潮味苑

营业中

休息中

依間潮州菜館喺西九龍附近一入去就安排左座位俾我哋 店員好親切點菜潮州蠔仔粥（一鍋）蠔仔粥分量十足 大大嘅一鍋入面好多唔同嘅配料啖啖蠔仔配埋魷魚乾、鹹魚粒、豬肉碎 灑上蔥花 食完一碗又一碗滷水鵝片餓片肉質嫩滑 大大塊配合酸汁 冇得頂鵝片底仲有滷水豆腐芽菜同花生椒鹽九肚魚九肚魚外脆內軟 一上枱熱辣辣椒鹽好香 豬仔同友人都食到舔舔脷沙嗲牛肉炒芥蘭好特別嘅配搭 值得一試沙嗲味濃郁 帶點點花生味牛肉嫩滑 配上芥蘭三個人食 四道菜式 食到好飽好飽埋單都係一百左右一個人 價格親民抵食食物味道又好 店員親切有善 好有潮州風味推薦大家打冷必試呀

今日豬仔朋友們渣車帶我周圍走先上去嘉頓山睇夜景再帶我去食潮州打冷- 潮味苑行程安排得十分好依間潮州菜館喺西九龍附近一入去就安排左座位俾我哋 店員好親切潮州蠔仔粥（一鍋）蠔仔粥分量十足 大大嘅一鍋入面好多唔同嘅配料啖啖蠔仔配埋魷魚乾、鹹魚粒、豬肉碎 灑上蔥花 食完一碗又一碗滷水鵝片餓片肉質嫩滑 大大塊配合酸汁 冇得頂鵝片底仲有滷水豆腐芽菜同花生椒鹽九肚魚九肚魚外脆內軟 一上枱熱辣辣椒鹽好香 豬仔同友人都食到舔舔脷沙嗲牛肉炒芥蘭好特別嘅配搭 值得一試沙嗲味濃郁 帶點點花生味牛肉嫩滑 配上芥蘭三個人食 四道菜式 食到好飽好飽埋單都係一百左右一個人 價格親民抵食食物味道又好 店員親切有善 好有潮州風味推薦大家打冷必試呀

之前係深水埗食左好多次麵檔同冰室，厭厭地，於是轉下陣去食潮州野🥢😎·鋪面唔算好大，但都幾好生意下，成晚都幾乎滿座，等位等左一陣間就入得都算快👍🏻👍🏻·滷水鵝片💰HKD98本身想叫滷水雙拼既，但係鵝片無得雙拼🙈我同朋友決定單點鵝片🐔🐔🐔份量都幾多下😍啖啖肉、皮位有少少脂肪、唔係瘦猛猛😋而且滷得好入味～👍🏻·煎蠔餅💰HKD78係炸同煎之間我地揀左煎，諗住無咁熱氣嘛🤣煎得好黃金、一啲都唔燶😍而且蠔仔份量好多，啖啖都有～些少蔥香同埋鮮甜既蠔仔好夾～係就係邪惡左啲，但係好滿足❤️·四寶粉麵💰HKD34估唔到三十幾蚊一碗麵有咁多料😍好抵食！墨丸、魚片、魚皮餃、扎肉，仲有大量紫菜～好豐富～·炸鱔皮💰HKD20炸魚皮平時就食得多~炸鱔皮我都係第一次食🐍其實係用保鮮袋密封包裝，不過我倒出來影下靚相先～$20都好大包下😍炸得好香脆，堂食既話店員仲會比一碗湯，比我地浸湯食～我覺得浸十秒咁上下個質地岩岩好😋👍🏻·生菜💰HKD18 凍飲💰HKD12/杯·值得一提既係店員姨姨叔叔，服務好好、態度好nice~🌝我朋友差啲漏低成部電腦🤦🏼‍♀️叔叔都即時衝過來比返我地～🙈

