漢城美食

营业中

休息中

呢日嚟到韓國街食晚飯，門外嘅壁畫夠晒eye catching，聽聞呢間係尖沙咀開店最長時間嘅韓國餐廳，由韓國人主理，環境乾淨企理~前菜三小碟，除咗泡菜，竟然仲有魚糕同煎餅，都係我鍾意嘅韓式小食~ 🔘牛尾湯 $128 望落去湯頭清澈，入口味道卻非常濃郁，牛尾煮得軟身，加入大蔥同韓式粉絲，全部食材都好入味，熱辣辣撈飯食一流~🔘醬油蟹➕紫菜飯團 $190醬汁不是死鹹，而係偏甜嘅口味，加分!! 蟹肉味道鮮美，用手能夠輕易唧出蟹膏同蟹肉，伴入紫菜飯一齊食，食唔停口，唔過$200嘅價錢都算實惠~🔘生米酒 $105 無論米酒定燒酒嘅選擇都非常多，入口清甜帶有淡淡米香，酒精濃度唔高，啱女仔飲~

今日去 咗由2001年開既家庭式韓國餐廳🇰🇷原來呢間係區內開店最長時間食物質素有保證蜜糖蒜蓉炸雞半隻（$108）外皮好脆 雞肉入面有醃制過食落幾鮮嫩 表面有一層蜜糖醬幾好食🤤牛肉石頭鍋飯（$119）牛肉份量好多 肉質幾嫩撈埋秘製醬汁 食落好惹味純豆腐豬肉湯（$99）唔會過辣 湯汁用作拌飯一流豬肉亦嫩滑仲配有豆腐同金菇

今日係尖沙咀金巴利道發現一間韓國餐廳「漢城美食」，位置方便，由尖沙咀地鐵站行去只要幾分鐘。 漢城美食係2001年開店，是尖沙咀區內開店最長，而且係同區最經濟實惠既店舖。 座位寬敞闊落，適合同朋友聚會，亦適合家庭聚餐，坐得好舒服。菜式種類繁多，價錢合理，特設學生優惠價。😋 💢蜜糖牛油雞翼(4件)$58有4條年糕和4件蜜糖牛油雞翼，雞翼即叫即炸，炸粉唔厚，件件啖啖肉，肉質鮮嫩，外脆內軟，食起上來好juicy，有濃濃的蜜糖和牛油味，好食到停唔到口。 💢炸醬麵$89將煎雞蛋、青瓜絲、洋葱、紅蘿蔔粒等和特製醬汁撈埋D麵，醬汁好香，好多，麵粗身爽口，煙韌有咬口，好食又飽肚，好抵食。 💢吞拿魚紫菜飯卷$84紫菜飯卷材料豐富，顏色靚，係飯卷內包住吞拿魚、雞蛋、红蘿蔔絲、酸蘿蔔、蔬菜和芝麻，入口清新，飯卷好彈牙。 💢芝士炒年糕$95裡面有芝士和椰菜，上面放左半隻雞蛋和一片芝士，可以等到芝士溶左先食，令年糕的口感更豐富，更煙韌，味道香濃，辣辣地，好惹味。

每次食韓國野，第一時間一定係諗起尖沙咀嘅韓國街。呢間漢城美食既食物好簡單好傳統，但係又咩都有得食。🍖炸雞豬手，🍲湯飯，冷麵，石鍋飯你諗到想食既都有！而且好有古早味既感覺。.平時食炸雞就食得多，今次一於試嚇佢嘅豬手！🐽豬手滷得好入味，而且仲有兩個醬汁可以點黎食，用🥬生菜包住，再加泡菜一齊，口感好豐富外脆內軟嘅感覺，真係好好味！而且豬手唔會太肥，肥瘦均勻。.另外必要嘅就係湯飯，今次清淡啲叫咗🐄牛尾湯，有好多牛尾，每一舊都好多肉，而且個湯好清甜。啱啱送嚟嘅時候因為係石鍋，仲係熱辣辣。飲啖暖湯成個人都舒服曬。.仲叫左杯野飲🫚pineapple ginger ale ，入面有啲🍍波羅粒粒，又唔會太甜，好好味😋.🤤未飽啊指數: 8/10👍🏻餐廳性價比: 7.5/10.漢城美食 (尖沙咀)尖沙咀金巴利道74-76號地舖.

