潮薈軒

营业中

休息中

今日同朋友黎到觀塘既工業大廈學整蛋糕，整完之後順便係附近食埋野。見到係apm附近有呢間潮州菜，而家價錢又唔算太貴，所以就揀左呢間食。我地揀左三道餸～～～由於我地都係鍾意有米到肚既人，但係又想多啲胃口食餸，所以就加多一碗白飯兩份食😄首先係呢碟滷水豆腐，滷水汁唔會太濃，唔會令到成舊豆腐都浸滿滷水汁，而家舊豆腐唔會煮到好淋，夾唔起👍🏾👍🏾讚！！佢仲另外配左個汁，個汁有少少酸酸地，但係點左黎食之後，陣滷水味更加出，但又唔會酸味重左😍😍兩者好夾再黎就係川椒牛肉，開頭見到有個「椒」字，以為會係辣，點知原來一啲都唔辣😃啲牛肉仲唔韌👍🏾👍🏾👍🏾👍🏾好易咬～～岩哂我呢啲唔係好食得辣既人✌🏾而且伴碟既係類似炸脆左既海帶，食落去到好好食😋最後係黃金炸油粿，廚師好有心機咁砌到好靚😍😍😍同左我最鍾意食野蕃茄仔做伴碟😚😚平時好少食伴碟食物既我又忍唔住食左幾粒🤣🤣🤣🤣唔好聽個名叫「黃金炸」就以為好油膩，食落口一啲都唔覺得濟住濟住，而且入面既餡都好足料！！問個老闆娘先知，原來呢件炸油粿既外皮係用左番薯和糯米而整成😱所以食落去同一般既炸油粿好唔同！煙韌得黎又有種淡淡既番薯甜味😋👍🏾👍🏾👍🏾👍🏾整體黎講，每一道菜都好用心

前兩日我同朋友去左潮薈軒敏姐私房菜，我們點左鹹菜薑米炒飯，顏色好靚睇到好想食，有點鹹菜食得好開胃，有薑黃粉的味道，下次值得再食點左沙嗲咖喱魷魚，魷魚好新鮮，咬下去好爽口，裡面有我最鐘意食的面筋，入哂咖喱味好正呀，食完再點多一個都食得哂，食到舔舔脷，我本身唔太食得辣，呢個咖喱真系好正喎，有碗飯仲正撈飯食。再點潮州韭菜果，煎得好香，皮系用左水晶皮包住，咬下去韭菜香味滲透出來，煎得啱啱好，下次會再朋友同朋友去食，值得推薦的

前幾日女朋友突然之間忽發其想話想食中中式小菜做晚餐所以就嚟到呢一間位於觀塘新開嘅中式菜館食野一入到黎環境就好似一家好有氣派嘅酒樓咁 金碧輝煌 因為唔係太肚餓所以就淨係帶咗兩碟小菜同埋一碗飯✨功夫茶一嗌完嘢食餐廳就送上兩杯功夫茶俾我哋品嚐 味道好濃郁同埋熱辣辣 有一種醒頭提神同埋醒胃嘅作用🤣✨滷水三拼($200)我問咗侍應 侍應就推介餐廳嘅滷水菜式 滷水菜式就係最特別 當中三拼嘅食物有滷水鵝件滷水鵝肝同埋滷水豆腐 👻滷水鵝件一共有八至九件 每一件都好大塊我肉非常嫩同入味滷水鵝肝係一種中式鵝肝 份量極多 一入口就有一種不可思議嘅感覺滷水豆腐亦都係一個出色之作 豆腐吸收晒滷水嘅精華 ✨潮州小炒王($108)我食完滷水拼盤就想食返個有鑊氣嘅小菜 潮州餐廳當然要試試潮州小炒王 味道方面不負所望 炒得好香同埋乾身未到調校得恰到好處當中材料有雞肉，魷魚，韭菜，芋絲，辣椒 ，炒得好惹味 拎嚟送飯簡直一流！

說來也真的巧合，今天晚上有點事，要到觀塘區, 想找個地方吃晚餐, 途中收到一張宣傳單張, 原來有間新開業的潮菜館, 正合我意, 那試試又何妨。碧綠川椒雞球味道濃郁, 雞球嫩滑。方魚肉碎粥幾大窩, 粥本身唔錯, 加上了方魚和肉碎。