老友小登科後都很久未再聚舊了，一行四人到深水埗一齊架己冷。潮味苑鄰近西九龍中心，地鐵站步行兩分鐘就到。很就腳。先來一客椒鹽九肚魚啤啤佢啦，脆口而且入味，佐酒必備!鹵水鵝下莊所謂下莊就是鵝的下半部份，當中包括鵝脾，阿姐又真係無介紹錯。 份量多鵝肉入味啖啖肉。韮菜花咸肉都不錯，假如韮菜花的份量可再多一點會更好。鎮店蠔仔粥是全晚最滿意的，粥水份量合適而且入味。潮州粥最怕就是煮得跟廣東粥一樣口感綿綿，這裡剛剛好。蠔仔特別多及大隻，難怪為鎮店之寶。至於煎蠔餅則相對略顯失色，當然蠔的份量很大，粉漿相對較小可以說是抵吃的。但可能因蠔出水關係令蠔餅口感顯得得較腍，而且不算香口。但沒有翻滾油那種油益味值得一讚。最後來一客甜品反沙芋為這餐晚飯來一個結尾。芋頭口感很粉，是靚的。而沾上糖是美味但飯如弄得多一點金香無論色水或味道會更佳。

明天重陽節假期，今晚我，媽媽和弟婦決定拋下爸爸跟弟弟外出吃晚飯，我們三人異口同聲說超久沒吃過潮州菜，所以一致通過吃潮州菜。深水埗的潮味苑長期受食客熱捧，今晚不例外，所以等了好一會，好吃的要等待我們絕不介意。潮州菜第一樣必食一定是滷水鵝上庄，看這閃亮光澤的鵝肉，迷人極致，表層面的鵝皮具有均勻豐腴的油脂，滑彈不已，鵝肉細嫩得很，每口咀嚼都嚐到鮮美的肉汁，滷水鹹香得宜，陣陣飄香。招牌炸蠔餅炸的火喉控制不錯，炸蠔餅外層金黃香脆，內裡蛋漿卻軟滑萬分，蛋味濃重，同時吃得到蠔仔的鮮甜，多了一分滋味，若愛鹹口味的話可沾點魚露提味，好不味美。鎮店蠔仔粥一鍋的份量可不是蓋的，足夠三至四人享用，我們平均吃到兩至三碗左右。蠔仔粥主要用蠔仔，肉碎，魚乾，魷魚乾，蔥花等熬煮而成，全是天然的鹹鮮原味，不用添加調味料已鮮香十足，蠔仔飽滿肥美，媽媽大讚蠔仔粥真材實料。弟婦素來愛吃椒鹽九肚魚，這裡的九肚魚讓她稱心如意。九肚魚天生就是椒鹽的好友，外表炸至酥酥脆脆的，九肚魚肉比起豆腐還要柔嫩，吃不到骨刺，不用怕噎到。椒鹽調味恰到好處，惹味又不失九肚魚的鮮度。最後當然要吃些蔬菜，媽媽所點選欖菜肉碎四季豆非常下飯，讓人一口接一口

晚餐同朋友相約係深水埗食飯，係黃金附近發現呢間潮州茶館，咁岩門口見到將螄蚶裝緊盆，就入去一試啦，牆上有好多名人合照，相信品質都有保證，試完之後更覺如此。必點我大愛既螄蚶，佢上埋個鉗比我地開殼，但我嫌太慢，直接用手都冇問題，以蒜頭同辣椒等香料生腌，風味獨特，$68蚊份量夠多抵食。陸續再叫左個椒鹽蠔仔同煎封鷹倉配飯，蠔仔新鮮炸起，粒粒都手指公咁大，滿滿一碟，咬開果層薄脆既炸粉就係鮮甜既蠔味，平時食炸蠔餅我都嫌油食唔晒，但呢間既蠔仔我竟然可以清碟。最期待係個煎封鷹倉，用鼓油煎到表面金黃香脆，鼓油豆香配上鷹倉少骨厚肉，白飯都食多碗。

剛剛搬左去長沙灣，同老婆係附近搵食，見到呢間潮味苑，老婆立即思鄉病發作，話要食呢間可惜全場滿坐，只好係門外等下位。等左15分鐘左右，終於有位。同老婆立即睇餐牌點菜首先黎到既係招牌炸蠔餅：熱辣辣，食落粉薄，蠔超多，好好味！滷水鵝片：食落鵝肉非常嫩滑，滷水味濃，正魚蛋河粉：食落魚蛋爽口彈牙 ，河粉夠滑，不錯👍🏻雲吞魚蛋麵：食落魚蛋爽口彈牙，雲吞足料味好，麵軟硬度適中，不錯潮陽蝦棗：咬落，淡淡蝦肉，熱辣辣，好味得食不停口食飽飽後埋單走人，老婆話下次要再黎食過

