潮福蒸氣石鍋 (已結業)

香港最近冒出很多食街食廈，簡直是我這種饞嘴之人的福！短短的一條厚福街滿佈食肆！朋友素來熱愛食海鮮，所以我提議去食海鮮蒸氣石鍋！晚上時份，都頗多人排隊，下次再食真的要提早訂枱。等候約15至20分鐘便可入座！潮福有個任食任飲海鮮餐，有一款粥底，一款燉湯，三款每枱必送的小菜及海鮮，四款自選海鮮及任食的雞肉、牛肉、丸類及蔬菜等！價錢是按平日假日及繁忙非繁忙而定的。松茸燉螺肉燉湯 - 材料挺多，飲落鮮甜不浮油！半隻脆皮乳鴿 - 皮層確實脆口，肉質嫩滑，帶有丁點兒油香！朝日及嘉士伯啤酒均可任飲，喜愛飲酒的我當然要盡情飲！貝殼盛盆分別有沙硯及北寄貝，沙硯的的骰骰，硯肉相對亦較細，不過帶點微微咸香味。北寄貝肉質相對較為軟稔，而且清甜得來又有嚼勁！生猛海中蝦肉質爽口而滑溜，蘸上醬汁更為惹味，原味食又可以食出其鮮味～半隻龍蝦 - 看落肉質既豐厚又巨大。味道鮮甜飽滿，新鮮～蘇格蘭蟶子皇 - 鮮而甜的味道，爽口彈牙的質感。北韓鮮鮑魚 - 北韓這兩字令我十分好奇，因為真的零機會會接觸得到。鮑魚相比平時食的略為厚實，食落味道堅韌彈牙，又會同時彌漫出爽口的感覺！扇貝 - 經蒸氣後汁液滾動著，散發濃香的鮮味！味道新鮮

明明訂左位，黎到都係要拎飛，拎飛唔緊要，7點30等到8點都未有位都唔緊要，仲要遲黎既先有位...... 人地5個人就大哂呀，黎到就即刻有位.........火到黎....

我喜歡吃蒸氣鍋，而潮福永遠都是我的首選。尖沙咀這分店經過不少次，但總没試過今天就趁有時間來探個究竟。 位於食肆林立的「口福街」，門面不太突出，很容易會行過龍。 任食任飲依舊，用餐時間130分鐘。8:15pm前埋單有9折，與8:30後入座的價錢其實差不多。吃早時段，早點埋單就不用挨到8:30pm 前菜 - ★★☆☆☆ 等食之時，來點前菜配啤酒。拍青瓜蠻爽口，但醃製不夠。醃蘿白也有點苦⋯⋯ 木耳酸中帶辣，味道較好。任飲啤酒有嘉仕伯／Asahi，是我喜愛吃潮福的其中一個原因 姬崧茸燉螺肉 - ★★☆☆☆  一向喜愛這𥚃的燉湯，但今天有點失色。燉湯依舊足料，但燉的時間不夠，不夠入味。感覺有點浪費了這些湯料⋯⋯ 乳鴿 - ★★☆☆☆ 一人半隻乳鴿，質素不過不失。但肉比較少，皮也不夠香脆，有點失望。 龍蝦 - ★★★★☆  幸好，主角蒸海鮮依舊出色。龍蝦肉質厚實、彈牙爽口。啖啖肉加上鮮味，讓人非常滿足。 貝殼盛盆 - ★★★☆☆  每人一份的貝殻盛盆，種類多樣。刀貝、北寄貝都很新鮮，肉質蠻厚，不用點豉油也夠鮮味。蘇格蘭蟶子皇很大隻，蒸得剛剛好，鮮甜、爽口。配上蒜蓉粉絲，更加惹味。

海鮮呢樣野真係令人百吃不厭最近又去左尖沙咀厚福街既潮福蒸氣鍋食蒸海鮮套餐除左有多款海鮮外 仲有燉老火靚湯,乳鴿,龍蝦另外仲有和牛肉..蝦丸..蒸雞件..等其他食物無限任食就連啤酒汽水都係任飲所以計落其實非常抵食除抵食外 海鮮等食物質素都屬中上服務更係無得彈講返食物 當晚我地揀左石蠔..大北寄貝..扇貝..仲有鮑魚樣樣都好高質素最鐘意佢個扇貝同石蠔 勁大隻又好新鮮除左海鮮 龍蝦..乳鴿..燉湯都係喜料之外龍蝦又滑又大隻 半隻已經好多肉 乳鴿每人有兩件(半隻)乳鴿肉帶咸香 味道剛好 肉質嫩滑多汁 燉老火湯都一樣好好味 飲得出唔係味精例湯任食既和牛肉同雞件都唔差 食得過

