影片
港铁西湾河站 B 出口, 步行约4分钟
继续阅读
电话号码
27182322
营业时间
今日营业
11:00 - 00:00
星期一至日
11:00 - 00:00
公众假期
11:00 - 00:00
以上资料只供参考，请与餐厅确认详情
以为筲箕湾得东大街好食？错晒！呢间「潮发」闲日夜晚都爆到二楼坐满，冇订位真系要等成粒钟！今次同细路仔嚟，忍痛skip咗佢哋招牌海鲜，但系个卤水鹅片已经正到癫！双拼上枱仲滴紧卤水汁，鹅片嫩滑得嚟超入味，个卤水香到隔离枱都望过嚟～沙茶酱芥兰牛肉炒河镬气冲天！安格斯牛肉嫩到冇朋友，沙茶酱香浓得嚟唔会死咸，河粉炒到条条分明。黑椒薯仔牛柳粒仲过瘾，薯仔外脆内软，安格斯牛柳粒juicy到爆，黑椒香气攻鼻，送饭一流！见到隔离枱条蒸鱼又大又靓，下次一定要带多几个胃嚟挑战海鲜！
继续阅读
📍同几个旧同事约咗喺西湾河食饭，拣咗间新开慨潮州打冷小菜馆，位置方便，装修新净，坐得舒服，唔收茶钱又唔加一，真系几抵💡🍴叫咗一枱𩠌，款款都几有惊喜：🦐南澳虾酱啫啫鱼卜芥兰 一上枱就闻到虾酱香味，鱼卜滑溜唔腥，芥兰爽脆，虾酱唔会太咸，啫啫煲仲热辣辣，好吸引。🧆普宁炸豆腐 外层炸到金黄香脆，入面豆腐滑得嚟又有豆香，配埋甜酸酱汁，简单但好味，几啱做前菜。🦢鹅三宝（鹅肉 / 鹅肝 / 鹅肠） 三款鹅制品一次过试晒，鹅肉嫩滑唔鞋，鹅肝香浓唔腻，鹅肠爽口有咬感，配埋酱汁一齐食好夹。🌀生腌花螺 花螺新鲜，腌得啱啱好，唔会太重味，酱汁微辣带出海鲜鲜味，食落去好爽口，几开胃。🔥潮发小炒皇 材料够丰富，有虾仁、鱿鱼、腰果、青红椒同芹菜，炒得够镬气，香口惹味，送饭一流。🥬咸排骨春菜煲 排骨咸香入味，春菜煮得啱啱好，汤底清甜，食落去有啲似屋企煮𠮶种感觉，好窝心。🦪潮州蚝饼 蚝仔大粒又新鲜，外皮煎到香脆，蛋香浓郁，咬落去啖啖蚝肉，食完真系好满足。🍲蚝仔肉碎粥 粥底滑溜，蚝仔鲜甜，肉碎加埋芫荽香味十足，一碗份量唔少，暖笠笠好舒服。📝呢间新开潮州菜馆真系几有水准，菜式有传统味道又唔失创意，价钱亲民，环境舒服，啱晒同朋友聚餐或者一家人晚饭👨👩👧👦
继续阅读
我好钟意食鹅片鹅肠，朋友介绍呢度超级正宗又好味嘅潮州菜。果然冇介绍错，呢度嘅鹅片同鹅肠真系非常之好味！！卤水双拼叫咗鹅片拼鹅肠，鹅片都算新鲜嫩滑切得都好厚切好有口感。未试过食咁爽口弹牙嘅鹅肠！！下面再配埋卤水豆腐同花生，唔使另外叫。卤水豆腐吸饱秘制卤汁，表皮微皱却内里柔嫩，切面如白玉嵌著深褐卤纹，入口好有豆香。另外叫咗个小菜同埋炒嘢：黑椒薯仔安格斯牛柳粒，牛柳粒煎得焦香，黑椒汁裹著饱满肉粒。薯仔吸足黑椒的辛辣与牛肉的浓鲜。干炒安格斯牛河，安格斯牛肉切得好厚肉，配埋豆芽脆嫩、韭黄清甜，河粉滑韧、牛肉香嫩，好有镬气。
继续阅读
今次嚟到筲箕湾揾潮州菜，见到网上好多人推介呢间潮发鱼仔店，梗系要一试！餐厅有两层，楼下已经坐满，幸好上到去二楼，环境都几整洁舒服，店员态度都OK，招呼得体。主打鹅片拼鹅肠（$198），份量十足，鹅片厚身，卤水味够晒入味，底下仲有卤水豆腐同花生，食落层次感丰富，啱晒鹅迷。潮州蚝饼（$128）蚝仔份量唔少，蚝🦪有大有细，配上粉浆、鸡蛋一齐煎，外脆内嫩，带有潮汕风味。方鱼肉碎粥（$68）胡椒味突出，粥底滑溜，配料有大地鱼干、肉碎、葱等，咸香兼带鲜味，饮完暖笠笠好有惊喜。同埋佢一碗都几大碗，可以分到四小碗👍猪油炒菜心（$108）就最啱送饭，猪油渣香脆，菜心新鲜，卖相都几吸引。整体来讲，筲箕湾呢间潮发鱼仔店真系值得一试，钟意食潮州菜嘅朋友唔好错过！
继续阅读
今日打完波同朋友揾嘢食😬发现筲箕湾有间好好食既潮州菜馆🍴餐厅干净阔落而且选择多😋质素重要系几高👍🏼-🪿自选卤水两拼我哋就拣咗鹅片同埋墨鱼😋肉质柔软多汁鹅皮油润🪿而且食落口散发淡淡嘅香醇味道🤤墨鱼厚薄均匀🦑口感爽弹得来非常鲜味-🦐小炒王鲜嫩嘅韭菜花炒得非常爽脆👍🏼加埋大大条虾干同埋弹牙鲜虾🦐仲有脆卜卜腰果同咸香菜脯😋材料丰富之余镬气十足-🐟鱼饭（乌头）鱼饭有好多种鱼可以选择🐟而我就私心推荐乌头😋乌头鱼鱼肉够厚👍🏼厚得黎肉质细滑而且渗出好香嘅鱼油🤤-
继续阅读