灑家粥麵 (已結業)

小妹睇過一本廣州的旅遊書介紹無米粥粥底火鍋, 內裡描述用粥水包著火鍋配料例如肉類和魚貝類, 令其肉質維持鮮嫩, 燙得過久肉質也不會老, 而且清爽不上火, 最後還可以把粥水連同配料之精華一飲而盡, 描述得令人垂涎三尺, 使我一直很恨食粥底火鍋.惟在香港一直很難找到吃粥底火鍋的餐廳, 適逢看到apm灑家新推出粥底火鍋團購餐($128 兩人份), 便隨即下手了! “湯底”來了, 怎麼是水還水, 米還米似的? 比較像潮州粥, (之前在灑家吃過牛肉粥, 明明是又黏稠又濃郁的!) 這個一點兒黏稠性也沒有, 又怎會有上述浸潤食物的效果? 再呷一口湯底, 失望至極, 除了有一丁點兒味精的味道, 其他味道欠奉.而火鍋配料只有眼前的一小盤, 讓我們傻了眼, 這分明是一人份量吧! 大x樂的比它還要多! 牛肉只有四片, 幸好質素不錯, 肉質軟腍沒羶味. 豬潤有兩件, 小妹不吃內臟的, 免為其難吃了一口, 陣陣強烈的內臟味令我打了數個冷顫. 脆肉鯇也有兩件, 但只有一個字~腥!!!!!店方特別推介的鵝肝墨魚丸也只有兩小粒, 墨肉丸部分彈牙鮮美, 內裡鵝肝之大小有如雀粟, 吃完也好像沒吃過一樣.另有手打牛丸, 豬

腸胃炎又唔可以放病假關係, 晏晝只可以食白粥送藥.知佢啲嘢唔平, 但最近有粥賣O既地方只有APM入面O既灑家, 不過成$18一碗白粥真係有啲肉赤.唔知係咪我唔識貨, 我諗住白粥係應該好白粥, 即係有啲米香加瑤柱味. 之但係呢度碗"明火瑤柱米王粥"一啲都唔白粥, 食落係似用O黎煲有味粥O既粥底, 係有啲唔識講O既味道...我因為腸胃唔舒服要食清淡啲, 但係佢俾碗有味O既粥我.... 最後食左半碗食唔落去, 掉左...可能間餐廳無諗過有人O係度食白粥, 所以佢地無預先煲定"白粥"; 又可能因為佢收得$18, 所以諗住俾濃味啲你, 等你覺得物有所值... 唔排除佢其他嘢好好食, 但係如果有病想食白粥就唔好搞LU....

家姐傷風,今餐陪佢一齊食得清淡D,去左灑家食粥, 灑家d野一D都唔平,雲吞麵,生滾粥一碗要$3X,仲要加一, 足足貴出面一倍, 但係我都幫襯完一次又一次, 無他, 因為物有所值兼坐得舒服,今次我叫左窩蛋牛肉粥, 好得意, 平時只有窩蛋牛肉飯, 但係依個配搭用起粥上面一樣好味, 窩蛋令粥底更加滑身, 令牛肉更加鮮味, 牛肉有用梳打粉乸過, 但係都可以接受, 粥都有點味精的味道, 但係只係好輕微, 食完唔洗狂灌水家姐碗肉丸粥, 佢話冇咩特別,都有六粒肉丸,份量正常話時話,傷風感冒食粥真係會快D好

朋友突然要清大假, 相約於她力推豬肝粥的勝地一聚, 而且是刻意在飯市前到達 , 一切像是在掌握之內, 愜意於寬闊的空間, 卡位超大而枱與枱之間亦具充足私隱度急不及待: 大概十多分鐘就上菜啦~豬腰魚片粥, 鯪魚球粥先行奉上, 主角"豬膶粥"當然是最後進場 果然正如朋友說的: 豬膶是是黃沙膶, 火候剛好得宜唔會太熟, 亦無腥味粥底綿滑但反而是豬腰失色, 較硬而且無味, 魚片和鯪魚球尚算中規中矩 ! 炸兩唔算差, 夠脆夠滑但只是欠缺咗應有嘅香同味 只有外表滿分吧接著鮮蝦腐皮卷亦是朋友心頭好, 個人認為可以少油仲正, 蝦肉都幾大顆無獨有偶: 菜苗餃亦含汁多的蝦肉菜葉, 而且皮彈兼且清爽, 看出手工細緻客氣收拾提示: 室內門外開始人潮如鯽, 無需老闆在場亦踼腳了 ! 吸引人流之二: 書展

