火五越式牛肉粉專門店 (其昌樓)

营业中

休息中

🛺佐敦越南河粉有一日心血來潮，好想食越南🇻🇳菜，知道佐敦有間越南餐廳，就決定去會一會佢，滿足小編突如其來嘅異國食慾😂。店子裝橫親切，沒有拘束嘅感覺，店員也年輕有活力💪🏼！看看餐牌，最後選擇了……🟢火五火車頭牛肉檬粉 HKD$62去食越南河，識食一定要食火車頭😎！大大碗有齊晒所有食材🥗，唔想諗首選😘！食材入面最正嘅首推和牛牛丸😍！彈牙又Juicy😚！二號佳麗會選擇札肉。小編本身對札肉不大有好感🥲，但這店的札肉夠肉味，仲有好香胡椒香，正😋！整體唔錯😙！🟠香茅豬頸肉油香飯 HKD$58豬頸肉🐷份量多，肉質爽脆彈牙😙！油香飯金黃色，配合埋炸蒜勁好味😋！配菜用上青木瓜絲，夠晒越南味😆！🟢香草大蝦青木瓜沙律 HKD$52海量🌊青木瓜沙律，配合酥炸大蝦🍤！大蝦鮮甜，好快就食晒😂，唔多夠喉😭！🟡凍越南三色冰 HKD$19獨立外賣包裝，方便☺️！三色冰好香椰奶味，入面好似啫喱果啲都好好食😙！🔵凍咸檸雪碧 HKD$19坊間少有，咸檸與汽水真係絕配🥰！無得輸！🛺：火五越式牛肉粉專門店🏡：佐敦白加士街55號地下

今日我去佐敦outlet買衫，行到好攰就求其搵咗間餐廳坐低食嘢，估唔到幾有驚喜。我上網睇佢最出名係食火車頭，但係我又唔想食牛，所以我叫咗個越式鹹菜腐竹胡椒豬肚湯河。話佢一嚟到勁大兜，又好足料！佢個湯底胡椒味重，豬肚同河粉都幾爽口，因為有鹹菜所以幾有鹹香味！小食我叫咗個意大利黑醋汁蒜蓉牛油雞翼，因為上網見好多人都推薦，我覺得佢個黑醋汁係幾重，但係牛油味唔夠重，因為本身上嚟食牛油雞翼，所以無想像中咁重牛油，但係個皮幾脆而且肉都幾厚身！越南咖啡都好有驚喜，其實就係咖啡加牛奶加冰，飲起黎有兩個個層次，開頭係飲到烘焙味，跟住就飲到奶味！

#越式eatcovery #佐敦eatcovery💡抵食又大碗之越南野火五近年愈開愈多分店，而今次就選左係白加士街既分店試下。店鋪雖然唔係好大，但環境舒適，最緊要係美食嘅選擇種類有好多，包有一款岩你口味😋🍽 火五火車頭牛肉粉配料非常多，有生牛肉、熟牛肉、和牛牛丸、牛腩同扎肉！生熟牛肉都有兩至三舊，非常足料。小編特別推介和牛牛丸，juicy得黎好鮮味！湯底用咗牛骨同16種香料低溫煲煮超過8個鐘而成，飲落清甜得嚟又啲香料味，唔會好咸。另外，小店好細心將芽菜青檸辣椒分開上，可以因應自己口味決定🥰🍽 香茅美國黑毛豬扒撈檬黑毛豬份量十足，豬扒烤焗得外脆內嫩，唔會太過乾身。黑毛豬肉味同香茅味香濃，正！枱面仲有一大枝甜酸汁，可以自行加辣椒汁，酸酸辣辣，好開胃！仲有青瓜同紅蘿蔔絲，增加口感！🤣🍽 火五特式鳳爪鳳爪已經去曬骨，啖啖肉，超正🥰 而且醋味足夠，酸微微好開胃！仲有青木瓜絲伴碟無骨，鍾意食泰菜嘅朋友仔真係唔可以錯過！🍽 香草大蝦鮮木瓜沙律青木瓜絲好新鮮，食落好fresh！大蝦共有四隻🦐🦐 夠大隻，唔會霉。外層炸得脆卜卜，咬落好酥軟。重口味人士可以加少少撈檬酸汁，食落更開胃！ps/湯河或者撈麵都可

