灣景餐廳

营业中

休息中

今次黎ocean park 試左依間灣景餐廳嘅午餐💞有驚喜嘅係間餐廳可以望住海景食，環境都幾舒服😌服務態度同午餐質素都唔錯👍🏻大家去Ocean Park 想舒服休息下食個 Lunch 都可以去依到，午餐選擇嘅種類都算多

今日男朋友生日，同佢一齊請假去海洋公園玩，佢生日免費入場，我就早前買左港人優惠$198既門票。可惜天氣唔好，中午開始落雨，個個都去餐廳食飯避雨，我地攞左飛都等左一個鐘，好彩有個app可以睇派到幾號飛，可以周圍行下，但因為太肚餓，係小食亭買左司華力腸配樽裝zero，買一送一。差唔多兩點先有位，依家到六月尾只要打左一針疫苗就享有灣景餐廳主菜買一送一既優惠，小食亭亦係優惠之一。我地叫左印度咖哩雞配絲苗白飯同西西里鮮蝦番茄意粉。兩款都味道正常，份量取勝，正價就太貴。男朋友覺得咖哩雞唔錯，好過意粉，只係唔熱。意粉即整所以熱辣辣，可以自己加芝士粉。

間餐廳個環境好靚，基本上係對住個無敵大海景食，只係百幾蚊嗰餐，年卡仲要有折扣優惠，不過餐廳內部個設計就好一般，非常簡陋。最好用app拎定飛，雖然餐廳好大，但係唔多枱，通常好多人食，排好耐。入到餐廳係自己行去買嘢食，跟住拎返埋位。叫咗個牛腩飯，份量都OK，個醬汁一啲都唔馬虎，牛腩炆得好琳好入味，有牛味，值得推介，飯量都好多，材料好足夠。兒童餐賣相都好靚，有好多唔同嘅食物，有炸雞、蕃茄腸、薯條、雞肉意粉、啫喱等，之後仲可以有一個雪糕。咁多香口野小朋友一定好喜歡。

去海洋公園，我個人喜歡這家最古老的灣景餐廳，可能由細到大我都係是在這家餐廳食飯。今次點咗西西里鮮蝦蕃茄意粉。加配雪糕及水都係$162。食客可以選擇坐係對吊車的景位或南中國海的景位。個意粉好重鮮蕃茄醬。意粉好彈牙。個鮮蝦好新鮮，肉質鮮甜。個哈根打斯雪糕好軟身好好味。對住個靚景尋回舊風味。

去玩，去癲，嚟ocean park,今日一早10點幾入場，玩機動遊戲嗰邊先，所以我玩完就係嗰邊搵餐廳，都好似得兩間選擇。最後揀左灣景餐廳，簡單西餐又可以用埋個生日coupon。今日去因為係平日，所以食客不算太多，餐廳風景正㗎，因為係海景。午餐就叫左一個三文魚飯，另外叫左個咖哩雞飯。其中一個餐就加左＄30，有汽水雪糕。本身諗住園區啲餐一定難食，但食落都唔算太差嘅。個咖哩雞好就好在無骨，個咖哩汁都幾印度風味，正。

今次來到海洋公園吃個午餐，能選擇既餐廳唔多，於是我們就來到這裡，隨心。這間餐廳環境唔錯，有海景，但人比較多，十分嘈雜，等位時間長，而且食物要自己出去拎，像快餐店一樣，比錢都要等一大輪時間。我們4人點了4份餐。台灣牛肉麵，煙三文魚沙律，吉列豬扒飯，鮮茄大蝦意粉。全部野食味道都普普通通，都是一早煮定。黎呢度主要是朋友開心玩，傾傾計，睇下風景，食物就算吧。連埋野飲，雪糕，人均約$150，在樂園內算係咁。