我都知道呢間店是有多種集合的.也知道是正斗同何洪記的結合.所以食物有點似酒樓.點心.飯.麵.粥.也有心理準備份量少.價錢絕不便宜.至於選擇在APM開店.環境當然行年青路線,設計以青綠色為主,環境闊落.服務員主要也是年青人.做事也賣力好效率..我去的時侯.下午茶價錢30多元至40多元,麵類包飲品.粥類包油條..掦州炒飯68元..飯粒相當分明.乾身.材料主要是义燒.菜同蝦,份量不少.义燒有入口甘香.菜新鮮,蝦肉爽口帶鮮甜.絕對是新鮮貸.份量整體少.也令人滿意.柑桔蜜.牛腩麵38元...柑桔蜜:夠味.消暑已足夠...牛腩麵:有二件牛根夠林屬於正常.但牛腩偏肥.牛腩的肉亦無味.似煲老火湯的湯渣又韌,湯底亦太鹹.幸好麵是銀絲幼麵.可能我黑仔.全店最難食的食物都俾我叫到....仲有一碗及第粥.埋單150元...在商場上的舒適環境食也合理...埋單後店員也有禮問意見相當貼心...有機會都值得再去.

見新開, 又有3.7分~ 就黎排下隊諗住食個快樂的lunch啦~ 1) 豬膶撈麵~望到成個餐牌, 頁頁都有豬膶, 諗住應該係不錯ke選擇, 點知.........係就係爽脆, 不過點解一d 都唔知豬膶ga, 仲有尿味?! 奇怪在一碟豬膶撈麵中有兩款顯然唔同樣ke 所謂豬膶, 我地食到有尿味ke "所謂豬膶" 係表面好光滑ga, 十足十我地以前上BIO 堂解剖O個舊 kidney 咁上下樣~ 真係唔敢再吞第2舊! 而d麵都唔係咩上等, 皂水味2)雲吞麵細~ $30 碗, 不過呢4粒雲吞, 5毫子都太過佢~~ 3)鮮蝦腐皮卷~ 好味 終於有d 野食得落肚了~4)蜆介鯪魚球~ 好大粒, 實肉, 都ok 總結: 麵食方面負分! 點心則有3.5~~

雖然我的生日在二月，其實已過了那麼久不用慶祝。但四月生辰的Summer仍堅持為我吃飯慶祝，那就互相吃飯慶祝吧! 仍有朋友願意為我慶祝，也是我的幸福呢! 我們選定了APM，住在觀塘的我，對商場內的食肆並不陌生，所以便選定在APM較新的灑家，因為我也想試試呢!我們到達時只是晚上七時多，人不太多，裝修簡潔，餐廳中央有一列半圓的梳化座位。幸運地我們被安排坐半圓形的梳化，正呀! 看過了餐牌，我們選了皮蛋瘦肉粥，味道剛好，不會太鹹。炒麵炒得夠脆，正合Summer要求，不算太多油，真不錯! 我們選了芥蘭，沒有苦味，So good!因為Summer想吃鯪魚球，所以我們選了酥炸鯪魚球。想不到每粒都是超大粒，size直迫長洲的超大粒魚蛋呢!每粒充滿鯪魚味而又彈牙，配合蜆蚧，更加好味。這兒還有小菜，下次可以再來試試吧!

