灑家燒味小廚 (已結業)

本人今日到這間食店，以為有經理幫手寫單會快而準！只叫個炸醬麵和蒸蝦餃！快要一個鐘！為何咁耐！追單！幾個侍應回答：整緊！但都係無望我張單有乜order! 吓一碗面咋喎！陸咁耐？追翻幫我寫單的經理check 單：佢輕鬆地講：漏左單！ 一句對不起都不說！隔約3分鐘,麵來！但我要撈麵，不是要湯麵，又錯！但佢仍不說對不起！佢只話：好再來過！ Wa d 面份量少到吖！又勁重＂柬水＂味!成四十幾蚊！的確好鬼貴！d豬肉份量又小到吖！   真是 > . <! 但蝦餃都ok

星期日嘅早上，去邊到食野都咁多人，同個朋友等位等左 20mins 左右終於入得去。雖然人好多，經理仍然好耐心咁講話點心係即叫即蒸，仲見師父現場揸皮包餃.就試下個翡翠菜苗餃，精瑩通透嘅皮，非常足料，個皮唔厚又唔係薄到一夾就穿，一睇就知師父一定功力十足!味道好好!完全係perfect match!!!我地 2 個都中意食餃類，所以試埋個雲吞麵，蝦肉彈牙，唔係林beibei果d難食雲吞，一如所料，皮一樣同餃咁出色! 啱啱好一粒一口好滿足丫.黎多個唔係周圍都有嘅香軟馬拉糕，1 籠切成 4 件，鬆軟可口，一層層奶皇味道唔太甜，啱啱好.食後感：絕對會再黎多次，見到隔離枱個流沙奶皇包好似就噴出黎咁，下次一定要試試

又係辛勞一天的完結，又係時間諗食咩，係V city 行左一陣，就比佢地掛係度滴晒油嘅燒鵝吸引，見都係得番一隻掛係度，坐低更係第一時間落左燒鵝先；望左一陣個餐牌，唔想食碟頭飯，不如就試下佢個牛河，牛河絕對睇到廚房功架，淨係相都睇得出，燒鵝皮脆肉厚，咬落去肉汁出晒黎，好香, 仲要俾一大堆葱你配燒鵝食香到呢；個牛河真係有料到，完全冇多餘嘅油，河粉散開，唔係一舊舊就落煱炒，牛肉香軟唔硬，好掂好好食，不過都係食唔晒，都好耐未試過打包喇，留番聽日 lunch 再回味過～

呢排夜晚d節目成日講中餐雞鴨鵝, 搞到洗腦咁好想食! 成日行過vcity間灑家見佢 d 燒鵝好似好靚咁，今晚終於可以同幾個老朋友黎試下。可能今日平日唔使點等位，放工好肚餓，啱晒^^燒鵝上枱，好香望到都覺得個皮好脆食落肥瘦都好均勻，例$120 仲有燒鵝脾，抵＋堅好食！到燒腩仔啦，個皮又係超脆，一層肉一層膏，食落口完全唔肥膩，入口仲好多汁，呢碟都係要比like!跟住黎，係店員介紹既臘味煲仔飯，我地個個都話咁攪法真係膽固醇超標；但係一聽到佢講會配豬油同秘制鼓油，就真係忍唔住na.唔好以為個豬油會好膩，完全唔會!!! 反而係帶出好滑同好香，比起係平時0既茶記或者廟街好出名果間真係高幾班。連菜都多過平時食個d煲仔飯, 食完飯再食菜感覺都健康d!

