澤記快餐飯店 (已結業)

大隻仔今次覓食嘅店舖就係💥 澤記快餐飯店 💥大隻仔真係好少入柴灣、小西灣，電車叮叮都去唔到嘅地方，感覺好偏遠。雖然澤記係柴灣地鐵站附近，交通尚算方便，但大隻仔一次都未嚟過柴灣工業區，就算入嚟柴灣食嘢多數都係小西灣、柴灣道一帶。今次大隻仔喺柴灣行完山後，搭車過嚟工業區食呢一間好出名巨型魚柳包嘅餐廳。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 巨型魚柳包 $32加沙律 $5加火腿奄烈 $10大隻仔係2:15嚟到問姐姐係咪有巨型魚柳包，姐姐好有禮貌話，有啦有啦隨便坐。感覺姐姐好好客又有禮貌。大隻仔order左5分鐘左右，魚柳包仲未嚟嘅時候，已經聽到有三枱客人都係叫魚柳包。魚柳包一嚟到真係好大好大，魚柳長度比一把餐刀仲要長。收$32 麥當勞魚柳包餐嘅價錢但係比麥當勞魚柳包仲要大兩倍多。原本大隻仔諗住巨型魚柳包純粹係打卡，味道應該唔會特別好食，點知出乎意料之外，即叫即炸，炸魚柳好香脆，魚肉夠滑身，千島沙律醬有調教過味道，同魚柳十分之夾，麵包鬆軟，咬一啖魚柳包出奇地多汁好味，魚柳包裏面嘅生菜、

🐟大過塊面超巨型魚柳包($32)🐟-雖然柴灣就的確唔係好就腳，但係為咗好食嘅嘢去到邊度都得啦😎。呢一個魚柳包真係冇得頂，塊魚柳大到驚人，影相可能冇咁明顯，不過對比iPhone pro max仲要大一截，唔好以為佢咁大塊入面其實係超薄冇咩肉，塊魚柳厚嘅位置都足足有1-2cm，而且每一份都係新鮮炸起，所以係超juicy，配埋生菜絲、蕃茄同埋大量千島醬，絕對好食又抵食🫶。如果唔鍾意食魚柳嘅可以試吓佢哋嘅吉列豬扒，同樣都係大過成隻碟🤭。不過環境來講就真係麻麻哋啦，其實係要坐街邊嘅，不過而家天氣轉涼都可以一戰既🤣。

哈哈個個都介紹食巨型魚柳包，我就覺得澤記既午餐先係最抵食！每日既午餐餐牌都有所不同，所以要打電話問或者親身去睇餐牌先會知有咩食。今日我叫左1號餐 黑椒豬扒餐肉飯塊豬扒半個飯盒咁大 有約0.5cm 厚 個黑椒汁好好味好有細個食開既風味 我覺得係快餐店先會食到呢種味道今日1點食完呢個飯 差唔多成夜晚9點幾先開始有啲餓 絕對算得上窮人因物老闆仲好好人 話唔夠食會比多啲飯你

嚟到柴灣，朋友推介之下，就走咗嚟食呢一間叫做澤記茶餐廳，我一睇緊餐牌嘅時候，我個friend就話唔使諗，吉列豬扒飯加蛋，佢高呼一聲，信我！咁冇計啦，佢講到咁，一定要試。一嚟到，塊炸豬扒大果隻碟，不過通常對太大嘅嘢都冇乜信心，因為覺得總係以size去吸取目光，但係呢間佢塊炸豬扒都真係有啲水準，好厚身，又唔會炸到乾柴柴咁樣，度一度，真係差唔多手指一折半甘厚，而家嘅時間啱啱好，咬落去仲有少少肉汁，如果咖喱同隻蛋就正常發揮。冇計只可以話諗住去食個飯，點知道拎咗半塊炸豬扒返屋企。

近期朋友經常提及呢間《澤記快餐店》仲圖文並茂咁樣推介我今日有幸過海工作順道搵機會試一試先今日試咗一個 咖喱吉列豬扒飯朋友推介話塊豬扒SIZE係成隻碟咁大塊嘅咁落單前就比張相侍應再確認一下啦確認無誤就落單啦出到嚟塊豬扒大到 真係成隻碟咁大由高空俯瞰基本上係睇唔到飯 真心好黐線！豬扒並唔係好似坊間茶餐廳咁揼到變簿紙黎增加面積豬扒都幾厚身 有口感同肉汁炸得岩岩好 唔會太乾柴晒炸起上嚟麵包糠好脆非常之咁出色！好想試埋個魚柳包但係食咗半個飯 飽到已經收咗工了剩低嗰半個 要打包今晚再食$50個飯 可以分兩次食都幾抵餐湯平時去茶記好少飲餐湯覺得都係例水 可有可無但係其他食客都爭著要咁好似有少少特別就試吓啦真心唔錯個湯底清甜多豬骨紅蘿蔔又淋又甜飲完離開咗一陣都唔覺得口渴係有料到！正！

