瀛燒居酒屋

营业中

休息中

好耐冇去過局酒屋，今日一行二人去到荃灣一間隱世居酒屋。一入坐都票斷有客入，好多人。裝修好有日本風情，牆上貼滿好多日本風懷舊海報，又有日本式燈籠，好有feel。今日叫左個水母刺身，原來水母都可以食，真係未試過。食落帶點檸檬酸味，加上有榨菜，酸酸甜甜好開胃，有新鮮感。牛腸鍋亦係未試過既，所以即管試一試。食落同豬大腸好唔同，好淋好滑，加上鍋內有菜有粉試，同金菇冬菇一齊煲勁香。刺食就唔少得啦。叫左油甘魚，吞拿魚，三文魚，大蝦同帆立貝。刺身一啲筋都冇，好嫩滑好新鮮。👍🏻👍🏻👍🏻更加唔少得係炸物啦😂 試左日本宮崎腸，日本白板魚蛋，秋葵，鵪鶉蛋同沙錐魚。好特別，平時好少得到依啲炸物，估唔到鵪鶉蛋同秋葵都可以做成炸物，有新鮮感👍🏻亦唔會食到成口粉醬，唔錯👍🏻👍🏻點少得叫返杯酒送下伴酒菜呢，叫左靜崗蕃茄sawa,好清新，甜甜地既日本有汽酒，越飲越開胃👍🏻👍🏻👍🏻😋😋😋最後叫咗原隻魷魚筒，唔會燒到太乾身，好香噴噴。

位於荃灣廣場後面 地點方便嘅瀛燒居酒屋刺身三點盛合 包括赤身 三文魚 同油甘魚水母刺身刺身整體新鮮 水母刺身加咗唔少檸檬汁作調味 罐罐燒（燒蠔）燒蠔一上菜熱食味道更佳 入口蠔味豐富 口感軟熟 清酒煮大蜆店員首先燒熱清酒 再倒入滿滿嘅蜆落去煮 打卡一流（串炸)秋葵 日本白板魚蛋 沙錐魚串炸嘅脆皮厚度啱啱好 味道唔會過漏 沙錐魚肉亦唔會過老 口感軟熟雞皮餃子香口嘅雞皮配上軟糯嘅餃子內餡 再點埋串炸嘅醬汁 味道口感層次更豐富特色燒飯團表層係香脆、表面燒過嘅米飯粒 再配上飯素 味道不錯 加啲串炸醬汁味道更出明太子玉子燒玉子燒唔會燒得過老 口感軟熟 加埋蔥同蘿蔔蓉作調味味道豐富青蘋果燒酎 $48蜂蜜綠茶 $29

今晚在荃灣廣場睇戲前係附近搵左間居酒屋食晚飯，餐廳於享和街，在荃灣廣場背面再前多一條街。佔地兩層，閒日坐滿七成，無須等位。燒河豚鰭清酒 ($88): 呢款酒幾有特色，我未見過，都係第一次試。店員會再將兩塊河豚鰭用火槍點燃，然後用三兩分鐘時間將其來回打轉，最終放入清酒焗幾分鐘即可享用。味道方面都幾Impressed，首先，燒過嘅河豚鰭會散發淡淡嘅燒魚味，唔會太濃，加上微辛甘口嘅清酒，兩者幾搭配，飲一杯半杯還好，太多的話感覺都仲係有啲Rich，但建議可一試。日本直送原條季節魚刺身 - 鷹魚鯛 ($348): 活魚夠新鮮，魚肉透白清香，肉質爽實，油脂較少，味道清甜。兩款醬料任君選擇，除左普通嘅芥末豉油，還配辣蘿蔔薑蓉酸汁，味道都幾搭配。味噌廣島蠔鍋 ($168): 一客共有五隻急凍廣島蠔及味噌什菜鍋，廣島蠔肥美厚肉，口感爽滑，但千其唔好煮太耐，否則肉質變老，其蠔味重但唔腥，唔錯。自家手作雞肉棒 ($38): 外脆內軟又夠Juicy多汁，蘸蛋漿一齊食更香口。炸物 - 秋葵 ($12)、日本白板魚蛋 ($18)、鵪鶉蛋 ($18): 炸粉厚薄適中，但唔係特別酥香，魚蛋非常爽口彈牙，鵪鶉蛋炸完都唔

