瀛素食 (已結業)

今日午餐喺油麻地同同事一齊食，去咗瀛素食，知道呢間係食素嘅餐廳，所有菜色都係冇肉嘅，有肉嘅菜色都係素菜扮成的。午餐有5-6款選擇，我揀咗壽司拼盤，同事揀咗翠玉瓜牛柳飯。壽司拼盤有魚生壽司、腐皮壽司、中華沙律壽司、甜粟米壽司、軟殻蟹壽司。個人覺得軟殻蟹壽司最出色，入面當然冇軟殻蟹，睇落只有一d好似青瓜皮嘅野，唔睇個樣，食落去又真係好似食緊軟殻蟹喎。 魚生壽司睇落比較膠，要點wasabi食先似，乜都唔點咁食似食緊啫哩。整體都係好食嘅，仲有個湯飲，都唔錯。

今日工作關係去左油麻地，同事推介呢間瀛素食話好特別就梗係去試下啦lunch set $42 一個餐送埋餐湯，都唔算貴我叫左翠肉瓜牛仔骨燴飯，同事就話要食佢個壽司set賣相真係幾可亂真架牛仔骨其實係素漢堡咁雖然我上菜之前諗住佢真係會有條骨tim食落味道唔錯，牛仔骨真係好似有一絲絲肉咁，仲有肉味唔講真係以為係肉碟飯嘅量都幾大，男士都可以食得飽壽司set個樣都好真同事請我食左舊軟殼蟹壽司又係真好似軟殼蟹喎衰鬼overall 都幾值得試下

今日放假終於都可以做下孝順女陪下媽咪食嘢👧🏻👩🏻這間向來是媽媽既聚腳點 已變成常客 所以一黎到媽媽已諗好食咩野我一定要推介既係牛油果多士🍞 好出色 好好味 牛油果控一定要試 而我係牛油果10級控🥑🥑🥑🥑 重嗌左幾款牛油果壽司都好好味 大家可以一試 今時今日素食已變成了流行菜式一種了提提大家 下午茶有成6折 非常抵食！

今日老公話想食素，我當然話無問題啦，因為肚餓唔想再諗食咩，最緊要快d有得食就得，琴晚都九點幾，得返幾張枱人客，唔駛等，正一打開個餐牌，絕對啱曬重口味既我好多好多選擇好多野都想試結果我精挑細選之下㨂佐以下3樣野食避風塘茄子🍆目測香酥脆，食落唔油，真係香酥脆，味道又夠，真係食到停唔到口胡椒湯雲吞，超有驚喜，胡椒味好夠，湯底好濃，完全唔似素湯，再加上雲呑餃，真係一絕再呢個松子炒飯，飯是炒到粒粒的，好香口，松子味好出整體來說，真係可以去完再去既素食餐廳，我下次會再試下d壽司，真係好期待啊

平時係食肉獸，今日試咗素食， 本身以為素食係得羅漢齋嗰啲，估唔到有啲咁新式嘅。呢間係日本fusion 素食餐廳, 我地兩個人點左三文魚壽司，吉列豬扒，避風塘茄子，軟殻蟹壽司同埋餃子，每樣野都好好味， 尤其係吉列豬扒，軟殼蟹壽司同避風塘茄子，吉列豬排做到好真，勁好味。但係我就覺得刺身麻麻地，唔俾咁真，都係熱食出色啲。平均消費150蚊，都唔算太平，不過味道真係好味，建議lunch time 黎食，好似扺食好多！ 應該會再黎食！

