影片
港铁观塘站 D2 出口, 步行约12分钟
继续阅读
电话号码
23600333
开饭介绍
卤水、潮州打冷
继续阅读
营业时间
今日营业
11:00 - 00:00
星期一至日
11:00 - 00:00
以上资料只供参考，请与餐厅确认详情
第一次同朋友帮衬区内一间潮州打冷，之前一直觉得冇咩特别，但系食过之后真系好有惊喜，不过大前提系一定要约返六七个人以上食，先可以试得多啲嘢。超级钟意食。佢嘅招牌卤水鹅片真系无得输，鹅肉卤得好入味，食完一片接一片，再点左个酸酸地嘅蘸水，就无咁油腻。蚝仔煎饼煎得好酥脆，好香口，蚝仔亦好新鲜。另外叫左个海鲜杂菜煲，有菜又有肉，荤素搭配。朋友都话下次一定会再帮衬，多人一齐食就可以试多几款特色潮州菜😍
继续阅读
今日外出见到呢间外卖餐单，心血来潮想食久违咗嘅梅菜扣肉饭，另外卖多一个咸鱼肉饼饭畀家人，送道地纸包一品，如果加例汤就每碗$5，我依家无加，就承惠$70。两个饭盒好快包好，返到屋企仲热辣辣，试食咗家人嘅咸鱼肉饼，咸鱼系实肉咸鱼，如果系梅香就更正，但依家想食呢个饭有梅香咸鱼真系好难，我相信系同贮存问题以及价钱有关系。咸鱼都算大嚿，而味道亦属中上水平，肉饼就惯例系绞肉，无渗好多粉或水落去，所以肉质结实，都算食得过，当然刴肉就一定好食好多，但人工贵，无办法，我明。有人话男人的浪漫系豆腐火腩饭，但我就认为为梅菜扣肉饭至真，我认识嘅男士们大都喜欢食梅菜扣肉饭，反而喜欢食豆腐火腩嘅就真系好少。相信好多人都知道一个好食嘅梅菜扣肉饭，绝对唔易做，首先梅菜一定要无沙，猪肉要连皮先炸，落冰水冷却后切件，然后放碗或钵，铺上梅菜再蒸，令猪肉索晒梅菜香味，蒸完将碗倒转，令猪肉由底变面，呢个反碗动作叫做扣。要做到肥瘦适中，而且肥而不腻，瘦肉火会过硬，肥肉亦不会过腍，每年猪肉亦要厚度适中，唔可以过厚，更唔可以过薄，咁先至好食，而呢个梅菜扣肉就基本上做到我所讲嘅要求。但更精彩仲起后头，就系个饭，呢个饭软绵绵，质感细糯，富有黏性，系好食到停唔到口，比上次去土瓜湾食过𠮶间「有间茶记起附近」更好食。最后，连附送嘅包纸包饮品都有惊喜，原来道地嘅饮管已经由塑胶改成纸质，其他品牌唔知系唔系都系咁？毕竟我都有一段长时间无饮过纸包饮品啦！总括嚟讲，呢餐饭绝对系喜出望外，惊喜不绝。
继续阅读
今次这篇食评有历史意义，因为今次是我写的第100篇食评。你说写食评容不容易?其实写食评只是写写每次食完饭的感想，这个平台不是全无规范，例如你不能够无的放矢，但我写了很多篇之后觉得很自由，可以有自己个人风格，因此你会见到百花齐放。这篇食评回到我儿时成长的地方，就是翠屏村。小时候温书备战考试，就是在翠桃楼的女青年会自修室，以前是一个温习的好地方，近10年不知何时，这自修室翻新了，我也去参观过一次，而翠桃楼的餐厅也同时翻新了。以前翠桃楼街市有大排档，我10多年前也会到大排档食早餐。