濠餐廳

营业中

休息中

平時好鍾意捐窿捐罅搵嘢食，今次見到OpenRice有訂座優惠，係低至50%， 即係買一送一🙈🙈🙈 就嚟試下呢間既buffet 睇吓係唔係真係咁抵食😌麗豪酒店屹立喺沙田已經好多年，餐廳外面嘅裝潢都好友年代感，入到L’Eau Restaurant，靜靜地望住沙田河景色，都幾寧靜舒適👐🏻今次buffet主題係澳門美食，熟食方面加入好多葡國特色，例如澳門避風塘炒龍蝦鉗、葡國雞😋😋😋沙律前菜既種類都好多，睇得出廚師既用心❤️平時自助餐都比較少食粥粉麵，呢間嘅藥膳湯底味道不錯，足以食哂一整碗🤤甜品嘅種類都好多，對任食Movenpick表示心心眼，仲有即製雞蛋仔，不得不提一到某個時間，廚師會推出一個好大嘅火焰雪山，唔係今次嚟到都未試過呢款懷舊甜品，仲會有點火表演，帶埋爸爸媽媽食飯呢款懷舊甜品🍮對佢哋嚟講一定好有回憶😌

今天入咗沙田探朋友，就試下呢間喺麗豪酒店入面嘅自助餐，餐廳位於麗豪酒店三樓，外邊有唔少兒童遊樂設施，適合餐前餐後俾啲老闆放下電，餐廳以澳門街作主題裝飾，侍應小姐安排咗我地坐池畔位置，望住出面個泳池嚟食自助餐，係時候超吓。餐廳食品種類繁多，冷盤有長腳蟹、凍青口、海蝦、海蜆、各式日本刺身、沙律、芝士拼盤、巴馬火腿、沙樂美腸、而熱葷、池畔BBQ、飲品、甜品等各自亦都有十幾廿款，以每人唔洗四百蚊嚟講，的確相當超值。首先嚟回吓本先，夾咗大量嘅長腳蟹、凍青口、海蝦、海蜆，長腳蟹口感清爽，帶有微微嘅海水味，青口同海蜆肉身飽滿，最令人驚艷嘅係海蝦，蝦肉新鮮彈牙而且極富甜味。跟住就食吓 HAM，COLD CUT 同芝士，我特別鍾意呢一隻包住酸青瓜條嘅燒牛肉，酸青瓜同燒牛肉個味道非常配襯之餘又開胃，我忍唔住係咁攞嚟食。芝士燒龍蝦，龍蝦任攞，REFILL 得又快，攞到埋枱面都仲係熱辣辣，繼續回本之選。熱葷方面以呢個印度咖哩同小炒皇最為出色，咖哩味道正宗，充斥住滿滿印度香料嘅香氣，忍唔住送咗幾啖飯。戶外池畔範圍有多種 BBQ，豬扒、牛扒、雞扒、羊架、豬頸肉、腸仔、燒蔬菜等等都一應俱全。最後除咗 MOVENPI

食品種類小、質素差。海鮮類只有蜆、青口和蝦。魚生類只有三文魚、鯛魚和希靈魚。熱食方面只有咖喱雞和什菜、西蘭花蝦仁、上海面、炒飯、蓮藕腩肉、－字骨、多春魚、蟹粥、中、西湯等。冷盤方面有些火腿、煙三文魚芝士和2款沙律菜等。主打燒豬也是分批斬件上，出了一次羊架，出了一次抄熟的長腳蟹腳，另外也有打邊爐，材料都是肥牛、蝦、尤魚和一些丸類和蔬菜，但爐要等半小時在煑熟食物。反正比一般酒店午餐便宜。幸好我拿到一口價和老人優惠兩人共506元，若要6拆價則要596元。除上述提出外，味道差也很大問題，蟹粥冇味和白粥差唔多。羊架和蟹腳也是。我哋永遠不會再光顧。