此在尖沙嘴的＂潮福蒸气石锅＂店岀品的北韩鲜鲍鱼，味道鲜甜嫩滑👍👍👍北寄贝及圣子皇都是爽口鮮甜呀👍👍👍，南非龙虾👍👍👍👍👍肉多極鮮甜可口兼爽口及同也有口感👍👍👍👍芋头特香及松粉的！👍👍总而言之的，各食材都特是新鮮的呀！👍👍👍👍服務水準同是極之無得彈的呀！👍👍👍👍👍👍😄😄😄😄😄😄😄😄

第一次認識蒸氣石鍋蒸海鮮就是在尖沙咀潮福聽說其蒸籠是傳統湖南引入這裡一過8点3任食套餐有宵夜特價不用300元一個這是任点任加選項我們要虾肉丸南瓜片和牛片烏糟雞件和釀了百花虾膠的香菇最推薦鮮虾肉丸這裡的花生醬極細膩甜美 ，無可挑剔取了大大碗混沙嗲醬以及大量蒜泥芫茜刀貝+中號龍蝦也非常抵巨大石蠔是這裡任吃餐4款自選海鮮之最大只應有5至6吋長必送每人半只龍蝦一隻小乳鴿，加入任用馬拉糕，香芋件粟米牛肉丸梅菜豬肉丸等連甜品汽水( 可口可樂)看到全部海鮮都游水實在豐富多彩，堪稱老少咸宜，特別是開於遊客區的尖沙咀！

d綠色衫服務員姐姐既服務態度ok，食物亦ok，但今晚10點37分入去唸住一行五人食佢地既$188半任食餐，以為好抵食，點知當一出第一批食物，有個著黑衫既黑面老板娘即劇刻走埋黎當住我們面前鬧d綠色衫服務員，話我地d平價餐係唔可以出d咁靚既海鮮，綠色衫服務員即時同老板娘理論沒出錯單，$188係呢d海鮮了，心唸你d海鮮有幾靚呀，洗唔洗指桑駡槐話我們cheap呀，你d係普通貨色姐，唔想做$188餐覺得cheap唔好出哂宣傳啦你哋。更過份係約一小時候即11點45分時第一批食物到齊，我們正想叫多些東西吃，老板娘說我們不能再叫食物，吓？你哋寫2個半小時任食，你老板娘一小時就走埋黎連last call都冇，立即唔俾我們叫東西吃？我們叫了一轉咋喎，都未吃飽又一半時間都未過，就唔俾人吃？最後還同我們理論，我們冇俾錢嗎？你寫明2個半鐘，這是否嚴重違反商品說明條例？連飲品都唔俾人飲啊！在厚福街咁旺既地方都咁靜，個場冇人黎係有原因的，冇生意冇偶然，第一次遇到咁惡既老板，下次請都唔黎。

天氣凍左，特別想食熱野，火鍋石鍋永遠係首選！啤酒汽水都有。星期一全場爆要等位，好似大家朋友食飯都擇？haha，we tooooo. 少少似大排檔酒樓。飲湯後先食青口，刀貝同其他貝。刀貝好食，份量中，但口感好。乳鴿有d咸但肉汁好多。再食海鮮，北奇貝同鮑魚都彈牙，起左屎，貼心haha。南非龍蝦彈肉，蟶子有粉絲大隻厚肉配蒜同蠔都有粉絲，唔錯。食肉前先食粟米同瓜，芋頭好香。手切和牛肉同粒都軟同牛味，30秒食得好正。嘉士伯真係無得輸，第3支。苦瓜冬菇讓肉好食同甘，清下熱。清遠雞好滑，又有蟲草花。手打魚丸好食足料，無粉。淮山粥好綿，可能因為有淮山。