今日泡泡媽去左深水埗買餸， 去左依間「潮味苑」加餸😋 買左3款潮洲野加餸🎉🎉滷水鴨舌：$50夠腍、但唔太入味、味道尚可滷味小食：豬腸$28/條、鵝紅$20/件、鵝腎：$22/個、豬頭肉：$68/斤（買左半斤）💰共：$106豬腸：夠入味👍點埋醋食仲好味， 唔膩鵝紅：較豬紅、鴨紅硬身， 口感幾好、入味鵝腎：正常， 無特別豬頭肉：夠腍、但要點醋無咁膩潮洲滷味小食好伙伴：蒜蓉白醋， 白醋令滷味生色不少😋炸門鱔魚皮：$20/包好脆、 香口、 味道較淡（泡泡小子好鐘意食炸魚皮架😋😋）整體以上3款野食都幾好味， 下次有機會要去堂食打冷😋

星期日咁啱出咗去深水埗買野，突然又想食...好耐都冇食過既潮州滷水鵝！就去咗呢間試試！估唔到竟然有想不到嘅驚喜！小店地方雖小，但環境衛生整潔！而且仲有卡位！比起旺角、荃灣一啲所謂出名既打冷店好得多。最重要係佢既食物質數味道同份量👍👍👍而且價錢一啲都吾貴！非常推介佢既魚旦河，$28大大碗！手打魚旦鮮味又彈牙！超正！滷水鵝片同個蘿蔔朱紅都做得唔錯。兩個人都只係食咗$174...抵到爛！眼見小店好快就已經坐門晒人！我哋食緊既時候見到不斷有人買外賣！埋單嘅時候外面都已經有10幾人喺外邊等緊位。

今日放工去左黃金廣場買電腦,買完就係附近食晚飯, 朋友主動提出想食/附近一間潮州食店好多人去食, 我當然冇意見啦！小店舖仔細細,但成間舖都貼滿好多同名人食家既合照, 老闆應該係飲食界都有返咁上下資歷, 成間店坐滿人又迫迫地咁好有打冷氣氛食潮州野, 我朋友係唔需要睇餐牌既鵝片 – 睇個樣都知靚, 食落口真係冇得彈, 滷水汁好入味, 鵝片又唔會過老鞋口, 而且份量足(有十幾片)凍烏頭 – 用元朗楊氏烏頭, 已經有質量保證, 烏頭好多脂肪, 好香好油好好味,食到淨番排骨炸魚皮 – 上檯個陣侍應介紹係門膳皮炸成, 比較特別, 果然食落香脆可口，同平時粉麵店既唔同 蠔仔粥(1碗) - 我既最愛, 啖啖蠔仔加上肉碎、方魚粒同乾魷絲，滿滿海鮮味又唔腥 白粥(1碗) – 老人家話食潮州打冷一定要食白粥, 呢間既白粥煲得好綿有水準小店價錢經濟, 味道出色, 深水埗果然臥虎藏龍！

呢日同老婆喺深水埗西九龍行完街，走左去西九斜對面呢間位於長沙灣道嘅潮味苑食潮州菜。餐廳門口掛滿滷水鵝、凍蟹等潮州美食，夠晒吸引。打開餐牌，都有好多選擇。先嚟碟滷水鵝片 ($98)，好鐘意食滷水鵝，每次食潮州菜都必點，呢碟鵝片滷得夠入味，口感鮮嫩，連墊喺下面嘅滷水豆腐都滑溜有滷水味，水準之作！鎮店蠔仔粥 ($52) - 蠔仔夠新鮮，用料豐富，有蠔仔、方魚、肉碎，魷魚乾……鮮甜味美，“鎮店”兩個字當之無愧。豬手飯 ($48) - 豬手爽口夠入味，有好多件豬手夠晒抵食！欖菜肉碎四季豆 ($68) - 大大碟夠鑊氣，四季豆新鮮飽滿，配上欖菜同肉碎，調味得宜，十分好食。凍西洋菜蜜 $13 / 凍檸檬菜蜜 $13 - 消暑佳品，滋潤凍涼解渴😋

