漢龍雞煲烤魚

营业中

休息中

見到呢間野原來除咗雞煲之外，仲有燒烤食，所以就去咗試吓。燒茄子一向都係我的最愛，所以必點，呢度個燒茄子幾好食，好惹味，少少辣又唔會好咸，條茄子都幾大條，夠晒2個人食。燒韭菜都正，D韭菜無渣，仲竟然有鮮嫩嘅口感，真係燒得唔錯。燒雞中翼唔好睇佢個樣咁燶，其實都燒得幾入味，而且外皮又唔會燒得太乾。燒粟米甜甜地幾好味，佢D甜係粟米本身嘅甜，而唔係後加的。我地仲叫咗兩串羊肉同兩串牛肉，邊位燒到少少燶，所以幾香口，D牛同羊都juicy，有肉汁。

约朋友出来逛街，正好想吃鸡煲了就在附近找到了这家尝尝与朋友点了半份肥肠鸡煲，又点了几份鱼和肉，总体都很美味肥肠鸡煲半只分量也很足，肉给的很多而且很大块，完全够两个人吃的。肥肠切的也很大块，很有弹性，也不会有脏器味，很推荐给喜欢吃肥肠的人！小菜可以等吃完鸡之后加汤涮，也可以先把鸡肉捞出来边吃边涮。脆肉皖切的很大片，吃起来脆脆弹弹的很过瘾雪花肥牛一份有八片左右，也会很肥，不喜欢肥的朋友也可以放心吃！鲜虾云吞不愧是店家推荐，每颗里面都有超大一只虾，很q弹新鲜，一口满足还点了一份芝心丸，第一次吃芝士夹心的丸子出乎意料，一咬开芝士爆浆，口感拉满，喜欢芝士的一定要试试！！

踏入農曆新年，好嘢食唔停，今晚去石門探朋友，朋友帶我去漢龍食雞煲，認真滋味無窮，值得再去呢度有雞煲有烤魚，再加埋其他火鍋配料選擇，又可以食燒烤小食，配搭都算唔錯！由於新年已經食得好肥膩，所以我哋選咗相對清潤嘅海南椰子雞煲，我哋想食多啲其他嘢，所以選擇咗半隻雞，上菜時先至發現，原來呢度係會當場開一個椰青，然後將椰青水補入煲中，同椰子雞湯一齊煮，我哋仲可以畫埋啲椰青肉放入一齊煮，$198呢個價錢，即刻變得更加超值！湯滾起，服務員會埋嚟，幫我哋放半隻雞入湯，同事會比一個沙漏嘅計時器，當沙漏啱啱漏完，就係5分鐘嘅時間，啲雞就會熟㗎啦！話咁快5分鐘就過咗，即刻撈起啲雞，先飲一啖湯先，嘩！好香椰青水味嘅雞湯啊！跟住食啲雞，真係滑溜到乜得了，好香雞味，證明食材好新鮮，好正阿！我哋亦都點咗唔同嘅肉丸，雲吞等，如果兩個人食，呢啲都可以叫半份，咁就可以食多幾樣唔同款式嘅嘢，餐廳都想得週到！當中，芝士響鈴好特別，一定要試吓！燒烤小食，我哋點咗羊肉串同埋燒茄子，羊肉串燒得剛剛好，好香口鎖住肉汁又唔會韌，而燒茄子真係要俾一百分，蒜蓉再加孜然粉，秘製嘅燒汁，一定要趁熱食！要讚吓呢度嘅服務，店員好有禮貌，介紹清楚，

今晚試咗公司附近嘅雞煲店，食麻辣雞煲。諗住一收工衝落去實無人，點知已經有兩枱食緊，估唔到咁早已經有人打緊邊爐。個雞煲嘅配料好多，所以食起上嚟特別惹味，呢度嘅侍應都好好服務，見過雞煲滾起就幫我哋兜一兜入面等佢唔好燶底。佢一路撈個雞煲，入面啲香味升晒出嚟真係好正。呢度雞嘅質素唔錯，肉質有彈性，而且都算多肉，唔係夾親都係雞胸雞骨。雞煲入面落咗上海年糕，吸晒啲麻辣味好正。呢度嘅響鈴都幾脆，而且冇油膱味。呢度我韭菜餃幾好食，啲韭菜好新鮮。

今日來石門換身份證，晚飯便在這附近找吃😄原來這間雞煲火鍋開左好多年本區頗有名氣的，價錢抵食只需 $388兩人套餐👍🏻，附送兩罐飲品🍻🥤仲可以揀啤酒添🐔麻辣雞煲麻辣的調味很好🌶️濃得嚟很惹味，雞肉鮮嫩，煲中的配料很特別有上海年糕和薑味濃郁，真材實料🥟韭菜餃和雲吞四粒自制的餃，餡料新鮮，韭菜足料，雲吞鮮蝦彈牙爽口🥢脆響鈴兩件即炸的脆響鈴，熱辣辣，酥脆，平衡了雞煲的辛辣🥬雜菜籃雜菜籃中有幾款蔬菜，賣相新鮮，很健康🐮美國雪花肥牛肥牛肉質柔嫩，2人份量剛剛好🌟套餐抵食🌟服務很好

