漁樂 (已結業)

難得放星期日入長洲食吓野 hea下行過這間都係幾特別食店.簡簡單單佈置，好舒服先來一杯🐠仔濃湯,初初飲好鯹，再飲停不了口擠魚香脆可口麥味啤酒好夾炸廣島蠔好脆好新鮮

今日心血來潮好想去長洲行吓食吓嘢！已經有好多年冇去過，感覺變化唔大，依家嘅大街小巷一樣有好多海鮮店同小食店！行到一條小街裏突然落起大雨、怱忙中走入咗呢間小店，坐低左叫咗兩款小食厚切墨魚彈牙好有咬口另有香脆池魚好鬆化連骨都食埋順便講下呢度個老闆好親切有禮貌

此店就是行程的目標沒有之一，因為是唯一所以落船第一站直接去拜會老闆拎住iPad每款都細心介紹剩係聽都覺得好味店裡所賣的款式不多但夠精全部都是心機之作同男朋友心急想叫曬所有野食但老闆竟然叫我地慢慢坐 逐款逐款叫，慢慢品嚐竟然有餐廳唔急住翻枱 我地都好樂意慢慢坐慢慢食一口炸墨魚一口啤酒是質素是生活啊～～ 的確，每一款食都好令我地驚喜因為從未食過如此薄的炸醬墨魚厚厚的，好有質感再來限量版的赤米蝦一年兩造有緣遇到無理由不試當然都沒有失望還有炸生蠔坊間食炸生蠔是比較厚粉而且都是乾乾的但此生蠔是非常薄皮非常juicy 一試難忘還配了提子及酸瓜絕對中和油膩Perfect match !!除了食物質素值得回頭外老闆的人情味也是回頭原因之一邊食邊傾邊飲酒非常喜歡❤️

又一間好特色嘅小店 店入面只有幾款新鮮嘅炸海鮮可以點 上次黎厚切墨魚🦑賣晒😭今次閒日黎就有喇🤗老闆好熱情介紹晒各種小食 服務十分之好👍🏻1）魚仔濃湯🍲（$35）用新鮮魚熬制出來 不加味精 好鮮甜😋2）炸池魚（$45）炸到脆卜卜 魚肉很滑🐟3）墨魚厚切（$60）這款很推介 雖然幾貴 但墨魚🦑真的又滑又彈牙 十分好食 同平時食到嘅差太遠了 推介👍🏻下次有機會試埋個日本炸蠔先🤗

今日係第二、三次去漁樂食野，因為太滋味所以即日encore。1點路過老闆仲開緊鋪，所以行多一陣先返轉頭食。第一餐叫左墨魚，鱭魚，赤米蝦，蠔，魚湯，仲有個冬瓜麥茶，由於掛住食，所以唔記得影相。全部炸物都唔厚粉，而且唔油膩，老闆手勢好好。墨魚鮮嫰多汁，又帶d咬口（但第一次食較厚身，可能部位不同）；鱭魚炸得通透可以連骨食，又唔腥，我本身唔鍾意食魚都食左唔少（上次係池魚）；赤米蝦可以連殼食，蝦味濃，但係時令只有幾個禮拜有得食（上次黎都無得食）；炸蠔軟熟，出面食既蠔較實的的（但上次食會有爆漿既口感，可能今次人太多老左少少，但依然好味過其他地方）；魚湯香濃唔腥，有紫菜提鮮，可能因為每次只煮少量既魚湯，避免放太耐而有腥味；冬瓜麥茶能兼顧冬瓜茶的甜味及麥茶既濃郁，但媽媽覺得稍甜，我覺得有7分甜。除左主角炸物，配菜既酸瓜同提子都好清爽，而且墊底椰菜絲可以撈埋沙律醬食，可以帶走炸物既熱氣感。可以沒有客人點餐時，老闆會出黎同客人傾計，老闆好健談，仲請我飲多兩杯冰茶，唔駛食其他野都飽晒。食完第一餐之後，老婆話唔夠喉，我就話不如行完街再返去食多次。一入到去老闆已經認得我朝早黎過，即刻倒左杯啤酒俾我，雖然我唔多飲