聽朋友講咗好耐而家新興的蒸汽火鍋, 昨天經過尖沙咀, 終於有機會在潮福試下. 一入門口, 見到每枱枱面都有一個頭尖底圓的, 用禾桿草扎成的蓋, 蓋住枱面, 而蓋底下正是蒸汽火鍋, 用禾稈草扎成的蓋, 特別的來又可以令蒸汽穿過草蓋, 不會在鍋里面形成倒汗水而影響食品的味道, 令食物原汁原味。昨天酒樓介紹我們食任飲任食餐, 食物包括半邊龍蝦, 帶子, 鮑魚, 聖子, 還有海蝦, 肥牛, 蟲草蒸雞等等, 我們急不可待的叫了一輪食物, 然後去佐料枱自行調較自己喜愛的調味料, 不一會兒, 各式海鮮已上枱, 侍應首先幫我們將米, 淮山, 瑤柱等材料先放進鍋底, 然後鍋面放一個有孔蒸籠, 將龍蝦放在蒸籠裡, 開了蒸汽, 蓋上草蓋, 開始蒸海鮮, 各種海鮮蒸的時間都不一樣, 蒸海解而釋放出來的汁, 由蒸籠裡的小孔留入底下的粥裡面, 哇, 粥吸收了所有海鮮的精華, 好吸引。龍蝦蒸了7分鐘已經可以起鍋, 食落爽口又彈牙, 龍蝦開邊, 面上只放了些蒜蓉, 已食到龍蝦淡淡的海水塩味及它的鮮甜, 不用其他佐料, 蒸出來的龍蝦原汁原味, 在食龍蝦的同時, 侍應已幫我們將帶子放在蒸籠裡, 我們一邊慢慢嘆龍蝦, 一邊

今日同朋友約左去食蒸海鮮，因為我地都係海鮮控，之前同屋企人係旺角分店食過，覺得唔錯所以同朋友再黎安哥上次係旺角食店內已經好多人，估唔到依度分店一樣多人龍蝦同鮑魚黎左先，蒸左五分鐘到，時間剛剛好，龍蝦肉爽口鮮甜，食到原汁原味，鮑魚肉質都係比較爽，唔會太硬北寄貝食到海水味，入口爽甜，好好食，如果份量多少少就好啦元貝食落口感滑身同厚肉，味道唔會比蒜蓉搶左鮮味，兩味並存牛肉口質軟腍同好重牛味，蒸熟咁食保持到個肉汁同油份脆皮乳鴿燒得好香，食落啖啖肉粥底叫左瑤柱鮮淮山粥，個粥愈食愈好味，粥底夠棉，吸哂海鮮精華，店員姐姐仲好好人主動問洗唔洗加蔥同菜圃調味食完仲送西瓜做飯後果，勁滿足

食過返尋味，尖沙咀呢間一樣有任食$338地方暗少少，但侍應服務好細心兩個人去，驚我地食唔切，幫我地夾起係碟等我地慢慢食呢度龍蝦較爽口貝類非常鮮甜，青口好爽唔韌淮山粥煲落好甜，今次無食咁多雞，所以無乜油，兩個人每人可以食到三四碗乳鴿都係送，係少肉左啲整體都係滿意

之前都食過其他地方嘅蒸氣石鍋,今次就試呢間潮福蒸氣石鍋. 佢哋有個任食任飲海鮮餐,雖然海鮮同某啲食物唔係任食,不過都算豐富.每人有盅燉湯,老黃瓜燉唐排嘅湯頭比老火湯清澈,湯料唔少.脆皮乳鴿,炸得皮脆肉嫩.晌我哋食緊其他嘢嘅同時,店員就晌石鍋加入瑤柱,鮮淮山同米粒,煮到最後就有粥食喇.放埋不鏽鋼蒸架,再將海鮮放上去蓋好蓋,蒸一陣就食得.貝殼盛盆,當日嘅係北寄貝同馬刀貝,兩款都係中型大小,同埋鮮味冇沙,北寄貝仲比馬刀貝多一份天然鹹香.美國石蠔質感creamy,上面嘅薑絲,大蔥同胡椒味道濃郁,偏向重口味.蟲草花清遠雞嘅雞肉嫩滑,味道幾好. 手剁鮮蝦丸同自製鮮牛丸就幾彈牙.手切和牛肉咬落鬆化.最後食埋個粥底就啱啱好,仲有西瓜跟埋,幾甜同多汁.當晚擺食物落鍋到蒸好嘅過程都由店員負責看管，我哋幾乎冇郁到手。同埋佢哋嘅抽風唔錯,食完個身都冇乜異味.

