檸茶。咖哩雞排飯方面，有2塊大大的雞排，雞排是即煎的，而且鮮嫩多汁，雞肉十分滑，而且都算厚身，十分美味！咖哩是日式咖哩，甜甜的完全不辣，和白飯一起吃時十分美味！熱檸茶方面，檸茶完全不會苦和澀，味道不錯。價錢方面，這個咖哩雞排飯$42，又包熱飲，不用加一，十分抵吃！總結來說，這間餐廳的午市套餐十分美味和便宜，可惜只有星期一至五提供這些套餐，星期六中午是沒有的，大家請留意。

之前食過一次覺得好好味，一直想再試，今日經過再試覺得大不如前…應該以後都唔會再黎:-( 叫左個辛辣海鮮烏冬，8十幾蚊，但冇乜料，蝦煮到好老，自己煮都好過佢，烏冬口感普通，湯底求其，所謂辛辣就係放2塊泡菜，仲有味精味，唉！！！！好失望…

火山石由開張到宜家，我諗都食咗幾十次，但寫食哩間食評都係第一次！由以前到宜家，佢啲豚骨湯無以前咁濃。同埋以前食牛肉烏冬係靚牛嚟，唔知係咪成本上漲，所以宜家啲牛肉烏冬啲牛肉差咗好多，變咗普通肥牛，而且肥膏多過肉好多，所以之後都無再食。今日下午茶時段去，抵好多，叫咗個辛辣湯豬軟骨扎肉烏冬，不過佢嚟錯咗豬軟骨芝士腸烏冬，不過費時浪費食物，所以我無換過碗。辛辣湯其實唔辣，只係幫碗烏冬吊下味，惹味啲，而烏冬就因為喺石鍋度不停滾住，所以吸收晒啲辛辣湯味，幾入味，豬軟骨煮得幾腍，作為一個lunch合格有餘，同埋我個人覺得辛辣味湯底好味過豚骨湯。另外，我宜家只會下午茶時段先去食，抵好多。

之前試過夜晚食呢間火山石嘅烏冬，味道幾好但偏貴，知道佢tea幾平幾抵食，今日得閒就黎呢度食tea我地叫左上級牛肉石鍋烏冬 同埋吉列蝦照燒牛肉丼，跟兩杯熱飲，都只係80蚊到先黎個飯，照燒牛肉食落甜甜地，有芝麻係面，配上日式珍珠米，幾有日本和風味道。牛肉唔算太肥，煮得幾入味，而吉列蝦炸得十分脆，皮唔厚，夠哂新鮮，不過得兩隻，唔夠喉幾有日本和風嘅味道個飯本身有塊紫菜，不過一上就比女朋友食左個烏冬用石鍋上，夠哂熱辣辣，黎到仲滾緊，隻蛋同埋牛肉都係由未熟滾到熟，可以因自己口味決定煮到幾熟牛肉帶有筋，唔算好肥，豬骨湯亦十分濃郁，同牛肉好夾 烏冬唔怕煮到林哂，依然彈牙間舖雖然唔大，不過坐得幾舒服，想食又平又好味嘅tea，可以試試

旺角通菜街入面有間石鍋手打烏冬，之前星期日臨住黎試下，點知原來星期日係唔開既，撞左板添，呢日收工就即刻黎食啦海鮮石鍋手打烏冬 - 豚骨湯，上一枱啲湯真係滾熱辣，仲有泡泡滾緊，所以石鍋絕對燒得夠熱無呃人!面頭大大隻帶子十分鮮甜，青口亦都無渣夠淋身，每食兩條烏冬就飲啖豚骨湯，係就係好熱不過啖湯真係好足味，絕對唔係味精可以做到既!! 點精之處係啲湯入面加左粟米，所以食起上黎會多左陣甜味。食曬食碗烏冬後個石鍋都仲係幾熱，當然要飲到D湯一滴不漏啦!!

今日12度 凍凍地嘅天氣之下 豬先生同豬小姐因為有野做要出旺角 所以去左久違嘅女人街 做完哂所有野已經九點幾啦 肚仔餓了 就係其中一條巷仔搵下有咩食啦 其中一間望上去氣氛唔錯 主打係食手打烏冬嘅 岩哂豬先生口味 所以諗都無諗就入去試一試啦 ''火山石''入到去客人數目唔算少 店鋪間隔係實用嘅長方形 以黑色同木色作為主調 牆上仲擺左好多不倒翁同招財貓嘅擺設 好可愛呢 燈光偏暗 感覺都幾舒服 唯一可以改善嘅係枱與枱之間嘅距離太近 唔會有太多私人空間係時候坐定定睇下食嘜好 果然餐牌上嘅食物都以手打烏冬擔大旗 每一款食物都會有圖片等我地參考個賣相如何嘅 而且中英日文齊哂 湯底有五款 木魚昆布 蕃茄 咖哩 辛辣同豚骨比大家選擇豬先生最愛嘅就係蕃茄湯底 所以揀左個石燒蕃茄濃湯海鮮手打烏冬嘆一嘆 而豬小姐就叫左個石燒安格斯牛肉手打烏冬配豚骨湯底 睇下個湯底濃唔濃正唔正先話咁快唔洗十分鐘 兩碗熱辣辣嘅手打烏冬先後出場 兩碗同樣用上石鍋去盛載食物 未食已經感受到佢地嘅熱力紅卜卜嘅石燒蕃茄濃湯海鮮手打烏冬 我地慣常未食烏冬前會先飲一啖個湯 蕃茄香香氣撲鼻 相當濃烈 好杰身 湯底應該加入左蕃茄蓉去煮 味道一

