潤一潤甜品屋

营业中

休息中

每次來到紅磡經過這裡都大排長龍，心郁郁想試一試。這天晚上跟家人覓食，剛好又經過，而又不用等位，就入去試吧! 我們一行10人，要拍3張四人長枱成1大枱，也坐得有少少逼。打開餐牌，款式多的是! 最後敵不過香蕉船的誘惑，可從曲奇、綠茶、豆腐、雲呢拿、朱古力、芒果等，自選3款雪糕，而我選了曲奇及豆腐，再加朱古力點綴一下。香蕉船賣相不錯呢，香蕉好甜及十分新鮮。雪糕好軟滑，朱古力雪糕味道亦足，剛剛好，不太甜。豆腐味就較遜色，幾乎吃不出味道。另曲奇真是值得推介，曲奇碎足料，味道夠濃。不過整體朱古力醬不太夠，如多些會更好。偷了細佬選了曲奇芭菲吃幾口，杯上插了幾塊OREO餅餅及阿華田粒粒，內藏芒果添，好好味。另外家人叫的甜品貌相也不錯呢，但沒有試過，所以不能盡錄......下次也會再來的吧!

這日約了友人食dinner,食完後就例牌去甜品店歇腳吹水@皿@~俺見門口menu d甜品都幾平，又算多花款便選了這間。原本對面街有間叫甚麼五月十五(忘了名|||==)的甜品店，但因為款式挺平常且貴，所以又轉回這間吃！咱們叫了一個綠茶芭菲食($30)，芭菲有曲奇，朱古力，草莓等味，配上不同配料，賣相挺漂亮！有咁多配料倒是驚喜QWQ~綠茶雪糕茶味濃，伴上紅豆簡直是最大享受(luv green tea^^)不過這裡的是紅豆好吃些。然後，下面還層層有驚喜，一開始是粟米片，然後是cream，大堆生果再加上爆珠，最底層都是cream。cream的份量沒想像的多給俺留了個好印象，水果那個真是surprise lol~每塊不同款，有奇異果芒果桃那些。綠茶卷蛋雖則沒甚麼味但不太乾，食落還好！而兩枝綠茶百力支只得餅乾味...呵…整體來說不過不失，算是挺好吃的！—。—b

潤一潤是理大學生一個夜晚聚首一堂的好去處, 潤一潤在紅磡黃埔街中間就是了, 交通十分便利, 在紅磡港鐵站往天橋走十分鐘內就到. 𠵱間甜品屋有平民裝潢也有街坊味道, 價格上也十分便宜, 一般$20-30就可以吃個痛快, 這次叫了一個熱情夏日, 是三個雪糕球加上什果, 價錢不過三十, 卻吃得很飽, 可謂性價比! 雪糕球有很多味道選擇, 例如有朱古力, 綠茶, 曲奇 還有薄荷朱古力! 雪糕球除了可以配什果也可以配香蕉, 兩款也試過後我認為香蕉較飽肚, 什果可口香甜, 各有特色

十二點終於搞完活動 甘當然要食一食糖水鬆一鬆 呢間糖水價錢平 味道好 差吾多次次都要等位 此店與一般糖水店的格局相似 店不大 坐起來較迫 由於已經食過好多次綿綿冰同芭菲 今次決定試下新野 椰汁龍眼仙草 出奇地配搭 椰香仙草冰涷好食 蕃薯湯圓 熱熱的湯配着芝麻湯圓 非常䁔胃

我同fd去食，叫左個豆腐雪花冰同牛奶四寶刨冰，好好味^^豆腐雪花冰唔太甜，好香豆腐味！牛奶四寶刨冰勁重牛奶味，但佢成條冰柱，勁高，同埋好硬，好難先食到！不過係好好味，好抵！

食完晚餐仲想食糖水簡左食潤一潤，一直都好中意食呢道既芭菲，因為好多料。我地今次叫左榴槤芭菲，草莓芭菲，同埋芒果刨冰好中意食佢個草莓芭菲，因為有2枝草莓百力枝同埋好多塊草莓食!!足料而榴槤芭菲又有dd榴槤肉食~~

同男友行街經過，想食甜品，又見店名特別，所以一試。呢度近理大，所以幾多年輕人光顧。楊枝甘露:西米煮得剛剛好，彈牙有咬口，材料比例剛剛好。朱古力雪糕紫米露:紫米夠綿，但朱古力雪糕太苦，味道唔夾。榴槤班戟:皮薄，榴槤佔左九成，cream佔一成，啖啖榴槤肉，味道還可以，總之，榴槤有榴槤味，若然加多件cake入去,口感會更佳、更多層次。

去開POLY同班中同食飯，食完之後行行去話想食下糖水，吹下水～我個FD帶左我去潤一潤～一入到去，望到餐牌，我心諗：嘩平到一個點！！！一個冰都係20幾蚊 到底係點做到架！！！！我就嗌左個牛奶冰，仲要係四寶果隻！真心好正好抵食！不過記得要講多煉奶（本人比較重口味HEHE）不過我說覺得個涼粉同個冰唔太夾～但小丸子、椰果加紅豆加埋牛奶冰真係食過番尋味！！

平時學校活動完左, 都會同朋友食呢間糖水價錢平, 味道好!次次食完都會好開心之前都係食冰, 今次就試下普普通通既涼粉20蚊, 菠蘿食得出唔係罐頭的, 全部生果都好好食!底係花奶, 同涼粉混出一種天生一對既味道總而言之, 好食, 抵食!作為附近學校既學生, 係好幸福

