澧壽司刺身專門店 (已結業)

餐廳雖細小, 但十分有家庭feel, 服務員有禮貌親切 , 點餐前準備一壺熱茶, 食物水準也不錯, 價錢合理, 同屋企人order牛肉烏冬, 滑蛋豬扒飯再加壽司, 壽司水準比迴轉壽司高, 飯不會一夾就散如有Miso Soup同前菜 附送會更好不過可惜沒有我的致愛-拉麵 整體不錯, 因為感覺好warm好舒服, 比一般餐廳寧靜當然會再來啦

第一次黎依間日本餐廳..入面只得3張細台..仲有bar台..d餐具好得意..好細件好精緻...點餐方面..自己用外賣紙點..壽司點左三文魚,燒三文魚腩,海膽,左口魚邊..定食點左吞拿魚飯..刺身點左活赤貝..其實我覺得食物種類算少,,,不過價錢不太貴,可以接受..個吞拿魚飯係幾好味..因為佢將京蔥lo埋入吞拿魚碎到..加埋飯.一齊放入口..口感好特別..而且d吞拿魚都幾新鮮..另外海膽壽司叫左2客..真係幾好味...d海膽都好甜冇苦味..而且d壽司飯..食落去個時..有d味..(係講唔出咩味,但好味的)應該係加左少少油落去!燒左口魚邊同燒三文魚腩係超級多油..講真..見到都有d怕..未見過燒壽司咁多油haha..不過個三文魚腩係超厚...好似幾抵食(如果冇咁多油既話)..依間店應該係家庭生意黎..有一種好sweet既感覺..唔似出面連鎖店..為做而做..為賺而賺..

放飯時間，同同事行過厚和街搵食，點知度度都冇位，正想離開呢條街去叫麥記嘅時候，畀我發現咗呢間日式鋪頭！望到門口個牌，一個定食嘅價錢竟然同附近啲茶餐龐差唔多，唔洗諗啦，入去！由於太耐都冇食過魚生飯，所以都冇睇到其他熟食就叫刺身飯set！而魚生飯都有分為切粒版定係切片版，感覺上食一片片刺身開心啲，貴啲都照去～成個定食仲有個麵豉湯同埋螺肉，肚餓到唔記得影真係唔好意思，呢兩樣其實都冇咩特別，但好在麵豉湯唔咸，飲完唔覺喝，唔錯！就係呢個魚生飯！就咁睇唔係好大碗，但食落就會發覺好夠飽！成件事都睇得出好認真，一嚟啲刺身幾厚，每件都差唔多大，二嚟我望住師傅，慢慢比心機擺到靚靚先拎出嚟！喂，呢啲咪就係誠意囉！刺身當中我比較欣賞嘅係劍魚腩同埋帆立貝！鮮甜到一個唔捨得吞落肚嘅地步！而個飯簡直不得了，酸度適中，佢加入咗炒香嘅芝麻，每啖飯咬落去都好香好過癮，越食越開胃！呢餐飯應該係我喺西環返工咁耐食過最開心最好食最滿足嘅一餐！ENCORE? SURE啦！老實講，咁抵食又好食，請容許我撻返句－哥吃的不是飯，是良心！請繼續努力！PS. 總好過某啲地方，我唔點名講邊間電視台喇！成日把口掛住良心良心，唔係講就有嘅，唔該

上星期澧無開，所以決定今日中午再來厚和街一碰運氣！皇天不負有心人，終於開店了！店內坐位只有十多個，結果一行３人只可以坐在BAR台，BAR台擺放了不同款式的魚生，款款都好新鮮肥美。午餐餐牌亦有很多選擇，豐檢由人，我們則點了海鮮手打湯烏冬和三文魚腩刺身。最先送上的是三文魚腩刺身！油脂佈滿了整片三文魚，好肥好美味！之後送上的是麵豉湯，味道還可以，不過不失。加州卷則比較鬆散，而且蟹籽份量亦很少，口感普通。最後送上的是主菜，烏冬沒特別，吃不出是手打的，材料則用上蟹柳，尤魚和蝦，味道較為清淡，不難吃也談不上好。總結：刺身還可以，午餐則略為普通，價錢還可以接受，若是再來必定會選擇較貴的午餐，始終一分錢一分貨，對刺身有較多的信心。

星期日陪西環(有D野做) 到中午時間肚餓 就去附近睇下有冇日本野食 本來諗住去果間佢地落場要等 所以冇食 跟住見到間食串燒既又太貴...行行下覺得攰 又太餓 決定都係揾一間有日本野食就算...行行下見到呢間澧壽司冇人就入左去坐底叫野食 上菜先泥剌身 感覺好新鮮 又夠肥 唔錯 跟住SUSHI 都好味 D飯夠軟 口感好好,然後再食烏冬 勁彈牙 仲見到店裏有個小朋友食烏冬咬唔斷 HA 真係好彈牙 湯底好正 然後再食魚生飯 都唔錯 除左食物外 整個店既Feel都幾休閒 好relax咁 家庭感覺咁慢慢食 又同店裏的人有講有笑 好正!下次一定會再去,因為其他日本餐廳食唔到呢種咪道 同感覺,店雖然好細 但就唔會令你好局促 好難得會揾到咁有心既日本野食 推薦!!!

平安夜晚同男朋友加兩小口子去試下呢間係西環新開既日本餐廳, 雖然係偏僻左d.......但食過番尋味, 實會再幫襯!!!入到去舖位細細, 得九個位.....但坐落又唔係好迫za bor...仲好闊落tim.....睇下menu ......見到有我最鍾意既劍魚腩, 唔使諗即叫.......刺身同壽司都叫齊...wakakaka仲order左.......刺身類: 劍魚腩, 三文魚腩, 帶子壽司類: 劍魚腩, 帆立貝(好似係...), 魚, 腐皮, 甘蝦, 三文魚腩, 牡丹蝦, 池魚, 眼仁奈, 希靈魚, 鰻魚, 玉子, 火炙三文魚, 火炙左口魚群邊大食既小口子2仲多叫左個三文魚刺身定食tim........刺身一黎...已經急不及待試下個劍魚腩.....食落去好肥美, 好甜呢.....吞左之後d味仲keep 住係個口度.....好正呢!!! 之前食個D都冇咁甜呢~~HEHEHE除左劍魚腩, 特別想提下個左口魚群邊......食落好多魚油, 個味好RICH呢........估唔到又幾好味BOR..........由於個劍魚腩實在太好味呢.....最後忍唔住叫多ROUND........