潮觀城酒樓

朋友講起想打麻雀，介紹我哋食呢間位於觀塘的潮州菜酒家，有得玩又有得食1. **家鄉蠔烙** 外脆內嫩，蠔肉鮮美，餅皮香脆，整體口感尚可，展現了潮州的家鄉風味，適合喜愛海鮮的食客。👍2. **滷水鵝片** 鵝肉滑嫩，滷汁味道適中，搭配醬油不錯，雖然不算特別驚艷，但仍能滿足對潮州滷水的期待佢。👍3. **滷水墨魚** 墨魚鮮嫩，滷水醬香味道不錯，口感彈牙。4. **油泡吊片** 油香味道適中，搭配醬料不錯，不過煮得比較過火，靭咗少少5. **半煎煮䱽魚** 魚肉鮮美，外皮微脆，內裡嫩滑，好食，可再叫😋😋👍6. **椒鹽九肚魚** 九肚魚炸至金黃，椒鹽香氣適中，魚肉質地同平時食嘅有少少唔同，幾特別👍7. **芋蓉香酥鴨** 芋蓉口感尚可，搭配醬汁味道不錯😆8. **沙茶牛肉炒麵** 牛肉鮮嫩，沙茶醬味道適中，不會太鹹，炒麵口感香脆的，好食👍另外，仲叫左好多潮式甜品，水準幾好架😋…查看更多

之前都幫襯過幾次，午市晚市都食過。蝦餃皮好薄都值得推薦。豬肺湯好清甜，豬肺洗得好乾淨。午市晚市都有送功夫茶都好飲。幾樣炸嘢都好出色，包括黃金茄柳，椒鹽鮮魷，椒鹽九肚魚，火候控制得好好。咁多樣炸嘢，碟碟唔使墊油紙個碟底都冇油，今時今日真係唔常見。仲要有服務，好多時酒樓都係第一輪先會幫客人裝湯，佢幫我地裝足咁多碗咁多輪，服務超出我一般想去酒樓嘅期望。…查看更多

試了一家性價比高的潮州菜，味道不錯價錢合理，而且裝修也很好，坐得舒服。我哋一行三人叫咗個二人套餐再加多一個蠔餅，每人二百幾蚊都幾抵食。套餐包括呢一個鹵水鵝肉拼盤，入面除咗有鹵水鵝肉之外，仲有紅腸、鹵水蛋、鵝腎、豬耳仔同埋鹵水豆腐墊底，個鹵水唔算好香不過唔係一味死鹹所以我都覺得ok，鹵水鵝肉都唔係好韌。套餐嘅湯我哋揀咗鹹菜胡椒豬肚湯，呢個湯做得幾好，鹹酸菜唔會太鹹但係有唔會去到冇曬味，豬肚洗得好乾淨同埋煲得好淋，少少胡椒掉下味唔會太辣。可以揀一款餸，我哋就揀咗沙茶牛肉炒芥蘭，個沙茶醬都唔錯，有花生粒嘅，啲牛肉都幾嫩。加咗個蠔餅，正確啲應該叫蠔烙，呢個做得都算正宗，起碼入面有薯粉，啲蠔仔都幾新鮮。最後我哋仲加咗兩個糖水share，就係上面嗰碗馬蹄片綠豆爽同埋下面嗰碗清心丸甜湯，呢兩個都幾好食。最後飲埋功夫茶。…查看更多

