澳門翠苑餐廳

营业中

休息中

朕今日獨自出巡旺角（濕平）買玩具，時近黃昏，見有啲餓，於是就去左呢間好耐無黎既澳門翠苑茶餐廳，食番個好耐無食既咖哩豬柳農夫包！個咖哩豬柳農夫包一上枱，啲豬柳都幾厚身，但係我望住碗咖哩水，無錯係咖哩水，我仲以為自己睇錯，試真啲，碗咖哩唔辣不特止，又無咖哩味，又稀又水，唔知係咪而家太多人食，質素下降，同朕之食既味道真係差天共地！！！－－－－－完－－－－－

約左貧友o係mk玩3D館影相影之前就來食晚飯因為之前已食過2次農夫包本本唔諗住食, 但有部份貧友未試過, 話叫一個黎share就叫左個軟殼蟹農夫包$7x一個餐, o係哩個場真係算貴先唔講個包住, 湯佢的確比隔離$2x-4x一個餐附送o既餐湯足料同好飲至於個軟殼蟹農夫包, 軟殼蟹就真係唔多反而薯仔就大把, 包係普通包, 如果烘到佢少少脆就更正咖哩都算ok, 唔辣的

星期二去按摩已經成為一個習慣，按完之後，都已經成9點點，好肚餓呀，食咩好呢，走左入吉野家，諗左好耐，最後叫左個特盛牛肉溫泉蛋飯，佢寫話牛肉係特多嫁，點知我覺得俾人厄左，同平時一樣，只係多左飯。牛肉仲好乾，好似好老咁。又唔夠牛肉汁汁，飯係保持到水準，好彩有叫溫泉蛋，可以用黎拌飯，正。個場好似仲有野咬腳咁，痕痕地。

今日同同事午餐可以出去食，上openrice睇下有咩食啦!旺角最多笑臉竟然係間茶餐廳，咁就決定會佢一會啦!我地2個人1:45到達，人流都唔少，衛生就一般，有點像大排檔，剛好搵到張搭枱位，我地叫左2個餐，一個係咖哩豬頸肉農夫包、羅宋湯，一個係常餐F(沙爹牛肉麵、奄烈+牛油豬仔包)凍咖啡，首先講下個咖哩豬頸肉農夫包先，味道一般，包係脆既，羅宋湯你估佢唔到，1.足料 2.濃郁 3.正過西餐廳，沙爹牛肉麵比起一般茶記好食，有以前沙爹牛肉Feel、奄烈(不過份量少左啲)+牛油豬仔包，嘩!咪講笑，超好食呀!如果農夫包有5個脆，佢肯定多過8個脆呀!凍咖啡~好香呢!好飲呀!!!!!不過，啲餐具碗筷就dirty左啲，立痴痴，覺得唔係好乾淨咁。另外，要一贊收銀亞姐，佢一眼就知道我係新黎既，又提我邊樹攞餐具.....計多我錢，又比番我，雖然係一間茶記，但係好貼心呀!哈哈!會再來，仲有速遞!yeah!

看到這麼多好評，就當然是衝著咖哩農夫包而來。食店位於旺角熟食中心，即是Food Court形式，全場座位任坐，到食店點餐後，會給你一個號碼牌，及詢問你坐的位置。咖哩牛腩農夫包餐基本上5分鐘都已經送上餐來，近看農夫包真的很大呢！有牛尾湯、農夫包、飲品，只需$60，太抵了！隨餐還附上了一對膠手套，算是貼心吧。咖哩是不辣的 (很微辣)，我超喜歡，因為我吃不到辣，所以這個超微辣度就剛剛好了呢！但吃辣的人會覺得不好吃嗎？；牛腩，正確一點是牛筋腩，筋腩比例簡直是1:1；農夫包外脆內軟，熱呼呼的，沾上咖哩汁超好吃。咖哩可以配飯、薄餅 (意粉本小姐不喜歡)，但配上外脆內軟的農夫包，我認為是最好的配搭！包比飯更能鎖住汁，又比薄餅鬆軟，口感更佳。其實旺角熟食中心好多平價食店，下次要再試試其他才行！

最近都沒有吃過茶餐廳，今天我便去了澳門茶餐廳吃了個沙嗲牛肉麵餐。基於喜好問題，我轉了米粉和雙蛋。這裡環境整潔，二樓特別寬敞舒適，不會有壓迫感。不消一會，食物便送上，這裡的湯底都是清湯，不會蓋過沙嗲醬，而且沙嗲味十分濃郁，滲進軟硬適中的牛肉，適合我這種重口味的人。至於食物配搭方面，顧客可因應自己喜好將火腿，腸，蛋轉成雙蛋或炒蛋，自由度十分大，在此推介給愛沙嗲牛的人。

