呢间茶楼来过两次，虽然唔系爆场嘅茶楼，但系好多在地当地人都帮衬，轻轻松松坐埋位一盅两件，叫个盅饭叫多个点心就一餐。今日早上迟咗去，嗌唔到最钟意食嘅大包，叫咗干蒸牛肉、鱼翅饺、珍珠鸡、跟住嗌多个冬菇蒸鸡，干蒸牛肉胀卜卜，非常足料，鱼翅饺喺出边都冇乜几可食到，里面有猪肉云耳同粉丝，加上薄身嘅饺皮，里面材料质感有层次，珍珠鸡馅料不多，但糯米很烟靭，北菇蒸鸡鸡肉非常滑溜，冬菇用细粒冬菇，有口感菇味，通常点心好有味精，但呢个食完之后没有劲灌水，相当不错。啱啱食紧途中见到有个花牌写住呢间小茶楼会做到星期四，之后老板就会退休做家务，之后再嚟长洲又少咗一个地点可以Hea Hea地感受当地人生活了。…查看更多