剛在荃灣廣場行街，之後在附近一間出名的道地居酒屋試一試。我們6:00到達，剛開門，沒有太多客人，靜靜的，不錯。很喜歡牆壁上面滿佈特色的日本海報，加上日本燈籠，以及柔和燈光，整個裝修氣氛不錯。先叫了兩杯飲品，自家手作梅酒清甜香滑，白桃特飲調製不錯。水母刺身，作為送酒前菜，一流，檸檬嘅酸，與水母刺身的新鮮味道，混合得剛剛好。三點盛合：三文魚，油甘魚，赤身，全部厚切，肥美甘甜，入口即溶。另外，叫了邊提，感覺像鵪鶉蛋加肉，罐罐燒的蠔鮮甜，海膽夾羅燒屬於新穎菜式，擺設精美，加上飯團一起吃，新穎。除了小食，仲叫咗番茄三文魚濃湯烏冬，個湯好龍好好味，被烏冬吸收後，加上大大隻帆立貝，大大隻蝦，好抵食。最後因為送酒，叫了一堆炸串：宮崎腸，一口和牛，黑豚肉，鵪鶉蛋，秋葵 … 全部都係送酒的，好伴菜。這個份量，應該夠三至四人食，所以今晚極度滿足！

同朋友仔響荃灣shopping完，順手就響附近搵野食醫肚，揀左呢間幾有feel既居酒屋食，野食足料又好味，清酒煮蜆仲要噴哂火咁好好睇😂❀清酒煮大蜆❀大蜆冇沙，煮完之後冇縮水，大大粒蜆肉好飽滿，食落鮮甜，個湯都好好飲，比我地飲到見哂底。❀三點盛合❀有三文魚、油甘魚及吞拿魚，三文魚脂肪條紋利落，口感柔嫩，點少少豉油食都唔錯；油甘魚油份高，食落淡淡甘甜；吞拿魚用上赤身，肉質結實有咬口。❀阿波尾雞翼❀燒雞翼我鍾意食～燒完之後雞皮脆脆地，好有雞油香氣，肉質依然juicy。❀照燒日本火箭魷魚筒❀超級大份，魷魚筒有2隻手掌咁大😱烤完後帶有炭火味，魷魚仲要幾有鮮味。❀秋葵、牛舌芯及白鱔❀牛舌芯係厚切，牛味濃郁，愈嚼愈香，想encore多串🤓每次居酒屋必點既白鱔，外皮烤得香脆，鱔肉仲要幾彈牙！❀一口和牛、鵪鶉蛋及沙錐魚❀點左少少炸物，和牛好香口，炸完後充滿油脂香氣；鵪鶉蛋一啖一粒夠哂邪惡；沙錐魚味道鮮美又冇骨。❀手作柚子及靜岡蕃茄Sawa ❀居酒屋少不了飲下酒，見呢兩杯個味幾特別就試下，柚子甜甜地好岩女仔飲；蕃茄就酸酸甜甜咁好解膩。

食盡荃灣之日式 — 瀛燒居酒屋————————————————荃灣廣場附近有一間頗為隱蔽嘅居酒屋， 因為佢左右隔離都冇其他食店， 所以今日食到呢間就好似搵到一個寶藏咁🤣🔸 上刺身組合 $199刺身食得出幾新鮮， 有三文魚，吞拿魚，油甘魚，帶子，甜蝦各兩件，每款質素都唔錯， 亦都幾厚切🥰🔸 蟹肉蟹膏米紙卷 $68呢款菜式第一次試，感覺有少少似越南米紙卷嘅感覺， 蟹膏份量比得一啲都唔孤寒， 濃濃嘅蟹膏味😋🔸 蕃茄三文魚濃湯海鮮烏冬 $128個人幾鍾意佢嘅湯底好入味， 有兩隻大蝦同幾隻大蜆， 值得一讚大蜆非常鮮甜而且唔會有沙😁🔸 海膽玉子燒 $98玉子燒超級大份，一共有成六大個，而且每件都厚到爆，超級飽🤣🔸 串炸一口和牛 $24和牛串配埋佢嘅串燒汁食唔會話好熱氣既感覺，唔錯🔸 串炸沙錐魚 $36魚肉幾滑， 同一口和牛一樣有得點佢特製嘅串燒汁🔸 酸菜海蜇檸檬漬 個人好鍾意呢個開胃小菜， 啲海蜇好爽口， 加埋檸檬味酸酸地好開胃食唔停口😆💭Overall comment:食得出每道菜廚師都有用心去製作， 無論係味道同擺盤都有講究， 另外聽到其他食客講話佢哋嘅蟹子沙律超級好食到要order多份做外賣

