漢寶酒樓

為左慶祝終於交哂project,同成班同學去打邊爐輕鬆下!8點3左右去到,門口知客好有禮貌,主動同我地講8點半做特價,$78全包!!8點半前要$98,成班同學梗係決定一陣先入去啦!!每人又慳廿蚊!^^我地都有十幾人,好彩8點半度就入到去,唔駛等太耐~一坐底,見到有蕃茄什菜湯底,即揀!平時未試過丫嘛!@@另外揀左個最basic o既鴛鴦湯底~蕃茄什菜湯唔錯,幾多料,好鐘意陣蕃茄味,酸酸地幾開胃~野食都係平時普遍果d,不過幾鐘意d竹籤蝦同墨魚丸,好味!飲品有枝裝汽水,竹蔗水~仲有任食甜品糕點~都算多選擇入座前佢有同我地講係食2粒鐘,不過我地成班食左好耐都有2粒半鐘度d侍應先叫我地埋單,ok啦我地都食飽lu!haa下次同屋企人黎食先!ps.臨走前去toliet,都幾光猛同乾淨~唔似其他有d酒樓好得人驚ga@@…查看更多

一家三口上漢寶食飯, 即舊日的龍蝦王朝品嘗龍蝦, 龍蝦口感及蝦味一般, 但芝士味濃, 值得一試, 乳鴿也很嫩滑, 皮脆香口, 師傅厨藝一流, 怎知遇上隔鄰枱的一件事, 令我想到為何舊日的龍蝦王朝, 為何接二連三的做不住, 一家飯店買的不止是食物質素, 服務也是很重要的一環, 看著那名咨客冷言粗聲地對待客人, 不留情面, 看著服務員再三乖機嘲諷, 令人感受香港的人情味沒了, 食物質素再好, 也會令人食之乏味, 昔日的酒樓人情味在哪裡, 一盅兩件的香港文化會從此消失也有根可尋, 人情味沒了, 茶味也隨之乏味, 這怎連繫留住茶客的心, 一個走了, 兩個走了, 一年如走了365個客人, 酒樓沒了固定收入, 危了.…查看更多

尋日同班friend去打邊爐~因為未試過呢間~同埋每個人都有得送乳鴒, 真係勁抵~所以就去試下...坐低叫左個鴛鴦湯底~最正係美國肥牛..好新鮮~一班人食左十幾碟@@仲有貢丸同手打3寶丸..好彈牙~仲有啤酒10蚊5罐~岩晒成班人吹水~同埋任飲任食甜品~!食足2個半鐘,埋單都係每人百零蚊!同班FD約好下次再黎過!…查看更多

2009-12-26(星期六)我與朋友一行三人，叫咗生力啤酒一支–$13.8一支。埋單是$369。醬料配料–可選「辣豉油只有一種豉油口味…可溝埋可選既蒜容、葱、辣椒絲、沙爹醬、麻油、浙醋等。我們叫咗…肥牛肉–嫩口…雲吞–爽口、蝦大大雙…潮州白魚蛋–好味…鱔片–爽口…牛筋丸–原來是黑椒牛丸，很辣，吾食得辣既人，請勿叫。…金菇–好新鮮…西生菜–好新鮮…四寶丸–好一般。…魚滑–好一般。…鯇魚片–好爽口。…菇類–種類多，好一般。…有蓮藕–我們叫咗清湯底，吃咗一會後，湯很黑。…有炸枝竹，炸芋頭–覺得很油，沒有叫到。…墨魚丸，好一般。整體黎講，食物質素好一般，為填飽肚子，可以黎此店，星期一至五收$98一位，假日收$118一位。下次吾黎。…查看更多

上次冇影靚相, 今日去完補番俾大家參考 另外仲有叫香煎蘿蔔糕、牛肉腸同埋鳳爪排骨飯, 都好好味!特別係蘿蔔糕, 有home made水準~…查看更多

近排咁啱屋企人都得閒飲早茶, 就連續試均左土瓜灣同埋紅磡既好幾間茶樓。試完之後發現幾間之中漢寶係最好!佢地D早茶優惠平日去到十一點 (定係十一點半, 唔係好記得)而且都有優惠點心紙, 上面都有蝦餃、牛肉球之類大路得來又好食既野,絕對唔係求其寫幾樣出來呃你有優惠。OVERALL佢地D點心係傳統D普通D, 不過質素真係好, 蝦餃次次都會叫, 腸粉都幾唔錯, 另外個人喜歡黑椒牛肚, 惹味又入味~ 不過舖底果D菜就唔係一齊炆的, 所以淡口D。牛肉球有加入芫茜, 香口D, 食落多份清新口感~粥都幾抵食, 十四個幾一碗, 平過海皇。另外佢地D雲吞都好真材實料, 蝦夠大夠爽, 唔會一口肥豬肉, 驚喜!旁邊d酒樓睇住佢轉過幾次手, 果然有料既係企得穩陣d!呢次食評係總結食左三四次之後既感想, 我地成家人都唔係好大食, 所以每次埋單都係每人二三十蚊, 抵!!相對而言下午茶就冇咁好食, 可能因為人少, d野唔夠新鮮…下午茶有d $3.8既水餃, 果碟真係試唔過, d皮好厚, d肉有d雪味…食點心始終都係朝早好!…查看更多