其實只要好食，在家方圓百里的齋舖也是我家的飯堂。這裏曾經都是。要不是一年多前我在洗杯時發現十個女仔九個都會尖叫的黑色巨大物體，我應該這一年多都會斷斷續續跟老媽子來吃。今天因為有事，讓老媽子吃飯的時間遲了一個鐘，加上天雨路滑又凍，我跟她吃完飯又不能陪她回家。在選無可選的情況下，我鼓起了勇氣，放下了一年多的陰形，同老媽子來這間最近屋企的素食店。特色午餐是很抵吃的。包湯又大碟而且夠穫氣又熱辣辣。款色又多，中日式都有。老媽子要了日式燒汁鰻魚飯。賣相很靚。最緊要熱！老媽子一碗清光，味道應該不差。家姐要了沙嗲豬扒炒鳥冬。這是人氣之選。因為很多枱都點這個，一上枱就看到了熱騰騰的煙。不過家姐說鳥冬吃落有少少燒焦味。可能炒得太多隻穫已經燒焦了？但她說豬扒很好味，我也吃了一件，很似麥樂雞。 皮還有少少香脆。我要的是雜錦壽司拼盤。絕對好味。我經常都是叫這個，百吃不厭。完全像吃真壽司的口感。味道也很像真。包湯，凍天喝一碗熱湯怎說都是好喝的。這裏還有得多特色又特別的食物。我老爸老媽子很喜歡的燒餅、多士等等。這裏有下午茶大特價，很便宜。晚上無折就很貴。但素食選擇不多，而這裏有很好味，所以以前我們常來。今天放下了陰

閒時經過廟街，發現呢間素食，剛好中午時分較早，無咩人等，就帶老人家去直接入去試囉！佢提供既係玄米茶（本人的最愛！）同平時落單既唔同，睇岩想食咩，係張紙仔寫低個餸菜number就得。我覺得最好味既係大阪燒餅👍🏽👍🏽👍🏽👍🏽士多啤梨骨都好好味，酸酸甜甜咁，係用猴頭菇整既，yummy!!呢個冷天氣最岩飲暖湯，佢個胡椒湯好好味，飲落肚好暖胃呀，又唔會太🌶🌶最近中意去素食鋪，其實素食無想像中咁差雖然呢間鋪唔大，有啲迫，但食物水準好👍🏽

今日同班好耐的大學朋友試這間日式素食， 做得好似真肉！口感賣相一流叫咗4個菜式1. 雜錦天婦羅好脆不油 好食香口👍🏻2. 薄餅這個比較普通，多菜健康 但可以更似薄餅感覺3. 三文魚生個賣相好似真三文魚，但似口感就唔太似，係有彈口的感覺4. 香芒軟殼蟹卷都好靚，好清新！

今日約素食朋友， 咁都要都係食素啦 ，之前 有個朋友都介紹過佐敦有間唔錯嘅素食 ， 所以今次就專登去，之前訂位， 但去到都要等差唔多半個鐘先至可以入座 。嗌咗一個中華沙律壽司， 味道只屬普通 而且紫菜唔夠脆，之後 我哋嗌咗一個大阪燒 ，冇諗過係咁大分 份量都好足而且味道都唔錯，少少酸酸地嘅沙律醬，但係因為太大原因其實都幾飽肚。 之後嗌咗個臘腸煲，但係冇臘腸都係得山根之類有啲失望，但係芋頭好香，同埋都幾淋身，醬汁都唔錯 。煙肉露筍卷， 食落去其實都好似，而且好香口味道唔錯 。最後我哋嗌咗一個甜品，合桃露朋友覺得比較杰身，但係味道十分之濃郁，而且做咬到少少嘅合桃碎， 這間素食店係唔錯，但係等位同埋座位比較迫，但係每人都係大約150蚊整體嚟講係唔錯。

經過油麻地天后廟見到有一間隱世素食小店位置雖不算偏僻，但在小巷中，平日很少會經過門口餐牌寫特色午餐包括豬扒飯、鰻魚飯、壽司拼盤等等，看似同素食格格不入，決定入內一試新式齋菜餐牌同一般茶餐廳嘅菜式接近，我點了一個雜錦壽司拼盤午餐奉送例湯，例湯非常清甜非常期待嘅壽司拼盤送到有四件軟殼蟹壽司、一件吞拿魚、一件辣味三文魚、一件中華沙律同一件腐皮壽司先試軟殼蟹，裏面嘅「軟殼蟹」炸得卜卜趣，外面脆入面煙煙韌韌，加埋沙律醬同其他配菜，同真既嘅軟殻蟹壽司一模一樣！好好味！辣味三文魚同吞拿魚外表精緻，仿真度極高原來係蒟蒻！好特別！因為第一次食呢一類日式齋菜，由用料及賣相甚至味道都帶比我驚喜，一定會有下次！ 見到佢話下午茶仲有六折優惠太抵了

