漢和韓國料理

营业中

休息中

疫情緩和！提前慶祝父親節，就到他家吃燒烤，人不多也不少，頭盆肯定是三文魚刺身～夠肥好吃，最愛泡菜～老火湯，接著就是牛仔骨燒烤，質量保持，不錯，我們吃兩大碟，甜品布甸～自己吃六杯！總體好滿足！是日消費836元，超值划算！

咁多間放題任食漢和算係其中一間我最鍾意嘅餐廳 平時無論係打邊爐定係韓燒仼食都有個時限其實食得好急好chur 好似要將啲食物倒落個口到 漢和其中一個最大嘅賣點係可以坐好耐都冇人趕你走 如果約埋三五知己聚舊呢到絕對係一個好嘅選擇 食物如果對比返呢一個價錢其實唔錯 款式亦都相對較多 除咗有未熟嘅肉比你燒之外 隔離都會擺住唔同嘅熟食同甜品 甜品當中不得不提嘅就係佢嘅3.6牛乳布甸 好味到食左十幾杯🤣 環境方面漢和都算幾闊落 至少坐得幾舒服唔會太逼 👍🏻

呢間漢和韓燒位於彌敦道，亦有其他分店的！提提大家，樓下會有人派傳單有優惠，大家上去一開始坐低時，記住同服務員講話有傳單優惠，我同朋友食嗰日係平日，$188再加一傳單優惠，如果唔係傳單好似要$200鬆啲！刺身種類係有三文魚🍣，其實都好新鮮，不過呢個時候不要吃太多生冷食物，食少少都可以嘅！外面有啲自己攞嘅食物有豬腳薑，年糕，韓式粉絲，春卷之類....仲包埋飲品的！跟住燒嘅食物，大佬嘅都係平時嘅都係牛，豬，多春魚，腸仔，金菇....醃得都OK嘅！溫馨提示，出去攞食物時記住戴口罩！

同朋友行完山搵放題餐廳醫肚 見到漢和就試下 環境舒適 服務幾好 食物任揀任燒 整體都幾好 不過就唔完全係韓國料理 會混雜其他菜式如碗仔翅 豬腳薑等 雖然係有點奇怪 不過都不過不失 唔錯😋

是旺角胡社生行的《漢和韓國料理》分店，是一間真正充滿了工人姐姐的《漢和》，我來了一份牛肋骨煲，食韓國飯餐我的確是首選牛肋骨煲。是日的一份味道同樣地甜美，但湯水就比較豐滿。比上次食感覺其實更好，因為牛肉非常之肥美啊。是日，我是同太太來的。原因就是有一個素菜石頭窩飯。清新爽口的雜菜，加上熱熱的石窩米飯中，加一隻雞蛋再撈一撈，再加點豉油增強一下口味，素食人士的美味，清清啖啖，少少咸，就是這樣簡單。來食韓國餐，總有泡菜的出現，這泡菜說不上是最好的，但有一定的辣味同香味，算是幾好。這一天的午餐，大家都要了一杯港式的奶茶。這兒的奶茶沖出了香港茶餐廳的風格，值得給一個小小的讚。燒烤好食，午市的韓式套餐也好食，再加上價錢可以稱得上是便宜。值得間唔中去下，開心下架。

星期六午餐時段，旺角嘅人流比以往都少，想話勁食一餐氹自己開心，最後揀咗食韓燒任飲任食😛雖然午餐沒有三文魚刺身係有點美中不足，但食物選擇很多足以食飽飽。燒烤食品種類繁多，擺放企理又清楚列明品種，除肉類外蔬菜種類也有不少。雖然大部份肉類都經過腌製，但味道很不錯，特別推介：羊肉、牛舌、雞肉、魷魚酥。令一邊擺放着前菜及沙律， BBQ前可以先清一清腸胃。其實熟食方面選擇也不少，其中比較受歡迎的，有燒三文魚骨、薑醋（見到好多上年紀人士攞）。另外一邊有炸物同韓式燒餅，將佢哋放落響鐵板烘一烘，熱熱脆脆的好好味，最鍾意佢嘅豆沙燒餅燒烤完，食返啲生果同甜品，潤一潤佢，感覺良好。仲有自助豆腐花同涼粉冰，呢個冰火甜品正呀！啤酒汽水任飲咁多嘢食都只係$133一位（ +1後約$145）真係抵食。

韓國Mix 的朋友上網查找了高間restaurant, 說要來這裡吃。 我們一行2人。。。 這裡肉類是很多， 味道不是韓式， 是香港taste.朋友只拿金菇肥牛卷和菜。 因為只有這個不是已調味的食物， 其他沒有調味的， 只有蔬菜了。 我就覺得這家的食物擺設令人拿東西有障外。 湯可以東方一種， 西面放種。。。 飲品也是。 這位韓國朋友不喝beer, 他們家的飲品櫃把beer 放在主要當眼位置。 soft drinks 放左轉角走朗。 不是最很發現別人有soft drinks. 就只以為只有熱茶跟beer....整體上。。。 對我們來說味道不合格， 食物種類也不多。。。