十點來到，點了個3.6牛乳布甸配豆腐雪糕，想來這裏的豆腐雪糕小有名氣，應該吃得過。很快便有得吃了，上面淋上朱古力醬，這個價錢有這般賣相，可謂超乎預期。3.6牛乳布甸未有意想中的香濃，甚至稍嫌淡了點。豆腐雪糕很有豆腐味，可惜中心處吃到碎冰。但在這裏不會有人要求haagen dazs的質素，這已經是合乎水準的發揮。

左邊個碗係哈蜜瓜西米露 ($18), 右邊個碗....唔記得正確名啦, 好似係鮮雜果河粉, 以$26的定價來說, 不算太貴啦, 因為響別家食的也差不多價錢, 或者會仲貴!好怕D凍甜品一食落去, 成個口凍晒.  呢個河粉一D都唔會過凍, 味道剛剛好, 唔會過甜, 椰汁河粉質地軟滑, 煙煙韌韌, 正! 成個汁都係芒果底, 好好味~另外點了這杯綠茶芭菲 ($28). 相比之下, 我覺得呢杯好似抵D, HAHA. 不過唔係apple to apple, 無得相比既~綠茶雪糕味道濃, 雪糕球後有兩粒QQ的, 好得意, 唯粟米片太多, 食到牙骹有D軟, 但整體都係好味的~

曲奇雪芭，綠茶雪芭： 這種色彩繽紛的雪芭，女生一定喜歡吧，大大球Oreo雪糕上插上Oreo威化條，擠了一不少忌廉在上，還有巧克力蛋糕。底層還有各種水果，實在叫人看跟吃來得很滿足，雖然水準不一定是最好的，但二十多塊便有如此夢幻的甜品，實在很化算。四色刨冰： 不確定其餐牌上的名字，但一個一支獨秀的刨冰也有震撼感。刨冰配了煉奶，甜甜的透心涼，很好吃，雖說價錢不貴，但紅豆粒粒分明，制作也相當用心，另外還有小丸子，椰果和涼粉。另一款很吸引的是芒果刨冰吧，有機會再試試好了。消費： $24

與兩位好友聚舊後， 食甜水似乎是延續Gathering 的良策。熟我的朋友都會知道，紅磡區可說是我半個地頭，說到甜品店， 我認為正月十五，糖蓮子是區內頗出色的。但友人S 提出 另1間也不錯， 就是 潤一潤甜品屋。此店是一般糖水店的格局， 店不大，坐起來較close.本想食綿綿冰， 但我是不會在首次光顧某間糖水店就食 它的綿綿冰的， 這是我有趣的習慣。還是點一些 大路甜品， 如今次的楊枝甘露 !味道 是就是不錯， 但是 怎麼不夠冰凍呢?楊枝甘露($20) 是否夠凍是很重要的， 畢竟某些食品 是在特定溫度下才能食到最佳的一面。用上的芒果味道也只是一般而已。吃楊枝金露， 凍冰冰是十分重要的，也是必須的， 就像你吃蕃薯糖水或薑茶也要夠熱一樣，不冰凍的楊枝金露，就是少了一份吸引力 潤一潤甜品屋 比附近的正月十五，糖蓮子 都要平， 各有各支持者， 始終我還是喜歡糖蓮子。

位於後巷, 沒有車行, 只有幾張檯的小店, 經營不容易. 人客多時也招呼不切, 等了又等, 都未輪到我們, 也睇諒, 人工貴, 租金高, 真是生意難做.一碗薑湯湯圓, 放了八粒湯圓, 都算十分慷概, 二人分也每人四粒. 上檯時熱滾滾, 一口咬下, 黑色芝麻容漏出, 甜入心, 反而薑湯不夠辣, 薑味淡.綠豆沙配料不斷優化, 加入陳皮, 堪稱煲綠豆沙史上的重大發明, 陳皮香氣濃烈, 可驅綠豆之寒, 其後更有人把臭草放入, 化學作用, 煲成後奇跡地增加香味. 此店綠豆沙, 材料多, 夠沙夠粉, 陳皮果香, 甜道適中.

承上文，買過砵仔糕，我們往紅磡方向走去。午間多吃了味濃食物，喉頭有些發癢，問食友有興趣來碗甜湯否？記得附近有家名喚潤一潤的小店，定價相宜，幾位熟悉的〈開飯〉食家均給予好評，便決定來此。口味上我們果然是兩生花，食友想吃的十居其九也是我想吃的。為了多試口味 (多拍幾幀照？ )，我改變主意要了熱芝蔴糊，食友則是凍合桃糊，大家分著吃。倘店家沒騙人，自磨水準如此，把話講得好聽點兒──原材料下的份量未免太少了 ！略稀、芝蔴╱合桃味淡得可憐，與市售即溶粉調出來的分別不大 (幸糊裡沒結塊)，我甚至覺得日清美味寶更香滑呢 。勉力一口接一口，還是剩下小半碗…… (我真的盡力了呀 )嗜吃冰點的食友本想嘗嘗雪花冰滋味，吃糊過後，念頭消洱無形。誠如食友所言：「眼看為真，可能只是真相的一小部分而已。」事浮雲幻，昨是今非，當下以忠於本心的文字記錄食感，無愧於己便是。