澳門大排檔

营业中

休息中

第一次到這裡喝下午茶，不理後果點了一份很「邪惡」的炸雞脾併西多士，食完先再想做幾回運動的事情吧！餐未到前先去上洗手間，途中看見侍應做「執」外賣的時候掉了一個外賣碗蓋在地下，他竟然拾起來後照樣繼續用來蓋在外賣碗上，實在令人不是味兒，心想稍為有點衛生常識的也不會如此吧！頓時令我有離開的衝動，然而最後也是留了下來，因為時間不多不想費時再找餐廳。幸好我點的茶餐來到時賣相不俗，也令我有點兒「胃口」了，雞脾一看顏色也挺吸引，呈金黃色的，有很多茶餐廳的出品是呈現偏黑色的出現在你眼前，令你未吃也知炸過頭，而吃下去會覺得肉過韌而乾身，一點肉汁也沒有。但這個顏色吸引之餘且很大隻，由於小弟不吃雞皮，去除「它」以後再咬下去發覺雞肉㜛滑之餘也有肉汁鎖在裡頭，再加上啖啖肉的感覺真是一流！而西多士也是炸得很漂亮，色屬金黃色的，而內層有花生醬及牛油，好吃。

全條街有四間澳門茶餐廳, 同屬名人老闆, 各間收費不同, 最平應該係上一樓這一間. 食過幾次, 喜歡這店人少, 不需得位. 這店的其中特色: 員工都是目無表情, 愛理不理的樣子, 好似佢比錢你使的樣子. 這店的茶餐了得, 蕃茄牛肉通粉, 湯汁夠濃, 材料夠多, 通粉屬有紋品種, 煮得不過淋, 夠彈口, 蕃茄和牛肉都滿滿, 加了少許洋蔥, 以增加甜美, 牛肉不算被醃得過份, 唯一差的是, 熱度不足.煎雙蛋, 上檯時, 一隻原好, 另一隻破裂, 賣相都算新鮮, 蛋黃微微漲起, 如加些火力, 再煎至有圓脆邊便更好了. 豬仔包烘得未夠時間, 表面仍然色淡淡, 但入口都十分脆. 一次Crossover: 在隔離 i-square 的 Marks and Spencer 買了一件小型芝士, 特意用來送茶餐, 香港餐廳自携酒水要收費, 唔知自携芝士得唔得呢? 不過芝士實在太細, 無人發現. 芝士屬 French Port Salut, 人人以為Port是港口, 其實這款芝士名是出於法國的修道院, 芝士味道不算太濃, 沒有Bire的creamy, 但較為煙韌, 有嚼口, 放入暖暖脆脆的豬仔包, 嘩

6月6日, 樂道一帶有甚多澳門茶餐廳, 不論地面舖, 樓上舖都好似一色一樣~ 上次食過一間, 今次就去第二間嘅樓上舖~::: 鐵板黑椒肉絲炒麵 + 凍奶茶 ::: $47 + $2個鐵板大, 竟然個炒麵份量都跟得上, 上枱嘅”咋咋”鐵板聲真係幾有氣勢~ 陣陣嘅黑椒香, 雖然都係普通嘅黑椒汁, 但係亦都多咗一份香口感~ 炒麵夠脆又夠熱, 喺口入而卜卜聲, 而淋上咗黑椒汁嘅亦都有啖啖嘅辣味~ 肉絲係普通貨, 冇乜肉味, 大多都俾個黑椒味遮蓋住, 好彩肉地都幾嫩, 唔韌又唔嚡, 同埋份量夠多~ 唯一唔好係佢油真係幾多, 食到底d麵就淋淋晒.凍奶茶唔好味, 唔知失手定點, 完全只有淡奶水味, 完全係冇茶味, 同埋絕對唔甜, 差…::: 咖央西多 + 焗豬扒飯 + 凍咖啡 ::: $44 + $2呢個咖央西多唔知點解係用個細碗仔裝住?! 搞到d糖醬流晒落底, 兩件西多炸得夠香脆, 但係就點極都點唔到d糖醬… 外面夠脆, 不過內裡嘅咖央唔太足夠, 所以味道都唔夠甜.焗豬扒飯用個小鐵鍋裝住, 可以保暖之餘亦夠風味~ 豬扒都幾大件厚身, 炸得夠鬆脆但肉質就乾咗少少, 但味道算係唔錯~ 醬汁味道偏酸,