呢排成日辛苦媽咪，諗住同媽咪食餐飯輕鬆一下，就座車來到觀塘食潮州菜。家鄉小菜~炸潮州豆腐例牌《$88》 一送上枱我就即夾舊來食，超脆點汁食唔錯。潮州鹵味 ~ 鹵水五花腩肉例牌 《$100》 送來時比佢的分量嚇親都幾大碟，每片五花腩肉都切得好薄， 點d 醬汁食冇咁油膩， 伴碟仲有青瓜 車厘茄和鹵水豆腐係底，夠哂抵食。精選靚湯 ~ 粟米鮮蟹肉羹 《$128》 呢個係我和媽咪最愛的湯 ，配上幾口白飯，甜甜的粟米，仲要有幾多的蟹肉係面，造成超好味的湯飯 😁

放工同朋友去觀塘聽talk, 匆匆忙忙食咗件三文治, 聽完當然要搵啲嘢醫下肚, 行過見到呢間新開嘅中菜, 主打潮州菜, 好似都唔錯餐廳都幾大, 原來仲可以擺到成28圍😱用嘅餐具好精緻, 一坐底點咗壺香片, 侍應就送上兩杯潮州茶俾我哋試下, 茶味好濃, 帶少少苦澀, 唔錯👍🏻另外仲送上一碟小菜, 本來以為係普通嘅鹹酸菜, 我同朋友都麻麻哋, 點知原來好好味, 同一般嘅好唔同, 食落唔會太酸太鹹, 反而有種好香嘅味道, 而且帶有少少甜味👍🏻我哋嗌咗紅燒豆腐同沙律明蝦球, 紅燒豆腐配料好多有草菇, 雞肉, 蝦球同豬肚, 醬汁濃郁, 非常惹味😋沙律明蝦球大大粒, 蝦球非常新鮮, 肉質結實, 口感彈牙, 配上沙律醬非常香口👍🏻

知道觀塘開咗間新嘅潮州菜館，今日就特登上去試下，因為新開關係所有裝修及環境都好乾淨好靚。 今次叫咗一條凍烏頭魚，肉鬆四季豆同埋鹵水鵝片，三樣嘢份量都好足，尤其係條烏頭差唔多目測有成斤幾兩斤重， 先講條魚，食潮州凍魚先有另一番風味，點埋嗰個豆瓣醬食真係一流，另外個鹵水鵝片每一片都好有鹵水味，同埋唔肥，點埋個醋食又係食到唔停得口，底部嗰啲豆腐其實都好正，應該都鹵咗一段時間所以都入味，最後四季豆因為我比較少出街食呢一樣餸，今次聽個經理推介叫咗，又估唔到原來連埋肉鬆同埋啲秘製醬一齊炒會咁好味，呢個餸送飯一流 ，如果下次黎開觀塘我又想食潮州嘢，一定會再嚟呢度食。

約左朋友係呢頭交收，順便就一齊食埋個晏先散水，佢話想飲茶，帶我去左呢間新開張嘅潮式酒家開好茶就望下有咩點心食，除左粵式點心，亦提供其他地方食品，例如以下呢D :一客4隻嘅南方小籠包，每隻都幾飽滿，夾住頂部都唔會穿咬落去入面都有唔少肉汁，配埋薑絲醋汁食，熱辣辣又幾好味喎!呢碟係潮式沙爹炒牛河，係潮州嘅地道菜，份量唔細呀材料簡單，有牛肉，芥蘭及河粉，牛肉切片，入口嫩身中帶少少嚼口，有鑊氣!每條河粉都被惹香中帶點甜味嘅沙茶醬包圍住，加入蛋絲增加香味，雖然成個河粉都被大量醬汁包住，但入口又唔會過於濃味喎，唔錯呀!食完咸食又想食甜品，咁岩呢度有雙皮奶，奶類製品從來唔抗拒賣相又白又滑，相信以形補形之說，食完皮膚都靚D，甜味適中，唔會甜到"確"喉，唔錯呀~呢度坐得都幾舒服，下次可以試下晚飯!