蒲咗旺角咁多年，居然唔知原來朗豪坊隔離有個隱世美食天堂是晚放工就過黎試吓喇。旺角熟食市場可以由朗豪二樓（麥當勞側）行天橋去，既方便又快捷而翠苑係正熟食市場入口隔離，唔會怕搵唔到。試得翠苑，當然要試馳名既咖哩農夫包啦！叫咗咖哩牛腩農夫包，連牛肉羅宋湯同凍咖啡，盛惠$62。雖然係熟食市場，但叫完野食唔使自己拎，會有專人送餐等咗幾分鐘，熱辣辣農夫包送到！！嘩！好大個包呀！咖哩汁另上，好貼心！仲有埋手套方便落手食包！急不及待打開個包，嘩嘩嘩！入面好多牛腩呀！起碼有七、八件！先講個包，外脆內軟，點埋唔辣但惹味既咖哩汁，到暈！牛腩已炆到好淋，非常容易入口！羅宋湯濃郁又足料，真係撈到牛肉粒架！凍咖啡亦非常出色，唔係一般茶餐廳既咖啡，唔澀之餘仲帶少少朱古力味雖然$62係熟食市場黎講係偏貴，但樣樣都咁出色，絕對係物有所值！而且熟食市場其實幾乾淨，一直有清潔姐姐不停執碟抹枱，地下未見濕滑。平時成日焗住幫襯大財團，有機會都要多d支持呢類小店！

大前日(13-3-2015 Fri)同男友離開銅鑼灣後返旺角join女友人DC,LPK同佢老公CTS一齊食晚飯,我同男友先到,上到o黎至知係food court形式,我o地先罷位等,終於等到齊人.我o地買o左:3. 廈門炒米餐呢個味道偏甜冇酸味,汁係o岩o岩掛係米粉上.1. 咖哩牛腩農夫包餐LPK同我一樣食唔到辣,男友買o既時候問有冇得揀辣度?老闆娘話冇,但都要試啦,因為我o地係為呢樣而o黎嘛. o黎到時見到佢o地用錫紙包住,亞姐話要趁熱食,咁我o地唔打開住,因DC未到,到o左我o地至打開食得.個包外面好脆,牛腩好腍,咖哩汁辣辣地,我只可以加少少落麵包o度食,牛腩份量唔多,呢個個個食都讚. 2. 雜扒鐵板餐呢個係CTS o既,混亂中,我只食少少薯條,其他冇食過.4. 豬扒包唔太大件,內裡冇其他配料,睇落好乾,但食落,豬扒唔乾幾juicy,咁又唔係差喎. 5. 葡式咖哩海鮮飯餐呢個係DC買o既,我食到o既海鮮就只係魚,而我竟然食到辣味,但DC同男友話冇.奇,其實我個碗唔係有好多農夫包o既咖哩汁.飲品:我要熱檸水,呢個冇問題.而湯呢,我同男友share羅宋湯,呢個亦冇乜酸,甜甜地,

時不時唔想出街又諗唔到食咩嘅時候就會叫澳門翠苑外賣。呢間茶餐廳日日都有A至G餐，成7個選擇咁多，仲要日日都轉下餐牌，梗有一款啱食。下面有張外賣紙可以睇下：我上一次食澳門翠苑外賣叫咗個焗白汁雞皇飯。其實都唔係第一次食啦，次次食焗飯都有咁上下水準，所以繼續叫焗飯囉。由我打電話去叫外賣，到送到嚟都只不過係差不多半小時，個人覺得好快手，抵讚，LIKE！埋單都係$38蚊，有飯、飲品仲有中湯。聽電話個阿姐可能認得我，所以俾埋個中湯我飲，呵呵~打開個飯，仲好熱辣辣。但係個顏色好似怪怪哋？原來落咗葡汁而唔係白汁，不過葡汁定白汁我個人覺得都唔錯嘅，無乜所謂啦。焗飯主要有葡汁、雞肉，配菜有紅蘿蔔、青椒，當然仲有飯啦。不得不提，飯底係炒底，蛋一啲都唔少，仲唔使另外加錢！個焗飯唔會焗得太過火，焗得剛剛好。雞肉肉質嫩滑，葡汁份量十分足夠，足夠食哂成個飯，唔會話唔夠汁。葡汁味道十分可口，香味十足。到飲品啦，我叫咗凍奶茶多奶少甜。翠苑嘅奶茶本來飲都幾好飲，茶味香濃，口感幼滑。我鐘意多奶少甜因為好似好飲啲，奶茶會更滑，同埋少甜無咁肥嘛。中湯係花生眉豆雞腳湯，湯不油膩，十分足料。食完呢一餐都唔覺有太多味精，起碼唔會係咁