晚上, 過了海去上課, 但說明上課後要到i-square會合太太. 所以, 晚餐, 就決定係呢附近找. 而心中想食的東西, 竟然是一頓港式的西餐, 想整返個鐵板扒食下. 找了一間想首先試的餐廳, 但說明要收加一, 感覺唔抵食, 再行入黎曼迷街看看, 貪呢條街夠近, 又多野食. 尋尋找找, 最後都係決定返食鐵板, 於是上來了係呢一條街有一門三傑的餐廳, 上樓的澳門大排檔. 一街有三間舖的澳門茶餐廳, 一說就誇張到話香港有一條澳門街.....的確是有點兒那個, 最少要有蔔間手信店, 用下藥煲煲咖啡吧. 不過, 一開開三間人同小異的餐廳, 仲要集中在同一條街上, 的確係有點特式既.上到來澳門大排檔, 食的卻不是, 風味小炒. 我叫的, 是非常港式的鐵板餐. 而為了鋸扒而來, 當然要食返塊牛扒, 才能感覺到食西餐既滋味. 而最渴望的就是羅宋湯, 次次食西餐, 最開心就是羅宋湯配麵包. 可是, 是次的經驗, 就沒有麵包供應, 但個湯, 依然是美味香口, 涉料沉底, 撈出來, 好多牛肉呀, 而且鮮甜帶少許肥脂, 這個必定是令到羅宋湯帶有奇香的原因. 主餐, 鐵板牛扒, 不要

晚上到這間餐廳吃晚飯，叫咗一個澳門炒米粉試下。澳門炒米粉： 賣相很似夏門炒米，就連味道都有幾分相似，酸酸地，配料多，味道都OK。豬仔包： 新鮮熱辣，外皮鬆脆，口感一流，下次都會再食。食店在二樓，有卡位，環境舒適，剛好有我喜愛的窗口位，可以望下街景，感覺開揚D。

I have this dinner during 10:00pm and it is about to closed, the noodles is not good and not juicy, but the texture on the complete maindish is good. The texture on meat is easy to eat to me.

　　　二樓餐廳人一般都比較少。我約了學生六點半去教會，下班才五點，因此帶著了一本書打算在餐廳裏看。　　　餐廳冷氣很大，我冷得僵了。　　　我要的是菠蘿油香腸煎蛋下午茶餐。很可惜的是菠蘿包很硬和冷，夾在中間的牛油也是硬硬的一塊沒有融掉，因為怕胖，我批去了三分之二的牛油。最可取的是太陽蛋，沒有煎穿蛋黃。　　　比較失敗的還有熱奶茶，是足料的濃，可卻是濃得太澀了，使人覺得難以入口。　　　我靜靜地在這裏把一本書看完了，伴隨我看書的還有打在窗上鏗鏘的雨聲。

最鍾意佢哋午餐果個石頭鍋飯不是每天都有, 有心去食就先叫佢哋傳真果個星期嘅午餐睇睇^^今日係豬頸肉煎蛋石頭鍋飯, 熱辣辣, 加埋甜豉油好正...之前出個牛仔骨, 都好味想試埋吉列豬排同金菇肥牛卷

日期：2008年10月18日完全無準備之下，搵下附近既樓上鋪試下．野食唔錯，但地方就欠乾淨喇，成日有ｄ蚊滋飛飛下．叫左兩個大碗雲南米線套餐加一個小食．１．墨魚丸，魚皮餃，豬軟骨韓國粉絲，冬陰功湯底：湯底椰汁味頗重，材料尚算唔錯．２．白籮蔔，雞翼，豬軟骨韓國粉絲，胡椒湯底：辣到個喉嚨跳舞，正．３．雜菜龍脷柳卷：龍脷柳捲住西芹，甘荀，冬菇絲，清得黎又健康．美中不足係煎得有ｄ油．

尖沙咀樂道開左澳門茶餐廳、澳門冰室、澳門坊，近日仲開埋澳門大排檔tim。雖然講明係同一集團，不過咁arm見呢度下午茶餐有淨豬扒包，就走上黎試。呢度既凍咖啡會加咖啡粉係面，應該係落大量花奶，口感很順滑，搞勻之後咖啡味亦香濃，有水準。豬扒包個包係新鮮豬仔包，真的外脆內軟，可是內裡的豬扒乾得叫救命，又冇汁，同埋得少少洋蔥，完全唔得。唔知係咪心理作用，都係對面街既冰室好食d新裝修係坐得舒服d，又有電視，亦有街景，下次可以上黎淨飲。

講真食物就同對面街澳門冰室或者樓下樓下澳門餐廳無物無別,bb鴿豬扒包應該有都有,可貴之處可以話有cafe feel,幾個朋友坐下來都算幾好,地方幾乾淨,當食小食的地方都可以推介下