同老公嚟長洲，經過呢間舖2次，一嚟佢嘅裝修好懷舊， 10分吸睛。到第二次經過，就諗住入去醫肚，一入去，有位型仔叔叔拎住部IPad介紹嘢食，雖然得4樣嘢，但樣樣都係主打。一開頭嘅嘢食我都好有興趣，最冇諗住要嘅炸蠔，點知成為我一擺入口就讚不絕口嘅蠔，因為真係好好味😭咁大個女食親嘅蠔（無論生蠔定熟蠔，連台灣嘅最出名嘅柯仔煎我都覺得有陣臭味），我一聽到叔叔介紹蠔我就已經攬住老公隻手話唔食蠔丫，點知叔叔好有誠意同我地講佢地點樣處理由日本運嚟嘅蠔，我地諗就睇下有幾犀利😤一開頭食魷魚，都預咗係好味嘅，之後就到炸蠔喇，一放入口咬咗2啖，我即刻個腦諗起細個睇肥姐大聲講戈句：好好味丫😆！！即使我老公唔食蠔，都食完一舊再接第二舊😂🤣（爭食)重點佢個蠔係炸完都係好鮮味，冇臭味，一啲唔dry之餘仲要係有汁，可能我見識少，但真心好好味😭😭食食下叔叔拎住杯酒行過嚟問點樣呢，係咪真係冇呃你先，（為食樣）：真係好好味丫😭叔叔再貼心咁同我地講解啲蠔點整，同埋教我地要飲啤酒送蠔，但由於我個樣係沉淪咗係啲好味蠔，叔叔都悄悄地行開🤣（其實我真係有試過留心聽，但真係一心不能二用）下次我地會番嚟試新嘢㗎😆🤣話說，叔叔比戈杯酒我地飲

長洲一日遊，返中環既時候不幸地錯過左班船，唯有揾地方hea 下。見到漁樂，就點左個炸物。依款叫《本灣海赤米蝦》係即叫即炸，米蝦份量足料同好脆，好有口感。一份配幾粒青提，檸檬同蛋黃醬做配料。可惜略嫌老闆落味粉重手左，蓋過咗啲米蝦既鮮味。如果下次黎食會記得提前同老闆講聲落少啲味粉。其他嘅炸物有炸魚，墨魚，蠔！ 餐廳亦都有其他飲品，啤酒賣。

我地嗌咗炸蠔同一年得幾造嘅赤米蝦 炸赤米蝦同炸蠔都好好食！赤米蝦嘅蝦味非常香濃。老闆將原隻蝦炸得金黃酥脆，可以連蝦殼都食埋，配酒一流！外皮香脆但內裏依然保留肉汁，而且一啲油膩感都冇。配埋沙律醬、酸瓜、生菜絲同些少生果，俾你開胃同refresh 下。 老闆話炸蠔選用廣島蠔。大隻得來肉質creamy。同樣炸蠔都係得一層薄薄嘅炸衣，外皮都非常脆口，而內裏蠔嘅生熟程度控制得啱啱好，唔會炸到乾爭爭，食嘅時候仲爆汁添。兩款炸物都非常之好食。同普通市面上見到嘅炸物與別不同，食完完全冇油膩感，可以見到老闆擺咗好多心機落去。老闆Ronald亦都好健談，會親自同客人介紹每項炸物同有咩啤酒適合。 老闆亦都非常之鍾意聽意見，希望為顧客提供最好嘅用餐體驗。一路食一路傾計，情同街坊，呢種人情味係香港絕無僅有。另外裝修風格獨特，懷舊同玩味融合得好好。

感覺上兩年前去長洲嘅時候仲未有呢間舖頭今次出發前上網search見好多人都推介呢間小店一於去試下成間舖頭 似賣 45款小食我order左炸豪加一杯好似叫冬瓜茶既野即叫即炸熱氣嘅食物再加下火嘅飲品(仲要唔太甜) 我十分喜歡呢個組合當日去仲有 厚切 墨魚， 可惜我個 to eat list 太長 所以放棄咗要厚切墨魚

星期六熱辣辣入長洲hea 經過漁樂被它的裝潢佈置吸引 好奇入內睇下有咩好食 原來食物選擇不多 全部食物都以海鮮為主 最後揀左厚切墨魚同魚仔湯 一拎到碗湯就有啲後悔 大熱天時飲熱湯驚中暑 魚湯係奶白色 好似平時媽咪煲既魚湯 聞落有淡淡魚味 第一啖覺得味道有啲啖 不過係好飲既 之後愈飲愈覺得好味 雖然飲到不停滴汗 但真係停唔都口 如果冬天飲 應該會正好暖胃厚切墨魚好食啊 見佢咁厚以為會好硬 點知係一啲都唔硬 仲好爽好鮮味 男朋友覺得佢好好食 完全超值我都覺得好食 不過就中意魚湯多啲正正子

