漢和韓國料理

营业中

休息中

之前睇到你地D評語都話服務唔OK但係我去個陣都冇WO佢地幫我地開完爐都冇咩人講野有個唔知係咪老闆娘既仲計我地平D WO之後就離收野食個陣仲有個人周我地講OK NICE WO...不過我覺得環境唔OK

本來去開的餐廳裝修, 很久沒有光顧此餐廳, 見到5:30-7:30每位$78 連加一都係$90, 咁抵食就上咗去, 這間樓底較高, 冇旺角那間漢和咁大油煙味, 但食物就冇旺角那間咁多款式, 當然冇銅鑼灣那間咁好, 有以下問題極需改善:1. 熱盤同生肉放得太近, 很不衛生.2. 烤肉有數十款, 味道偏咸, 但也算新鮮.3. 三文魚刺生及壽司也不新鮮, 希望吃完不會肚瀉.4. 生果有西瓜、橙、火龍果等, 都幾甜, 凍D 重好.5. 有一大桶豆花, 很滑, 但不應由客人自己搯, 攪到水汪汪, 不衛生.6. 人參雞湯內有原隻肥雞, 但好像剛放進去, 因為還很實, 不似煲過湯, 也不見有人參, 當然湯是冇味的鹽水.7. Service 最大問題, 由入去至結賬一刻, waitress 都掛住睇電視同用鄉下話大聲談天, 完全沒誠意招呼客人, 不知所謂, 這是管理層的責任, 見前數篇食評也是很不滿意Service, 但也認為抵食, 故希望盡快改善.

今日同朋友去呢間野, 一入到去, 間野都唔係太多人的, 都可以揀位坐。ok, 我同四個朋友去, 不過其中一個都遲少少先黎。咁waiter就開左爐。入到去, 多數我地呢d年青人都係會吹一陣水的吧? 我地都唔係講好耐野... 突然間, 有個所謂的女高級侍應, 用佢d唔咸唔淡的廣東話話:你地唔燒野, 對住個爐好易燋的啊, 我心想燒焦關你什麼事啊? 好啦.. 我地開始燒了.. 因為佢地開o既火實在太細啦.. 於是我地就較大個火...點知個女人又走埋黎講, 個火太大d野會燒焦的.. 於是佢問都唔問我地, 就自己熄細個火.. 又係度口upup...我都唔理佢了... 後來我地又開大個火.. 佢又黎熄... 我都差不多爆了...食韓燒總有中場的吧? 咁我地食左一陣之後, 咁就燒少dd.. 佢又走黎話: 個爐燒咁少好易焦的!!!我終於爆了!! 我立刻鬧她: 好了!! 多謝你的提醒了!! 夠了, 你說了很多次了! 我們都聽到!!! 多謝你了!!麻煩唔好再黎講好唔好?!!!!佢重唔順氣駁咀, 重講相同說話, 我就再鬧佢: 你唔係一次兩次同我講.. 你講左三四次, 我先話你, 你不停你度講, 算什麼呀..後

真係討厭...兩個外籍樓面大嬸(著黑色suit)能操流利廣東話...但係又好鍾意係客面前用佢地自己既母語黎講野...有冇攪錯呀! 尊重下面前既人客,可以嗎? 野食已經唔多選擇喇...仲要食來食去都係果幾樣野...都冇進步既...執得喇...知你食到咁上下...就侯住你張檯...我知...佢地要翻檯...比另外既客入...但係都唔好當我死嫁...好似幫我揸晒主意...一口氣幫我執走晒檯上既野...以為咁好死...原來係轉頭就放定新位...想我走...比客入! 一句講晒...要我再用HKD120一個人去呢間咁既野...我就一定唔會! 我諗好多人都唔會再去嫁喇?

睇完介紹...尋晚走去試下啦...食品都算多我地又食燒烤又火鍋但個鍋好騎尼...中間插個火鍋盤...唔似一般龜背燒咁...D 三送魚刺身都算無限量供應不過最怪係... 火鍋係冇菜供應...只有東瓜畀你"陸"...不過正如下面位朋友講...D 放食物既碟好怪, 鞋手既, 好似用1:49 浸到咁...但就冇漬既...最希望佢地可以將生熟食物分得開D...雖然我唔多食佢地D 熟野...個雪糕唔錯, 尤其係朱古力...裡面有碎朱古力...掂呀!

雖然係上2個月幫襯.但係諗番起都嬲~~一睇就係比d焚化爐朋友既聚腳點啦.百幾蚊一位任食一定食得飽佢地,點知就貪平出事!!我地3個人去食.一開始我就去攞五花茶飲先,點知返到去一睇下個杯,居然痴住左隻"蚊"咁既死屍o係度...嘩...即刻比個經理睇啦,佢居然拿走隻杯就失左蹤,好明顯係消滅證據...都算了,一早預左呢d鋪一定唔慌乾淨!!!點知食完之後3個人.一返到屋企之後就開始肚瀉.頂....係不停咁肚痛.攪到要睇醫生.....就算比張六合彩頭獎比我去多次,我都寧願唔要,保住我既健康呀!!!

本來諗住之前食物出事唔夠擔去, 但mongkok區d未夠鐘都趕人走, 咁咪昨晚去博下啦, 點之一入去, 招呼好, 又有禮貌, 個好似男經理既人重教我地點燒多春魚而唔會"chi"底, 好好人, 坐足2個多鐘都唔會白眼你璀你走, 正! 同之前去相比好好多. 必食-豆腐花, 好香好滑! 其他食物都唔錯, 好!

食物選擇係多, 生熟食物樣樣有, 飯後甜品選擇亦多.不過o的生肉唔係咁新鮮, 有時仲跟埋血水添...同埋俾你用o黎裝o野食隻碟就洗得唔乾淨, 幾隻入面梗有一隻有上手o野o係上面, 同埋隻隻碟摸落都係有一層o野係上面, 鞋鞋地又黏手.仲有最慘就係冬天(12度)食o野, o係入面竟然覺得熱, 入面油煙已經好犀利, 仲要抽氣通風唔得, 我一行五個人熱到出汗咁食, 個侍應話冷氣已經較到最大, 咁夏天咪成個焗爐咁?俾錢食o野之餘, 再送油煙焗桑拿, 邊度搵??基本上呢間o野o係我心目中已經blacklist o左, 永不錄用!

嘈就嘈d，不過都冇出現爭食場面！都值得推介！

以前去過漢陽苑，荃灣果間接左，結果今次咪試下去漢和囉,點知漢和的侍應服務態度好,但自助餐野食比漢陽苑少,飲品都ok 啦，佢有午飯,都叫抵食,起碼好過去漢陽苑呀!點都唔會叫你走。

之前去過漢陽苑,今次咪試下去漢和囉,點知漢和的侍應服務態度好過漢陽果d好多,但衰在自助餐野食少,飲品也得三大款,不過佢仲有飯餐,都叫抵食,起碼好過去漢陽呀!