瀛川日本料理 (已結業)

琴日收左工之後約左女朋友去銅鑼灣SOGO買野，shop 到咁上下大家都見肚餓。女朋友見有frd 係FB到like左呢間野。我地見賣相唔錯又近近地，就上去睇睇。好好彩，唔使等位，最緊要係冇分時段，幾時入座都可以食足兩個鐘!!!雖然未加一都要238一位(9點後都要198)，好似貴左少少，我地都決定入去試試。我地一入坐就叫左一大堆刺身回一回本先，刺身好新鮮而且選擇都好多，三文魚入口即溶，牡丹蝦又大隻又甜值得推薦。最正唧係有得叫"海膽軍艦"，放題好少見有得叫海膽，呢到唔止有得叫，而且每件唧壽司飯又唔多，可以叫多幾件!正!!我地都好鐘意食海膽，所以叫encore左兩次!!!野飲方面，我地見叫左要加8蚊ga "藍莓梳打"同"香檳葡萄梳打"，不過飲落又唔覺好特別，少少失望。下次都係試下di冰砂!!串燒同天婦羅啦方面都OK，但係冇咩驚喜!

小弟生平第一次打食評，提醒大家唔好食伏野。(如果你想試乜野係伏就自己黎試下）今日4人同行諗住食放題，但d乜屋乜屋都無位，所以就試下第d，點知就中伏首先講下d刺身，都算新鮮，算唔錯。之後炸物正常，無乜特別，但個醬好似d洗菇水咁。個溫泉蛋難食，蒸蛋勁腥。至於燒物，由入座計起，等左1個鐘，寫左4次單，完全漏單，質素2個字講完，難食。綜合黎講，漏單漏到9彩，坐低左1個鐘，好似乜都無食過咁，刺身，壽司黎左2，3rd，其他乜都無，係得飲物無漏過單。最後埋單，4個人1091，每人26x，呢個價錢同質素完全唔成正比。另外佢有個推廣係影一相關於佢地店嘅相擺上fb or ig 有得減10蚊，加一都20幾，30蚊，果10蚊完全就算吧啦。

今日係哥哥農曆生日，就1家6口打算去食下放題，哥哥本身想去大喜屋，但佢打左好多個電話都冇人聽，咁我地就諗住WALK-IN，佢有位呀，不過食得40分鐘，所以我地放棄左佢....落返去黃金廣場樓下，見到有間瀛川，大家都未食過，佢又有位，就上左去試下一去到receptionist 好好，又問我係咪岩岩打黎果個，打算留張枱俾我地去到第1時間緊係不停點啦，講真，放題黎講，佢既選擇真係唔算多第1樣黎到既係羊架, 焗蠔, 燒鯖魚同串燒羊架：燒得幾香，唔係好羶，肥肉唔太多，唔會食到好膩焗蠔：一定冇大喜屋咁好味，不過好多放題既焗蠔都唔好食，佢就整得都幾OK鯖魚 & 串燒：正常水平剌身：樣樣都正常水平，不過不失，係個八爪魚真係差D...扇貝剌身：佢話係送的，但真係好好味，個群帶邊好爽好正壽司：幾好，都係細細舊，係D軍艦細得濟。有海膽壽司都算係個驚喜天婦羅：唔錯，唔會太厚粉牛舌：好奇怪，多數放題既午餐肉都好好味，佢本身個汁係好味，因個牛舌唔知點解食落去好似午餐肉...溫泉蛋：完全唔得，食落去有陣膠味燒帶子：乾爭爭，唔入味炸物：呢個真係推介，D野真係岩岩炸起咁，個芝士年糕係仲軟棉棉的！個炸蠔都好好味！唔錯唔錯

食放題, 食Buffet, 食完好少寫食評, 總類咁多, 懶人既我真係唔想樣樣碟碟款款都影相, 唔影相就忘記了自己食過乜, 但今次因為1)呢間有海膽壽司供應, 2)種類好少，好記得自己食乜, 3)漏單情況嚴重, 更加記得自己食過乜....9pm後每位$198(另加一)，價錢的確比x吉x喜x壽(?)個d平, 令我更Surprise的是, 竟然少人食, 坐唔滿!! 現場好多2人(包括我&男友)可以坐4人檯, 張檯夠晒闊, 檯與檯的相隔空間蠻多, 喪叫下 (放題第1round喪叫是常識吧) 都唔驚張檯放唔晒!!!刺身類-新鮮, order幾多就比幾多, 盤底有冰冰住, 什少漏單壽司類-海膽軍艦是重點!! 海膽都算鮮, 同樣係order幾多就比幾多其他壽司種類較為普通, 三文魚壽司 鰻魚壽司等 食落唔算突出卷物就把鬼了, 叫左幾個卷, 吹吹吹, 埋單前只黎左一款超普通的紫菜卷住吞拿魚串燒類-最最最激氣, 點左幾次, 無串有黎, 同樣吹吹吹吹….. 吹到埋左單先黎兩隻雞翼, 兩串雞肉, 同樣都是雞一部份的雞軟骨點左一串就黎三串, 即是點呢, 安撫哀家心靈嗎? 點左幾次的翠肉瓜, 蕃薯仔由始至終無