探朋友經過Vcity，上屋企之前我地揀左灑家小廚食，有燒味，點心，全蛋麵既選擇；tea 既選擇唔係太多但係有d都幾抵食。我地叫左個牛腩麵同混醬腸粉配豆漿, 好彩只係叫左一個餐share, 下午茶餐大碗大碟到呢!講番d野食先,個腸粉算滑好食，唔係痴埋一舊舊，個鼓油好好味，好香；個豆漿甜度剛剛好，豆味重，好飲。個麵彈牙，牛腩好食，湯底夠濃，食完都冇口渴。總括黎講，比我感覺真材實料；咁既價錢，性價比高！

聽說這是正斗的子餐廳, 今天和好朋友到V City, 剛巧不用等位置, 打算試試個下午茶；不得不讚全部侍應年輕而且非常有禮貌呢!叫了個牛腩麵，湯底夠濃而且不油，牛味又出，但可惜牛腩偏硬, 師父搭件牛筋, 雖然未到入口即溶，但反而爽口非常適合我口味；至於麵呢, 吃得很慢, 但麵還是彈牙，正!我朋友就叫乾炒牛河,賣相正正常常, 但意想不到眞的很好, 一點也不油, 剛剛好。平時也有下廚習慣, 將河粉炒到一條條分開，一點也不容易,不知道廚房下了甚麼功夫呢？加少許辣椒醬，超好味呀！

入冬想換套新睡衣，被袋床單，難得今日放假可以去 V City 間Muji行下；行到咁上下更係搵個地方tea 一 tea,又比我搵到呢間～價錢都幾抵下而食物質素又唔差既.望左個menu 一陣, 想試個花雕醉雞麵，點知佢話賣晒，咁好生意？不過我坐係度大半個幾鐘，入座率都有 7,8成.之後我就揀左 A. 混醬腸粉配凍豆漿，15蚊個下午茶餐仲平過係街邊食! 都好耐冇食過腸粉，因為依家大部人唔係即叫即整，令我平時都對腸粉既興趣減低份量比想像中多，諗住大餐廳實整定一堆係度放到亁淨淨la點知又唔係wor!食落去又唔會話好亁,好實的的果種，之但係又冇即叫即做果D 咁滑。估唔到出色既地方係個鼓油，食落去完全唔係平時既口味，應該係炒過，好香；多口問個經理係咩鼓油，佢話除左炒過外，師父再加左秘制醬汁。有驚喜，讚！

在新居打點後，非常肚餓，即時乘電梯到樓下找吃的. 看到這間灑家燒味小廚有下午茶供應，而且價錢不貴，就進去試試.下午茶餐由$15-$35，奉送柚子蜜/ 豆漿，另收加一.三色粥 (鹹蛋、皮蛋、瘦肉) ($16)粥品熱度非常夠，而且很綿，配上鹹蛋、皮蛋等，簡單而美味，最重要是味道不太鹹，適合愛清淡口味的朋友.糯米雞 ($15)大大隻的糯米雞內裡有雞肉、超多肥膏的臘腸及冬菇肉碎等，豐富又飽肚.點心二款 ($35)本想點香煎蘿蔔糕，不過店員說下午茶餐的點心不可選蘿蔔糕了，說是食材昂貴的關係，但散點就有供應. 不過奇怪在不修改餐牌，那麼店員一天要告知客人多少次下午茶餐沒蘿蔔糕供應呢?陳皮牛肉球三件大大的牛肉球，熱度很足夠，亦有陳皮香氣，幾好吃的.叉燒包叉燒包外皮頗厚，不過內裡叉燒也多，都可以接受.隔了一天再惠顧，同樣點上牛肉球，配上翡翠菜苗餃，不過菜苗餃賣相很袖珍，可以一口一粒的，但相片在我不小心時DEL了，所以未能讓大家看看那Q版的菜苗餃呢!跟餐送的熱柚子蜜味道正常，不過太細杯了.熱豆漿熱度不夠，只是暖暖的，不過味道不太甜，都可以接受.2人點了3款下午茶，結帳才($73)，相當經濟，下次會來試試

灑家新開張幾個月，一直未有誘因令我去試呢間中高價燒味。見有平平地團購，就終於試下啦食左幾舊先記得影相。叉燒好林！同太興果款差唔多，又夠蜜味。抵唔抵食就唔評價喇，反正都係團購，平時無呢個餐。環境幾好，細細地但係勝在唔多人店員都好好態度，好勤力斟茶