夜晚同朋友去左一間食潮州菜既酒樓到食晚飯。呢間酒樓裝修得幾靚，入面亦都幾多人一家大細過黎食飯。佢既伴碟菜係醃酸菜。首先，就飲返杯功夫茶，清香既茶味帶點回甘既味道。有好多傳統既潮州菜可以選擇。不過，由於我地唔太肚餓，所以唔算點左好多野，只係叫左兩道菜。第一樣係呢個方魚抄芥蘭，我好鐘意食方魚，佢係炸到好脆既魚片仔，好香口，配埋新鮮既芥蘭好好味。另一道菜道係煎蠔烙，唔同地方既蠔餅都有獨特既配方同特色，呢度既蠔餅就比較薄，入面有好多蠔，夠哂足料。

星期日同屋企人飲茶，發現巧明街新起左呢棟107國基，有間新既酒家叫潮薈軒。聽個名已經知係潮州菜。今日食左啲點心為主，其中介紹下兩款比較特別既。<脆香鮮蝦米網腸>（$38）腸粉包住脆脆薄薄既米網，入面仲有彈牙既鮮蝦，絕對係口感同味蕾絕佳既感受。<雪山叉燒餐包>（$32）呢個賣相好特別，係餐包甜包入面有平時叉燒包既料，面頭竟然有埋白雪雪既一層甜酥皮，好似菠蘿包面頭果層野，咬落酥脆，配合甜甜地既餡料非常特別！<生磨蛋白杏仁露> ($42/位）屋企人鍾意食糖水，就叫左份好似幾健康既杏仁露。味道同口感都幾接近平時食開既杏仁露啊，口感唔會太結，亦唔會話太甜，係個飯後甜品幾好既選擇。星期六日宜家做緊八五折，吸引番住宅區既人過黎商貿區食飯。呢度要$200先可以用信用卡，所以食早市/午市/茶市要注意喇！

觀塘新開左間裝修幾靚既潮州菜，面積大，擺酒都得啊！同同事黎食左餐飯，覺得都幾有驚喜。酸菜作為前菜係係潮州酒家先比較多，真係好好食，酸酸味味好開胃啊。而且唔會乾到好霉，而係好juicy果隻。我地食左蠔仔粥（$96），配料豐富，除左冬菇同肉碎，當然仲有好多好多好鮮嫩既蠔仔！啲飯粒係湯飯既熟度，所以都係粒粒分明。大家都好鍾意！一窩都有五碗左右。我地仲食左個幾特別既甜品，係返沙芋件（$128），有八件，芋頭切成長方條，外面佈滿厚厚既砂糖。一咬，啲糖就散入口，然後就咬到入面粉粉既芋頭，係個幾飽肚既甜品。呢度午市茶芥$13位，酸菜$13/碟，有加一。

趁着假期就同屋企人去試吓公司附近嘅一間潮州菜，餐廳係位於巧明街附近非常之近APM，觀塘又比較少潮州菜館所以呢一間餐廳就吸引左我地。一入到去侍應就好好咁樣招呼左我哋，餐廳嘅裝修非常之光猛而且枱同枱中間係有好大嘅空間坐得比較闊落估唔到下晝兩點仍然都有咁多台客。係叫點心方面我哋就叫咗一個蟲草花蒸魚肚份量非常之十足，調味啱啱好蟲草花都好多仲叫咗一個係潮州菜嘅招牌糖醋麵。煎得非常之爽脆，加埋糖同埋醋去配搭，好香口好惹味。唔係成日食潮州菜嘅我，覺得非常之特別 我哋仲叫咗蝦餃同埋芋茸流沙包，蝦餃裏面個蝦非常之大粒同埋爽口而且個皮好薄熱辣辣，非常好食流沙包亦都唔錯唔會好甜。最後我哋仲叫咗呢一味川味雞。呢隻味小菜係我嘅最愛雞醃得非常之香口令我吃過不停，值得一試總括嚟講呢一間潮州酒樓性價比高，食物嘅品種亦都好多兼且服務態度亦都好好環境舒適坐得舒服