這天來到甚少涉足的apm看電影前想找點吃.胃口一般剛好看到這家粥麵店.看見裝修配套好像不錯(後來才知這原來是全場唯一的粥麵店)原來是正斗加何洪記再變化出來多了點心及小菜的"合成體"!叉燒酥----落單不用三分鐘已出現,這不知躺在保溫櫃內已多久!結實不鬆軟餡料極乾身,吃完一口必須喝水才吞得下.炸醬麵----炸醬內全是肉絲味道帶點微辣,麵條沒甚鹼水味但吃起來黏黏的欠彈性.湯底是下了不少蝦籽但味道並不明顯.炸両----不知從何時開始人們開始追求吃腸粉要皮薄要透明!反而對米漿是否滑身有沒有米香才是其次.這店的出品應符合了前者要求!自已只吃了兩件便停箸,因腸粉皮薄而無味油炸鬼是連翻炸也懶的曬燈保溫貨.及弟粥----味粥底極之杰身差點便成糕狀,綿與杰絕對是兩回事!配料是生腸及肉丸兩款味道皆不錯,除了豬不太新鮮.看見餐紙上的一段解說,再吃完後回想一下.....自稱為wonton master,但卻挑不起人們吃雲吞的意欲,都可算是宣傳上的失敗!在這個商場內普通質素的出品卻收取銅鑼灣地段的價錢,(炸醬麵$35,撈麵$45) 祝君好運！

放假去APM睇戲, 睇之前要醫下肚, 想食中餐, 所以揀左呢間粥粉麵飯....入到去環境好寬敞, 好快我地就order喇, 我地叫左滑牛肉粥 -- 牛肉滑, 味道ok. 正常水準油炸鬼 -- 好脆ar, 好耐無食, 感覺特別滋味豬手麵 -- 豬手好淋好入味, 不過咸左少少, 麵質彈牙....掂雲吞麵 -- 雲吞細細粒, 容易入口....不過雲吞唔夠味, 淡味左少少炸鯪魚球 -- 熱熱辣辣, 似即炸....鯪魚新鮮彈牙, 必叫!!!!!!!!!!!!!!!乾炒牛河 -- 味道岩岩好, 河粉炒到一條條, 果然有功架....加埋佢個勁掂既辣椒醬, 讚!!!!!!!!!!!!!!!價錢都可接受, 服務都幾好....絕對可以再黎

星期五中午過來APM食午飯.. 同事之前在Magazine見到這間話是米芝蓮旗下集團點都要試一試!這裡裝修舒服，夠大，完全唔會有焗促感覺。主食可分為湯麵、撈麵、粥、炒粉麵、點心。我自己點了艇仔粥同油炸鬼…1.艇仔粥 ($38) - 粥底好綿夠晒鮮甜，而且加入新鮮魷魚，非常爽口﹗粥入都有很多魚片，亦都爽口同保住魚的香味﹗完全無加入味精，值得一讚﹗ 2.油炸鬼 ($11) – 送粥的由怎可以少了油炸鬼，真的好耐都未試過吃一條超好味的油炸鬼，新鮮炸出，唔油膩又唔多粉，控制得剛剛好，一流﹗ 其他同事叫了這裡出名的雲吞麵，份量卻細了少少。其實碗粥應該是最抵食的食物，因為我吃了好多飽…仲要Share給同事分享! P.S. 全日免收加一，位芥每位$3。

Shopping 時經過此店, 才發現原來係新舖, 難得有粥麵舖在apm, 決定晚飯到此一試. 由於不太餓, 只點了三款食品. 分別是皮蛋瘦肉粥, 淨雲吞, 及豬膶腸粉.由於粥裏沒有薑絲, 叫侍應給了一小碟加入粥內, 味道就跟平時食慣正斗一樣的味道. 再試雲吞, 又有似曾相識的感覺. 再將豬膶腸粉放入口, 今次就覺得不對勁, 因為往常食到的豬膶腸粉不會有零碎的感覺, 但口中的豬膶全是碎濕濕的號無咬口, 極之失望. 離開之際, 在問口的櫃枱上發現正斗的咭片, 剛巧經理出來, 立時詢問他原因, 原來此店正是正斗的姐妹店, 只是想走比較年青的路線. 怪不得味道如此相似. 只可惜腸粉還略遜一籌.

