滿記甜品 (已結業)

滿記在大埔開新店，婆婆常話請我地去食，琴日終有機會一試。楊枝甘露豆腐花依舊好味，跟其他分店無異。有得多芒果肉、西米、透明彈珠同西柚肉。個汁好芒果味，味道很濃。豆腐花好滑，但就無咁濃豆味。但係呢間分店唔係開放式，所以超凍，其實冷氣唔洗開咁大呀。冷氣又凍，食緊ge甜品又凍，真係食到由個心凍出黎。服務員實在太太太唔醒目。我地坐低後的5分鐘都係無人serve，就連menu 都無。有服務員見到都唔識做，最後都係要叫先有menu, 真係要醒目D先得架！

見前幾日咁熱，正餐都唔想食，咁就Lunch時間去買糖水食當正餐啦﹗本人係榴槤既忠實fans，去到淨係問有乜野係榴槤味，其實就咁聽，都好似有3-5款，我最後買左兩款試，名就唔係好記得﹗第一款：有碎冰塊+雲尼拿底+一個雲糕球大的榴槤容+一個雲糕球大的黑糯米第二款：榴槤布丁第一款，好食到不得了，雲尼拿底好過椰汁底，俾想像中唔"漏"﹗黑糯米本身冇味，但因為有個汁底同埋個榴槤容一齊食，加埋就好ok﹗而個榴槤容非常濃郁﹗一定會再食﹗第二款睇落好似冇咩特別，心諗又係布丁咁，不過有榴槤味而已，點知食到底，原來係有好大舊榴槤容係度﹗又係啖啖肉，正﹗一定會再去，因為佢戈度既水平好過大埔好多糖水舖﹗

滿記甜品在大埔開新店就來這間店鋪，店鋪裝修不錯坐下，看看有什麼甜品～看到價錢方面都算貴～大埔甜品店愈開愈多。如有機會的話會食多一次裝修良久的滿記終於開張了，當初見到滿記係大埔開真是很開心，因為以後可以常常來食。

滿記甜品在大埔開新店紅叮要去食下甜品～甜品工房也食了數次不如去另一間食下～就來這間店鋪，店鋪裝修不錯坐下，看看有什麼甜品～看到價錢方面都算貴～叫了一碗楊枝金露，一碟榴槤班戟～榴槤班戟不是即叫即造，在雪櫃中取出來，有２件～不大件～但揭開蓋，聞到有陣榴槤味～比上次好好甜品更濃～緣色的外形，賣相也不錯～班戟內有榴槤肉和忌廉，比例也平均，和芒果班戟比較。更喜歡這款班戟，２３元２件，也較貴～都算值得而楊枝金露，份量不多，柚子沒有苦味，但芒果有點失色～西米露就比較特別，和出去食不同，這裏的西米露則比較脆，不會淋，感覺這碗比較普通，２款甜品合共４９元‵，大埔甜品店愈開愈多。但紅叮現在還是較喜歡甜品工房～但如果為了榴槤的甜品就會來這間～如有機會的話會食多一次

裝修良久的滿記終於開張了，當初見到滿記係大埔開真是很開心，因為以後可以常常來食。雖然滿記有多款甜品，不過我依然獨愛楊枝甘露。這裡的楊枝甘露真是特別好食，新鮮即榨的芒果汁，糖水與芒果汁的比例岩岩好，鮮甜無比。其他配料如柚肉、芒果粒都好新鮮，柚肉不會太苦，芒果不會太酸，而西米同普通甜品店不同，這裡的西米食落感覺較實吊彈牙，不是軟淋淋。唯一不足是整碗楊枝甘露不夠涷，同埋可能是新開張關係，店子比較亂。不過整體都是可以的。環境是開揚的，有落地大玻璃，裝修當然是現代潮流的，不過我自己就愛沙田分店的柔和燈光感覺，燈光暗暗，感覺特別舒服同有氣氛呢!