行左旺角甘多年街，都吾識呢間，如果吾系朋友介紹，都無機會食到hey 呢一日都好凍嫁，甘朋友就提議食烏冬啦，熱la la ，一個字，正哈哈，當我入到去，其實我撞到兩個好朋友，實在，太開心啦！一來，因為同佢地太耐無見，出到來社會，真心好少時間見面。 二來，證明呢間野真係吾錯先有同共朋友欣賞。甘我就叫左一個雞扒烏冬啦味道吾錯，烏冬有口感彈性，真係幾好味嫁hey跟住仲叫左個炸蠔！嘩，真心好味！因為佢吾油，更重要既係佢吾腥啊！仲好有口感TIM ！好脆

同朋友誤打唔撞行左入呢餐廳午市都幾多人 幾乎坐滿嗌左一鰻魚石頭飯同埋石頭鍋牛肉烏冬鰻魚石頭鍋飯太好食唔記得左影相哈哈個烏冬見到佢啲湯仲係滾緊 熱辣辣好好食估唔到亂行都有好嘢食 推介推介

有日放假同朋友去旺角行街，肚餓需要醫肚，諗唔到食咩，決定行入女人街搵食。朋友介紹左呢間食店，話兩年前食過好好味，而且星期日休息，好難得有機會出嚟食到佢。所以帶左我嚟呢度品嚐一下。我地分別叫左兩個餐，我叫左厚切豚肉烏冬，要左咖哩湯底（$68）。朋友點左份芝麻豬扒烏冬，要左豬骨湯底（$88）。咖哩湯底幾好味，口感好creamy，日式咖哩口味。烏冬彈牙，沾上咖哩湯底食都唔錯，連湯飲，味道更濃郁。朋友試左啖咖哩湯底，發覺原來幾好食，仲話要多幾啖食下不過佢話而家口味比起兩年前遜色，無以前咁好味。我覺得不過不失，但唔會特別想食第二次

以前黎親食石鍋烏冬, 起碼都等成30分鐘先入到去, 仲要再等佢地出貨又要20分鐘等果個鍋滾完到食得又要5分鐘, 其實要成粒鐘先可以有野落肚今日又再黎過, 終於唔使等咁耐, 好快有位, 你知啦, 係女人街旁邊等位真係好鬼辛苦, 又焗又熱又多人行過!叫左個豬骨湯底, 一上黎熱辣辣, 滾到起晒泡,都係要等一陣先食, 隻蛋就被佢滾到熟晒, 10成熟唔係太正, 個湯底唔夠拉麵舖咁濃厚, 但就勝在一路都熱住, 唔怕佢會放涼, 而且豬骨香味都係度,烏冬同肉都夠彈牙, 都係幾好食既!

上完日文班, 大概8點半左右, 小妹很喜歡去女人街這邊吃飯, 有時同學仔也會一起來, 大家都在討論剛剛上日文的細節, 很是高興呢, 而且時間比較晚, 所以不用等太久, 今晚又去了火山石, 超快有位今晚比較穩打穩紮, 叫了一個豚肉手打烏冬, 一上桌就看見蒸氣熱騰騰, 裡面的熱湯還在翻滾, 而且湯底的香氣不停向我撲過來, 忍不住了!因為湯底跟碗碗太熱, 大家吃的時候要小心點呀! 烏冬雖然在熱湯中, 但依然很彈牙有咬口, 厚切豚肉真的很夠厚度, 味道有夠香的, 豚骨湯底跟拉麵的比較有點失色, 而且比較稀, 但味道都不錯呀, 不會太淡像中式老火湯!

突然間想食手打烏冬，所以收工就約埋我男朋友去食啦，上openrice睇到食評都吾錯，所以就試下依間，黎到發現間鋪吾大，環境都幾逼，侍應係隔離行黎行去，我都好驚佢會撞到我，叫左個辛辣牛肉手打烏冬，用石鍋上，所以好夠熱，上枱個時仲好多氣泡滾緊， 手打烏冬好好食，好滑，煮得岩岩好，吾會太林或太硬，辣湯好多油，吾算太辣整體黎講好滿意，好食

星期五放工約左朋友出街食飯，本來是吃另一家餐廰，但實在太多人了，所以我們轉到這家位於女人街的火山石石鍋手打烏冬。剛好不太多人一到就可以入座，但座位空間很小所以不太舒服，如果手上拿着很多東西就真的非常不放便。這家餐廰是朋友介紹的，因為我們都很喜歡吃手打烏冬。朋友叫了一個豚肉手打烏冬，湯底清清地但又有些味道，烏冬又非常彈牙，很好吃。我就叫了一個蕃茄湯雞扒手打烏冬，彈牙的手打烏冬加上非常濃的蕃茄湯真的好好味，加上雞扒是另外上的，不會令蕃茄湯都沖沒了雞扒上的醬汁。另外叫了小食煙肉卷，是將煙肉包着小蕃茄來燒的，外面煙煙韌韌內裡一咬滿是小蕃茄汁，很特別很好味。