今日食lunch決定入柴灣，試吓呢度好出名嘅魚柳包，睇吓係咪真係好似傳說中咁正先魚柳包單買冇得跟餐（$32），性價比好高！因為佢好大份，一個女仔食，食完係會好飽嘅魚柳係好似 fish & chips 嗰隻咁大份，條魚係長過個包拎上手熱辣辣，食入口好香脆，魚肉仲好Juicy，有肉汁流出嚟炸魚上面加咗少少千島醬，下邊夾咗少量生菜、蕃茄、青瓜，感覺完全唔油膩麵包係港式熱狗型，口味係類似茶餐廳餐包咁，軟綿綿，甜甜地

呢個地方雖然都近地鐵站 但吾系特登搵都唔會行到黎😆依間出名份量超足 尤其是個巨型魚柳包 吸引到聽過有人特登由荃灣黎到柴灣朝聖🙌🏻✨魚柳包 $32一上枱真係好誇張🐟魚柳一定長過男人手掌咁大條 🤚🏻！😲😍魚柳炸得剛剛好 仲好juicy多汁👍🏻👍🏻👍🏻🌭熱狗包有烘熱 仲有蕃茄🍅同青瓜🥒幾fresh 配埋酸酸甜甜既千島醬真係一絕啊！🤤🤤預咗會食得有啲狼狽🤣我食半個就飽晒🫢⚠️注意：只有早餐/下午茶有配飲品的！✨常餐：豬扒米粉配火腿奄列牛油方包 $47🐷豬扒厚切🍜而且米粉好大碗！火腿奄列吾會煎得過熟🍳火腿都算切得大條🥓🧈牛油白方包已去邊🍞無烘底✨椒鹽豬扒飯配飲品 $43🍛碟頭飯份量超足 豬扒好厚切🐷而且吾韌！比較似蔥油嘅感覺😆但都幾好食 有豉油送下飯留意❗️星期日系休息嫁❗️雖然依間店系後巷 環境真係會比較邋遢🫣但系食物質素、份量同價錢真係會令人有驚喜到不停會想回頭！👍🏻👍🏻 依間寶藏小店真係柴灣依個美食沙漠既綠洲🏝記得嚟探下貓貓💕味道：🌕🌕🌕🌕🌕環境：🌕🌑🌑🌑🌑服務：🌕🌕🌕🌑🌑價錢：🌕🌕🌕🌕🌕回頭率：🌕🌕🌕🌕🌕📍澤記快餐飯店 (柴灣)柴灣吉勝街10號熟食市場

柴灣區名物巨大化魚柳包，巨大化吉列豬扒飯Lunch要食得飽搵呢間實冇錯，如果你好彩撞正佢午餐有吉列豬扒飯就一定要叫。佢塊豬扒，真係大過你塊面都唔緊要，佢個底仲要有咖喱汁咖喱薯仔仲要配條腸俾你；個飯底我諗仲有成兩三碗飯，會唔會過分啲啊，都係修理50幾蚊。如果你唔叫嘢飲你要佢碗湯，佢仲要搵個大湯碗裝俾你入邊有埋柱國有埋豬骨有埋蘿蔔，問你死未？唔係淨係帶咁簡單佢塊嘢係堅炸到熟透佢應該有用鬆肉粉所以佢唔啱佢仲要搽咗適量嘅麵包糠外脆內軟以一個碟頭飯來講去誠意無限仲有佢個魚柳包，佢嗰塊魚柳啊大到呢，不過佢就真係淨係得個大字，冇乜味嘅純粹係巨大化之選所以我都係建議食返個吉列豬扒嗰度唯一敗筆就係唔做晚市，同埋佢個度冇冷氣，夏天去就卻步啦冬天去一流