良美小姐好鍾意食越南粉，貪佢大件夾抵食，平平哋已經可以食到飽，佢屋企附近就有間快靚正的火五越式牛肉粉專門店，長期門口都企滿人。環境衛生清潔，裝修簡潔明亮，店員服務快捷細心。火五火車頭牛肉粉 $62我鍾意食佢嘅牛肉粉，火車頭牛肉粉一碗有齊我鍾意食嘅牛部位，改湯檬粉更加幼滑，湯汁濃郁。最推介就係湯底飲多幾啖都唔會口乾，好正應該冇味精！牛骨湯鮮甜，檬粉吸湯，個人推介的招牌菜！賣相吸引，生熟牛肉、 和牛牛丸、 扎肉，大大碗完全滿足晒大胃王嘅需要。熟牛肉口感似牛腩，牛味濃。生牛肉入口軟嫩順滑，香軟厚切口感好。和牛牛丸好味爆汁，入口大大粒有咬口，非常彈牙，爽口有牛味。而扎肉更加係好有越南風味。越式魚翅花膠雞湯河 $59冇花冇假真係有魚翅、厚切花膠、雞湯，朋友唔食牛，呢個花膠雞就啱晒佢啦！滋陰補腎，連啲湯都飲埋，雞肉嫩滑多汁，一啖接一啖咁好快食晒！手作扎肉米紙卷 $32食越南野又點可以冇 ricepaper?! 而且精華就在醬汁，酸酸甜甜好開胃。香茅雞翼 $22雞翼控最喜歡香茅雞翼夠晒惹味，外脆內嫩，入口多汁。凍越南三式冰 $19最後飲返杯凍越南三式冰，椰汁味香，夏天飲真係好爽！

今日路經佐敦突然想食越南粉，行到白加士街見到間火五越式牛肉粉專門店，見到咁啱有位就入去。店裡唔係好大，但竟然有廁所，值得一讚，店裡冷氣都OK，怕熱嘅我都可以唔使開手提風扇。呢度有河粉/檬粉丶撈檬丶越式油香飯、小食，木瓜沙律、米紙卷、仲有啲越式飲品選擇。我哋點咗火五火車頭牛肉粉 $62有生牛肉、牛筋、牛腩、牛丸、札肉等，河粉都幾大碗 (芽菜丶九層塔會另外上，唔鍾意嘅可以唔落) 都幾貼心。牛丸仲係我鍾意食嘅濃汁牛肉😍 正呀炸軟殼蟹撈檬 $68軟殼蟹都炸得幾脆，配上青瓜絲、蘿蔔絲加埋配撈檬酸酸地嘅汁，夏天食會特別零舍開胃，都係幾大碗。香茅雞翼(四件) $22雞翼都OK 嘅，覺得都幾抵食。越式炸蝦春卷 $28春卷都炸得幾香脆。越南三式冰 $19 (跟午餐只加 $10)三式其實我都唔式只知有椰奶，蒟蒻咁，椰奶唔會好甜，啱晒鍾意飲少甜嘅我。凍越式香滑濃咖啡 $19 (跟午餐只加 $10)咖啡味濃，鍾意濃咖啡就啱整體都唔錯，大家都食到好飽😂

呢日同朋友去左佐敦呢間越南餐廳食dinner。打開餐牌，見到有好多選擇，包括檬粉、河粉、米紙卷、唔同既小食等，我地都好鍾意食檬粉，所以就點左兩碗檬粉。首先係香茅美國黑毛豬扒撈檬，豬扒燒得幾香，檬粉好大碗，夠哂飽！食檬粉要瘋狂落撈檬汁，酸酸甜甜，超開胃！朋友就點左香草大蝦春卷撈檬，有成4條春卷同埋幾隻炸大蝦，蝦肉外脆內嫩，正！小食方面，我地點左榴槤炸彈，聽個名都覺得勁啊，可惜我就唔食榴槤既，淨係可以睇住朋友食得好滋味咁，榴槤fans唔可以錯過啊！

夜媽媽想食麵又唔想食湯麵到成身汗，撈麵是無敵。 個腦叮🔔一聲出現撈檬一碗，口水都流埋，坐言起行，即刻去食₍₍ (ง •ᴗ• )ว‪ ⁾⁾‬。🇻🇳炸軟殼蟹撈檬 $68呀蟹外皮酥脆，非常香口；檬粉爽滑，掛汁一流但略碎，不過有大量蘿蔔青瓜絲搭救，爽脆又健康，加埋魚露撈埋就係夏日嘅清新好滋味。ps有得免費多檬（留意返佢本身已經超大碗）🇻🇳法式咖哩豬頸肉撈檬 $58第一次試咖哩撈檬，唔知咩玩法，左望右望碗嘢都唔知法式喺邊。好彩啲咖哩汁濃厚，偏甜唔辣，超惹味；豬頸肉肥瘦均勻，份量十足，係略嫌汁唔夠多，食到最後有啲乾。🇻🇳香茅雞翼 $22好濃嘅香茅味，雞翼煎得外脆內軟，面頭仲有炸洋蔥炸蒜頭，口感level 🆙。🇻🇳手作大蝦米紙卷 $38米紙卷漲卜卜好大嚿，入面有大量粉絲同菜，爽口，點埋酸甜嘅汁就更開胃了。