今次去咗一間日本菜嘅餐廳，試咗幾樣菜式，樣樣都幾好味！雞皮餃子外皮酥脆，內裡嘅餡料非常鮮味，外脆內軟。同埋即叫即做，所以好新鮮熱辣架！刺身三文魚同蝦都非常鮮甜，而且好大塊，又厚身，絕對冇偷工減料😂帆立貝肉質鮮味十足，而且大大粒，好正呀壽喜燒湯底嘅廣島蠔鍋，好香濃，蠔肉鮮美，大大隻，有6隻咁多😱😱配埋鍋入面嘅蔬，真係好滿足呀！照燒日本魷魚筒，魷魚肉質爽口彈牙。照燒汁唔會太甜。而且原隻魷魚真係大件夾抵食，食極都好似仲有咁😂另外仲有涼拌海蜇，酸酸甜甜嘅涼拌海蜇，呢個絕對係我最中意既菜式！海蜇非常爽口彈牙，配埋酸酸地嘅醬汁，真係好開胃又好味。最後仲食左一d炸物，有炸蓮藕、炸蝦同炸蠔等等，全部都外脆內軟。

因為享和街兩旁都係錶位，所以平時去荃灣一般都會先去享和街睇下有冇錶位。今日好好彩一到就有位，泊底先發覺原來近車房的街尾原來有間日式居酒屋。見Menu選擇都好多，於是決定在此晚餐。.門口掛上晴天公仔，牆身全貼滿日本的Poster，高高的樓底掛上日本的紙燈籠。店內播住輕快的日文歌，係一個好適合朋友聚會的餐廳。.三點盛合刺身三點有三文魚、吞拿魚及油甘魚，每片都厚切，而且都好軟嫩。個人好鍾意油甘魚，夠晒大片又夠鮮甜。.清酒煮大蜆原鍋清酒湯鍋上菜，店員仲會燒一燒著個鍋邊先再放入大蜆，用清酒煮一下，等蜆開口就可食。.蜆每粒都好飽滿，完全冇沙。用清酒煮過味道更為新鮮清甜。.阿波尾雞翼明太子雞翼阿波尾雞翼，外皮燒至焦香，唔會太乾，咬落肉質嫩滑，肉味香濃。而且醃得入味，加少許檸檬汁更帶出鮮味。.明太子雞翼釀入份量好足的明太子，賣相好飽滿。食落帶點明太子的咸香同辣味，十分惹味。.沖繩咸牛肉玉子燒Menu有好多款玉子燒的選擇，每款都好吸引。個人覺得玉子燒的份量都幾大。玉子燒外層煎至金黃，中間放左滿滿咸牛肉，而且做到好軟滑。咸牛肉配埋蛋香，味道好夾。.生蠔罐罐燒店員推介新推出期間限定的生蠔罐罐燒。簡單用上昆布

荃灣不嬲多好嘢食，今次就黎到一間居酒屋開餐！🤣餐廳有好多唔同嘅清酒，好啱同幾個朋友黎開一枝，一邊傾計，食下串燒，一邊慢慢飲👍🏻 但由於我第日仲要返工，就淨係嗌左杯啤酒就算🤣嗌左啲大路刺身黎食，三文魚 吞拿魚赤身 帶子，厚度唔錯，赤身食落唔會腥，帶子幾鮮甜👍🏻海膽甲羅燒。一黎到已經聞到好香👍🏻 撈勻左之後既有葱嘅香味，亦都係滿滿嘅海膽味，就咁食固然香，送飯亦都係一流🤓罐燒蠔。雖然size唔算好大，但唔知係咪罐燒比較唔會燒到咁乾？食落隻蠔都係juicy的🦪😛最後就叫左幾串炸物黎送下啤酒，日本宮崎腸、一口和牛、鵪鶉蛋、沙錐魚。呢度仲有好多其他唔同種類嘅炸物，價錢個人認為都算抵👍🏻