仲有一個星期就中秋🏮節喇，屋企人提早做節。潮觀城📍九龍觀塘協和街33號裕民坊(凱匯)2樓212舖懷舊潮州菜(六位用)🦀潮州凍花蟹🦀凍花蟹，是當晚最令人失望的菜式。原因好簡單，沒有砌碟+隻蟹比較細，件頭小，肉亦不算厚。🦆鹵水鵝肉大拼盤🦆鵝肉軟而不臊，配搭烚蛋和紅腸片，顏色賣相不俗。🦐炸雙棗🦀蝦蟹棗好耐無食過，圓蝦方蟹，味道正常發揮。🐔砂鍋竹笙雞絲燴魚翅🦈砂鍋令魚翅羹溫度保持熱騰騰，真材實料確有魚翅，沒有欺場。 龍躉兩吃：🐟芋頭半煎煮龍躉球🐟芋頭煮龍躉球，這一道菜顯出了潮州菜的其中一種風格，淡而香，帶出了魚肉的純正味道，龍躉煙韌可口，魚湯也是一流之作。🐟蒜蓉粉絲蒸龍躉頭腩🐟龍躉腩肉，頭腩脂肪明顯較多更顯香滑，點一點豉油，已經很好味道。🦑川椒花枝大蝦球🦐蝦球嫩，花枝片炒得很爽口，川椒味道的菜式亦很配合，個人喜歡少辣的潮州菜。🐷黃豆涼瓜排骨煲🐷美味的鹹豬骨，涼瓜吸滿了湯味、肉味。🥦鹹菜薑米炒飯🫚炒飯，份量也好大碟，好多料，鹹菜，肉碎，薑米，蛋絲，炒到好乾身，好好味。🔮鴛鴦水晶包🔮晶瑩剔透，皮薄餡足，分別為蓮蓉及豆沙，甜美！！🫛清心丸綠豆爽🥣我最愛的中式甜品之一。☕六杯潮州功夫茶☕最愛欣賞其苦香甜潤後韻，兼有助大吃大喝後消滯。#香港 #美食 #觀塘 #潮州菜 #foodie…查看更多

呢間去左幾次食野冇問題但待應知客只會招呼熟客對熟客就笑容滿面 個種欣勤我諗應該新年比好多tips熟客又會夾野食比知客食唔怪之得咁好服務對生客就變面因為正正夾左係d熟客堆 睇到感受到好清楚 佢地會刻意安排熟客坐近門口 方便佢地帶位同傾計 因為鋪頭唔大所以你會睇到班待應好似去party咁同呢枱傾完又去第二枱呢個黎完 個個轉頭又黎比佢地嘻嘻哈哈聲嘈著Suppose比完錢會問你飲唔飲功夫茶但只問熟客 生客就唔理 擺聽唔到如果連飲茶都想體驗到階級觀念咁樣既服務態度 就去受下啦…查看更多

食物嚟講都煮得幾好，叫咗幾個小菜都唔錯，味道唔會鹹，用料都幾好，蝦仁炒蛋都好好食牛肉菜心就麻麻哋太多汁就是價目有點高餐單上項目選擇比較少餐廳環境比較大坐得都幾舒適…查看更多

:) 2024年3月15日 (星期五) 2:00pm 21°C 環境光亮整潔，餐具乾淨。 每個座位都各自提供公筷和私筷，衛生意識高，值得一讚！ 在家人下單後，2 分鐘左右侍應陸續呈上各款點心，速度很快啊 ~:) 人數：5 人 HK$722不用排隊:) 肉絲炒麵 - 豬肉絲又粗又長，肥瘦均衡，冬菇、芽菜和韮黃具咬口，麵條輕炸，不致太熱氣，茨汁亦不會太鹹。 家鄉燒賣 - 熱騰騰，質感軟腍，燒賣美味！【推介之選】❤❤❤ 特製蝦餃皇 - 皮薄餡靚，大大隻蝦，爽口一流！【推介之選】❤❤❤ 山竹牛肉 - 牛肉味濃，味道佳。【推介之選】❤❤❤ 蜆芥炸鯪魚球 - 獨特創新，賣相完全看不出是鯪魚球，卜卜脆口，有趣！有趣！【推介之選】❤❤❤ 芋絲春卷 - 卷內充滿芋蓉，粉嫩幼滑，熱騰卜脆，好味道！【推介之選】❤❤❤:) 蜜汁叉燒腸 - 晶瑩剔透，散發叉燒香味。 北菇棉花雞 - 肉質軟軟綿綿，細味可口。:) 潮州粉粿 - 潮州點心，傳統味道。:) 鳳城臘腸卷 - 臘腸迷至愛，回味無窮。:) 蠔皇叉燒包 - 好像傳統大包，結實飽肚。 煎懷舊芝麻糕 - 童年回憶食品，芝麻既香且滑，補腎之選！【推介之選】❤❤❤ 鴛鴦水晶包 (半打) - 晶瑩剔透，皮薄餡足，分別為蓮蓉及豆沙，甜美！！【推介之選】❤❤❤《 餐 牌 》：【 溫 馨 提 示 】：❶ 接受電話訂座❷ 另收加一服務費…查看更多

