潮成園

营业中

休息中

今時今日食碗雲吞面起碼要$20以上， 係旺角竟然有$17蚊碗魚蛋粉，仲要地方乾淨，食物有水準， 係邊揾到？今晚想食清清地，就叫左碗魚蛋粉， 一碟菜心走油。 魚蛋粉有三大粒，爽口彈牙，仲有三片魚片， 惟獨湯底偏淡。 菜心只係$7， 煮得好淋，菜本身夠新鮮無渣。 埋單只係$24， 香港今時今日仲有良心老闆， 真係值得一讚！

在深夜的旺角街頭，你意想不到17蚊竟然可以食碗麵，無錯，係17蚊，响旺角簡直係做善事！ 而且質同量也不錯，湯底用豬骨的，夠味，魚旦爽囗，有魚味，也不腥，魚片亦不錯，雖然平但也不馬虎 ！

晚上八時多下班時間我同朋友回家前在旺角看看有什麼好吃的，吃完先回家朋友一看到潮成園就說這家麵店很低吃的既然我們都沒有事先決定要吃什麼就決定入去試試囉不用等位直接入坐，入座率有9坐成點雲吞麵2個，加芥蘭1碟，很快就來了雲吞夠大粒，都算吸引雲吞皮內滿是鮮蝦和豬肉，餡料很足蝦很爽，一口咬下去口感很豐富麵比較硬身，非常爽口，沒有梘水味芥蘭粗身大條得來很清甜一點也不硬，很好吃呢!都係$8我其實是旺角區常客, 第一次幫襯此店講真一碗雲吞麵$17香港已經好少有咁抵食麵店,真的推介見到街坊客也很多可想而知食物都有保證服務就一般，但食物質素好

估唔到話咁快又來返食，加因抵食。湯底好夠味，濃郁既牛肉湯底，飲得出係經過多時去淆制，牛雜色澤光鮮，食得出係新鮮食材，河粉，大大份，食落好足夠，蔥粒均勻，睇得出廚師既功架！

友人一齊,見到不用等位就進了去食點左個牛河同芥蘭各兩份牛腩今次個部份都係唔算好肥瘦唔平均,但食起都幾入味同好味河粉十分細,因為有牛腩汁的關係.十分入味芥蘭亦十分爽綠,食落新鮮十分滿足下午茶每人二十三超值亦可推介~

HKD 17.00 一碗麵，在香港幾乎已是絕跡，但竟然仲有呢間「潮成園」！當天跟住肥膏食了個新之城冷麵，仍覺肚餓，又不想食太貴太full 的食物，所以我建議食這間「潮成園」。其實我上次同肥膏有食過，覺得又平又抵食，今次再食！星期天下午四時多，全店8成滿！店員都好熱情，這真是難得。一般平價粉麵店的店員，講求效率。坐低，點野，食野，食完走，稍一不流暢，就會…你懂的。「潮成園」的店員並沒有催促，吃完也沒有想趕人走的動作，值得一讚！我點了柱候牛腩河 HKD 20.00湯底是濃郁的湯底，夠味不俗。河粉是幼身的湯河，相當吸湯，不過就有少少易斷。牛腩份量比我想像中多，畢竟HKD 20.00， 也不會期望太高。但是牛腩份量OK，不過牛味就有點欠奉了，而且較鞋口。但肥瘦適中，份量OK，又平，都真係可以好接受到。肥膏點的牛什河 HKD 20.00還可以，我只吃了一小塊，覺得有點內臟的腥臭味，雖然只有一點。另外還點了 芥蘭 HKD 3.00跟麵，可揀hkD 3.00 加飲品還是菜。我揀了菜，OK，夠嫩。蠓油好味，因為不是很鹹的蠔油。豆漿 HKD 3.00OK。夠凍。兩個人食到飽一飽，都只係 HKD 46.0

潮成園無時無刻都咁多人食 ，因為真係好底，邊可能仲可以做到$17蚊粉麵，但一於少理，呢間就買緊17蚊一碗，叫左牛雜河，$19蚊，份量都算多同大，牛雜需要有既牛內藏都有曬，比起同區個間，份量多好多。 粉麵硬度適中，唔會太硬或淋，牛肚就過左火，過淋，無口感，牛肺火候合度好處，呢個唔差，好有口感，層次分明，豬腸無臭豬糞味，正！！讚 加飲品都只係$7^^*大大杯

中午跟同事經過見甘抵咪入去試下，一入去地方唔係好唔掂，好多地盤佬。算啦食野姐。叫左碗水蛟麵，來到皂水味超重，麵質可以，水蛟好Q咸。食完又要即走。原來價錢不是全部$17，有$19提笨

平時去旺角周圍都系食魚蛋粉冇番咁上下吸引力都幾難咁多間餐廳下突圍呢一晚10點幾系搭車附近見到幾間都寫住$17一碗麵不過我同朋友最後入左去呢間望落好似有D歷史呢到環境都好有古舊既感覺睇到個餐牌見到D野食真系好平最後嗌左生菜 $7渣幾大份 抵到一個點魚蛋河魚蛋都算彈牙既不過整體系冇咩特別但$17真系冇咩要求南乳豬手麵 呢個比想像中好食豬手好入味煲得岩岩好唔會太LUM/太UN兩碗麵既湯底都夠味不過飲得系味精湯食既時候見到人地嗌炸醬麵好吸引咁下次試下先

新年期間麪類+3蚊（原價17-19），飯類+5蚊（原價30)餐廳人數較多 上菜速度比較慢點了牛雜麪但麪煮得過火 比正常偏林梘水味較正常重牛雜尚可 亦入味但腸偏肥可能新年期間份量偏小

大家可曾記得”旺角沙圈”這個名字呀? 其實旺角沙圈即是山東街新填地街一帶, 那邊流鶯集聚, 常是人來人往。男人看馬子, 如馬場沙圈, 故而得名。夜店一帶, 自有食店。不過旺角檔次一向較低, 所以平民食店較多。而且十多年前北上消費大搶生意, 繁榮景況已大不如前。可是偶爾來這裡走走, 不尋歡, 感受舊日足跡。這天趁有活動來朗豪坊, 結束已近七時, 吃個粉麵撐撐肚, 晚上還有工作。溜達沙圈, 見店大打潮式粉麵, 便來一個。一碗潮式扎肉搭牛丸米, 牛丸並不如潮州地區吃到的肉香彈牙。幼漿肉丸, 略有彈力而油香不足。扎肉還好, 結實有彈性, 也有香味。可惜米粉行行的乾鞋, 加些腩汁可混淆視聽。