前陣子姨媽、姑姐親戚由加拿大返港到訪， 選擇咗位於沙田的麗豪酒店入住。晚飯時候就約埋一家，book咗酒店3樓餐廳《L’Eau 濠餐廳》食自助餐， 估唔到好鬼抵食。大人一口價$298， 已經包埋加一我， 食物嘅種類相當豐富。 而且坐得唔迫， 實屬消閒、傾計嘅好地方。首先講下啲頭盤， 有各種嘅cold cut， 包括煙三文魚，火腿以及沙拿美腸。另外亦有數款刺身， 雖然選擇唔算多， 但都有基本嘅三文魚、甜蝦、 章紅魚同希靈魚。以咁抵嘅價錢真係非常超值。沙律方面選擇亦好多， 最欣賞這個泰式柚子沙律， 味道酸酸甜甜， 而且帶點辣度， 非常開胃。另外講下呢度嘅熱盤， 有即席製作嘅藥膳雞絲米粉，按個人份量細細碗都得， 藥膳湯底甘甜，帶有藥材香，夠補身。喺池伴旁邊仲有一個泰式corner， 裏面有各種串燒，除咗有燒肉、羊架、燒香腸等等之外，仲有翠玉瓜同菠蘿等蔬菜，增添美味之餘， 同時亦食得更加健康。另外亦都有啲較為貴嘅食物包括芝士焗龍蝦， 雖然size細細，但仍然食出啖啖肉。最後呢度我覺得較為出色嘅係甜品， 食食下無端端聽到鈴聲， 原來係火山蛋糕出場， 大廚會在食客面前淋上酒再點火，打卡後再取。已經有

“垃圾” 從未食過一間咁垃圾！因媒體嘅介紹所以去食，但發覺好多食物款式都無，同介紹嘅差好遠，食物枱上污糟邋遢，無人抺，仲衰過茶餐廳燒豬只係出過一次，又無限制每人取嘅件數，眼見頭5個人已經攞哂全隻燒豬魚生全部有筋，爭鮮壽司上嗰片魚生仲好過佢戶外燒烤區只有廚師腸、翠玉瓜、杏飽菇、菠蘿、怪味台灣腸同埋腥到嘔嘅魚Movenpick 雪糕😒，成個雪糕櫃只得兩個味，仲要係細細盒分量唔多，做得咁寒酸我就寜願供應返啲平價啲嘅雪糕杯火焰蛋糕係每人一小件，但唔夠分囉，全場起碼有一大半人囉唔到，餐廳知人多好心就做多個出嚟分喇，個個攞住隻碟出去排，但又攞唔到嘢食，攪到啲人好似乞食咁全場最正常又唔洗搶嘅就係罐裝/包裝飲品全晚我都唔知自己食咗啲乜！

餐廳分為室內同室外，室外有燒烤，可惜當日落雨，就無現場職員燒烤，有烤菠蘿、羊架、牛扒、沙甸魚、台灣腸。所以我地主攻室內既嘢食🤣：有海鮮、魚生、芝士類、熟食（有好多馬介休菜式😮）、甜品等等。宜家諗返我當日都無乜點食過熟食😂食咗好多甜品蛋糕🤤！🔔🔔大家嚟到要注意職員搖鈴！！！一共有兩次，第二次差唔多19:50分的時候，萬不可以錯過啊！！！通常啲食客就會立即放低曬手頭上既食物，然後出去排隊😂。特色：🦞 第一次搖鈴：「咖哩焗龍蝦」，很香濃咖哩味，個人認為加芝士味道會更佳~🔥🏔️第二次搖鈴：「火焰雪山蛋糕」。當日我正在拎緊蛋糕🤣，所以排唔到前排影相😅，每人可拎一片～主食：🐖燒乳豬：個皮脆卜卜，好正！必試！🍜藥膳湯底麵：幾特別，好少酒店自助餐會有呢，可以一試！🦀蟹粥：比較清淡，無乜蟹味 🙈。🥢馬介休菜式：味道香口惹味，有少少辣，特別鍾意馬介休薯蓉😋👍🏻～甜品：🔥🏔️火焰雪山蛋糕：唔洗多講，一定要排！上面既忌廉，唔會好漏，中間就係雪糕🤩，最下層係蛋糕！好味😋！！！🎂是日蛋糕：款款蛋糕都好靚🤩，粉紅色個個（應該係荔枝紅桑子蛋糕🍰）最好食😋，食曬成件都唔覺漏，同埋唔係好甜！🍧甜品杯：咪道不錯（我最鐘意Ore