天氣凍冰冰，最啱就係食雞煲暖身！🍲 今次去到沙田石門嘅漢龍雞煲烤魚，今晚嚟到座無虛席，好彩有訂位優先俾枱我，試咗佢哋嘅麻辣雞煲，中辣冇令我失望！ 雞煲一上枱，熱氣騰騰，睇到流晒口水！🐔 雞肉質地鮮嫩，份量十足，仲有少量年糕吸晒啲湯汁幾正！配料炒得夠香，紅洋蔥、蒜頭、蔥加埋一齊，好惹味！ 另外叫咗至尊雪花肥牛、脆鯇魚腩同韮菜餃都好掂！🥩 雪花肥牛夠嫩滑，脆鯇魚腩爽脆彈牙，韮菜餃新鮮好味，配埋雞煲一齊食，完美組合！ 兩個人叫半隻雞嘅份量已經夠哂飽，半隻雞有雞脾、雞翼位，讚！👍

趁住天氣凍凍地就食返個雞煲暖一暖個身先，呢一間雞煲專門店嘅麻辣雞煲真係幾好食，先就係佢用嘅雞嘅肉質算幾高水平，雞肉有彃性，唔會係急凍雞肉嘅口感，因為好多時好多雞煲店似住雞煲D味濃，所以用D質素差D嘅雞都唔會咁易被客人發現，可能雪藏味未必食得出，但係D肉質一咬落去就知道。另外佢地半隻雞嘅雞煲份量都算多，可能呢度用嘅雞大隻啦，侍應幫我地兜一兜個雞煲先叫我地開始食，D配料都幾香。我地食到個雞煲一半已經飽，不過都仲心思思叫咗份紅薯粉，因為紅薯粉落落個雞煲度吸收晒D精華真心正。呢度杯檸茶超大杯，啱晒食雞煲。

今日天氣突然驟降，放工後同老公去食個烤魚暖暖身。呢間餐廳係新開，在石門旁邊商場，地點好就腳。餐廳主打火鍋雞煲同烤魚，另外仲有串燒。內裡空間都幾大，環境整潔乾淨，座位闊落，坐得幾舒服。落單用點餐紙，想食咩就自己寫，而火鍋同串燒配料都幾多。我哋就叫左全條烤魚同幾款串燒，另外再叫左飲品。四川香辣烤海鱸魚 (小辣)：魚肉甜，鮮嫩較滑。配料都幾多，有蓮藕、芽菜同萵筍等，湯底夠麻夠辣，越食越辣，好惹味。烤雞軟骨：咬落爽口，鹹鹹地，老公最鐘意。烤牛肉粒：牛肉辣辣地，口感軟熟，好有四川風味。錫紙燒麻辣金針菇：金針菇口感濕潤，麻辣味極濃，都幾辣。飲品：大話七勁大杯，藍妹啤酒夠解渴，呢兩款飲品食川辣嘢就啱晒。

石門打邊爐💫💫💫今日我哋去咗石門打邊爐，正好過年，餐廳入面熱鬧得不得了，好多人聚埋一齊食飯。好彩book左位，如果唔係都冇位喇。門口見到有個套餐，真係好抵！只需 $388，就可以有雞煲、牛肉、菜、丸同埋啤酒😍😍😍可惜老公唔食辣🥲 我地散叫其他～💫半隻海南椰子雞煲雞肉皮薄，啖啖肉，好滑，食落真係好正！椰子味好清新💛💫手打墨魚滑滑得來又有彈性💫沙爆魚肚又鮮美💫萵筍就帶有清新感，真係配合得好好。📍漢龍雞煲烤魚 (沙田)沙田石門安群街1號京瑞廣場2期2樓225號舖

漢龍雞煲烤魚🍲🐟今日去咗位於石門的漢龍雞煲烤魚，真係一次滿意嘅用餐體驗！餐廳環境舒適，餐廳位置鬆動，非常適合聚餐胡椒豬肚雞煲湯底香濃，胡椒味十足，豬肚同雞肉都煮得非常入味，真係好暖心！🐔🫓墨魚滑墨魚滑滑嫩，口感極好，配合胡椒味湯底，味道很好🦑✨至尊雪花肥牛肉質鮮嫩，油花分佈均勻，牛味濃郁，拿來打邊爐真係一流🥩🔥皇帝菜清新可口，搭配雞煲，很掛汁烤茄子外焦內嫩，茄子的香味十足，配上特製醬汁，很惹味😋