今日同老公去左男人既天堂(黃金) ,等佢好好咁吸收左天地靈氣後, 我地就要搵野食. 見到呢間長期都排長龍既潮州菜, 羊群心態就想排下睇下有咩好食.等左25分鐘又餓又熱終於都可以有位啦. 真係好開心因為選擇都好多, 只係門口既滷水檔既一碟碟傳統潮州食品同麵位既手打魚蛋已經令到我流晒口水. 睇埋MENU就更加選擇困難, 得2個人又食得幾多呢....真係好想試一試呢度既手打潮州魚蛋, 魚蛋爽口彈牙. 而且魚味重得黎又唔會好SANG. 好味. 手打魚麵係我既至愛, 出面好多潮州舖都已經冇得食呢個麵, 一見到即刻叫. 魚麵都係同魚蛋一樣咁彈牙爽口. 而且炒得香而不油味道真係好好食.打冷必吃的珍品蠔仔洛. 老闆有親自介紹係有加蕃薯粉入去煎既, 所以會煙勒同香口D. 而且煎冇炸咁油. 味道正呀!之後就係出面滷水檔既美點, 我最鐘意既潮式炆春菜, 韭菜豬紅仲有真係出左名既元朗烏頭. 元朗烏頭好易認就係個尾尾有個扣圈實個魚尾既, 仲有肥美既魚春在旁邊. 真係好鮮再加埋豆醬食真心一絕.食左咁多野再加多支天地一號都係食左400左右. 打破平時打冷一定好貴既傳統! 真係可以ENCORE.店舖雖然迫左D 比較細

每日午餐都去買個牛坑腩魚片頭面外賣拎走，牛坑份量多，半肥半瘦份量均衡，坑腩入口即溶帶濃郁既湯底，魚片頭爽口彈牙，勁推介！8月24號開始有外賣送上門，以後唔怕無時間食好野。哈哈

很久之前答應朋友要一齊來試試潮州菜，拖了很久今天終於來兑然承諾。看了這開餐廳的食評，有食客對它讚口不絕，也有食客評得體無完膚，幾極端的comments。見它的餐牌價錢非常抵食，今天即管來試試。未吃到食物前先嚐到了老細和店員的熱情。被問到是否第一次來試，我們異口同聲說了”係呀”後，老細立即好熱情地介紹他們餐廳有什麼好吃的有什麼出名的😂 不是hard-sell，感覺像街坊鄰里那種想分享吃好東西的感覺。不過其實我們已做足功課點了最熱門的幾款小菜: 魚蛋米$28 鵝片 $98 蠔仔粥(碗) $52 煎蠔餅 $78 豆醬通菜 $58這間餐廳真抵食！看價錢看別人照片都覺得份量合理，現場看原來份量那麼多！一滿枱的餸，嚇死寶寶了，哪吃得完呀？魚蛋米$28 你看這碗只要$28?! 一整碗滿滿的魚蛋只要$28?! 不是吧！是因為在深水埗？平時很少涉足這地區，這價錢在港島區找不到吧！店員一再推薦的手打魚蛋，彈牙頗濃郁的味道，個人覺得蘿蔔更出色！鮮甜美味！只要$28但米粉份量不少！驚喜！蠔仔粥(碗) $52 人人必點的蠔仔粥，我們也點了一碗來試試！很不錯，鮮甜的蠔，配上軟身的粥，粥裡還有鮮味的蝦乾，粥不是那綿

上次食完意猶末盡仲有多款菜式仲末品嚐得到，所以趁今日得閒就帶同埋奶奶再度光臨本店我地6點幾黎到，店內已經坐滿客人咁仔，好難得先搵到個位置坐低點野食！！今次我地依舊點左碗蠔仔粥同埋一份細既滷水拼盤外加點左一碟鮮蝦水瓜烙、滷水鵝片有多款潮式食品供選擇，食多幾次都唔會厭，因為d菜式多到試唔完。最好就係成班人黎食，可以點多幾款菜式，一次過試多幾款，齊齊開心share!!我見格離枱都有自備酒水到來，老闆都無say no,真係無得彈👍🏻👍🏻等緊食物到來既時候無聊周圍望下，望到牆上貼滿了多位明星等人相片合照&品評。睇得出小店雖然位於深水埗平民區當中，但仍然吸引了不少五湖四海既客人幕名而來品嘗，受歡迎程度真係不用多說，有目共睹👏🏻熱檸水$13主角終於到來蠔仔粥$52（碗）同上次一樣份量十足，蠔仔多&肥美大隻再配上肉碎、香蔥、方魚等配料，味道鮮甜美味！滷水細拼$128呢到份量足夠三個人食用，大大碟咩都有d。本人最為推介既係鵝腸，咬落去爽滑彈牙，又唔多肥膏，自己係屋企整真係末必能夠煮到咁好食，最主要係滷水味濃，全部都滷得好入味！！必點菜式之一滷水鵝片$98又係滷得好入味，肥瘦適中，咬落去啖啖肉，太好食既關