漁樂 (欣田商場)

营业中

休息中

今日同朋友去漁樂食下午茶。經典花生醬西多士，厚厚一塊，內裏的粒粒花生醬都不少，西多炸得剛好，配上糖漿和牛油真是一份邪惡的下午茶。脆脆炸雞肶外皮炸得脆脆的，但比較乾身，内裏肉質算是鮮嫩，但雞肶比較細隻。以上兩款都可以配紅豆冰，紅豆冰大大一杯，但味道一般。見有泰式及越式小食，我覺得泰式的比較吸引，點了泰式紅咖喱配香酥手抓餅，紅咖喱辣辣的很惹味，咖喱的配料只有幾粒茄子，香酥手抓餅很鬆化，配上咖喱真是絕配。

啱啱係欣田村開已經食過幾次，價$唔貴，質素衛生都ok,飯用泰國米，下午茶40左右好低食。如果無咩時間煮飯，可以一家大細去開飯，另外，海南雞飯下午茶更是低食之選，蛋包飯係40+,味道亦不錯，越式河粉亦很好，衹嫌份量太少。最好食覺得衹手抓餅，又過衹有醬汁沒有其他食物配撘略為單調。

今日同老板嚟呢間食lunch,試下泰國野餐廳有好多坐位，不用排隊巳可入坐set lunch有多款選擇，價錢由$45起，由落單到上菜超級快海南雞飯+凍0茶$58賣相好得，我轉左白飯，雞已冇骨，雞皮好滑，但雞肉有D韌，食落有渣凍0茶用左青檸，夠凍好飲札肉肉丸湯河$46好大碗，D湯夠熱好飲，配料有洋葱、同牛肉環境0K，上菜夠快，食完仲可以慢慢嘆埋杯凍飲

肚仔餓就行過去欣田邨漁樂食個下午茶醫醫肚！想食湯粉麵於是就點了越香魚片扎肉頭湯河配杯熱檸茶，再加$10要份素春卷。魚片及扎肉味道ok,個河粉都算滑，另外要贊贊份春卷，應該係即點即炸，上枱時熱辣辣，餡料有紅蘿蔔椰菜味道唔錯，埋單$47。

依排漁樂係屯門開左左好多間下心水前嘅大家應該都知道佢哋係集團式，同意樂、百分百佢哋係朋友再來係欣田村依依間，佢哋就揀咗去星馬泰代表漁樂（個人比較想佢開意樂）因為工作地點喺附近今日嚟咗食下午茶（已經食過早晚餐，無影相，不過一陣都要講下）今次叫左依個香辣肉碎炒泰式金邊粉飲熱好立克金邊粉有啲油+啲粉仲係一餅好立克個底仲係一舊全間舖得兩個職員，完全唔得閒理你順便講埋之前嘅經驗晚餐去食佢個火車頭河粉，哇！嬲到呢！清水嚟㗎？我同我個friend覺得佢係因為趕收工所以我哋都冇出聲，食幾啖就走咗！慘，人哋已經夜收工㗎啦，重要比啲咁難食嘅嘢我哋食海南雞飯正常豬扒包同薯條嘅下午茶，算不錯早餐個番茄湯米線，係茄汁開水即磨咖啡好低質素（7-11可能好過佢）外賣個杯蓋永遠都閂唔實，返到去永遠都倒瀉哂講咁多點解都仲食因為依度係食物的沙漠希望快啲開返多啲好食嘅嘢順帶一提，其實佢最近做緊銀聯雲X付優惠$30-$20好抵，不過我最近果次食完佢先講用唔到部機壞咗要收反正價，所以如果想用呢個優惠可以問清楚先！

雖然外賣但都唔會馬虎札肉香，但就太薄了河粉一舊舊，是太凍嗎？不過味道都幾好另外個魚片頭都彈牙，如果大舊d 會好d lor雞奕係招牌真係可以試下外脆內軟的個齋春卷都係意外之作，值得一讚

><兆康食嚟食去到個幾間於是行咗去紫田邨 欣田邨個頭搵食呢間稍為多人食 裝修有特色 環境幾企理坐低等咗陣 到下午茶時間2點正先嗌餐香辣肉碎炒泰式金邊粉($42)一開始覺得好濃味 唔錯食多幾啖就會好鹹好重調味洋蔥 芽菜 蔥都爽脆 金邊粉都多如果整體冇咁濃味就好好多餐飲朱古力又沖到唔錯喎食完拎張單出去收銀畀錢><><><><><><><><><><><><><><><漁樂 Lime Fish屯門欣田邨欣田商場地下G05號舖

今次第一次食呢間分店嘅早餐，自從隔離大快活開咗之後，呢間野變咗冇乜人食，咁啱今朝經過就可以試吓呢度嘅早餐。叫咗個番茄肉碎雜菌通粉飲熱奶茶再額外加$3叫咗個蒜蓉多士蕃茄湯底幾濃，有幾種唔同菇類，如果佢有埋隻雞蛋咁就完美，話晒早餐時間，應該要食啲有營養嘅嘢個蒜蓉多士就真係好大塊，$3簡直係必叫，令到個餐更加之飽飽熱奶茶就同茶餐廳爭小小，根本同佢同集團的意樂餐廳冇乜分別，算中規中矩呢度環境幾好，坐得舒適，又可以用八達通值得推薦

之前因為親戚搬左去欣田邨新屋，新開左間餐所以試左第一次。因為好好味，所以今日又黎食過。推薦既有海南雞飯(第二次再食)，平時唔食雞皮，不過佢令我破格地連皮連肉一齊食，真係好好味，配埋個醬料，超正! 馬拉盞通菜少少辣都好味，仲有個冬蔭公湯，不過份量叫多左有d浪費，店員郭仔建議下次叫個細既，咁可以試埋其他野，甜品有焦糖燉蛋，甜品控既我一定讚，不解釋。今次加左個烏頭魚，不過略嫌淡味不及外邊打冷店。不過非常讚呢間店既店員服務態度好好，尤其一位姓郭既四眼男店員，會詳細為客人介紹小菜又有笑容。次次都食完先記得未影相，希望下次記得啦～

自己就係住附近，但係兆康以前不嬲乜嘢都冇得食。自從欣田邨落成之後，呢度終於多番啲餐廳選擇。間餐廳主打東南亞菜，泰國菜越南菜咁。平時都鍾意食啲比較重口味嘅餸，梗係要叫呢度嘅咖喱啦。今次叫咗個紅咖喱雞飯，居然有驚喜喎。入面啲雞件好嫩滑，配菜同咖哩好夾，睇得出佢好有誠意。咖喱味香濃又唔膩，我好想清晒啲汁佢。如果啲雞份量多少少就好啦，食得有啲唔夠喉，可能我太大食既關係。而佢嘅賣相都好吸引，價錢都唔算好貴既，值得一試喎。希望佢可以keep住個水準啦。

新開張，很期待，果然無失望,食過兩次，也很滿意，價錢合理，食物很多選擇，上菜很快，食物都是熱辣辣，服務也友善和積極,將會再去，主要是屋企留下有得食，太方便，還有裝飾也很靚