漁匠屋

营业中

休息中

話說有朋友話屯門有一間刺身丼好好味，我身為屯門人竟然唔知道🤷🏻‍♀️🤷🏻‍♀️🤷🏻‍♀️一定要去試下啦👻👻👻同朋友叫咗兩個飯一個小食，小食濃厚醬油炸雞外脆內軟非常香口🤩🤩🤩老の重丼材料新鮮、份量十足👍🏻👍🏻👍🏻我就食北海三味丼🤭🤭🤭估佢唔到咁好味，除咗材料新鮮外，飯質軟綿綿略帶少少溫度配合刺身一齊食。。不🉐了，我個人認為每個月必食✌🏻次😋😋😋

喺家姐口中得知 屯門紅橋有間高質魚生丼不過佢開嘅時間比較少 就揀個週末嘅夜晚去試一試佢大概7點左右去到 兩個人仲可以即刻入不過就得返吧枱 但食魚生嚟講 坐望住師傅整野食嘅吧枱都係一種享受全舖連吧枱都只有17個位 所以唔想等位嘅就早啲到或者book定位喇丼有10個選擇 除咗餐牌嗰9個之外仲有個售完即止嘅燒穴子丼嗌完野食就上湯同前菜煙燻芝士同昆布湯 店員提醒先食芝士再飲湯芝士味唔係話好濃 就好似啲芝士粒零食咁昆布湯比坊間嘅麵豉湯有誠意好多好清但味道好好淨係前菜都已經感受到店主嘅用心同誠意✨壱の重丼總共有7款魚生兩款築地嘅鮮魚都好新鮮 海膽非常鮮甜牡丹蝦同三文魚籽亦都喺水準上唯獨吞拿魚腩個油脂未夠香不過整體嚟講都好正 成碗野基本上唔點鼓油直接原汁原味都好ok✨北海道三味帆立貝非常之嘅大粒 亦都好新鮮輕輕灸燒過令成件事更加昇華不過蟹肉就普通咗啲 鮮甜度不足飯用赤醋調咗味 唔駛要再額外落豉油個味調得非常合適 不過個米就做唔到珍珠米嗰種煙韌感✨白桃乳酸梳打雖然唔係啲咩好特色嘅野飲不過一樣好有質素 味道夠亦都飲到果肉最後埋單連加一$464質素對得住個價錢 絕對會回頭亦都推薦俾大家😉

大約一年前，行過屯門井財街嘅時候，見到依間鋪門口排住起碼50人，當時覺得好驚訝。但係最終因為人太多而唔排隊。今日機緣巧合有限個井財街，見冇乜人排隊所以就去試吓依間等左一年嘅鋪頭。入到去一個長吧枱同埋幾張餐枱，店舖細細咁但係好有日本風味。刺身丼嘅海鮮無得選擇。但每樣都非常新鮮，甜蝦好太隻又鮮甜，海膽無異味。而且油甘魚肥美，入口即溶。帶子厚身，又夠爽身，最重要係刺身夠凍，冰涼可口，順帶一提，杯巨峰乳酸飲品，非常清新味美

今日早收工…行行下見到一間日本嘢…心諗香港嘅日本嘢好得去邊…不過都試下啦…睇見餐牌，嘢食唔多，只有海鮮丼，最後食左個北海丼，帶子鮮甜，三文魚子脆卜卜，好似去左日本咁…正

2019年5月8日（星期三）雖說天公不造美，午飯時間下起雨來，難得二友同打一傘，真真正正體會「落雨担遮」，心裏高興😊，更無損食魚生丼雅興❤️小店窗明几淨，裝修佈置盡顯心思午餐抵食，魚生丼包麵豉湯同沙律，各款都均一價：$75溫泉玉子雜錦魚生丼雜錦魚生，款款新鮮，戀戀和風，ichiban選擇溫泉玉子在口腔中才咬碎，感覺很刺激！三文魚親子丼魚子大大粒，晶盈亮麗，賣相討好又吸引。淹漬與別不同，將漲卜卜魚子咬碎，有得食又有得玩， 厚切三文魚鮮甜肥潤，開心又滿足！

