影片
3号风球，谂住买定啲外卖，等今晚有嘢食。都明知会打风，所以打定电话问吓丸记有冇开。阿姐好似赶住收线咁，讲唔够两句就cut咗线。但既然有开就照去。其实都知佢舖头掉咗位置，但系估唔到佢原来系同沙田友合并左！个门面完全唔清晰，兜咗一大个圈，问商场个保安，佢又好似戆居居咁。于是我再打去问吓阿姐，佢先讲清楚原来喺沙田友「隔离」！去到沙田友，根本就系两间舖头合并，用同一个门口，同一个收银！讲啲唔讲啲，等我冒着雨行咗成个圈，先买到清汤腩。想去食嘅街坊，要注意返。
继续阅读
好差 以后唔会再去 谂紧想试嘅 都可以唔洗试 主要有2点第一：叫沙姜鸡饭 净系得只鸡翼 同鸡翼尖 斩头斩尾 砌一碟想食饭嘅嚟 就啱，斋食饭！完全无肉落肚 钱就比足连冻饮5x$60另外朋友就叫牛腩河，牛腩一共4旧 但有2旧肥到食唔到，又系求其切比你，唔会飞吓啲边。个汤就成层肥油，有三高真系唔建议嚟！第二样嘢：冷气几乎系零，坐门口可以带定条毛巾 。仲要可以坐坐吓 坏冷气 成班人焗系入面 出面就 三十几度🤣但系都有样嘢好 就系唔洗排队 根本直入 可能住附近啲人都知唔掂☹️行多2步入去食大快活好啲
继续阅读
清汤牛腩牛筋河 全日附送饮品$58牛腩有肥有瘦 佢sell肉爽 所以唔算好腍牛筋大件又够浆口好味 系骨胶原啊..出色过牛腩 幼身河粉超滑身 汤底清 唔会好咸或者好油 萝卜够甜够淋 但可惜有渣 估唔到无意中揾到间好食嘅牛筋腩河～😋总括 系几唔错 会再去👍🏼
继续阅读
今次用餐分别叫左海南鸡饭同清汤牛腩河，海南鸡鸡肉嫩滑，饭味香，中规中矩。清汤牛腩好好食，平时我好少会饮汤底，但呢个汤底我会饮埋，萝卜都甜，但得一旧🥺牛腩无特别要求肥瘦(见餐牌有写可以要求)，但送到嘅牛腩肥瘦适中，值得一试！
继续阅读
澳门丸记清汤腩王「澳门丸记清汤腩王」由阮弼壕先生于2006年创立，将家传历代秘方融合自己多年厨艺经验与心得店名中的「澳门」源自餐厅创办人阮弼壕先生的祖母年轻时在澳门十月初五街推著一个木头车沿街叫卖牛腩面，煮得一手清汤腩的好手艺传到阮先生手上并延续下去牛腩河粉系香港经常都会食到，但呢碗牛腩河真系数一数二第一次食到萝卜清甜牛腩肉质嫩滑汤底唔会太咸，河粉系幼身河粉下次经过都会再帮衬因为唔系间间都做到呢个质素 $48一碗高质 Cp值沙田石门安详街3号京瑞广场一期地下牛腩河粉 $48餐跟热饮 热柠檬水
继续阅读