黎到佐敦食咩好, 去到澳牛附近見到呢間搶眼既越南野, 門口等外賣既人龍都好多, 等位等左15分鐘終於入到!除左PHO之外, 仲有好多選擇, 媽咪揀左鰻魚飯~PHO我揀左火車頭, 因為咩都有, 有牛丸/ 生牛/熟牛/牛肋條等等, 都係62蚊~點知黎到係勁大碗! 我覺得兩個人都夠食!材料新料, 牛肉淋滑, 尢其粒牛丸好彈牙好好食! PHO既質地都好好, 唔會好淋! 好吃!媽咪話鰻魚飯都好食, 鰻魚好大件!!!同埋份量都好多!因為天氣熱所以叫多左個米紙卷, 配埋酸辣汁好開胃, 唔錯唔錯!抵食!

成日覺得香港唔算多越南野食，今日收工喺佐敦附近搵到呢間好多人讚嘅餐廳，就嚟試吓。我哋兩個人叫咗一個火車頭，一個咖喱牛肋撈檬，一個雞翼，春卷，同兩杯嘢飲。啲嘢好快嚟到，火車頭冇乜特別，正常味道。但個撈檬就岀事，雖然話係咖喱牛肋，但係啲牛肋同牛筋係完全唔入味，好似只係白烚再加啲咖哩汁撈咁，同埋啲筋好多毛，唔係好開胃，真係好麻麻。另外春卷普通，得好少餡，雞翼算係全餐最好食。總括嚟講食物唔貴，但質素都唔太好，就算下次喺附近都會寧願揀其他餐廳食。

隔离期间用外賣平台点外卖点到了这家店，因为点的外卖，不知道店里环境还有服务。为了凑够起送，点了牛肉粉和鸡翅，对一个女生来说，这两样想要吃饱没什么问题，花了六十多港币，火五生牛肉粉里有很多牛肉，说真的拍照时没发现，吃的时候才发现，鸡翅是煎的，味道还不错。

店舖位置方便，地鐵站行過去只要兩分鐘！餐廳環境乾淨企理，但坐位唔多，但見到餐廳有好夠人叫外賣🤔.餐廳仲有水杯俾你自助斟水.📌火五火車頭牛肉粉$62成碗牛肉粉望落好似唔多，但食落勁大碗，一個人真係未必食得哂！面頭舖左啲洋葱同葱花調味，我再擠啲青檸汁，同倒啲辣椒同芽菜落湯度浸到出味！牛骨湯底濃郁鮮甜，清而不濁，河粉夠爽滑，有米香！配料有和牛牛丸: 多汁彈牙，咬落會爆油香汁，牛味好濃; 熟牛肉係指牛坑腩，食落軟腍，帶少少羶香; 但生牛肉上枱已經變埋熟牛肉lu🤣，但有牛味; 扎肉爽口！仲有兩舊牛筋，好軟淋，好充滿骨膠原既感覺！.📌法式咖喱牛肋油香飯$58咖喱汁係用蕃茄同洋蔥煲到溶哂既法式咖喱，再加入牛肋條炆，所以夠哂淋又入味，咖哩濃厚，個味好特別，唔辣！.📌香茅雞翼$22好濃香茅味，煎得幾香脆，面頭撒左啲葱油同炸蒜！.📌手作扎肉米紙卷$32一份有四件，件件都好飽滿，米紙卷外皮唔會太厚，入面有好多青瓜絲，甘荀絲、生菜同扎肉，成件食好有口感！.📌凍咸檸梳打 $19咸檸已經攪碎哂，啖啖都飲到咸檸肉，酸酸甜甜，好fresh，好方便飲！.總括嚟緊，店員服務態度幾好，可以一試佢哋既火五火車頭牛肉粉！.==