:) 2024年1月20日 (星期六) 6:30pm 24°C 環境光亮整潔，餐具乾淨。 每個座位都各自提供公筷和私筷，衛生意識高，值得一讚！ 潮州菜受歡迎之主要原因為潮式烹調手法別樹一幟，與其他中國菜式截然不同，能迎合大部份香港人口味。烹製潮式食品所用的材料和配料需然與其他中國菜式所用的材料大致相同，惟經過以獨特潮式方法處理後，為本港及海外食家提供一種與眾不同之飲食經驗。 侍應上菜速度快，八款菜餚很快已經陸續呈上。 4 位用套餐 HK$788:) 人數：5 人 HK$1XXX 家人於 1 天前訂座 不用排隊 咕嚕黑豚肉 - 炸香金黃，外脆內軟，滿滿肉肉，完全無骨，細嚼滋味，酸甜開胃。【推介之選】❤❤❤ 家鄉蠔烙 - 蠔肉份量多，粉粉嫩嫩，絕無欺場。每啖脆口，熱騰騰，卜卜聲，適合喜愛煎炸食物之人士。【推介之選】❤❤❤ 清蒸沙巴龍躉 - 魚肉滑溜，蒸得恰到好處，只是比較細條而已。 鹵水鵝肉拼盤 - 餐前小菜，鵝肉軟而不臊，配搭烚蛋和紅腸片，顏色賣相不俗。:) 鮑汁瑤柱炆伊府麵 - 鮑汁濃味，略為油膩，麵條軟腍。 鹹菜胡椒豬肚湯 - 香香辣辣，吃了胡椒會噴火~~ 【推介之選】❤❤❤ 鴛鴦水晶包 (半打) - 晶瑩剔透，皮薄餡足，分別為蓮蓉及豆沙，甜美！！【推介之選】❤❤❤:) 紫米西米露 - 紫米具咬口，味道一般，感覺稍為稀。《 餐牌 》：【 溫 馨 提 示 】：❶ 接受電話訂座❷ 另收加一服務費…查看更多

約去到觀塘食晚飯周圍都好多人，想訂咗幾間中菜館都已經full Booking，所以嚟咗這間潮觀城試下食晚飯。到達酒樓可能時間好早，所以侍應都好好招呼，好快上咗六杯潮州功夫茶俾我哋。我們叫了幾個小菜試試潮式滷水拼盤潮州滷水鵝，豬耳仔，滷水鵝腎，豆腐，滷水蛋，紅腸，滷水鵝味道出色，唔會太鹹份量十足。清蒸沙巴仔沙巴仔唔算大條，大概有一斤重，魚肉好滑，蒸得啱啱好香煎蠔餅蠔餅煎得好脆口，但係略嫌太油膩，所以食咗唔係好多椒鹽鮮魷魷魚切到細細件，所以睇落成碟嘢好似好細碟咁不過食落味道唔錯咕嚕肉小朋友最喜歡味道酸酸甜甜，冇乜肥肉所以入件件都係豬肉整體嚟講價錢偏貴，因為每道菜嘅份量亦都唔算很大，但味道合適。如果想清清靜靜咁樣食一餐晚飯會催住你埋單，這是一個不錯的選擇。…查看更多

食物水準唔錯，雖然價錢偏貴，但味道好好，潮州點心款式都多粉果皮薄多料我地六個大人點了20款點心糯米卷：唔係好多地方有得食，呢度有得食有兒時的味道蝦餃：皮薄勁多餡辣椒油：好辣😅會回頭再去…查看更多

琴日第一次嚟裕民坊呢間酒樓同屋企人飲茶，我見到呢間嘢都應該新開左一段時間。食物水準正常👌🏼，最鍾意食嗰個滷水鵝片夠香😋。另外要讚一讚門口紮頭髮嗰個知客姐姐，反應快又有禮貌。環境都幾好可能始終新開，下次應該都會再嚟飲茶👍👍…查看更多