星期日放假，諗住休閒地去返海洋公園行返兩鑽，當做下運動啦。當然，行到身水身汗又攰的時候，我們的五臟廟都開始投訴了😂😂😂海洋公園咁大，當然搵就近嘅地方食嘢啦，唔想浪費太多時間，又要行勁多路。因為海洋公園都好大吓，如果要搵其他餐廳，最少行上15至20分鐘。我就諗住近近地喺灣景餐廳食個下午茶算了淨係睇賣相都好吸引了成個雪山咁大碗飯🤣多到滿寫嘅咖喱雞😋😋😋超級吸引咖喱雞肌肉都算嫩滑，而我最鍾意嘅就係佢嘅咖喱汁，好香嘅咖喱味同埋辣度都好啱我，我估呢個辣度應該係中辣如果鍾意食辣嘅朋友仔，可以兩個人share一碟，兩個人食一個餐啱啱好👍點解我會嗌兒童套餐，因為我帶埋小朋友一齊去海洋公園囉😂😂😂小朋友揀嚟揀去，最終都係會揀返兒童餐食。可能係小朋友嘅試過入邊，兒童套餐會吸引啲。又有麥樂雞、又有薯條、又有腸仔、仲有可以食到飽飽肚嘅意粉🍝我估呢啲都係小朋友嘅至愛至於味道，應該都係正正常常嘅普通薯條、腸仔、麥樂雞本人冇食過，只係見到小朋友食到非常開心😃不過最開心嘅都係，唔使排隊，又唔使同人爭位，可以喺舒舒服服嘅無敵大海景餐廳食飯。最緊要可以比隻腳休息吓。淨係食個景已經賺返了🤣🤣🤣

今日係疫情以來海洋公園開返嘅第一日，我都怕餐廳限制人流，所以12:00 就上咗山等位，黎到已經見到有兩三位客等緊，我地等咗15-20分鐘就入得，枱與枱之間好寛闊。坐低後，叫左兩個set ，本身個set 包一個雪糕，但只有雲呢拿味。我哋叫左印度咖哩雞飯+薄餅，對於唔係好食得辣嘅我，完全係辣到投降，雞本身是走皮的，但仍算juice 👍🏻薄餅ok 又一個係雜菜牛腩飯，我特別喜歡，牛腩好冧，好入味，好好食，雜菜嘅種類都唔hea，煮得好甜。疫情嘅關係，可樂跟正價餐有$25優惠價，但我用全年入場證，本身全單已經有七折，所以用唔到。

#小秘書 呢個weekend過得好充實，除咗梗定嘅 #游水堂，#星期日 嘅 #早上 我參加咗個 #CharityWalk，感恩天氣唔錯☀️ 順利12點鬆啲就完成✌🏻 同朋友坐抵飲杯嘢，我就離隊，進行我 #快閃 #海洋公園 之旅🤣#朋友仔 一早就到齊，仲已經玩咗啲遊戲換咗成袋 #公仔😏 一場嚟到梗係要玩下啲至激嘅機動遊戲先至有feel🤪 不過周圍都係人龍，就係為咗呢個360度反轉又反轉嘅遊戲😝 最終又搞到成四點先食lunch🍚 因為 #朋友 怕熱，極力要求要搵個有冷氣嘅餐廳，#小秘書 歷史性第一次幫襯園內嘅The Bayview Restaurant 灣景餐廳 ... 遠望360度嘅海景+欖車又真係幾靚嘅，不過裝修就古老咗啲啦。但係呢個都唔係重點，我肉痛比$198食 #碟頭飯，#牛腩飯 嘅味道都還可以，起碼啲汁甜甜地都可以撈吓飯😏 但係碟 #炸魚薯條 真係唔多掂，淋謝謝嘅炸漿配上毫無味道嘅魚塊🐟 接近$500埋單真係唔知食咗啲咩... 都係食碗 #雲吞麵 先啱 #草根 嘅我😝

入到海洋公園開開心心玩一日，晚飯可以出返市區食，但午飯都基本上冇咩選擇只能夠喺海洋公園園區內嘅餐廳揀🤧海洋公園內嘅嘢出曬名貴，買枝水都貴過出面。我哋嚟到呢間灣景餐廳，景色唔錯，排隊用半自助式嘅方法叫嘢食，我就揀咗一碟牛腩飯，價錢破百，都令人感到相當肉赤😢不過，反而有驚喜喎，牛腩飯嘅配菜非常新鮮，一d都唔會乾/柴，而牛腩更加係非常肥美，汁料亦都調味適宜，雖然呢一碗飯都算幾貴，但喺海洋公園玩咗半日都幾攰，嚟到望住個景，嘆住冷氣食一碗美味嘅牛腩飯，當堂都覺得條數又抵返啦👍🏻