今晚幫襯呢一間雞煲專門店原本真係諗住食麻辣雞煲，點知坐低見隔離枱個烤魚好似好正咁，所以我就轉軑食烤魚。呢度嘅烤魚有兩種魚可以選擇，分別係海鱸魚同埋清江魚，我就點了海鱸魚，$288一條，都幾大條。當個湯底一滾起就好香，主要係D湯底配料嘅香味，條海鱸魚都幾有鮮味，而且D肉都幾滑，同埋都比想像之中入味。條魚食到七七八八就叫其他野打邊爐，因為兩個人食晒成條魚都真係幾飽，所以我地都係叫多咗少少野。先來個韭菜餃，餃入面D韭菜都幾香，呢個餃味道唔錯。因為唔想食公仔麵，所以我地就叫咗一份紅薯粉，其實紅薯粉同烤魚煲都幾夾，D紅薯粉索晒D味好正。最後仲要多份菜。

漢龍雞煲烤魚 (沙田).自從我哋兩個有咗自己屋企會喺屋企閑時煮雞煲，好似好耐冇試過出嚟食不過今日過開嚟石門夾公仔放下假，又真係幾想食雞煲，所以就近近地喺京瑞廣場度搵咗呢間嚟食.▪️麻辣肥腸雞煲半隻▪️.淨係睇個色水都知道惹味，入面除咗有肥腸雞件之外，竟然仲會有我鍾意食嘅年糕呢個簡直係加分之選.▪️紅薯粉•白菜仔▪️.忙咗好多菜都係覺得白菜仔好似好耐冇食就叫咗另外食雞煲，我覺得同紅薯粉真係好夾.▪️四寶丸，炸響鈴▪️.佢嘅四寶丸就唔係我哋想像中嘅手打，不過味道都好食另外炸響鈴最吸引嘅地方係兩個人可以食三件啱啱好另外我哋仲叫咗半份韭菜餃.呢度嘅大檸茶大檸樂嗰啲全部都好大杯！.📌 漢龍雞煲烤魚 (沙田)沙田石門安群街1號京瑞廣場2期2樓225號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

雞煲都真係要辣嘅先好食，今晚為咗就個friend所以嗌咗bb辣，雖然味道都唔錯，但係總覺得如果正常麻辣應該會更加正更加惹味。兩個人叫咗半隻雞嘅份量其實都非常之足夠，佢啲雞嘅肉質都唔錯，而且都真係有雞髀位雞翼位而唔係半隻雞舊舊都係雞胸雞骨咁樣，配料炒得好鬼香，紅洋蔥、蒜頭、薑加埋蔥，好惹味，入面仲有上海年糕片，吸晒個雞煲嘅精華。雞煲食到咁上下梗係要放湯打邊爐，其實因為已經有啲飽，所以只係嗌咗雲吞同埋蝦滑，兩樣都幾新鮮幾好食。

今天天氣驟降，濕冷的空氣讓我和太太都渴望一鍋熱氣騰騰的雞煲。於是，我們專程來到沙田的漢龍雞煲烤魚。這家店位於沙田石門群街1號，京瑞廣場二期2樓225號舖。環境舒適，讓人感到溫暖。我點了一個麻辣肥腸雞煲，特別要求小辣，想要享受香辣卻不至於過火的滋味。再加上至尊雪花肥牛、鮮蝦雲吞和炸魚皮，還有一份清脆的唐生菜，讓整個餐桌色香味俱全。當雞煲端上來的那一刻，熱氣撲面而來，鍋裡的湯汁紅艷誘人，肉質鮮嫩，肥腸的香氣與麻辣味道交織，令人垂涎。太太對雲吞讚不絕口，鮮蝦的鮮美在嘴裡綻放。炸魚皮則是意外的驚喜，口感酥脆，正好中和了湯汁的濃烈。伴著暖暖的雞煲，我們的心情也隨之升溫，這頓美味的晚餐讓寒冷的冬日變得不再刺骨，反而充滿了溫暖的幸福感。

作为一个东北人，来到香港两年，最爱吃的无疑是广东香港这边的鸡煲，在深圳也有吃过，读研究生大围也吃过，但我发现味道真的都不如在石门的鸡煲，他们酱料正宗，最主要鸡肉很爽滑，块鸡煲的朋友们，有机会一定要试试！我们去的这家鸡煲是周六晚上，人员火爆，我们等了一会才进去，他们有肥肠鸡煲和正常鸡煲，我们选了肥肠的，真的好吃到爆，最主要他家一大特色，鸡煲里还有年糕！糯叽叽的口感配合酱香十足的料汁，巨下饭！在吃完鸡肉之后浇汤打边炉🍲，点了小份肥牛，份量已经感人至极，还有虾滑爽滑q弹，真是完美周末夜晚，美食带走我一天的疲劳😪！