今晚同朋友去到沙田麗豪酒店L'Eau Restaurant 食自助餐，朋友食過一次，大力推介，所以我就同佢去多一次，睇吓係唔係真係咁正😊餐廳提供了豐富多樣的食物選擇，從刺身到熟食，從甜品到雪糕，絕對能滿足各種口味的需求。海鮮區 - 長腳蟹勁新鮮，隻隻蟹腳都啖啖肉，好好味。其他海鮮都勁鮮甜，真係要細心品嘗👍🏻刺身區 - 的新鮮度和質量令人印象深刻，每一塊刺身都非常新鮮，口感鮮美，特別是吞拿魚和三文魚更是絕佳。熟食區 - 有很多選擇，從中式菜到澳門菜式，每一種菜品都經過精心烹調，味道美味，非常能滿足食客的胃口。甜品區 - Movenpick雪糕有各種口味，重可以加入自選配料，好味到停唔到口。重有糕點選擇，糕點精美造型，好睇又好食😍 重有沙律可以選擇，真係非常貼心。總體來說，L'Eau Restaurant 沙田麗豪酒店是一個非常棒的餐廳，提供了豐富多樣的食物選擇，每一道菜都經過精心烹調，味道鮮美，特別是刺身和海鮮燴飯讓人印象深刻。如果您正在尋找一個品質優秀的自助餐，沙田麗豪酒店自助餐絕對是一個不可錯過的選擇！

L'Eau Restaurant 濠餐廳 沙田大涌橋路34-36號麗豪酒店3樓 而家食過自助餐，平極都係$700 以上，估唔到朋友介紹有一間人細嘅自助餐，佢哋嘅性價比好高，價格都好優惠海鮮食自助餐首先當然就要食海鮮啦，令我最喜出望外嘅當然就係佢哋嘅長腳蟹，因為啖啖肉都好新鮮，另外仲有其他唔同嘅海鮮包括凍蝦，螺肉，凍蟹食完海鮮當然就要試吓佢哋唔同嘅熟食，首先先推介嘅係佢哋嘅黑沙環小炒王，另外估唔到竟然有澳門避風塘炒龍蝦鉗。食到一半竟然會有職員提示理由隱藏版嘅咖喱焗龍蝦，大大隻開邊龍蝦，加上咖喱焗起上嚟真係好好味好入味。食埋葡式乳豬就好滿足啦食完主菜當然就要食吓甜品啦，自助餐嘅甜品選擇都幾多，而且件件都係細細件啱晒食飽，又唔想有太大負擔嘅朋友。更加猶大牌子嘅雪糕陽光選擇，推介佢哋嘅芒果熱情果， 酸酸地又好味最後覺得成個自助餐都好抵食，依個價錢竟然仲可以食到海鮮，主菜同甜品，係點度搵咩？#香港美食 #沙田美食 #RegalRiversideHotel #沙田酒店 #沙田好去處 #酒店Staycation #Shatin #ShatinHotel #buffet #buffethk #香港麗豪

好耐冇食過自助餐，見屋企人想食就一家人去食啦！麗豪酒店呢個自助餐以澳門為主題，食物選擇都幾多！首先就當然要食冷盤啦，凍海鮮有長腳蟹、三點蟹、青口、蝦、蜆同翡翠螺，refill得好快，唔使擔心冇得食！仲有刺身同壽司，刺身有三文魚、吞拿魚、甜蝦、希靈魚等等重頭戲當然係任食芝士焗龍蝦，隻隻啖啖肉仲有膏添另外當然唔少得就係cold cut 同cheese bar！仲有好多唔同種類既熟食！飲品都有勁多選擇！甜品都超過10款，但當然回本位就係任食Movenpick雪糕，仲有toppings 比你自己加，真係幾正呀