今天到觀塘行街，看到宣傳有新店，跟朋友上去一吃。原來吃潮州的食物，朋友胃口不大，也就叫了一個湯和小吃算了。滷水鵝掌滷水是潮州非常有名氣的食物，朋友因此想一吃呢，想不到，皮薄肉嫩的鵝掌，給陳年滷水煉得琥珀晶瑩。銀刀一剖，鵝油飛濺，滷汁四竄。再順勢而下，俐落去骨，分成兩份，擱在碟上，令人易吃，愛吃滷水的朋友，一定不可以錯過滷水鵝掌翼，很多人都說鵝掌翼好吃！真的棒，鵝掌部份的皮薄，能夠將滷水的精華完全，再補一勺微熱滷汁，感覺不錯。紫菜豆腐肉鬆湯紫菜營養價值高，朋友很愛紫菜。很喜歡煮這道快，靚，正營養湯水。網上一看，發現紫菜有助改善記憶力和注意力，而且這道湯食法簡單，今天等了５分鐘內能上桌呢，你也快來試試吧！真的是快靚正紫菜豆腐肉碎湯呢～紫菜份量也多，視乎個人口味你可以自己揀的～軟豆腐，沒有滾爛。這天的這小吃和紫菜肉碎豆腐湯，令放工有時想飲湯的朋友，煲湯不夠時間，可以試下來飲這個快靚正滾湯喔！

作為一個藍田人黎講(尤其住麗港城既朋友)，對敏姐呢個名應該唔陌生~曾經跟朋友到過麗港軒食潮州菜，其蛋白蒸蟹真係令人回味。知道最近敏姐喺觀塘新商廈開店就帶老公一試。打開Menu樣樣都好想食，奈何今晚只有2個人用餐，咁就簡簡單單二餸一湯有魚又有肉，點左凍魚、湯同鹵水鵝~餐前小碟既蘸咸酸菜惹味可口，輕食數片真係胃口大開!胡椒咸菜豬肚湯每次食潮州菜唔少得既胡椒咸菜豬肚湯，湯水味道雖帶陣陣噗鼻既胡椒強悍氣味，入口卻毫不傖喉不辛口。趁熱舀一大碗喝後身驅漸冒起一種血脈沸騰之感，胡椒粒能起暖胃温腸，散寒既作用。湯水色澤奶白，每一啖都順滑兼冇大胡椒渣粒。豬肚咸菜兩者用料甚足，豬肚前期處理功夫亦做得徹底，完全沒有腥味又或是內臟味道，要嚐呢個湯品還是建議到菜館總比自己動手做來得簡便輕鬆!凍烏頭潮州以海洋產物豐庶見稱，除左為人熟悉既方魚肉碎蠔仔粥之外，凍烏頭都係慣常吃到既大眾化菜式。烏頭魚上碟時魚身已呈半開狀，潮州食法喜歡配上黃豆醬一起吃，把小幅魚肉片輕點醬汁更能提升魚鮮度，而且豆醬本體亦唔太咸味，用後不會口乾。魚肌結實鮮味且白潤，呢度會去掉大骨駱位，都幾細心，用叉起肉真係啖啖肉。鹵水鵝肉併鵝肝潮州鹵味非常有

今日同媽咪想食潮州野 係觀塘唔係太多選擇 唯有上openrice 睇下 見呢間野新開又幾試正咁 所以就去左試下～ 入到去發現間野真係好大 我地早黎 所以未算好多人 坐低就睇下餐牌先！好傳統既潮州菜 有哂我鐘意食既野 yeah! 我地好快點左隻凍蟹 螺頭燉湯 滷水鵝 同個四季豆! 叫完菜都好快上齊 個螺頭湯好得意呀 用個茶壺仔裝住 倒出黎就飲得 一飲落都覺得好足料 有螺頭味 打開個壺仲有螺肉同雞腳眼 媽咪好鐘意呢個湯跟住就開始食蟹了 凍蟹幾鮮味 好有潮洲既風味 滷水鵝都好入味 唔會死鹹 賣相都好靚！四季豆炒得好好食～ 加埋D肉碎好香！香港人點都要叫翻個小炒先開心既！ 呢間野整體唔錯 下次有機會再黎觀塘食飯會再食