以前是较不衞生，但这次我回到过去，发现格局不同了，以前大排档的地方变了店铺，其中一间就是今回我帮衬的<潮人馆>。我叫了梅菜扣肉，价钱很经济，包奶茶也只是40元。食物质素不差，合格，座位也宽阔，客人方面始终是屋村地方，我侧边那张枱坐了一个想食烟的男人，可能因为我瞥了他一眼，他也不敢真的在室内抽烟。翠屏村里，较为斯文的客人都会光顾另外的新式茶餐厅。喜见翠屏村多了餐厅的选择，在疫情下，也不用聚合在某一两间餐厅里，可以有多个选择。
继续阅读
有晚同朋友一齐谈心，就约咗去呢间打冷食晚饭，可以拣坐室外或室内，我同朋友拣咗室内，而整体味道唔错又抵食！最重要嘅系佢冇限时，亦唔会赶客。我同朋友由7点倾到11点，老板都冇畀面色我哋睇，应该话直头冇理到我哋，到离开时，见出面原来有几枱仲食紧🍻❣️✍🏻 / 潮州蚝仔粥💵价钱：HK$58/窝🔘整体美味指数：❤️❤️❤️❤️❤上网睇原来潮州粥主要系以砂窝煲粥，以生米加水煲煮而成，难怪上菜时啲烟四处飘，热辣辣！另外，潮州粥同广东粥唔同嘅地方就系，后者一般会煮到米芯开心，而前者嘅米粒就带有米芯。超抵食～咁大窝都只系HK$58，3个人都绝对够食㗎！蚝仔份量都唔少，食极都仲有，食到最尾都仲可以捞到几粒（睇相我随意滗都好多只蚝仔吖）👍🏻✨。✍🏻 / 招牌卤水拼盘💵价钱：HK$95/例🔘整体美味指数：❤️❤️❤❤🤍打冷必食嘅卤水菜式，由于菜单太多选择，最后同朋友都宁愿拣拼盘唔洗谂。作为「招牌」菜式，其实味道唔错，但款式就可以再拼多啲肉类，整个拼盘只有2款肉（五花腩同鹅肉），再拼豆腐、红肠、鱿鱼同卤水蛋。我宁愿佢减少2款肉嘅份量，再拼多1款肉，咁就可以试多啲🐖🥢✍🏻 / 普宁炸豆腐💵价钱：HK$38/碟🔘整体美味指数：❤️❤❤🤍🤍呢碟争少少⋯记得佢啱啱开店时，啲豆腐系炸得超香脆，同埋有个好特别嘅酱汁（韭菜盐水）。但今次食，啲豆腐炸到偏软身，而且个酱汁变咗韭菜加豉油，好似冇上次嘅酱汁咁好味🍂。💵埋单价钱：HK$191/2人🔘整体美味指数：❤️❤️❤❤🤍
继续阅读
今日返去官塘做野,谂住打下冷, 饮下啤酒!!所以就去左翠屏邨间潮人馆度喇!!虽然间铺头细细, 但系估唔到味道竟然唔错㖞!!我地叫左几个𩠌,卤水拼盘都中规中矩,味道唔错, 但款式唔太多, 而且好多肥肉!!呢个好抵食, 九菜猪红!!味道仲好好添!!拎黎送酒一流!!蚝仔粥, 一锅价钱都唔贵!!完完全全街坊生意, 味道仲要有质素!!呢个蚝饼完全喜出望外!!有好多蚝仔入面, 个边炸得好脆,咬到入口入面又唔会干忟忟!!呢个每次黎我都会叫, 正!!最后最后呢个好有惊喜!!楠角骨~~ 好有镬气!!味道好好!! 全部都系一字骨!!就算棚牙唔好都算易咬~~总知今次黎真系好有惊喜!!性价比好高, 小菜唔贵, 仲可以带酒!!唔收开瓶费!!不过真系屋邨街坊生意,唔好预佢好好坐, 有时多人,D位都唔会太好坐!!整体黎讲值得推介一试!!
继续阅读
您可能会有兴趣的...