住係柴灣咁多年，都唔知吉勝街車房附近有間快餐店。之前係youtube見有人介紹依間快餐店既魚柳包，特登過黎試下。餐廳係露天座位，夏天時份真係熱到high high。不過勝在上菜速度快，落單唔夠三分鐘就有得食。魚柳包塊魚柳大得誇張，仲長過筷子。魚柳即叫即炸，食落熱辣辣，炸漿香脆冇雪味。麵包烘過黎，但稱唔上香脆，如果再烘耐d相信會更加好食。魚柳上方淋上千島醬，非常惹味。下方夾有番茄同青瓜片，中和左魚柳既油膩感，食落去每啖都好滿足。連埋凍奶茶埋單都只係三十五蚊勁抵食。

聽聞過呢度既魚柳真係好大好抵幾出名下，所以特登搵個時間同friend一起去試下係咪堅野。鋪面同裝修就好大路，完全普通茶餐廳／大排檔風格，外表就平平無奇，但卻內有乾坤。沙嗲牛肉麵正，不過比較鹹，還算可以；件多士幾好，沙律幾好食又juicy。而重頭戲就係超巨型既魚柳包，魚柳甚至大過件麵包本身，比手掌仲大。裡面有加入芝士、番茄同醬汁，食落去就唔會好dry，食完一定會好飽肚；唯一不足可能係塊麵包烘得唔係幾好，烘太耐黑左一塊，但係大致上都算OK。

作為多年的街坊，亦都多次幫襯，作為下午茶絕對非常邪惡，簡直可以節省晚餐。除左CP值非常高，味道依然不變，仍然堪稱巨型。魚柳包。每次都新鮮即炸魚柳，配料有青瓜片同蕃茄片。絕對可以encore。

9點半係東區拎完轉介信，11點3先做物理治療，趁住仲有個幾鐘時間，搭小巴落地鐵去澤記試下個巨型魚柳包。個餐32蚊，跟杯野飲，真係好抵食；魚柳好大塊，味道好好，即叫即炸如果5夠飽仲可以加5蚊，多個沙律值得一試

作為柴灣人都係見到多人介紹先知原來柴灣有現時好紅既打卡食物 ——巨型魚柳包🍔星期六收工返屋企 當然諗住仲有得食就買啦～因為聽聞每日限量？去到問左仲有但仲有10分鐘先有下午茶魚柳包唔係下午茶先有不過下午茶一樣傾錢包埋熱飲係呢個誘因下 大熱天34度都照等🤪一到兩點即叫餐等左幾分鐘..真係應該5分鐘內魚柳包同熱奶茶都黎到枱面啦👍🏻就咁望第一眼唔算好大 影相仲顯細添不過當我拎起 唔對路喎真係好巨！！豬仔包係烘過入面夾左青瓜蕃茄少少菜 再用千島沙律醬即刻影張認證照 魚柳係長過下手長👀食起上黎啖啖肉🤤唔算太厚不過一個人食堅會肥而我今日係一個人食🫠🤫建議2-3人share， 再叫其他野食咁會無咁寡同飽滯整體好滿足..#唯有食是最治癒的

舖頭只有純戶外位置，只靠一大部冷風機和幾把風扇降溫，不過最驚喜嘅係，咁熱嘅情況下🥵理應無乜胃口食嘢🤢 點知我哋居然深深地俾佢嘅製成品吸引，而且仲覺得好好味😋魚柳包 ($32)：好大件，塊魚柳仲大過個包😨上枱熱辣辣，唔油！巨型魚柳炸到外脆內軟，襯埋佢個靈魂沙律醬，完美👍🏻豬扒包 ($28)：同樣地好巨型，不過最難得係塊豬扒一啲都唔dry，咬開仲幾juicy 🤤呢個係驚喜位，因為坊間嘅豬扒包塊豬扒通常都好鞋口又乾身，成舊柴咁🫠凍奶茶 ($21)：可能因為天口熱，而且係戶外地方，杯凍奶茶都好好飲，茶味香濃，奶味濃郁，而且正常甜度亦唔太甜，呑完仲有陣回甘添！我哋都有諗過點解呢個價錢又咁大件，而且仲咁好味呢🤔 之後，我哋發現客人通常都同待應有兩句，而且大多數客人都係從事體力勞動嘅大隻佬或者係有些少年紀嘅街坊居多。所以我哋諗，可能係因為老闆想客人嚟到佢餐廳都會飽住咁走，以滿腔熱誠去服務街坊，respect！

点了一个鱼柳包和咖喱牛腩饭。雨柳最少也是其他店铺的三倍了，超级长，味道不错。里面夹着的青瓜都比普通青瓜长。这是进入巨人世界么？？， 咖喱牛腩的饭也是普通两倍，送的餐汤也是。分量管够。牛腩可以再煲会，不够软。下次我要跟他说鱼柳包少沙律