潮苑正宗潮州粉麵 (已結業)

今日二個人下午終於試左尼度.叫左:1. 牛肉餅+魚蛋河- 牛肉餅爽口彈牙, 似扁左既牛丸, 魚蛋也爽, 但我覺得唔夠魚香.2. 墨魚頭+魚片頭河- 墨魚頭爽得黎唔靱, 醃得好味過文輝, 炸片頭ok la, no surprise河粉也夠滑另外原本叫左一碟炸魚皮, 但点知來左一碗仔($4), 都好好味呀!會再黎試其他嘢!

第一次去，成間野貼滿哂蔡瀾的介紹，又跟多佢一次。手打魚蛋，ok 但其實其他地方都食到，好食但唔會話好掛住；但係再點牛肉餅麵，真係不得了。d 牛有口感得黎又唔係其他食肆咁狂用鬆肉粉死o拿，食落去一大陣蘇味湧至，不愛蘇味者勿試，但喜者如我，定必大叫一句：「拱至係牛肉架嘛﹗﹗」

20050828 11.30pm在灣仔跟男友吃這個粉麵brunch. 心血來潮想食這裡的牛肉餅.2人吃-*我要- 牛肉餅米($16), 如果不好吃, 難度你覺得我會再來咁多次嗎?* 男友要- 牛肉餅麵($16), 男友第一次吃這個牛肉餅, 覺得不錯.* 炸魚皮($10) - 一上桌是用保鮮袋裝著, 客人自己拆開, 十分impressed. 魚皮夠厚度很夠味也十分脆口. 讚.* 腐乳通菜($5) - 一般.埋單只$40多元, 平靚正.

手打白魚蛋果然沒有粉味, 也沒有胡椒粉味, 算彈牙。墨魚頭好鮮甜。牛肉餅好味, 之不過牛腩的牛味更濃更好味。湯底鮮甜飲完沒有口渴。生菜真係落好多蠔油, 食到落底都有蠔油。最鐘意係葱粒不是直接放在湯面, 而是用湯匙盛住上檯, 不愛吃葱的朋友可以成匙倒掉。

我食雲吞粗唔好食喎d 粗麵唔好食d雲吞好一般咋喎而且一定好多味精事關我未試過食完麵可以咁口渴

灣仔春園街最出名的, 是金鳳原裝凍奶茶.好一段時間沒來, 今日端午走過, 客仍然多.船街重建得如火如荼, 金鳳相鄰的舖, 也給市建局買下了.看來, 灣仔變天, 是停不了.老街老店消失, 可惜.想吃粉麵, 走過幾個舖位, 見有潮苑, 曾去過銅鑼灣分店, 原來還有一間在香港仔, 有緣再試.上次點了坑腩, 今次要了牛肉餅.一小塊一小塊, 富彈性, 口感很好, 牛味亦不俗.客似雲來, 就算重建要搬, 應不難找新地方吧.舊不去, 新不來, 但願好味度長存.

今日中午o係灣仔食飯經過門口咁多次都未有機會一試呢度既手打魚蛋見今日難得早左上完上午既training一於行黎試叫左個手打魚蛋河加芥蘭走油芥蘭先到嘩,見到簡直嚇親多蠔油到遮左半碗芥蘭好就只係好在真係走油同埋芥蘭好新鮮不過搞到我要食完成碗粉用d湯黎沖一沖d蠔油先食得唔係咁多蠔油就真係鹹死手打魚蛋河上場試一啖湯好清但好香河粉明顯一早煮好放o係碗因為一上檯時黐實左碗底要自己搞鬆河粉粗又厚身味道普通,冇乜特別但好在唔會油淋淋一碗有三大片魚片同三大粒乒乓波咁大既魚蛋魚蛋一咬落去唔可以話好彈牙但見到真係比魚片多d小氣孔勝在真係好香魚味同平時街巿o個d真係冇得比$16一碗都幾大碗架下次再黎試牛肉餅!不過午巿真係好多人我食完走時已經有好多人o係門口等位又或者叫外賣佢雖然忙但都幾細心會大叫熱水又會提人客小心地滑算係幾好架喇!不過佢真係太多人幫襯有時真係落單都要叫幾次人黎。