一路都覺得佢地好食，所以都會一個月食一次，今晚去食諗住都係叫返壹重當同3國海膽飯，去到個位女士（不知是否係老闆娘）就話無3國海膽飯，起初以為係無貨，再追問佢就晦氣地話，係唔做3國海膽飯呀！因爲我地已經有好多款嘢食，但其實望返餐牌又唔覺有多到，同以前一樣，好似問多句都唔得咁！之後都叫咗日本海膽飯，個飯嚟到啲海膽正常係鋪滿個碗面，但今晚只鋪得半碗，另外用一塊紫蘇葉遮住餘下半碗飯，即係得好少海膽。另外個壹重當，以前不嬲有食開，就係覺得好食先再食，點知啲料又係縮晒水，三文魚籽得幾粒，個拖羅以前好厚身，有入口即溶感覺，點知今次好像牛肉薄切咁，又細塊又薄又唔香，其他魚生片亦都無以前咁鮮味。好希望今晚係個別事件，真心希望可以變返以前的水準，唔好再令食客失望。如繼續落去只會越嚟越少人去食。今晚食得真係唔開心！

今日同老公放低阿仔, 去簡單食個飯, 看場戲, 慶祝拍拖紀念~我地過左虹橋食日本野~舖頭剛開門就walk in入去.入面地方唔算大, 不過都有幾張枱. 佈置很簡約, 不過都帶點日式風格!我地點左兩個丼, 之後職員送上海帶湯同一片芝士. 佢教我地先食啖芝士, 後再飲湯~呢個配搭其實都係第一次, 但試左之後, 又真係意想不到的夾!濃滑的芝士味道充滿口腔, 再飲一啖清甜的海帶湯, 效果真係好特別!湯入面既海帶有如絲一般, 一條條的~好軟滑.壱之重丼 ＄208築地鮮魚兩種（4切），吞拿魚（切），海膽，葱吞拿魚腩蓉，牡丹蝦，三文魚籽）看到相片, 都感覺到刺身有幾新鮮吧!冇錯, 的確好新鮮~和牛片真係好香滑, 而且好有牛味, 食落充滿牛油脂~海膽都好鮮味, 一D都唔覺腥.弍之重丼 $178築地鮮魚（2切），赤身(2切），赤海老，海膽，葱吞拿魚腩蓉呢兩個飯, 唔係白飯, 而係內有昆布的醋飯, 酸酸地, 好開胃~酸汁廣島蠔（三隻）$48因為見到呢個名, 所以好想試下一食就好喜愛, 原來所謂既酸汁, 係帶有柚子味道的酸汁, 蠔本身都好香滑, 再加埋呢個酸汁, 真係好醒神開胃! 真係好好食!!!

好耐無食咁新鮮嘅魚生飯 仲要喺屯門就食到 呢間喺屯門井財街嘅小店 #漁匠屋 門面簡約 但都吸引咗唔少人輪候 一定有過人之處 所以我地都成為排隊一份子 等咗大概半小時😬😬朋友叫咗1號丼 $148 有多款魚生加醋飯 仲有埋麵豉湯同一塊芝士 老闆娘會提醒食客食完芝士食飲湯 芝士唔會太漏搶咗湯嘅味 反而飲得出湯嘅清甜同濃郁 好夾喎👍🏻 咁多海鮮我最鍾意海膽 完全唔腥仲有淡淡甜味😋配埋醋飯真係一絕

我試過銅鑼灣和太古城很出名的丼店，始終這家最好吃，有回到故鄉（日本😜）的感覺。我最喜歡一重丼，間八魚非常鮮美。來了什麼貨，便會有更改，所以每次的一重丼有可能有點不一樣。如果有幸，9月會有限定的海寶丼，當中的秋刀魚比壽司大（對，是要排隊四小時的壽司大）都更肥美鮮甜。我很詫異為何屯門小店為何會有這麼新鮮的魚！海膽丼水準一時時，有時很鮮甜，有時有油味，看運氣。海膽醬鮪魚丼是濃郁美味的，鮪魚的肥美香甜混和海膽醬的濃香，每次工作壓力很大我便會去吃這個，治療一下受傷的心靈。另外一定要試的是燒魚鮫。不一定有貨，有的話的必吃！超級香的魚油經過火的粹煉，凝成入口的濃郁鮮美！