經友人介紹下，一試難忘，「漁樂」確實名不虛傳。正所靠山吃山 靠水吃水，靠長洲當然吃海鮮。只點了魚仔湯及炸墨魚。魚仔湯好鮮，沒有調味料，味道簡單直接，食物就應該是這樣。炸墨魚並不是平日食到厚粉或滿口油那種，今次係真材實料，炸一炸令到墨魚肉質更彈牙，又有香口嘅味道，加上每日新鮮捕獲，「鮮」就是必定的。雖然鋪頭座落在旺街，但可惜人流唔算多，或者它太低調了，希望可以推到令到更多人認識此鋪。其實它以木為裝修主調，打咭都不錯的。

每次入黎長洲 小編必到打卡食野😋😋裝潢簡單 不過有特式 有懷舊風味魚湯 必點 冬天保暖效果一流 味道鮮甜😍😍炸魚 亦系普遍必點之物每日小店都叫不同嘅新鮮魚不過呢 今次有少少失測 呢隻好多骨建議大家可以問問店員是日魚系咩

半年前去長洲都幫襯過，不過假日去真係人山人海，而當時仲係立食。半年後去到，由於係夏天+平日，第一轉去到，噢，原來加左幾張木椅，但全部坐滿人，所以走去前面食多碗甜品先，再返轉頭睇。第二轉返嚟，人走晒，可以坐底食嘞。本身只諗住叫厚切墨魚，但老闆盛意拳拳拎住ipad介紹其他野食，最後叫埋炸日本蠔同冬瓜茶。即炸關係，要稍等先有得食。墨肉厚身，只蘸少少粉便炸；其實我最鍾意係個檸檬皮沙律醬，食起上黎絕對唔油膩。另附幾粒提子和酸瓜，可以清清味蕾繼續食。另外係炸日本蠔，一碟六隻，老闆推介係靚日本貨，欣賞個沙律醬同墨魚唔同，呢款係芥末七味粉，有心思。其實我仲想食炸魚，但太飽驚食唔晒．幫襯時剛好未有其他客人，所以同老細傾左好耐計哈哈。有睇openrice的話：多謝杯茶！係好味道既，加油！

好彩第一晚臨收鋪都肯招呼我地^^老闆好好人好nice係其他d大排檔食完個垃圾椒鹽魷魚 又厚皮 又冇魷魚 之後一路行就見到呢間鋪 炸墨魚好薄炸粉 墨魚肉極厚身 juicy 配即磨檸檬皮沙律醬 同幾粒提子同酸瓜解膩 食完完全沒有罪惡感！$60炸蠔入口完全不油膩 而且蠔肉新鮮 還有刺身生蠔既順滑口感 完全唔同其他外邊的炸蠔（粉厚蠔肉又沒有甜味，而且蠔肉過熟） $60/6隻 抵食又超好食仲有炸鯽魚仔 完全去骨 完全不怕吃到骨刺 炸得香脆超鮮甜！仲有魚湯鮮甜 顏色奶白 應該落左好多魚熬湯 完全沒有腥味 值得一去再去

長洲特式小吃愈來愈多最近試左呢間網上都出名既小店舖面既裝潢幾有特式枱係用汽水架砌成，顧客係立食既🕴🏼.小店主打海鮮炸物🐟🐙🦀老闆係落單之後先會開始製作果日係假日，儘管有好多人排隊老闆面對小編左問右問都好有耐心咁解答💆🏼‍♀️果次試左店主推介既本灣墨魚🦑即制鮮甜厚切既墨魚沾上一層薄薄既炸粉漿一個字「鮮」、「香」、「脆」🤣貼心既老闆會係墨魚旁伴水果同檸檬減少炸物既油膩感👍🏾食完有refresh既感覺💁🏻‍♀️.小食來說價錢有點偏貴不過老闆既細心同用心同食物既質素黎到長洲都可以一試😉.價錢：$55推介指數：👅👅👅👅👅👅👅（7/10）Encore 指數：🤙🏻🤙🏻🤙🏻🤙🏻🤙🏻🤙🏻（6/10）