潮樓

营业中

休息中

真係無諗今日嘅潮樓會差到哩個地步，想好好地同亞媽嘆個早茶啫～等位時唔講限時，帶你入去先講只得1小時20分，好彩今日唔係一家大小，否則搞得細嚟，大嘅點食得切？跟住一路帶緊你入位就一路塞一包茶葉俾你，自己沖茶，但我又真係少見識，都唔知點搞佢個茶煲，想叫侍應問下，但唔會有人理你，你係要親自去捉個侍應……真係全自助。話要自助點餐，但果個 QR code 又細又隱蔽，係個茶壼後面細細個……係咪印大少少會好花錢？點餐系統，佢都真係“勁”，我都未用過一個點餐，想睇返自己叫咗咩要出返去重新掃 QR code 嘅。再嚟講食物，真係慘不忍睹。先嚟變肥咗嘅玉兔，相中可愛嘅玉兔，嚟到係一個肥大嘅奶蛋包？做唔到人哋咁可愛，就去偷圖呀？咁不如唔好放相啦！叉燒包又係一 pat 嘢塌哂……仲要皮帶酸味蝦餃係背酸味嘅煎堆仔好似未熟咁，饀料唔知咩嚟，成隻只係勁黐牙。鳳爪又係帶酸味嘅唯一，蝦米煎腸粉係正常嘅，但係豉油勁少……成餐茶，個茶包係超淡味，我覺得自己係食劣質食物，俾一個鐘頭真係有多。

昨晚「冒險」去晚飯，食物和服務尚算不錯。七點後陸續滿客。由於採用「先進」嘅加水，煲水系統，待應人數較少。要攞額外碗仔要運到食物除了要蒸的外，上菜都唔算耐。蒸烏頭要連檸檬一齊，才夠味

自助落車本來係好事，但落完單就送上甜品（芋泥），食落啲油益味嚇死人，離哂譜。晚飯套餐嘅沙薑鷄肉質如擦膠，廚部只用微波爐番熱；套餐內啲蒸鱔沽清，並無通知客人就上一碟川椒大蝦，雖然熱辣辣，但極之失望。

荃灣區食肆林立，最近在綠楊坊開了一間叫潮樓的中式酒家。原本揀了這家酒樓，想跟媽媽做生日，一行九人，訂枱前，已經問清楚沒有限時，及預訂了門口宣傳橫額之$2,188的全包宴。但去到，竟然話只可以食兩小時，以及那全包宴，要2月6日星期一才開始。跟經理理論，橫額明明寫住2月1日開始提供這全包宴，星期六、日，價$2,188。他說今日只做3千多元的賀年宴，佢地有決定權。莫非，我地有老有嫩，焗住冇得轉場！？但為咗公義，我地幾辛苦，都唯有拉隊走人，以示不滿!走的時候，那潮盛宴的廣告拉架，仍然放在門口！

今天同父母一起經過，見到櫥窗外的滷水食物好吸引，所以打算入去試一下。雖然價錢略貴，但點心，小菜和滷水都好味。但上點心的蒸籠殘舊和釘窿變黑（好像發霉咁），令人好冇食慾。

等了三十分鐘有多、 我們的order都沒有到！多次詢問服務員關於送菜情況、他們只會說煮緊、煮緊！ 食物水準一般、服務態度九流 ！餐廳開了差不多一個多月、 如果真的還沒有準備好、就請不要開張吧！

綠楊坊蓮香棧結業後好不容易等到有新食肆稻香集團潮樓進駐，見門前盆菜廣告有乳豬打算過年開年飯就訂盆菜加隻乳豬囉，到落訂先知～呢間分店無乳豬～只有乳鴿，無奈最後落單訂了盆菜＋2隻乳鴿＋炸蟹鉗，初二去取貨，回家將盆菜番熱後開飯，鮑魚、鴨掌、冬菇全部都硬淨，乳鴿乾，蟹鉗硬淨，硬食。

本人原致電用電話下訂單，唯餐廳沒有提供此服務，一定要使用網上平台 下單，建議餐廳應該同步可以用電話下單。另外，當使用網上平台下單後，餐廳表示沒有收到訂單? 導致延遲了一小時才能取餐，又不能取消訂單。大失預算而且影響了本人的行程。若大家用此APP 下單後可能要再次致電跟進，希望可以有改善。