生活趨向復常，自不然好多大型活動都會如常番，今日就嚟到「麗豪酒店」食自助午餐，不過，就唔喺晌「濠餐廳」，而喺包咗成個宴會廳「聚賢廳」，足足二百幾人聚首一堂。今次就借咗「濠餐廳」個版位嚟出文，其實，相信都喺出自同一個廚房。比起「濠餐廳」，呢度會坐得舒服好多，除咗地方大，樓底又高之外，枱與枱之間都排得闊落啲，而且，全都喺圓枱，方便大家傾偈。明顯，個場其實喺俾人擺酒或搞大型活動用。 因為小弟喺是日車長，要安排帶大家入座，所以，未有機會第一時間影低啲食物全貌，都喺盡量影，有幾多就影得幾多，總括而言，同晌「濠餐廳」食到嘅肯定有啲分別，至少喺少咗凍海鮮、即煮粉麵之類。食物區分開幾邊擺，晌宴會廳內，左邊角落有沙律、冷盤、熱湯、烤切肉，而右邊角落有甜品、雪糕同飲品。 而晌宴會廳外嘅走廊，就擺咗十多款中西式熱盤，大致上都叫樣樣都有啲。雖然喺自助餐，但小弟就自製咗四道菜午餐，睇睇下面就知點解。 此外，仲加送每枱一大盤刺身拼盤，包括吞拿魚、三文魚、希靈魚，不過，個人覺得有啲嘥，因為今次活動上年紀嘅人偏多，唔多會食生冷嘢，好似我哋呢枱，就食剩超過一半，反而索性將啲刺身擺返喺出面啲食物枱，隨心夾會仲好啲。第一碟

放假約左朋友去沙田踩單車呼吸新鮮空氣、兼食buffet 大擦一餐。揀左距離新城市廣場大約數分鐘車程既沙田麗豪酒店L'Eau Restaurant餐廳地方頗大，枱與枱之間充滿空間感餐廳最近推出全新主題 【澳・葡美食自助晚餐】，炮製出一系列澳・葡風味的特色菜式，如葡國雞、馬休介球、葡撻等。同場更有啖啖肉的長腳蟹、肉質爽且厚身的翡翠螺、藍青口、蝦、蜆等海鮮及刺身、壽司、熱葷必食即叫即燒芝士焗龍蝦皮脆肉嫩燒乳鴿、入味炒龍蝦鉗冷盤、生果沙律等任食。甜品一向是我最重視的環節，食完會令人心情放鬆。餐廳特別推出火焰雪山，鐘聲一響大家都走出去圍住，期待侍應為雪山點火一刻，非常吸睛。 加上無限量供應瑞士Movenpick雪糕、意大利芝士餅、木糠布甸等特色蛋糕。另有多款果汁、咖啡及汽水任飲。

趁一田減價同屋企人一齊入左去沙田掃平貨，夜晚就轉戰麗豪食buffet。我地選擇L'Eau Restaurant  因為有懷舊火焰雪山食蛋糕加雪糕入口外暖內凍，好特別黎間座位闊落且樓底高，當晚人少少坐得好舒服。冷盤有時令海鮮，回本長腳蟹、翡翠螺、藍青口、海蝦、花蜆等翡翠螺彈牙有口感、腳蟹鮮味無比日式刺身比較大路，有三文魚、呑拿魚、鯛魚、希靈魚、甜蝦，整體都不錯。仲有多款壽司、凍盤、沙律🥗等選擇。大大粒蒜味螺肉熟食區熟食選擇頗多，有即場燒既芝士焗龍蝦，滿滿芝士好邪惡；惹味薑葱炒龍蝦鉗，啖啖蟹肉好鮮味；皮脆肉嫩燒乳鴿；滋味葡國雞；香脆彈牙米通墨魚餅。多款正宗澳・葡美食另有自選粉麵區、中式燒味等。飲品區有檸檬茶、多款咖啡、soft drink任飲，不過飲品櫃個位置比較低調，行左幾兜先發現。甜品/水果區有各式各樣既中、西甜品及新鮮水果。當中芒果布甸香甜芒果味夠濃仲有必食燕窩燉蛋白，養顔好滋潤食葡國菜當然唔少得食返個葡撻最後一定要食返杯雪糕

