澳門翠苑餐廳 (已結業)

鮮鵝肝醬豬仔包+凍澳門咖啡$30之前食過旺角熟食中心，啱啱知佢原來太子有分店，一於嚟試下豬仔包都唔駛多講，食過都知超脆鵝肝醬我之前食過超市買樽裝嘅同翠苑嘅食得出唔同，眞係似自家製，食落會感覺到有細粒嘅鵝肝肉碎起裡面感覺新鮮但略略欠香濃，好彩佢加咗芝士同生菜芝士可幫補個鵝肝醬所欠缺嘅香濃，生菜都新鮮翠綠澳門凍啡都非常香濃，我平時甚少飲咖啡，但我都鍾意佢個咖啡環境我覺得好過旺角熟食中心添，又有電視睇但因為食完嘢人有三急，於是就去佢地但洗手間，途經房嘅通道，非常混亂及地面超滑，好彩我食完啫，如果唔係就唔多開胃

開張初期已經即刻試左, 食物水準高, 新鮮熱辣, 農夫包無得頂, 咖哩夠香, 不會過辣, 正~豬仔包系列亦係必食之選, 奶醬, 油醬, 奶油, 鮮油...等等仲有豬扒包, 鵝肝醬豬仔包都好正!除左包類, 炒飯, 小菜都好出色, 唔會好油, 足料好味!小食推介迷網春卷, 又熱又脆, 好好味!開左兩個月已經去過6, 7次, 而家仲o係隔離開多間添, 減少等位時間, 非常好!老闆們非常nice, 員工手腳快, 服務不錯!

終於一嘗榜上有名的翠苑..常餐怪當然唔會放過常餐啦~忌廉煙鴨胸通粉,好好味,最重要係唔會好杰,好濃..忍唔住飲左好多啖湯先開始食野~凍咖啡,果然唔錯~牛油豬仔飽,好味呀~~鵝肝豬仔,難以品評~~唔知點先係好好味..下次要試埋農夫飽!!

果日打完波幾個friends 搵地方食野, 行行下見到有間新野咪諗住入去試下味,坐低之后有個侍應走過來(后來先知佢係老闆,真係佢老闆,第一次見就好似識左好耐咁吹左好耐水,非常熱情),咁我地咪問佢有咩好野食,咁佢講左幾個餐同小食就叫佢快馬!! 真係好餓...最先有迷網春卷,夠脆!!食落口感一流!!第二個係鮮鵝肝醬豬仔飽,無諗過咁既價錢可以食到鵝肝囉,而食落亦唔會有太油利既feel!!好好既配.不得不提既係咖哩年腩農夫飽(有幾種味,不過唔係太記得) ,好鬼太個!!食一個已經飽到嘔!!一個字正!!有機會一定要試下!!加埋兩個碟頭飯4個人每人$50左右 食到飽一飽 正

同朋友臨返學前，經過此鋪，查看招牌，心諗...「乜咁似旺角熟食市場0個間？連食物款式都一樣！」見仲係下午茶時段(直至6:45pm)，最後決定入去試下，朋友叫左炸魚柳沙津餐($23)，我叫左雞翼薯條+招牌咖啡($25)。雞翼餐送到，薯條碎濕亦炸得唔夠香，雞翼得2隻細既，最好飲係咖啡，從咖啡味道及賣相去睇，更加肯得佢係熟食中心0個間既分店。炸魚柳沙津，魚柳做得出色，炸粉炸得夠脆夠薄，魚柳好有魚味，如果沙津加多d鮮果仲一流臨走時問問老闆食店背景，原來熟食中心0個間係佢大哥，因意見不合，決定自立門戶，仲叫我地多d來食支持下。如果食物好味，服務又好既話，我梗係會再來啦！

去開太子"東西貿易"買BB嘢，諗住是但係附近搵間茶餐廳食晚飯啦，點知見依間嘢新開張，咁我哋一行六人咪入去試吓囉！之前聽朋友講係旺角有一間食店有個好出名既"農夫飽"又平好味，點知見到依間舖頭有得食，而我哋一行人又好鬼咁鍾意食飽，咪叫一個大既咖哩什會農夫飽試吓囉！點知個飽一嚟到，就俾佢個size嚇親，個飽既直徑起碼有成10"，我哋睇到呆咗，一邊打開張鍚紙既時候，我已經feel到個飽皮好鬼"趣"，食完個個都讚好good！因為個飽外"趣"內"軟"，而個咖哩汁又整得好香，入面既什會都好好味，而咖哩辣度適中。其他我哋仲叫咗鮮鵝肝醬豬仔飽、奶油豬仔飽、豬扒飽、椒鹽雞翼尖、迷網春卷、晚餐(中式牛柳)、闊少炒飯。所以依餐真係"食飽飽" "食飽"！鮮鵝肝醬豬仔飽 ~ 好好味，佢哋唔係用普通係超市買既鵝肝醬去整，我諗係佢哋自己調配，佢哋仲加咗塊半溶芝士！個飽皮好鬼鬆"趣"！本人勁like鵝肝醬，所以覺得超good！奶油豬仔飽 ~ 都係果句 "個飽皮好鬼鬆"趣"！" 正！豬扒飽 ~ 依然係個飽皮好鬼鬆"趣"！" ，件豬扒好juice！(sorry, 掛住食冇影到相)晚餐(中式牛柳) ~ 起初諗住依個晚餐用嚟填

某天放學和爸爸走到花園街歎下午荼進了這間店因為有我最愛吃的麵包我的下午茶餐是豬扒包加檸檬茶爸爸的是咖喱農夫包還有一大杯無敵澳門咖啡 很重量級不錯的一餐豬扒包包有很多新鮮洋蔥拌有一塊嫩口豬扒, 新鮮汁又多農夫包包的咖喱有點點辣味, 是咖哩的辣 ! 豬扒包的包是豬仔包豬仔包和農夫包一樣, 外皮是脆皮的夾著裡面的juice, 極滋味 !咖哩和脆包包 are the most yummy yummy