叫咗一個二人餐,兩個唔係太肚餓的大人加兩個剛剛打完波的小朋友啱啱好 杏汁豬肺湯個味而入口少少杏汁味唔太濃, 我呢個湯份量可以四個人每人一碗滿的,另外豬肺都有成7至8嚿，真係好足料。燒味雙併义燒配燒腩仔义燒夠味但略欠唔夠林身燒腩仔個皮好脆,肉質都好味牛肉蕃茄炒蛋酸味唔太重,冇咩蕃茄味,牛肉好林身但食唔到有牛肉味

V CITY轉眼開幕一年了。這裡的食肆，多屬於連鎖店，食味一般，但價錢進取非常。剛開張兩天的灑家燒味小厨也不例外。這家店在V CITY開幕一年後才開業，究竟是否這樣值得期待呢﹖趁著放假的午後，吃一個LATE LUNCH。可能是平日下午的關係，不用等候便可入座。灑家屬於「正斗」旗下的品牌，MENU提供的食物基本上和在APM分店或者何洪記見到的，沒有太大差異。燒味、粥粉麵、厨部、點心，一應俱備。只是簡單的叫了個雲吞麵、另加一份鮮蝦腐皮卷。等上菜的期間，環顧一下店面。裝修很簡潔，卡位只有三張，然後一張流線形長檯，以及最後端排的很密的二人桌 。店員態度尚可，很多人在工作，但大部份給我的感覺像心不在焉似的。送上的茶水熱度足夠。有需要會主動添茶。等了十分鐘，雲吞麵和鮮蝦腐皮卷分別上桌。雲吞麵味道尚可，麵線軟硬適中，雲吞不是散尾，外型偏小，主要饀料為蝦肉，湯頭略鹹。鮮蝦腐皮卷炸的鬆脆，蝦肉爽口。兩者都只是不過不失，無法讓人留下深刻印象。留意了一下餐牌，粥麵價錢一般由卅多元起 (雲吞麵也要$38)，燒味飯四十多元，厨部炒粉麵飯約六十多元。雖說和太興、翠華、甚至同樓層的羅麥記價位差不多，不過在屯門而言，

今天放假，知道Vcity的灑家開了，趁閒日先與母親大人試試，如好味的話再在星期六/日約其他家人再來。出發前用手機程式看取票情況，見未需等位，但途中見巳要等位，便即用手機取票，要等兩個籌，到達後因前一個籌的人未到，故5分鐘就入坐，一入內，檯與檯之間很迫，店舖亦不大，坐位不多，有幾張卡位，其餘的都是由2人檯組成，4人檯即用兩2人檯組成，如多過6人就不建議來。檯上巳放了辣椒醬，鼓油，醋及胡椒粉給客人自行添加，但檯面很細，如二人叫了兩碟飯及2點心巳放不下。另外，入坐會有兩杯茶，侍應會為客人加茶。餐牌就是這樣簡單，湯麵，撈麵，炒粉麵，點心，及燒味飯，因歺牌沒寫明，問了侍應，湯麵有粗，幼麵，河粉，瀨粉。燒味飯可改湯麵/河/瀨。鮮蝦腐皮卷(7/10)~熱辣辣上檯，煎得香脆，入面充滿彈牙的蝦肉。叉燒包(6/10)~包皮雖軟，但不是古法的叉燒包皮，內裏的叉燒餡很多，但太甜及冇乜汁，較乾。燒鵝湯粗(6.5/10)~燒鵝份量不少，皮夠脆，肉也鬆軟，但欠香味，湯底不錯，很重大地魚味，粗麵可惜太重梘水味!菜遠牛肉河(6/10)~頗大碟，但冇鑊氣，唔夠熱，味道一般，牛肉雖多但冇牛肉味，獻汁太杰。埋單加一沒有茶錢$