漢堡王 (已結業)

上星期有三日假，同女朋友出去兜個圈。一早決定左要出左境唻食Burger King，所以直入去買野坐低食。早餐唻既，名唔記得咯，她要了一個芝士煙肉牛角set，我就要左芝士牛牛角呱...點解咁冇印象？因為我地兩個既兩個牛角飽，都被裡面的蛋味完完全全覆蓋左！基本上好似食緊一模一樣既蛋飽咁！太勁啦個味！ｄ薯角好食，我杯咖啡都好香，亦都食得好飽...　下次我會試下第二種飽～At Least 好食過麥記!（但都幾貴喎！）

之前0係呢度食過份早餐,一杯咖啡,加一份早餐,31蚊,雖然几貴,但几好食份早餐有一個牛角包,入面有一片芝士,另外有一份炒蛋,一份bacon,同埋好多炸薯粒~咖啡好香濃,唔錯,牛角包加芝士加煙肉一齊食,好好食呀!個包唔似法式牛角包,但膀在夠鬆軟,芝士香,煙肉仲香,加埋食好香口,停唔到口...炒蛋同m記差不多,但炸薯粒就超好食...好多粒,粒粒都熱氣,但就粒粒都好美味...31蚊係貴0左d,但平時冇咩機會食就即管試囉~

正所謂"大飽包食飽", christmas個時去旅行, 一早留定個肚唔食野, 都要入去burger king食番餐先上機叫了一個魚堡餐同華堡餐, 有三隻size選,但medium size 都可以食到你嘔啦, 相信都無咩人會叫大size的.魚堡係好鬼佬FEEL, 因為舊魚好鞋, M記魚飽好味D, 華堡加了$5加CHEESE BECON, 嘩.......正到啊!!! 牛肉勁厚, 簡直係漢堡扒個隻, 但飽又大, 生菜酸瓜都有好多, 薯條同M記不同, M記係薯蓉條, 但佢似係原條薯仔炸個隻, 好味得多, 但個餐食唔晒, 太大啦!!!$40零蚊一個set好似唔係好抵, 但其實真係可以食得你好飽, 絕對唔係M記個D廿幾蚊一個細飽仔架!!同埋全香港只得一間, 係咪食得過先?

黎漢堡王食,我最鐘意叫小華堡,24蚊一個午餐,又好食過m記,又平過隔離的大家樂~漢堡王d薯條好好食~好新鮮,冇m記薯條0既油味咁重~個包所用0既牛肉都係新鮮的,唔似m記咁用漢堡扒~所以去機場我都鐘意去漢堡王食一食~女仔人家唔太大食,小華堡都夠啦~

25號去左旅行~係度食少少野先上機~叫左個雞柳餐($34),兩個人易分d,普通size 但係d汽水已經係等於麥記既加大碼汽水size...雞肉好結實,幾juicy~呢樣野係麥樂雞都比唔上,但係我都係鍾意食麥記既薯條多d~睇到人地既食評先知有onion ring...下次出國一定要試下

After I found out BK got a outlet in HK, then almost everytime I out town will stop by and get a big breakfast. Price is definatly expensive when compare with the local fast food, but when compare with the BK in USA, then I won't complaint. Also after you tasted their juicy burger, (for my, it must be WHOPPER, even in breakfast) you won'y complain the price since it worth it.The O ring is great as usual, also the milk shake is wonderful. The staff add soft ice cream with mike and mix it when you

入閘後又未夠鐘上機，所以搵定食左早餐先﹗選擇唔係多，除左大家樂之外全部都唔平，橫豎都係就揀左Burger King，一來好耐無食過，二來出便食唔到﹗唔記得以前係咩價錢，但一睇，D餐一D都唔平，成四十幾蚊個餐，食快餐咋喎？﹗算啦，難得一次，兩個人叫左個double woophy 餐share。嘩﹗個包真係好大個，仲大個M記0既巨無霸，咁四十幾蚊都可以接受少少。另外，D薯條粗粗的，好脆好好味﹗非常豐富0既早餐﹗