每次來到旺角要吃午飯時，第一時間就會想起旺角熟食中心，一來是由於食物款式夠多，二黎是有兩間又平又抵食的餐廳深得我心，一間是雙餸套飯，另一間就是吃農夫包的「澳門翠苑茶餐廳」除了一般的快餐食品外，還有主打的豬仔包及咖哩農夫包～兩款分別也有數個口味供選擇咖喱牛腩農夫包餐 $60［評分：8/10］套餐連餐湯及飲品，凍飲加2蚊。為免咖喱汁把農夫包浸得濕濕淋淋，所以與咖喱汁分開擺放，而牛腩就早已藏於農夫包內。餐湯方面每次也是一樣的，只有羅宋湯～羅宋湯［評分：8/10］味道較酸，茄味香濃，還有大量煮至淋身的雜菜，醒胃非常～咖喱牛腩農夫包［評分：8/10］打開農夫包包面就能看到一件件的牛腩藏在包內，取出看看，份量中等，但只有一件比較大，其餘大部份的也比較零碎牛腩肉質不算太嫩，但尚算腍身，腩與腩之間夾雜了一層脂肪，味道頗香。而咖哩汁，稠度較稀，不帶辣味，但味道頗香。而農夫包，外皮頗脆，內裏由於吸收了肉汁，所以較為濕潤，撕開農夫包再沾一些咖哩汁及牛腩同吃，味道不錯～澳門翠苑茶餐廳 (旺角)旺角上海街557號旺角熟食中心2樓8號舖～～～～～～～～～～～～～總消費：$ 62味道：8/10環境：5/10服務：6

我一直都好中意食泰式咖哩包，真係無諗過原來葡式都有，不過就叫做農夫包！當日去朗豪坊搵朋友，順便食個小飯，佢就帶左我黎食啦我以前都有去呢到熟食市場食野，所以都唔介意環境問題，不過我見有食評厭環境唔得，但好食咪得囉個農夫包比我想像中大好多，望到都開心♥♥♥打開個錫紙，已經聽到同個包蓋撞擊既脆聲^▽^我叫左雞肉農夫包，D肉又係好多好足料(唔記得影雞肉相tim)我見人地食評d碗靚d嫁喎～不過唔影響食慾;)好正，好多汁！o(≧o≦)o雞肉唔錯，咖哩好香，唔辣既，所以唔食得辣既都可以食^^上面個蓋是脆脆地♥♥　但個包邊就是有點硬，掂左咖哩汁就好小小啦～中間既麵包吸收左咖哩，幾好味！呢個價錢真係可以兩個女仔一齊食，而且下次我想食軟殼蟹♥♥我好想去番食

講咁耐，今次先第一次食農夫包。上次因為一個豬仔包而令人難忘，今回食人人都讚好嘅，差極有個譜卦。一上枱已經急不及待開包，麵包香脆，用刀切嘅時候麵包會發出令人興奮嘅卡卡聲，大大舊牛腩超淋一啲都唔韌牛筋膠質極重，食筋要膠先係嘛！咖哩汁好濃好香，但極重香草味反而唔係我杯茶。。。不得不提嘅係個餐湯，肉味濃郁又夠蕃茄味，見佢唔係水nelnel就知唔係一般貨色。全餐之最……凍咖啡!香滑而唔太甜，正合我心意，茶記咖啡係應該要拱架!

這裏是多年前一位舊同事介紹，這裏的農夫包餐由$40多元，食到現在$60多元了。重遊此地當然要食這裏的豬扒農夫包餐啦﹗這個餐以我一個小女子來講實在很豐富，兩個人一起食就差不多。除了個主菜豬扒農夫包的包熱騰騰外，內裏的豬扒極為爽嫰，不會乾爭爭，配上他們的咖哩汁，極為野味。而且那個濃濃的菜湯，一個字'正'﹗還配一杯飲品，令我的肚子很漲。

用餐環境一般，味道還算可以，很喜歡在綜合大樓用餐，性價比高，菜的分量很多，女孩一般都吃不完。泰皇燒骨、番茄牛肉通粉很好吃，豬扒包有點硬，不推薦紅豆冰，紅豆一點都不綿。下次還會再來嚐嚐農夫包。

就在朗豪坊下面所以好易揾，但我無諗過環境係咁，好多蒼蠅又沒有人收拾食完既野，等得都幾耐雖然叫左咁少野，飲料好快無味吾知點解，不過那個包還是幾好的，真的很脆，一咬落去會有聲音的，不過好像慢慢覺得有點硬了，豬扒係好軟咁既，都係澳門的好吃