《漢城韓式炸雞🇰🇷》———————————————-#漢城美食 🤤-首爾以前就係叫漢城，呢間韓式小店風格懷舊～主打家庭式經營，價錢親民，而且款式都幾多，環境舒適😊-🐮 辣豬肉石鍋飯熱辣辣，香氣撲鼻，配料非常豐富， 將韓式辣豬肉、芽菜、菠菜絲、雞蛋同韓式甜辣醬撈勻埋一齊食～ 飯底仲有少少飯焦，香脆可口，套餐仲跟咗啲前菜凉盤同海帶湯，好有飽足感😍-🐣 炸雞口味都好多元，半份大約有6件雞左右，件件都啖啖肉，夠哂豐富！而且即叫即炸，炸粉唔會好厚，表皮炸得十分香脆，肉質鮮嫩Juicy，每件雞都沾滿醬汁，十分惹味😚配啤酒好夾🍻-🍌 抵deal 指數：7/10

🇭🇰漢城🇭🇰這家可以說是從小吃到大啦，畢竟。。。學校在附近😂😂看到有一桌韓國人吃飯。 但唯一不好的是這次去的時候 服務員態度不太好這家在同一區是非常正宗還有性價比的，價錢合理也大份。地方比較大，朋友聚會會是不錯的選擇。🍗炸雞 （醬油，蜜糖蒜蓉）我最愛就是這兩款，醬油我是必點的，後者看心情哈哈哈哈。有2種可以選擇： 1）只有炸雞 2）炸雞+炸年糕 我很愛他們的炸年糕好吃😋🦐海鮮煎餅🧀芝士年糕🍝牛肉粉絲🍲牛肋排湯🥟餃子

呢間韓國餐廳已經喺尖沙咀開咗好耐，出名經濟實惠，而且入邊座位好多闊落企理，啱晒同屋企人或者一班同事聚餐，而且款式好多，仲要係韓國人主理，可以食到正宗嘅韓國菜！韓式豬手同朋友嗌咗半隻豬手，估唔到份量都咁多，餐廳會預先將豬手去骨切片，每一舊都連住豬皮，所以每一啖都肥瘦均勻，味道滷得好入味，最鍾意佢嘅豬皮食落滿滿嘅骨膠原，旁邊仲有生菜可以包住一齊食，亦有兩種醬汁可以點嚟食，一款係麵豉醬，另一款就鹹鹹地辣辣地。豆腐海鮮湯每款湯品都會跟一碗白飯，將啲湯同飯一齊食真係好夾，呢款豆腐海鮮湯有大量嘅魷魚、蜆、蝦同埋滑捋捋嘅豆腐，有輕微嘅辣，所以越食越開胃。生米酒食韓國嘢又點可以唔嗌返支生米酒呢，今次試咗原味，鍾意有浸米嘅香味，酒精濃度唔算好高，只有6%，同朋友一路食嘢一路飲酒，好容易就清晒一支！

知己聚頭, 米酒 前菜, 嗯嗯, 輕談淺酌, 開開 心心!魚糕 同 煎餅, 味道都唔錯呀, 我清咗碟, XD!!!米酒香香甜, 好容易入口, 6%酒精, 易醉嘅我都唔怕!2人份量 啱啱好啊, 唔浪費食物, 係美德黎~ 醬油蟹, 一上枱就聞到淡淡清香醬油味喇, 望住佢水滿滿嘅膏, 好吸引呀! 配埋紫菜飯, 身體飯桶嘅我, 餓了!!! 年糕人蔘雞湯, 蔘味 比較淡, 幸好 雞肉份量唔錯, 如果可以再嫩滑一點就更佳了! 配上年糕片, 邊飲邊食, 滿足! 感覺很暖胃!!! 配有白飯的, 鍾意食飯嘅我 又再表示滿意!!!