2009年04月04日，14:20掃墓後，太座提出到土瓜灣五層樓開餐。在木廠街下公車後，發覺工俱休假，五層樓無蹤影。便向紅磡方向進發，經過譚公道等食街，可是並無其他茶樓，最終到了這店。假日客人不算太多，不用等位，但要拼檯。開了壺濃普洱和壽眉，茶湯陳香。太座選了六款粥麵和點心。斑片湯麵：太座評價甚高，斑片鮮、湯底清、生麵爽；但我卻覺得鹼水偏重。鮮蝦春卷：即炸好香脆，蝦鮮爽。柱候牛筋：粗大豐厚，軟滑入味，爽口蘿蔔吸收香濃醬汁，食味好。豉椒金錢肚：火喉足夠腍和入味，豉汁味刺激。牛肉球：鮮味牛肉，混入了爽甜馬碲和葷香茜末。柴魚花生粥：原味綿香老火粥，粥底散發出柴魚鮮味和肉味，花生腍甜。各項食品整味道濃淡適中。侍應服務良好，唯一美中不足是檯與檯間，空間過少。…查看更多

嗌左一籠叉燒包同燒賣叉燒飽熱辣辣味道真係比起其他酒樓好好多燒賣就不過不失喇仲有成13蚊一籠個人就覺得唔係太抵食喇…查看更多

記得漢寶酒樓以前係連鎖式酒樓，而家就好似得返一間，就係土瓜灣呢間﹗今日誤打誤撞就同埋友人共4人一齊去食lunch；又估唔到抵食又好食﹗半舊式酒樓格局，食客大多是街坊，亦有附近工作之同伴，咁我諗咁多街坊幫襯，佢又係土瓜灣屹立咁耐，總有番咁上下嘅。一坐低，就比我見到有個套餐好抵食，$98有福建炒飯，上湯菜同豉汁蒸黃立倉；我地4個人就扑鎚呢個餐再加4個點心。再抵死嘅係，套餐個3樣食物，樣樣都好對板，個飯炒得乾身，個獻亦唔會太稀同太杰；個菜就少d，但係個味都唔錯；最四正就係黃立倉，又大條，d肉又唔會梅，98蚊呢3味，一個字：抵。其餘，我地再叫左4款點心，其中一味係牛孖根，已經好少地方有得食之餘，佢仲整得幾淋，幾入味，完全食到d膠質，同埋滑入口個下個感覺真係好正；下次再去可以再encore。仲有一讚，我地四人坐係角落頭一角，但係d阿姐仍然久不久就入黎沖水又攞走食完d碟咁，唔錯﹗…查看更多

六時半才完成整天的行程，午飯沒吃得好，晚上不能再待薄自己。剛好家人也差不多時候下班，拉大隊於中心點：漢寶酒樓集合。晚市時段店內不太多人，是因為食肆的「黑色星期一」或是海嘯殺到？坐下後女侍應端上本家例牌的「水仙滾水」，ｓｃａｎ餐牌後，全家都認吃「不吃龍蝦等於沒有到漢寶」，何況價錢真的吸引，＄９８一斤。侍應快快手手的打來了一隻龍蝦，三人吃一斤十二兩，加三十元配上伊麵底的上湯龍蝦。上檯後龍蝦份量對辦，肉多。但比起上回在稻香吃的澳洲龍蝦，此龍蝦的肉質的確比較差，沒像澳洲龍蝦的彈牙。但稻香那獅子開大口的叫價（＄４３０一隻），漢寶的龍蝦（＄１７２）已經不錯，起碼可以過過龍蝦癮。另外要了芥蘭炒牛肉，蘿蔔支竹牛筋腩。芥蘭炒牛肉，牛肉是雪藏牛肉，缺乏口感之餘也沒有牛肉味。芥蘭炒得好，份量也沒少。蘿蔔支竹牛筋腩嫌汁太濃，支竹被太多的汁漿住，牛筋、牛腩卻很不錯，牛腩肥瘦剛好，牛筋也沒有煮得太林。可惜的是飯後沒有糖水送，只有水果（西瓜）。埋單三百多元，在海嘯下這個價錢，算抵了～…查看更多