終於可以替這間寫食評！趁放假，便到處去玩，今次去了觀塘，行了不久，覺得肚餓，本想吃日本拉麵，但太貴，於是便來這兒吃。我叫了雲吞麵及蝦餃。雲吞麵好好味，雲吞好大隻，蝦好鮮甜，而麵亦好彈牙。而蝦餃亦好好味，好大隻！好正呀！服務態度好好呀！下一次會和媽媽來！

因為一個麻煩項目, 文迪要了來觀塘, 既然如此, 就先吃個晚飯才再行工作. 選了這家新店子, 其實是跟正斗及何洪記同系, 那水準又是否一樣呢.晚上七時許, 不用等位, 不過也有不少客人. 這裡擺位算幾闊落, 加上新裝修, 環境一項, 是值得幾高分的. 看看餐牌, 跟姊妹店都有不少相像的, 就選了三款心水的.灑家鮮蝦雲吞麵 $30: 7分, 規格對辦, 不會是大大碗的, 雲吞在下而麵在上. 湯頭飲落口是幾鮮甜的, 飲完不覺口乾. 麵條沒有鹼水味, 但質感只算一般. 雲吞小小的, 份量適中, 蝦肉爽口, 不過就不是散尾雲吞, 當然也不能多要求了.干炒牛河 $68: 6分, 炒得實在幾油, 單看在碟底已見是油油的, 跟姊妹店比就有點是比下去了, 委實令人失望. 還好是炒得夠鑊氣, 牛肉沒有化學過也不會實實的, 河粉亦不會太濕.原蜜味叉燒腸粉 $39: 3分, 腸粉皮是相當厚, 米香只是一般, 叉燒偏肥, 也幾難咬得開, 而蜜味就不太吃得到. 水準認真一般.或許是有太高期望, 是晚來吃只覺整體水平是普通. 或許新店子還未上軌道吧.

APM 終於都開粥店喇，真的是期待已久店舖門面很精緻，卡位頗多，坐得很舒服這日一行三人，每款叫了一樣試試，味道唔錯，但略嫌味精頗多生滾牛肉粥：牛肉好滑，個粥底略為重味精，所以好好味，不過較稀，如果杰番少少會好啲囉肉絲炒麵：個麵底好脆，肉絲就少啲囉炸両：都好新鮮，雖然條油炸鬼唔係好脆，不過依家都好難有地方可以食到好靚嘅炸両喇炸醬撈麵：啲炸醬調味剛好，啲肉都無煮到乾睜睜，唔錯雖然這裏價錢略貴，但以商場食肆而言，價錢亦算公道合理；唯一美中不足的是服務一般，不過當值經理亦有解釋人手未足，希望可以盡快改善吧

之前的蒸籠料理不知不覺消失了 取而代之的是正斗的分支店灑家亦都係APM唯一食中式粥麵的鋪頭, 咁當然要試下啦見到有蔡SAN既題字打開MENU除左粥麵外, 仲有炒野, 點心食, 真係成間酒樓咁先叫左個乾炒牛河, 炒得夠鑊氣而且乾身, 個碟唔會有多餘既油係度 而且炒到均勻, 條條粉都上哂色, 豉油味夠得黎又唔會太咸, 最值得一讚既係牛肉, 食落真係有鮮牛味加埋桌上既辣醬, 食落更加香口再黎梗係要試下生滾粥啦, 魚片肉丸粥, 粥底夠哂綿 D粥吸哂魚片同肉丸既鮮味, VERY GOOD因為已經食左河粉, 所以冇叫到麵食, 就係叫左個淨雲吞水餃, 湯底清得黎充滿大地魚香, 雲吞係細細隻既散尾鮮蝦雲吞, 蝦肉爽口, 而豬肉份量較少水餃有大大隻既蝦入面, 仲有雲耳等等其他餡料, 味道唔錯最後試埋點心, 就係四式腸粉, 份量絕對唔欺場, 以大蝦&叉燒腸最好食, 份量十足, 牛肉腸同雞肉腸就水準一般啦雖然價錢方面會比一般粥麵鋪貴少少, 但係良好既環境&服務同埋食物質數黎講, 真係一個唔錯既選擇