金巴利道就仿似係為韓國菜而設的一條街，各式各樣的韓國餐廳都有。近排都好沉迷韓劇，除左鍾意韓星外，也喜歡上韓國菜。今次就拉埋老公去一間由2001年開店，尖沙咀區內開店最長時間，仲要係同區最經濟實惠既韓菜餐館。店內裝修企理，座位寬敞，適合相約朋友聚會，又或者家庭聚餐，唔怕坐得太迫逼狹。Menu上菜式種類選擇繁多，除了必需要有的韓式炸雞外，另外也有燉湯，冬天過到黎一定要點，夠哂保暖。 韓國豬手 – 勁大份，兩個人食好怕食唔哂。豬手一d都唔肥，軟淋淋，面頭個層豬皮非常煙靭。甜酸炸雞 – 半份都已經好大份，數落應該有6,7件。雖然淋左甜酸醬汁，但一d都唔影響炸雞的香脆，咬落啖啖肉，而且食到最尾都唔覺得油膩。辣牛肉京蒽湯 – 湯頭好夠辣，但唔搶喉。牛肉份量十足，仲有粉絲金菇等配料，配上白飯，十分好味。生米酒 – 有點點甜，一d都唔苦，平時唔多飲酒的我，都比呢枝米酒吸引住，忍唔住飲下一杯又一杯，非常易入口。

呢日同多年無見嘅老朋友見下面👯‍♀️~佢推介咗大學年代成日食嘅一間韓國餐廳🎍,所以真係好耐歷史~喺尖沙咀屹立咁耐,一定有啲原因💡~本來以為無嚟過🤔,但一入到嚟就發現以前有朋友帶過我嚟,真係好出名🤩!因為之前去韓國都無食醬油蟹🦀,所以有啲掛念~呢度嘅醬油蟹價錢ok👌,仲包埋紫菜飯🍚~佢嘅醬油蟹超多膏,上檯勁吸睛😍~味道勁鮮,𢳂晒啲膏嚟撈飯,然後蟹肉用吸嘅就食到,回味無窮😋~另外仲叫咗個年糕人參雞湯🐔,因為我真係好鍾意食年糕🌾~佢嘅湯底人參味唔算濃,但個湯有少少胡椒味,好香👍~而同朋友食飯傾偈🗣,最啱就係配埋生米酒🍶~甜甜地嘅味道,唔飲開酒嘅朋友都覺得易入口💋~呢度仲會俾啲小菜,有泡菜🥬,魚糕同煎餅~菜式選擇多,又有各種燉湯系列🫕,啱晒一家大細嚟食~Klook 3%優惠碼: HELENCKLOOK

尖沙咀韓國街🥰🐥一間保留懷舊環境，加入新潮設計的有歷史的韓國菜，以傳統韓國菜為主打。環境簡潔又乾淨，坐得很舒適，置身於韓國一樣。《蜜糖蒜蓉雞翼》雞翼吸收了牛油香，加上蜜糖的香甜，味道豐富，滋味又滿足，蒜蓉香也很濃郁，雞翼肉質也很嫩滑。《炸醬麵》經典的韓國菜，炸醬麵條偏粗身，富有咀嚼感，口感滑溜又彈牙，每條都有超濃味的炸醬味道，鹹香惹味！《牛肉紫菜包飯》顏色豐富，味道有層次，紫菜包飯內夾著牛肉、蛋絲、青瓜外，泡菜、醃蘿蔔、甘筍絲等食材，滋味又滿足！《芝士炒年糕》年糕口感煙韌，富有咀嚼感，菜式加入芝士，令年糕的口感更豐厚，味道更香濃，而且辣辣的，很惹味！