慕名而來一試出名的魚蛋粉,來到後才知道出名的不只魚蛋,還有牛肉餅及牛腩。價錢方面,魚蛋分兩款,手打魚蛋粉$16,而普通魚蛋(即係機打掛?)就$13,牛腩$13,坑腩就$16,加$7有飲品,加$5有碟菜。兩個人,叫了如下食物:手打魚蛋拼牛腩河($23)、牛肉餅河($16)、油菜($5)、魚皮($4)、凍奶茶($7)。魚蛋大粒爽口有魚味,唔錯!但牛腩更出色,肥肉甘香,瘦肉鬆化唔會韌,亦唔會食到黐牙,因為係清湯腩關係,更能突出牛肉味,下次試埋坑腩先~而牛肉餅則非常彈呀亦有牛味。河粉份量唔少,細食者可以以此作為午餐,但口感略嫌普通,唔及正宗潮洲河粉咁滑。湯幾鮮甜,飲完都唔覺口渴。另要一提魚皮及辣椒油:魚皮很薄而且炸得非常鬆化,有少少腥但我反而覺得咁先似好食!!辣椒油就咁買要$60一樽,但食落唔覺得有咩咁特別,莫非與零售的有別?春園街美食特別多,走o既時候經過金鳳,但蛋tart剛剛賣晒,下次再黎食過先~

成日幫襯呢度食粉麵，今曰又去食碗粉，由於星期日三點幾，唔使排隊(平日食晏個陣勁多人)，叫碗墨魚頭坑腩米粉，墨魚頭好爽好脆，好食過文輝，又夠味。坑腩肥瘦適中，唔會乾憎憎。。。加埋辣椒渣，一流！見到佢地有新野，叫牛沙瓜。。。唔知乜東東。。。下次試先。。。仲有推介牛肉餅，勁正！爽爽爽！一碗粉一支可樂:二十八蚊,好味！但會坐得迫Ｄ。

wah! i like the handmade fishball so much. Even when i hv hotpot at home, my mom will come and buy fishball coz they're all homemade. on the other hand, i just eat 'white color fishball' but no those in golden color.

去親灣仔必吃的地方之一！一入去已經見貼滿報章介紹，已經知佢勁～總喜歡那好好口感的牛肉餅，又爽又彈牙，外貌像扁了的牛丸咁．聽閒牛肉餅及魚蛋都是人手打，所以口感很好．還有我喜歡的舊色玻璃樽可樂呢~~

i think chiu yuen is very good~~~~~i like fishball ~

入到同口好多蔡"難" 的評價，咁就點個牛腩河食個牛腩河都係收13蚊，好抵食又多湯好味，牛腩有少少硬但都ok個凍飲差少少，不過都ok，去灣仔必試

最怕同人迫，所以如沒工作在身，年年平安夜都同屋企人打邊爐，今年也不例外。在Conrad吃完個聖誕下午茶自助餐，落Citysuper買了牛及羊，就去灣仔街市買菜。途經此地，諗起不如買牛肉餅來代替牛丸來打邊爐都好，所以就來買了一斤。六點幾，店內仍只小貓三、兩隻，明顯是佳節效應。在等候的同時，也買了兩袋炸魚皮。牛肉餅差不多已全熟，不用滾好耐。好彈牙，有咬口，味道亦不錯。薄薄的一片，比一粒牛丸份量輕好多，無咁頂肚，火窩時亦可以吃下其他食物，所以覺得這個牛肉餅比丸類更好。炸魚皮脆口，無油益味，都不錯。兩樣野夾埋88蚊，都唔平，無法子，呢度有番咁上下名，又係要番咁樣價錢。加上不是度度有牛肉餅供應，所以都吃得過。

看見牛肉餅的評價一直很高, 坐下二話不說就點了一個牛肉餅米味道不錯但也未至於好得太交關, 不過牛肉餅沒有落太多調味料夠原汁原味. 但size很細想像到將佢搓回一粒牛丸都係好mini. 口感唔夠充實米粉好乾身一夾起就痴埋一堆要放落湯再了一了先食得.這個午餐扣分可能係因為失望多過食物質數.不過見到對面太太既魚蛋好大粒好似好彈牙好多汁, 而魚蛋粉走魚片要加多三數, 好想試下係咪真係咁正.