本人唔係食開素嘅！因為朋友要初一同十五要食齋, 所以今晚去宜間試吓！我同朋友都好鐘情麵包呀！飯呀！麵呀！所以叫咗個牛油果醬配baguette, 係一大pat 牛油果醬係上面呀😍😍😍！D牛油果熟得剛剛好, 加少少鹽同檸檬汁已經好好味,好似食cheese 咁滿足呀😋😋😋😋！再試吓黑胡椒水餃雜菜湯Waaaaaaaa夠胡椒味呀,水餃又好食, 又有好多菜😋😋😋😋!我們朋友好好長時間冇得食牛肉嘅啦,所以叫咗一碟乾炒牛河呀！Waaaaaaaaa味道超似真正嘅牛河咁呀！咬落去又軟又淋呀, 一定要叫呀！炒得乾身又唔多油😋😋😋😋！牛油果醬配baguette 黑胡椒水餃配雜菜湯乾炒牛河

我剛開始吃素幾個月，正在摸朔香港不同形式的素食餐廳。昨天往油麻地區探朋友，就到熱鬧的廟街吃飯。這餐廳名字似乎主打日式食品，餐牌也是壽司捲物打頭陣，更有蛋包飯、大阪燒等。我們試了上湯浸時蔬、咖哩豬排蛋包飯，和燒菜肉餃子。湯有胡椒，很醒胃；豬排炸得剛好，咖哩比一般日式咖喱稍辣，飯炒得不錯。餃子當然無肉，是滿滿的椰菜紅蘿蔔絲，煎得剛剛好。整體來說是很平實的港人口味素食，會再來，起碼想試試大阪燒。

第一次帶台灣朋友在香港吃素食，查了網路許多網友蠻推薦「瀛素食」。踏進店環境感覺蠻乾淨座位也寬敞，店員也很親切講解菜單內容及推薦好吃的幾道菜。因為我們第一次看到全菜單上寫的菜名看上去都是葷食，不知道現在不比以前已經把素肉變化的淋漓盡致！！聽了店員推薦又挑了幾樣想吃的總共點了7道菜。一道道佳餚上桌時真是看上去一點都不「素」的樣子，只能說現在的素食者很幸福有比過去多了很多不同的東西可以嘗試，就是香港的口味主要都偏鹹一點點可能朋友剛抵港不太習慣，但瀛素食提供多樣化的選擇，讓吃素的人有更多的選擇！！！

是日食齋，之前黎呢度食過一次，覺得齋鋪黎講都幾好食。不過要早幾日book 位，同埋book 左都係要等半個鐘左右。四個人叫七樣食物：1. 黑松露芝士焗豬扒飯2. 芝士蒜蓉包3. 冬陰公湯4. 沙爹金菇牛肉卷5. 軟殼解卷6. 椒鹽炸白飯魚7. 士多啤梨骨唔講真係唔多覺自己食緊齋。黑松露芝士焗豬扒飯係咁多樣最好食，個吉列豬扒真係好似肉，個飯都好入味。推介芝士蒜蓉包要趁熱食，烘到脆卜卜，再加厚厚又少少燶既芝士，超正！冬陰公湯就麻麻地，唔多酸唔夠辣，椰奶味太重，同埋無海鮮既冬陰公湯始終都差好遠沙爹金菇牛肉卷，個「牛肉」食落似扎肉，普普通通軟殼蟹卷係好似既，可能因為啲炸粉似，食落真係似食緊壽司椒鹽白飯魚，我地估入面係金菇炸成既，飯食落幾有好感，有啲煙靭，唔錯士多啤梨骨，食第一啖覺得似平日食既咕嚕肉，食多兩舊就覺得係炸面粉，不過個皮炸得好，呃得下人整體，其實唔好以為食齋好健康，大部分都係炸同勁多汁，不過間中試下係幾得意既。四個人七樣野岩岩好清晒，除左個飯外，其他都唔係太多份量，加上唔似肉，會比平日叫多幾樣。

今晚約咗友人到此店相聚，店員服務親切。食物多元化有驚喜，尤其喜愛胡椒豬肚湯，味道好啱依個潮濕天氣，另外椒鹽炸茄子好香口，我最愛。此外個大板燒餅厚度如果可以薄啲就更好，咖喱羊都做得好香咖哩味，好似食緊牛腩咁，至於烤牛油果多士，外層塗咗牛油果同芝士，十分香脆，必食之選。