漢城美食 👻尖沙咀出晒名多韓國嘢食今次就嚟呢間老字號開咗都二十幾年漢城美食應該時不時經過都有見到同屋企人朋友黎食都幾好大間又坐得舒服都真係第一次食依間見佢有醬油蟹下次都試吓先😗.🔅蜜糖蒜蓉炸雞（半隻） HKD 109都幾多蜜糖包住啲炸雞新鮮炸起脆卜卜雞肉都算幾嫩滑食落仲有雞波添蒜頭都有炸過成粒食又幾好味😛🔅韓式辣豬肉石頭飯HKD 119最鍾意食石頭飯因為咩都有啲有菜又有肉同埋最緊要係嗰個辣醬將所有嘢撈埋一齊仲有啲飯焦喺側邊添簡單得來又好食🔅韓國啤酒HKD 63炸雞最好嘅朋友一定係啤酒食炸雞當然要飲番杯真係絕配好鬼爽🤭.整體黎講:炸雞嫩滑 韓國小店😚.🎈 漢城美食 (尖沙咀)尖沙咀金巴利道74-76號地舖

尖沙咀有條韓國街，好多韓國餐廳，今日試咗其中一間，食物質素非常好，餐牌有好多傳統韓國美食，選擇好多，總會揀到一款啱食，而且食物冇落味精，真材實料，餐廳嘅裝修都好舒服，同朋友傾偈一流韓國豬手豬手肥瘦均勻，而且好多肉，啖啖肉食得好開心，配埋嘅醬料，更加提升肉質嘅鮮味👍🏼👍🏼人蔘雞年糕湯配飯個湯好香人蔘味，夠濃郁，而且雞翼份量一啲都唔少，年糕口感好好，好飽肚❤️❤️韓國米酒米酒配埋豬手食，非常一流

今次揀左呢間外牆佈滿塗鴉既韓國餐廳 ,店內既裝修走少少美式風格, 唔似傳統既韓國餐廳, 落單都係自己寫號碼好方便🤓蜜糖蒜蓉炸雞🍗($109/$183)有半份/全隻既選擇, 外層沾滿濃郁既蜜糖蒜蓉醬, 熱辣辣雞肉好juicy, 半份兩個人Share 剛剛好唔會太多😎辣豬肉韓式石頭飯🐷（$119）材料豐富既石頭飯香噴噴同各款配料撈埋一齊食好滿足, 再帶微微既辣幾惹味🤗Cass 啤酒🍻($63)食韓國野點少得啤酒, 今次叫左枝大既兩個人share, 呢款啤酒順滑易入口, 冇咁苦澀🥳呢度坐得幾舒服, 好有氣氛, 好啱同朋友黎飲返杯Gur一Gur😌

漢城韓國餐廳餐廳的裝潢融合了傳統韓國元素與現代設計，環境整潔，座位寬敞，使得用餐過程格外舒適。菜式種類繁多漢城韓國餐廳的菜單種類繁多，從經典的韓式燒烤到各式小菜，選擇豐富，讓人目不暇接。我特別喜歡他們的招牌菜，包括牛肉石鍋飯和蒜香蜜糖炸雞。每道菜都展現了韓國料理的獨特魅力，無論是口味還是擺盤都令人驚艷。韓國啤酒🍻作為開胃的第一步，我點了一瓶韓國啤酒（例如，Cass或Hite）。這款啤酒口感清爽，略帶甜味，搭配餐前的小菜非常合適。啤酒的氣泡細膩，飲用時讓人感覺非常舒適，特別是在炎熱的夏季，這樣的搭配為整個用餐增添了不少色彩。牛肉石鍋飯🍚接下來，我品嚐了招牌的牛肉石鍋飯。當石鍋端上桌時，發出滋滋的聲音，香氣四溢。米飯底部微焦，與牛肉的鮮嫩形成了完美的對比。牛肉的調味恰到好處，既保留了肉質的鮮美，又融合了濃郁的韓式醬料。加上新鮮的蔬菜和一顆完美的蛋，這道菜不僅色香味俱全，口感更是一絕。每一口都讓人忍不住想再來一口，滿足感十足。蒜香蜜糖炸雞🍗最後，我不得不提的就是他們的蒜香蜜糖炸雞。這道菜的外皮金黃酥脆，裡面卻是多汁的雞肉，令人驚喜。蒜香與蜜糖的結合讓這道菜既帶有微微的甜味，又不失蒜香的濃郁，