裕民2只有一間酒樓，所以價錢也不算便宜，但環境ok,食物質素也不錯，肉絲炒面很有鑊氣，牛肉球不過不失，燒賣也不錯，最好食是水晶包，2款味道，食物上菜速度及侍應反應也快，整體也可以的，可以一試。…查看更多

年三十晚正日到潮觀城酒樓享用半圍新春套餐，近餐廳入口位置，年花擺設增添賀年氣氛。:)新春套餐餐牌設計精美、易閱。:)用餐設備和芥菜齊全。第一道上嘅菜竟是「發財好市鮑汁炆豬手」。豬手肉夠腍滑。金蠔 size 不小。生菜沒有煮得過軟，保持爽口。「懷舊雙拼 - 黃金花姿卷、麻香海蜇」：花姿卷食得出真材實料，花姿粒保有嚼頭，熱辣辣，不過咸，好食！海蜇爽口。「砂鍋竹笙海皇魚翅」：材料確有魚翅，沒有欺場。特別要讚，帶子粒質感易入口，大大增加本翅羹口感層次。「金牌鹽水雞」：雞肉味道不錯，只可惜上菜時溫度不夠熱。「清蒸沙巴龍躉」：魚肉蒸至恰到好處的鮮嫩，每人都分到夠過口癮份量。「蘿蔔糕炒大蝦球」：蘿蔔糕一口一件，外皮煎得香脆；大蝦球彈牙爽口；四季豆味道不比主要材料遜色，整味餸都好好食！「鹵水鵝肉大拼盆」：潮州菜酒家嘅傳統潮州菜色，果然出色。「上湯瑤柱豆苗」：豆苗未算最嫩，可瑤柱落得好重手呢！「生炒臘味糯米飯」：調味絕佳，熱辣辣好好食！飯粒還可以炒得更分明和乾身的；另一方面睇，呢味糯米飯基於較高濕潤度，就完全避開咗「刮口」問題。「黃金堆滿屋」：小巧的，一人一粒。上枱熱辣辣，外皮脆卜卜，煎堆內層軟棉棉，紅豆餡甜蜜蜜，再加上富香味芝麻，無法出錯的配搭！「清心丸豆爽」：沒有過甜的傳統潮州甜品。食落覺得清心丸本身冇味道，就係有少許嚼頭嘅啫喱。豆爽就質感硬啲，味道食得出係荳製品。柑與工夫茶：柑，取其諧音寓意「金」，好意頭兼係一味合時嘅飯後果。工夫茶茶汁好濃，濃過一般飲茶時沖嘅茶好多。飲唔慣嘅人或會覺得工夫茶苦澀，飲慣嘅人，就最愛欣賞其苦香甜潤後韻，兼有助大吃大喝後消滯。今餐團年飯，食物質素、份量和套餐價格都令人滿意。:) 食到飽飽，開心團年！…查看更多

食物還可以，味道比較淡，但個人可接受，種類不算多。環境一般，因為鋪位直長，所以人多會比較窄，較適合4人一枱。正常潮式食品，點心有滷水，糯米，油粿等，也有小食和功夫茶。星期六日假期也有特價下午茶，算還好。另外特別點名，知客(門口年紀較大藍色衫)態度極品，不醒目更不會變通… 就算下午茶第一位入一樣點你去坐死位，細位，廚房口，想轉位會話已俾人，唔俾改，明明自己係第一個入去，都撩交嗌。真心搵個咁既知客倒米…… 如果EQ不是非常高，建議去其他地方飲… 但好處係容易搵位，因為都真係趕咗唔少客。…查看更多

諗住試吓新開酒家、點知真係有驚無喜。食完一隻蝦餃、諗住再食多一隻、竟然發覺黐住咗隻小強、頓時覺得十分嘔心🤮、連其他點心都無冇法下嚥！通知經理、他只是輕描淡寫話會取消這碟點心、態度冷漠、完全沒有絲毫愧疚！…查看更多