居酒屋位於荃灣廣場後面，都幾方便。內裡裝飾帶日本居酒屋feel，配合埋日本輕快音樂，感覺好似身處日本咁。三文魚米紙卷用米紙包住蟹籽，三文魚粒同青瓜絲，爽脆有口感，係唔錯嘅開胃菜。清酒煮大蜆首先店員會預備個爐同材料，加熱後就會幫忙點火。嘩，真係好吸睛呀。酒香隨即撲鼻而來，大蜆一開口就食得，隻隻都肥美飽滿，正呀。記得要飲埋個湯，有昆布同大葱，熱辣辣，夠哂鮮甜。三點盛合有油甘魚，赤身，凡立貝刺身各2件。厚切得黎又夠鮮味。海膽甲羅燒賣相吸引，蟹膏濃郁唔會腥，仲有蟹籽同香葱，配合飯團食簡直一流。特色燒飯團飯團表面燒得卜卜脆，飯粒分明，紫菜，芝麻增加香味，啱哂鍾意食飯焦嘅人。生蠔罐罐燒生蠔大隻肥美，淡淡海水鮮味。串炸盛合黎到居酒屋，當然要試下串炸物啦。揀左蓮藕，一口和牛，鵪鵫蛋同沙錐魚。炸粉厚度適中，啖啖肉，一定要點上個燒物醬汁，令串炸物更惹味，加分不少。手作柚子Sawa同白桃特飲飲埋有汽酒，特別爽呀

又忙完一個月啦，有得同朋友把酒談歡就最放鬆！位於荃灣嘅瀛燒居酒屋門面裝飾非常搶眼，店內木質裝潢與懷舊復古風的燈光、裝飾都讓整個空間充滿了濃厚的日式風情。Menu有各式各樣嘅送酒菜品，今次就揀咗其中幾款招牌菜式。時令刺身好有驚喜！三點盛合（$128）盛合有油甘魚、赤蝦、帆立貝，另外仲有日本直送嘅海哲、生蠔（$134），款款都味道鮮美，其中油甘魚油脂含量十分豐富，肉質嫩滑，非常推薦！清酒煮大蜆（$118）上菜時仲有點火效果，朋友睇得好開心！大蜆肥大又肉質鮮嫩，配上清酒的清爽口感，煮法可能簡單但味道鮮甜，最啱同朋友分享。去居酒屋我就鍾意試吓佢哋嘅雞翼，今次叫咗，阿波尾雞翼（$28）、明太子雞翼（$28）。前者外皮烤到微脆，肉質嫩又有彈性，肉味幾香濃。後者滿滿明太子肉餡，無骨啖啖肉，微鹹同辣嘅風味，送酒一流！呢間餐廳嘅炸串選擇豐富，個人就好欣賞三文魚親子（$38）同秋葵（$12），每串都裹上酥脆的炸粉，外皮炸得金黃酥脆，內裡的食材保持了原汁原味，口感層次豐富！特色燒飯團（$58）係居酒屋飲酒點少得每間餐廳都各具特色嘅燒飯團，今次嘅飯團好有份量，搭配上特製的日式照燒醬，令人回味無窮。飲品選擇同樣

某日收工同朋友黎到哩間位於荃灣既日式居酒屋，店內貼滿日式poster同客人既即影即有相片。店員悉心為我哋介紹不同既日式酒，當中我楝咗靜岡番茄Sawa($58)，味道十分清新，有淡淡既番茄味同番茄香，唔似食番茄醬，令人好驚喜。朋友就楝咗熱既清酒（$68），味道清醇，易入口。黎居酒屋當然樣樣都試下，首先係味噌廣島蠔鍋（$168），味噌味道十分香濃，新鮮食材浸泡味噌之後，十分美味，d蠔亦十分清甜。之後，仲叫咗一堆串燒同串炸，燒同炸程度十分有水準，尤其是燒過的生蠔十分香濃。P.S. 此店有任飲plan，十分推薦喜歡大大淡飲酒既朋友。

