澳門氹仔葡式餐館

营业中

休息中

地方好大, 但裝修非常普通, 做街坊生意, 門口可以泊車, 所以不時會黎幫襯豬骨煲, 非常足料, 有十幾舊大豬骨, 配以粟米, 蘿白等, 煲成奶白色既湯水, 我飲左3碗 。 豬骨湯有豐富骨膠原, 飲多D皮膚都滑D!紅酒燴牛尾, 每次黎都必叫, 牛尾好入味, 用此汁撈飯, 必吃上一大碗咖喱豬軟骨, 好重香料, 非常惹味, 但豬軟骨偏硬, 小妹鍾意炆冧D既口感燒牛仔骨及大蝦, 即叫即燒, 熱辣辣, 燒既時間把握得好, 唔需要點醬汁已好好味 BB乳鴿, 都係即刻燒, 皮脆肉嫩, 但肉就較少燒豬手, 半肥瘦, 送酒一流, 如果塊皮脆D仲正蒜茸飽, 即烘, 好香蒜茸味, 單食已好好味, 亦可點紅酒燴牛尾汁/ 咖喱豬軟骨汁份量都算多, 價錢都公道, 食左咁多野, 埋單都唔駛$500, 仲有木瓜燉雪耳糖水, 抵!

我住起呢頭附近,若果唔想煮食通常都會起呢度搞掂夜晚飯我第一次幫趁印象最難忘既係燒豬手,好香有又咬口但唔韌,份量都算多而且唔太貴另外紅酒牛尾都係我既至愛,牛尾有牛味仲好香口馬介休草菇都唔錯,清清地加上有魚香,送飯都幾好.仲有個燒鱔魚,係即燒,夠新鮮.點解我會知佢係即燒呢,因為有次我問個阿姐要水,佢就叫我搵樓面,因為佢係負責燒野既.呢度選擇都幾多,本menu有十幾頁.不過呢度個樓面設計成L形,而waitress又成日起收銀果頭,成日都唔見人,要走出去叫佢至有人理,又有次搵個阿姐問野,佢又一路睇電視一路答我,認真大電視引.不過總括來講服務都合格,51分咁話啦呢度仲有一個好處係地方大,枱同枱之間距離叫濶,所以適合一大班人食飯

雖然地方唔係好就腳, 但係門口都泊左唔少車, 好多人渣車黎食蒜蓉包好好味豬骨煲唔會好油膩, 胡椒味幾出雖然d 燒牛仔骨乾左d, 但係味道唔錯本人本身唔中意食沙甸魚, 但係佢d燒沙甸魚我都食左唔少值得一提係果度有賣"菲律賓皇牌雪榚", 可以外賣,食左芋頭味, 芋頭味好濃, 仲好似食到芋頭蓉咁

七月十日入元朗探朋友，之後佢介紹我地黎呢度食晚飯，我地一行十人浩浩蕩蕩出發，由於都幾隱蔽，唔係朋友楂車入去，我地都唔識去呀，幸好該店設有停車場! 雖然此店其貌不揚，裝修也簡陋，估唔到食物好好味，一下車已聞到燒烤食物的香味呀!是晚我地所點菜式如下:1) 豬骨煲(很淸甜，細煲也頗大)2) 萄式雜菜(芡汁很美味)3) 燒牛仔骨(很入味，可惜略硬)4) 燒豬肉(很惹味，香味有點像豬肉乾，軟硬適中，最後還要Encore)5) 辣酒煮花螺(花螺很大，所以較韌，不過很入味，很辣)6) 炒蜆(這個比較失色)7) 竹蔗芧根水(起初大家都奇怪點解會係橙色，大家都是先試飲一少杯，後來發覺由於內加甘荀，所以呈橙色，但十分淸甜可口，結果我地全晚飲8支(每支以大啤酒盛裝)，夏天消暑飲品，值得推介!)朋友說此處已成為他最近的飯堂，真係值得再來。