好耐冇食過越南嘢，咁啱經過呢度見到門口有好多人等緊外賣，超多人食，梗係要試一試🤗火五火車頭牛肉粉碗粉一嚟到我哋忍唔住”嘩”咗一聲🤭估唔到有咁大碗😳火車頭配料豐富有生熟牛肉、和牛牛丸、扎肉同牛筋，河粉口感好滑溜，生牛肉嫩滑，熟牛肉係牛坑腩，估唔到咁軟腍👍🏻好食😋和牛牛丸彈牙香茅美國黑毛豬扒撈檬朋友就叫咗撈檬，份量都好多，檬粉彈牙爽口，加埋佢嘅酸汁好好味！豬扒幾厚身，又唔會好乾D24榴槤炸彈💣即叫即炸，好香榴槤味，一咬落去滿口榴槤，超正🤤荔枝梳打 青檸梳打 梳打夠冰凍，大熱天飲返杯消暑又解渴價錢親民，CP值高仲要啲staff好nice💕

-🔸蠔油唐生菜 $19🔸蒜蓉牛油蝦球 $48🔸香茅美國黑毛豬扒 $42🔸火五火車頭牛肉湯檬 $62-依間越南餐廳我成日都食，貪佢平民價錢，又快靚正。兩個人食一個湯粉再加幾款小食，都係幾十蚊，外賣返屋企睇住電視慢慢歎。火車頭牛肉湯檬有齊生牛肉、熟牛肉、扎肉，仲有超juicy爆晒汁吧和牛牛丸，湯底濃郁加少少辣椒粒同幾滴青檸汁，好好味。黑毛豬扒比較乾身，但有好香嘅香茅味。仲有推介蒜蓉牛油蝦球，好香蒜蓉味，蝦球炸咗仍然大大隻，炸衣亦唔厚，好正呢！

越南生牛肉湯河一直都係我好鍾意食嘅嘢! 因為夠曬健康低卡又好食! 今次去咗佐敦嘅呢間越式餐廳～見佢寫住係越式牛肉粉專門店～就試試佢！睇佢menu覺得個價錢好親民～午餐重有得半價加配嘢飲💛如果唔太餓，等到2點半食下午茶就更抵🤣※火五火車頭牛肉粉 $62全部湯粉都可以揀河粉/檬粉，呢個我哋就揀咗河粉～火車頭有好多款配料～有生牛肉、熟牛肉、和牛牛丸&扎肉💛湯底好香濃，配料嘅份量都好夠～特別一提～粒和牛牛丸好好食！彈牙得嚟又好juicy🤤※ 生牛肉湯檬 $42每次食親越南湯粉都一定會叫生牛肉湯檬！因為用嘅係薄切瘦牛肉片～而越式湯河/檬粉都相對其他粉麵低卡💛（越式河粉唔同港式河粉㗎～）呢個價錢有咁大碗粉～重要有咁多片牛肉～真心抵🥰※ 手作大蝦米紙卷 $38好大舊啊～米紙卷夠曬煙韌～無一夾就散開曬嘅問題🤣入面包住大蝦、檬粉絲、青瓜絲&生菜～點埋魚露酸辣汁食好ok💛※ 越式炸蝦春卷 $28好鍾意佢配埋生菜🥬我鍾意點魚露酸辣汁再包住菜咁食～感覺無咁油膩又好食💛※ (左)凍越式香滑濃咖啡 $19Lunch時段+$10 就可以飲到喇🥰越南啡不嬲都好甜，所以落單就寫住要少甜🤣出到嚟味道啱啱好～唔會太甜～咖啡

👍🏻和牛牛丸生牛肉粉 $52和牛牛丸爆哂汁！咬落有脂肪粒，牛味好濃🤪生牛肉薄切，味道正常無騷味，生熟程度啱啱好！牛骨湯底清香，唔會太油，灑上黑椒粒再配埋辣椒同青檸好開胃😛檬粉口感偏腍身，吸湯整體份量好大碗！牛丸3粒，牛肉都有4-5塊👍🏻味道：7/10性價比：8/10-👌🏻火車頭牛肉粉 $62配料有生熟牛肉、牛腩、牛丸同扎肉，好豐富😆牛腩大大舊，幾入味，肉質偏瘦扎肉味道正正常常，偏薄口感一般河粉份量都算多！男仔食都夠哂飽😋味道：7/10性價比：6/10-👍🏻手作大蝦米紙卷 $38/4舊米紙卷好多餡！好飽滿幾抵食🤣大蝦肉質唔霉，外皮口感煙煙韌韌，厚薄適中中間放左啲炸蒜，食落都幾香口👍🏻可以點枱面上既越式辣醬或海鮮醬，會仲好味😜味道：7/10性價比：7/10-👍🏻香茅雞翼 $22/4隻雞翼香茅味醃得入味👍🏻加埋鋪上面既蔥油同炸蒜，幾惹味😆味道：7/10性價比：7/10-📍 #火五越式牛肉粉專門店佐敦白加士街55號其昌樓地舖