影片
潮得起喺筲箕湾都开左几年，记忆中，去到黄昏啲河粉就卖晒，咁啱今日六点左右仲有，就拿拿淋叫左个外卖牛杂河。我前面得一个客，但唔驶三分钟就可以拎到野食，好快。牛杂河$39我呢啲牛嚼牡丹，从来都唔知边样打边样，仲之个个部位都好味啦。欣赏佢面同汤系分装，汤的份量系非常充足！而且本身都加左好多葱，和味呀！女子肚饿的话，呢个份量刚刚好！呢间店仲有个好处就系接受八达通，好方便呀。最后先见到下午茶优惠，下次可以试下。
继续阅读
周末放假天，带小朋友到公园放电，玩了一个下午，差唔多要准备晚餐，哥哥要求想吃汤饭，但妹妹又想吃鱼蛋粉，最终哥哥让妹妹去「潮得起」吃粉面，哥哥用紫菜汤捞饭，皆大欢喜！！牛腩饭🥘跜紫菜汤鱼蛋鱼片河粉🍜鱼蛋有4粒，鱼片3片，抵食酥炸鱼皮鱼皮脆口，份量够足惠顾任何粉面，冻柠茶+$7，而豆浆可乐收正价！
继续阅读
路过筲箕湾见到潮得起嘅分店又接近午饭时间就入去食个饭入到去，店舖面积一眼睇哂环境虽然干净企理但都坐得比较迫叫咗个$47 牛腩饭紫菜汤系跟埋个饭的不过之前食荃湾个间分店，饭𩠌系分开而家舖埋上个饭腩汁捞埋个饭就好似食饭捞汤咁个人就麻麻地呢个口感牛腩份量有七八旧左右半肥瘦用餐途中听到有其他食客指明要瘦腩原来可以指明牛腩嘅肥瘦的见到该名食客上菜时嘅牛腩又真系瘦啲😂紫菜汤唔咸紫菜份量都多嘅员工态度几好对我怀孕嘅太太亦特别关心安排我哋坐个安全嘅坐位店舖比较多街坊客帮衬跟员工都有倾有讲而员工之间相处亦好融洽
继续阅读
其实呢间初试业嚟过，系麻麻唔叫好食，隔咗咁耐就比多次机会，又系失望，仲叫潮得起，个汤水咁一啲味都无，又唔香，牛腩鞋又膻叫阿姐攞支豉油，比支甜豉油，食肠粉咩，原来成间铺无咸嘅豉油，盐都无😵，食咗几啖就无食，真系东区最难食嘅粉面店！唔会再去，仲要开喺电车路大街，唔知可以做得几耐！
继续阅读
质素黎计，其实同𠮶啲香港仔鱼蛋粉，或者潮兴系列，差唔多。汤底差唔多，做功差唔多，成件事差唔多。最重要嘅卖点，喺呢一度大件夹抵食。一碗牛腩粉，卖$30蚊。如果要崩沙腩，加$10。确实系抵！味道同质素，一般，不过不失。咁就梗系不能够，同所谓𠮶啲首屈一指嘅舖头不能相提并论。路过嘅，住喺附近嘅，食一碗冇损失。 食饭时间系中午，见到旁边好多打工仔，叫牛肺，牛磅，牛杂。斋睇卖相，值得一试！ 个人觉得，唔值得叫鱼蛋类产品，好似系外面买返嚟嘅，欠缺特色。
继续阅读