Affordable, yummy and overall a fun experience to have with friends and family. the overall aspect of it being a buffet makes it very interesting compared to other KBBQ places. not only do they serve a large variety of meat (chicken, pork, beef, squid, fish) but also icecream, drinks, vegetables, soup, noodles, fruit etc. very different from overpriced KBBQ places i’ve visited before... Love this place so much!! My favorite place to go to honestly. the staff are nice and efficient, always cleari

之前食過，失望是沒有改善，碗碟污糟，卒幾次仲有黑點跡，燒烤肉類用同一款醃料醃無新鮮感，湯無味，食物愈來愈小選擇，穿黑衫侍應黑口黑面無笑容，逭個價錢同區大把選擇，如果不是一樓滿座也不會上嚟。

今日一班網友聚會, 有人提議韓燒, 我都好喜歡任飲任食既餐廳, 可以讓人瘋狂一下!早十多年前韓燒好受香港人歡迎, 反而這幾年較少了, 由炸雞取替了!餐廳都很大, 選擇很多, 最值得贊係添得快, 吾會出現空碟情形!韓燒既醃味好似都沒太大分別, 最好吃係牛 & 牛舌, 牛舌好薄, 快熟又有趙口!飲品選擇又好多, 汽水, 啤酒, 茶類!另外還有生菜&蒜頭, 可先行夾著肉吃, 跟足韓式食法!我地最後過左兩小時都沒有摧我們離開!

食左個人參雞湯飯，幾好食，大大鍋，好重人參味，以一間燒肉望打既餐廳黎講，真係唔錯，lunch可以食飯/燒肉，好食又好玩最尾竟然送左個豆腐花，多謝經理地方大，唔使等位，好多菜式選擇

突然好想好想食韓燒，食肉🤤🤤記得幾年前呢間係銀城廣場，搬左鋪之後都無食過，今晚一於去食下！我地9點2去到。發現原來9點半係平30蚊～囧 ，不過個職員話吾限時俾我地坐，甘就去食啦🤗🤗原本係限時2個鐘入到去有卡位坐，間鋪卡位梳化位好多，坐得都幾舒服。事不宜遲，出去拎野食好多一盤盤既肉，豬牛雞羊，魷魚🦑，腸仔午餐肉，菇🍄，茄子🍆等等。整體排放，盤上面有寫係乜野肉，好清楚既。另外仲有三文魚🍣同壽司。。凍盤，有好多小菜。泡菜，蘿蔔。又有南瓜餅，蔥油餅，炸物。。。熱盤，有三文魚骨，菜，蜆，碗仔翅，人蔘雞湯。飲品都有汽水，茶。。。生果有西瓜🍉菠蘿🍍，又有甜品雪糕🍦。。其實我個人覺得食物都好豐富多元化。雖然食物質素就吾係太高，肉類醃味好濃，食吾出其他味道。。其他小食我高覺得都幾好食。我食小食仲多過食肉不過個爐好快就會燒黑，但可以搵職員換爐版。。唯一真係吾好就係韓燒完個身成陣燒烤味，應該抽風有點不足。。。

上次同班fri出嚟食諗住食韓燒 跟著就揾咗呢間 諗著都叫係幾抵下真心服務唔錯 就算冇提早book位都好快有位 仲要嗰時係禮拜六夜晚 服務員個個都好nice同積極 時不時就同你幫手執枱 d嘢食好快就送上嚟 換爐都好快手 最重要係語氣好好嘢食更加好過其他鋪好多 勁多種嘢食 就連啫喱都有 不過食飽食甜嘢真係啱啱好 種類係多到係我試唔曬每樣嘢d嘢食唔單止多 仲要幾好食 d海鮮叫極都唔夠喉 嚟嚟去去都叫咗幾轉 真心唔錯 嚟哩到一定要叫 仲要好抵 真心唔錯

d衛生唔係咁掂，經常性見到d碗碗碟碟都係有污積，10隻有8隻匙更都係有污糟，甚至擦左好耐先比較冇咁污糟；不過，個人認為D野食其實都係好味既款式有多，員工服務都唔差，所以整體黎講 其實真係真係唔算差

我上星期同朋友去食 lunch buffet, 看見旁邊的桌食客叫賣單， 豈知經理走過嚟， 話影到他們有攜帶食品離開， 要求他們交出食品， 經理話現場已經裝嗮攝錄機， 影到他們有袋走食物， 但我們周圍看， 都唔見有攝像鏡頭， 即是餐廳裝滿了針孔攝錄機？！ 經理好勞氣， 最後食客交出了一袋食品， 但我和我的朋友都好驚, 原來周圍裝了針孔攝錄機！？ 如果我們走光， 都會畀人影到？！ 我們立即就叫埋單走了， 咩嘢心情都無曬 ，這樣算不算違反私隱條例？ 算不算偷窺拍？！