今日和老婆去荃灣睇戲和行街，睇完戲就在附近搵嘢食，附近有很多食店，但老婆想食日本菜，經過附近有一間很有日本色彩的居酒屋，入到店內牆上貼滿很多日式海報，感覺身在日本🇯🇵這個清酒煮大蜆，首先點火令清酒的酒精揮發，清酒的餘香用來煮大蜆，加上京蔥和辣椒粒，大蜆放入昆布湯底，當蜆一開口就食得，看見肥美飽滿的蜆肉，非常吸引，蜆肉入口剛剛好，十分鮮嫩，鮮甜。而這個昆布湯底也一絕，湯底加了大蜆清汁和辣椒的提鮮，這個湯好好味，正！汁煮螺這個是凍食，煮得非常入味，螺肉入口煙煙韌韌，醬汁調得非常出色，這個我很喜歡。特色燒飯團表面燒到微焦金黃色，入口飯團外脆內軟，外層脆脆的感覺，芝麻和紫菜的香味，而內裏香糯嘅米飯，食完十分滿足。時令日本生蠔，非常新鮮，微微的海水味不太鹹，蠔味濃郁很creamy，超級好味。串炸有鵪鶉蛋、冬菇、秋葵、三文親子串，串炸表面炸得香脆可口，三文魚表面加了三文魚子和沙律，入口外脆內軟，加了沙律很醒胃。原條鯛魚燒表面燒到金黃微焦，慢慢咀嚼，口腔內裏食得出魚肉的鮮甜，有汁並不乾身。最後加上一杯手作柚子和一杯提子特飲，香甜的提子味，冇得彈。

朋友最愛屋酒屋，因為有酒飲、又有精緻食物。今日由佢帶路嚟到呢間隱世小店，佈置十分貼心，有日式傳統小海報、有客人即影即有照片，感覺好親切。 侍應細心介紹唔同嘅酒類，友人愛清新口味，就揀左靜崗蕃茄sawa($58)，然後再叫左一樽清酒，可以一齊慢慢飲。 三點盛合($128)可以5選3，我地揀左三文魚、油甘魚、赤蝦。三文魚超肥美，油脂分佈均勻；油甘魚大件抵食；赤蝦size中等，夠鮮。 味噌廣島蠔鍋($168)必點之選！份量足，生蠔大大隻，仲有大量蔬菜伴食，夠晒飽肚。 居酒屋點可以唔食串燒?! 串燒配清酒👍阿波尾雞翼($28) 外皮香口，內裡嫩滑牛舌芯($58) 厚身，超有口感明太子雞翼($28) 明太子釀滿雞翼內，提升了口感 食完串燒唔夠喉，馬上追加串炸：蓮藕、秋葵、日本白板魚蛋、鵪鶉蛋、三文親子串。樣樣都好好味，脆卜卜，好啱送酒。呢度仲有飲の放題，啱晒想暢飲無限制嘅朋友。

首先上菜嘅係日式炸雞，雞肉炸得好香脆，但啲肉質仲係好嫩滑，好好食，再配搭埋佢嘅醬汁真係好岩。👌之後係明太子玉子燒，外皮煎到金黃色，但內裏水汪汪好嫩滑，而且仲有好多明太子。🍳然後係牛腸鍋，湯底味道好濃郁，牛腸嘅口感幾有嚼勁，而且清理得非常乾淨，就連我呢啲唔係太鍾意食內臟嘅人都覺得幾好食。鍋入邊有香蔥、大蔥、白菜等蔬菜，非常健康又暖身。🍲之後係日本直送原條魴鮄刺身，條魚真係好新鮮，魚肉質地好柔滑，味道好鮮美，上碟嘅時候整條魚骨都放咗喺旁邊，還原左條魚嘅本身，幾特別🐟再之後係日本宮崎腸串炸同雞肝串炸，炸得好脆，上枱嘅時候熱辣辣，皮又唔會太厚。🍢最後係一口和牛串炸，呢道菜味道好特別。和牛肉口感好柔嫩，肉汁十足，好好味。🐄