上一次食burger king已經是五年前的事了,地點亦是在機場.不過呢次0係英國希斯路,又係趕住咁買黎食.今次亦都唔例外,因為我遲到,遲左check in,冇左好多時間.唔可以坐低慢慢食呢~同男朋友買左一個餐share 食,要左小華堡.我真係趕到冇時間研究邊個餐好d.只係見佢個portion細就要左佢.其實都係一個漢堡包,不過原來係冇cheese,收錢問我加唔加,當然要啦.又唔駛錢呀.個包size唔大,不過個牛肉煎燶左d,食得出有d燶味.但係個酸瓜好好味,有兩大片.哈哈~薯條,十粒星好食.個人覺得好過老麥.好香薯仔味,好脆.仲有一杯野飲.~$24.價錢ok啦.不過可能我食得好急,好似冇上次食咁好食!!

下午0係度食,我叫0左個華堡餐,32蚊,加芝士再加4蚊,轉熱朱古力加2蚊... 咩都要加錢...個華堡絕對係king size! 一個女仔係食唔哂的...我仲加0左芝士...滯到痺...d牛肉好香,蔬草都新鮮,蕃茄夠大片,好味道~不過係d汁多0左dd...食到好狼狽...個薯條就唔係好得,唔知佢用咩油炸,有怪味的,我食唔慣.順帶一提,0係度買0野食真係好長時間....d人做0野極慢...要等好耐先排到自己...唔知點解可以耐成咁,排買0野食都排成10分鐘先買到,快餐喎...我買0既時候人客都唔算多啦都咁耐,多人時唔知佢地點算!同埋,0係度食0野都几貴...一個飽餐差不多40蚊...d staff日日食都食窮啦,有九折又點即

去親burger king都只係食burger, 朋友話我太豬了,今次一定要食佢地極為推介既洋蔥圈, 叫左細的, 只係$7, 份量等於m記既中至大份量, 嘩, 實在太太太太好味了, 炸得冇過火, 好有洋蔥味, 又鬆脆~另外又叫左薯條, 真係有薯仔食下, 又係$7, 唉, 點解得禁區先有得食wo....

老麥的quality每況愈下. Burgur King真的好十萬倍. Frame-Grilled 牛肉好吃到不得了!! I have had a Double Whopper Meal with cheese and bacon, it is absolutely wonderful. 可惜它只有機場禁區內一家... 其實Burger King還有好一些其他選擇, 只是香港的分店沒有... I really miss the Burger King in Australia. I hope it will come out from the airport soon.

上星期out town,順道試下,我叫左Double Cheese Burger set menu($29), 果然是很有牛肉味,好juicy 的burger, M記完全無得比,洋荵圈好香但好熱氣.

Icy,起飛前仲食咁飽!

前幾天因出差, 以致一個人到途上(機場) 搵食, 雖然一個人, 但郤感到自在. 入到禁區想食些香口的食物, 於是週旋於Burger King 和Poppey Chicken & Biscuit. 最後Burger King 勝出. 眼見一份餐份量頗大, 所以叫了Whopper Junior ($24). 此包括牛肉漢堡(我加了芝士, 另加$2), 炸薯條(可改炸洋蔥圈), 汽水(等同McDonal 中size). 坐低後回想對上一次食burgerking 是什麼時候, 一想之下發覺至少十年前!!! 此時聽到隔離枱食客亦感嘆多年沒有吃Burger King. 這漢堡份量十足, 用料新鮮(tomato, onio, lettuce, 酸瓜, mayonaise, 當然唔少得主角漢堡扒), 一咬之後, 相當有牛肉味(食肉獸一定喜歡!)牛肉唔會太咸, 反而更可嚐到牛肉味. 此店強調用100% Real grilled beef, 看見這買點覺得份外好吃!炸薯條做得很好,條條整齊, 咬落脆口, 我覺得比McDonal 好食. $24 相比McDonal 更有quality, 可惜只此一家...

我仲以為Hong Kong 冇晒Burger King 添！我以前o係外國好鐘意食佢地既chicken burger o架，非常好味，much better than burgers in McDonald's！