因為朋友介紹，所以決定一試。我地兩個人每人叫左一個井，加一個廣東蠔。前菜有一塊芝士同一碗湯。我地聽足老闆娘話，食完芝士先飲湯。發現個湯好清好甜，飲完又唔會飽左一半，唔錯。井既份量剛好，唔加調味單獨食飯都已經夠味。魚生好新鮮好肥美。唯獨海膽有點兒失望，份量夠大，但有其中一舊有一陣新鮮海膽開完但係未洗乾淨既味。廣東蠔係將生蠔放係一個微酸既汁入面。我自己就覺得個汁可以濃少少，但男友覺得還可以。總括尼講都唔錯，埋單400頭，可以有下次。

喺OpenRice揾吓屯門有邊間壽司好食，之後見到漁匠屋裡面d人評分都話ok，睇d相都唔差，咁就去試吓啦，問侍應吞拿魚腩係大拖羅定中拖羅，佢話係大拖羅，good，咁坐底就叫咗個1號丼，最初都好期待，點知拖羅唔掂，又唔新鮮，連d色水都變咗，一塊食唔落口，另一塊無食到，之後海膽一舊正常，另一舊可以形容係海膽漿，有怪味，隻蝦就ok，d魚就唔新鮮，三文魚子好似隔咗兩日，色沉味變，失望埋單走，比佢d相呃哂，加一後227蚊食d咁嘅質素，唉~估唔到變咗色嘅拖羅，同埋d海膽漿，佢竟然都可以比客食，仲邊會仲會去食第二次丫

之前一直聽到唔少好評，有時經過都會見到排人龍，但由於本身對刺身有一定嘅要求（始終非熟食），再加上舊年去完大集團食刺身搞到有生蟲嘅經驗，從此更加小心去揀選食非熟食嘅餐廳。今晚紋青有同事入嚟屯門做嘢，佢就好有誠意咁樣打去漁匠屋訂枱。入到去就好似大家咁講，選擇唔多，貴精不貴多，我鍾意食海膽，所以叫咗三國海膽丼，佢哋兩位男士就叫咗1號丼。每個當飯都會跟一碗麵豉湯同埋店長自家制煙燻芝士，店員提示先食芝士，先再飲湯。睇住店主砌個丼出黎其實都幾有滿足感，始終日本野都會令人覺得好似好有誠意好用心做俾自己咁（當然唔好同日本當地相比😅）一號丼就係👇🏻呢個係三國海膽丼👇🏻紋青最鍾意叫小食，所以佢叫咗炸雞，同埋酸汁生蠔👇🏻如果真係要比較，我就覺得鰂魚涌嗰間好食啲，個飯真係好煙 ‘un’，醋嘅比例都做得好好，當然以屯門區來講，漁匠屋已經十分OK💪🏻

地方唔大，幾張檯坐十幾個人。唔知有否樓上的位。材料新鮮，不過細碗。女仔ok, 男仔一定要order多D先夠食。叫佐一個清酒，幾正宗的方發斟酒：木頭方杯裝支玻璃杯，然後斟到滿溢。唔算抵食，尤其是屯門來講。不過都算舒服開心。

已經食第三次喇，次次都又飽又滿足好開心最喜愛食海膽醬鮪魚丼真係好正，醬係師傅自家制每日有限定數量😋😋😋其他海鮮丼都好新鮮肥美前菜有芝士同湯，兩樣都好好味今日黎到仲有優惠做緊，第二個丼有半價堅抵食💕🥰每次都有芝士同湯，食完芝士先飲湯芝士好香我最愛的海膽醬鮪魚丼💕💕💕😋😋😋老公今日食左一重丼，魚質好好，好新鮮🐟🐟🐟🦐😍🥰💕😋優惠做到二月尾，想食就要趁早喇🎉🥳🥳

由佢岩岩開業吸引左好多人黎排隊食嗰陣，已經話好想試下，不過因為價錢問題遲遲都未去試，最近見佢出左個set lunch價錢都ok又唔洗加一，終於的起心肝去食試左個三文魚親子丼（$75）真心唔錯佢啲飯暖暖地，三文魚又唔係凍冰冰，平時出面食啲三文魚多數雪到好凍，佢呢間個飯同三文魚個溫度都係岩岩好。最欣賞係佢個湯，唔係面鼓湯黎，唔會太鹹幾好飲原來唔經唔覺都開業兩週年(賣廣告時間)由16/1/2019至28/2/2019凡惠顧晚市海鮮丼兩客第二客即享半價優惠決定會再去試埋晚市，質素應該會再高啲