影片
上星期六, 八月九日.同男朋友去澳门赛马会餐厅食饭,呢到所卖的菜式比澳门茶餐厅更像澳门菜, 起码餐牌上有澳门小吃, 炸马介休。今次第一次食,叫左4样食品一杯冻饮, 初头仲惊唔够食, 点知饱到食唔哂。价钱唔贵, 份量都好足够, 唔错。杂菜咸猪手$53 (好好食,即叫即煮,所以要等耐一点时间,仲好大只猪手添架)(烧)精选肉眼扒$128(系全晚最贵一道菜,牛扒系比正野你食,唔系花园餐厅个款,好有牛肉香味,而且d配菜,炸薯圈好好食)芝士火腿焗生豪$42 (好足料有4只,d豪好有甜味,应该唔系用死左的豪,芝士布满豪面, 好食。)葡汁焗时蔬(唔记得几多钱,好似唔驶$50)(d葡汁好好味,入面有鲜菇,西兰花,萝卜,椰菜,d汁比我食埋)餐厅仲有一些set lunch & set dinner,我见到其他人食都几大碟, 而且这间餐厅入面仲有大银幕,每当有球赛时, 佢地都会转播架,当晚就见到好多人来睇波喇。
继续阅读