約左海鮮友食飯，當然要食最新鮮的蒸海鮮。海中蝦。爽口鮮甜的鮮蝦，上枱仍然非常生猛，入口蝦味鮮嫩彈牙，輕輕滾一滾好快就食得。蒸龍蝦。龍蝦不能蒸過火，肉質爽嫩爽甜，加上蒜蓉調味。蔬菜肉類任食。肉類選擇豐富，肉質蒸後鮮甜鮮香，不用多加調味已經鮮甜香口，蔬菜爽甜多汁。丸類彈牙，入口不會太霉。

任點任食海鮮餐, 啱晒中意食海鮮嘅一族。首先先挑選二選一粥底 (新鮮排骨粥和瑤柱新鮮淮山粥）、燉湯（西洋菜生魚燉陳腎、老黃瓜燉排骨、姬松茸燉螺肉）。跟著再送脆皮乳鴿、貝殼盛盆，龍蝦。跟著仲有包括另外二十幾款任點配料，和任飲啤酒、汽水和竹蔗水等飲料。首先當然老火上湯嘅時間，姬松茸燉螺肉燉湯。燉湯好足料，除了有姬松茸和螺肉外，還有排骨，味道很鮮甜天然，用料絕不孤寒。每枱都逢送嘅脆皮乳鴿，外皮脆卜卜肉汁又多，肉質嫩滑，絕無羶味。貝殼盛盆包含胭脂蚌，馬刀貝，加上我地自己點嘅海蝦同埋青口，感覺大滿足。馬刀貝大大粒，肉厚鮮甜。海蝦肉質彈牙，同樣新鮮味美。龍蝦同樣令我地食得滿足，肉質帶有爽勁而又鮮甜，加入蒜蓉蒸，味道又提昇左一層次。北韓鮑魚質素亦高，加左薑、蔥和蟲草花去蒸，彈牙而鮮甜。接著係任點任食嘅肉食同肉丸。蟲草花清遠雞雞肉非常嫩滑，肉質又細嫩。百花釀花菇釀了鮮蝦滑，蝦滑鮮味彈牙，值得多食幾件！手切和牛肉及和牛粒牛香肉味都非常香濃，蒸一份鐘左右就食得，保持嫩滑口感。最後當然就係食瑤柱新鮮淮山粥啦。粥底吸收成晚蒸食材嘅精華，所以味道必然係好味。再加入香甜嘅淮山，等綿綿粥底更添味美。

蒸氣石鍋熱潮從上年展開，一直都想去食，可惜初時定價太貴，好似唔係咁划算。近期潮福推出咗按人頭收費嘅半任食任飲海鮮餐，比當初散叫來得實惠，呢晚終於去一試。環境方面，同一般火鍋店相若，呢晚我哋被安排晌靠窗嘅卡位就座，都幾舒適。唔同日子同時段嘅價錢會略有不同，當晚收費係$338一位（未計加一），入座起計限時兩個半鐘。店員仲細心講解點樣揀，點菜紙虛線左邊嘅食物只可揀一次（或一人限一份），右邊先係任食項目。醬料係自助嘅，分別有蔥、蒜蓉、炸蒜、辣椒、芫茜、豉油、甜醬、辣醬等等。事後發現某啲食物已經調好味，唔蘸醬料食都OK。涼拌前菜，木耳、蘿蔔、青瓜嘅口感爽脆，帶蒜香同醋香，有啲微微麻辣，都幾開胃。姬松茸燉螺肉，除有姬松茸同螺肉外，仲有桂圓同瘦肉等等，菇菌味出。海鮮一般蒸數分鐘即可，佢哋嘅蒸鍋亦設有響鬧提示，唔洗擔心會有蒸過龍嘅情況。蓋上竹帽，不消一會就蒸好。龍蝦，已預先以蒜蓉調味，肉質爽彈且有蝦膏，質素唔錯。自選海鮮就揀咗北海道北寄貝，size都算肥大肉厚，口感實在。大青口，相對起嚟就無咁出色。大元貝有嚼勁，粉絲吸滿肉汁精華。任食類別嘅選擇有廿款左右，我哋試咗其中幾款。手切和牛粒，切得頗為的骰，肉