小弟於八月八日晚上食晚飯,原想用一隻大約二斤作其中一味時,部長和我們講今晚龍蝦做特價一斤九十八元. 諗了五秒都算是平,那不如點吧,部長就說,兩斤不夠你們四位用呀,不如三斤吧,那時已經開始懷疑,兩斤四位都不夠用,往時三斤龍蝦已經足十二位用,我們都沒有作什麼反應,以他龍蝦大王的專業,那時其中一位朋友挑選了一隻,看似不太大隻部長那時說,這隻只有一斤多少許,再拿了一隻差不多大小的出來,說三斤差不多,剛剛那又沒兩斤的龍蝦,不如這兩隻吧,朋友就說好吧.當我們在想是不是真的兩斤不夠用的時候,有一個朋友就說,之前有某一間餐廳聽見一個叔叔說,有一間酒樓食龍蝦的時候,一斤龍蝦當兩斤的賣,心想不是這間酒樓吧.當時在挑選龍蝦回來說兩一隻不夠用的時候,我們三個看見準備那進廚房的龍蝦不像有三斤,那時就叫部長叫停師父,拿給我們看看吧,那時另外一個朋友拿起來說這裡真的有三斤嗎?部長就說,我們的龍蝦很重吧.我們抱著懷疑的想,不如秤給我看看吧,部長說我們沒有秤吧,那時我們的朋友拿了龍蝦走進挑選龍蝦的地方說,師父可不可以秤給我看看,當時師父拿了一個舊式的秤來秤給我的朋友看,我的朋友就說,這只是兩斤,師父說由邊的第一點是已經一斤了吧,呀...不是吧...朋友說第一點是零斤吧,那時部長就說了一句,我們的龍下做特價,一斤加八兩,呀...什麼叫一斤加八兩,部長說一秤一斤就加八兩,那你秤了兩隻一斤就有兩斤再加十六兩即一斤,那時就有三斤的嗎.哈哈...這裡是香港吧...一斤是十六兩...小學都有教過了嗎? 中國大陸都說一斤有十兩吧,現在一斤加八兩等於一斤減八兩...嘩...那就十兩都沒有吧...這一間所謂大集團都是騙人的...我身為香港人都覺得羞恥...請各位不要相信這個大集團...…查看更多

今日同阿媽阿爸嘆茶，阿媽話呢間漢寶幾抵，所以就揀左佢。叫左個午市套餐($58)，包括點心併盤(四粒燒賣、三粒鮮蝦豆苗餃、三個九不理包)、金銀蛋莧菜蛋白瑤柱抄飯。燒賣一般，豆苗餃個皮唔錯，d蝦都幾新鮮，九不理包亦有水準。蛋白瑤柱抄飯超巨型，夠乾身。最後叫咗個桔桂花糕比媽咪，清甜美味。三個人埋單$98蚊，。…查看更多

小時候一直覺得,龍蝦對我係遙不可及的食物.當初出來社會大學後,周不時夜晚會去漢寶開餐,年前標榜著龍蝦大王此旗號.我信架.事過境遷,食龍蝦唔係得佢.同埋漢寶的水準每下愈況,所以今時今日到漢寶,最多飲茶.有時唔想諗,貪近,早上九點幾踢對拖去飲特價早茶.區內幾間酒家,有偉恆昌唔去,往往都係蕩左去落山道口.晨早流流做野,都係漫無目的.水準係點大家心照,但求一盅兩件,同埋比個位我睇下報紙咁解.…查看更多

家姐話好想食龍蝦甘我地就去呢度試下記得以前ｄａｄ同我地去ｋｏｗｌｏｏｎ　ｃｉｔｙ既漢寶食．．個時ｄ龍蝦好正不過我終於明白點解到左依家只得一間啦ｄ龍蝦咩味都無．．芝士龍蝦勁囉．．食到一陣豬味．．唔知咩味．．總之嘔心啦甘都算啦．．個炒鱔仲要係“縮”既．．．叫人ｃａｎｃｅｌ．．ｄ人拎左走又唔講我地講ｃａｎｃｅｌ定ｃｈａｎｇｅ過一碟ｄ蝦呢就算係較．．好八珍豆腐呢．．嚇死人...咩料都無..咩味都無..咖哩牛腩...d牛腩都無6 件...算啦...最死係個部長態度差...打噴嚏又唔掩住個口..唉.....天呀....我諗呢間都好快無架啦...…查看更多

星期日晚，我地一行7人去土瓜灣漢寶食晚飯，真係好耐都無食過咁差的酒樓。我地叫左8餸1湯。先講，主打菜龍蝦唔係斤兩十足，膠袋裡邊有好多水。龍蝦煮得過熟，無左鮮味，好似食緊石頭咁。冬瓜盅上枱時好似「比薩斜塔」咁，咩尼咩斜，色香味，就已經缺色啦。冬瓜味淡，湯料少。燒味併盤，乳豬皮唔夠脆，叉燒又硬又鞋。大班兩味，魚肉唔新鮮。所有餸菜都令我地7個不甚满意，尤其是果碟炒生菜，量少(雲吞麵舖十蚊油菜量)都算喇，我地仲要食出「沙」來呀！究竟廚有無洗菜呀？咁樣的食物質數，難怪分店越開越少啦。…查看更多