炎炎夏日到海洋公園還是很熱，到處都是人，沒有正常吃飯時間，因為我們下午2點才找吃的，仍然到處爆滿。這灣景餐廳在纜車站下，找了好一陣才找到，然後極速找位置，有點像小時候去酒樓一樣。幸運的讓我們找到個能望海，又望到纜車的位置。再去排隊買吃的時候，那人龍真的嚇一跳。這餐廳有別於一般先點後取的模式，長長的人龍其實是沿食物吧上前行，看到適的食物就拿，有點像自助餐。開始是沙律，然後到主餐，主餐是要點的，點了牛腩飯，分量也很多，很符合今天的消耗量。之後可選甜品和飲品，由於套餐有送haagen dazs雪糕，就不點甜品了。一個午餐195元，沒包飲品，還好分量是足夠的，玩夠了晚上再吃好的。

黎海洋公園同家人慶祝生日，黎得玩一日一定要係園內食午餐。可怕已經book唔到幾間靚餐廳，最後就去工聯會買餐券，每張百零蚊包一個午餐連飲品，將午餐消費設封頂價。近近地就揀左纜車山頂站附近嘅呢間，貪佢可以預先訂位。景，的確係靚嘅，全海景。座位都算闊落， 呢間餐廳係自助式，自己出去拎野食。睇睇餐單，每款都近＄200。焗三文魚配香草忌廉汁飯  吉列豬扒配蕃茄醬飯  柱候牛腩飯  印度咖哩雞配油酥餅  咁多款都係茶餐廳質素，非常極之十分普通。如果開價近二百，係肯定唔會入黎食。黎到主題樂園預左食野一定貴，幸好有餐券百零蚊封頂，包飲品，叫左心理上好過一啲。仲可以係冷氣下邊食邊歎海景，感覺上舒服少少。

同媽去海洋公園，搵間相對坐得舒服的地方比佢老人家食餐好的休息下。依間個景好正，對正個海。餐廳以自助形成運作，食物都算夠熱，味道同平時的差唔多，但價錢每個餐成$180個，真係好貴。好彩係尖沙咀間旅行社買左餐卷，平左近一半，否則真係痛到呢。。。

有年票之後，基本每個月都會入去海洋公園食Lunch或Tea，1至2次的。但係一直都冇去過海灣餐廳，事關一直都聽說不好吃，就一直都冇去。今次係年票到期前最後一次入海洋公園，又見佢有個新既Tea Set，個樣幾靚，就諗住都最後一次囉，去試下啦。講真，真係如果有下次，都唔會再去囉，一來環境真係十分之麻麻，以為係餐廳，點知原來似快餐店多D囉。冇服務，環境又唔係十分之好，咁岩我地去果時重要封晒個海景，睇住幾塊板，真係撞鬼。重要周圍都好多人既情況下，依間餐廳係九成位都冇人坐。咖哩都幾辣，但係都OK，唔係真係傳聞中咁難食。意粉冇味，炸雞粒冇味，最好食係果幾條腸仔同薯條。下午茶Set，就係為左依盆野黎海灣餐廳。講真，依盆野都幾好味，同係幾得意。不過就真係貴左少少囉。價錢大約158左右就會應該值D，依家要198就真係冇下次啦。好彩個下午茶Set，依家Free upgrade送2支果汁，咁2支果汁都值番D既。講真，環境又凍又熱，又冇人氣。坐又唔舒服。真係試過又算。佢都係咁貴我情願去番海龍皇餐廳，起碼有個大魚缸睇下，又有服務生服務下丫，係海灣餐廳，要自己拎野。Order食物時果D職員十問九唔應，好似唔想做咁

因為公司有免費入場門票而且仲包一餐午餐本來黎呢間諗住邊睇風景邊食晏點知裝修咩都冇得睇所以都有啲失望我見平均一個餐都$150起所以如果吾係免費我應該只會食小食亭既炸雞🍗薯條🍟我地叫左咖哩雞餐忌廉湯係正正常常既罐頭湯🥫咖哩雞入面真係淨係得雞連薯仔都冇舊而且食既時候都食到雞既雪藏味因為我係好怕雞既雪藏味所以比較敏感另外食左柱候牛南食不過都係茶餐廳質素冇咩特別所以整體黎講好似學校canteen我都只係會比合格因為其實吾算難食但一定稱不上好食不過黎海洋公園其實食物都係其次玩得開心先至係重點