2長者3成人total💰1765，菜品不算多，但少有芝士焗🦞同焗🦪，其他餐廳未必有焗，就睇中呢點，所以黎試下，味道很好！平日黎食人好少，龍蝦可以任㩕，唔洗排隊最正係呢樣啦。飲品有各種盒裝飲料，乾淨衛生！西冷牛扒不停有，比起其他餐廳性價比真的好高！

慶祝嗰陣食自助餐就最好㗎啦，一個價錢食咁多嘢😂仲有我最鍾意嘅甜品不停供應👍今日就去咗麗豪酒店食自助餐，因為知道做緊東南亞主題，座位間隔寬躺，部份位置仲可以欣賞泳池景色。食物區範圍都好大，款式又多。各式各樣嘅冷盤同刺身，有大蝦、長腳蟹、凍蟹🦀️、蜆肉、翡翠螺無限供應，最受歡迎嘅長腳蟹見其他食客都係成碟成碟咁拎，不過refill速度都勁快，蟹腳夠晒大隻食起嚟都非常鮮甜。凍蟹就細隻嘅，主要食膏，味道都好濃郁！仲有好多款熟食美食，包括有餐湯、多款特色咖喱美食、炒飯、西冷扒、羊架、蟹粥、焗蠔同龍蝦🦞，一定可以滿足到食肉獸！呢度嘅龍蝦用芝士焗，厚厚嘅芝士蓋底下係爽甜嘅無比嘅龍蝦肉😍勁好味！絕對係重點推介！呢度仲有多款甜品供應，有我最鍾意嘅m字頭雪糕🍦，仲有特色豆腐花、仲有超過20款迷你蛋糕，更有人氣火焰雪山蛋糕限定供應，聽到要鈴聲過去望吓有見到有火焰show😂啱晒打卡！#香港美食 #沙田美食 #RegalRiversideHotel #沙田酒店 #沙田好去處 #酒店Staycation #Shatin #ShatinHotel #buffet #buffethk #香港麗豪酒店 #麗豪酒店 #自助

老婆知我鍾意食龍蝦，今日就帶咗我去食自助餐😎就去咗麗豪酒店食自助餐，連加一大概$600位，以有龍蝦同埋長腳蟹食來講，價錢都算中規中矩啦！呢度做緊東南亞主題，食物區範圍都ok大，款式選擇都OK。六點左右開始，不過我最鍾意嘅龍蝦就大概七點左右先有，所以我都係食住冷盤同刺身等，主攻長腳蟹、凍蟹🦀️，食自助餐長腳蟹通常最受歡迎，蟹腳啖啖肉都夠大隻嘅，味道都幾甜。然後就梗係食刺身啦，呢度刺身大概都有六七款嘅，主要都係食三文魚腩，都算新鮮同肥美。見到有特色咖喱，都試咗咖喱雞同埋龍蝦鉗，味道唔辣，都幾香咖喱味，第一次食咖喱龍蝦鉗，爽實好味嘅，如果起埋殼就正好多😂焗蠔同龍蝦🦞一岀即拎，焗蠔嚟講唔係好大隻，不過蠔味都幾鮮甜嘅👍龍蝦係芝士焗，龍蝦肉配芝士冇得輸啦，試咗兩隻都係爆膏嘅，好味！而且開咗邊，食起嚟又方便！見都有幾多款甜品，試左焦糖燉蛋，蛋都夠滑。