滿記甜品 (已結業)

據說當心情難過時，吃一點朱古力，可令大腦製造多巴胺，使人心情變佳。對女士來說，吃一個美味甜點，也是不錯的方法，使人放鬆，心靈得到安慰。這天下午走得有點口乾，就到滿記甜品吃個甜品。看著餐牌，在多款冷、熱心水甜品中爭扎，欣賞它的 Top 10 人氣甜品餐牌，有助我們這些對選擇有困難的人作出決定，完全感受到那份貼心的心思心意。最後點了熱「蛋白杏仁茶」，杏仁味香濃，口感幼滑如絲，甜度適中，讚！P.S. 這天，鄰座坐著3位內地遊客，堂食品嘗過甜品後，還點了些外賣，侍應耐心地講解外帶的注意事項，例如回到酒店後，甜品要放到冰箱，進食時要翻熱等....服務用心、人性化、不俗！

在九龍灣返工已經幾年，每逢lunch諗吃乜都份外頭痕，因為繁忙時間到處都是人，加上要找間食物好吃又唔算太貴的餐廳在九龍灣有點難度，可能我已經在這裡吃到好厭！去到滿記，見到人不算多，餐牌有我想吃的蕃茄肉醬意粉，立即點來吃。果然無令我失望，非常好味，令我好開胃食哂一碟。唯獨那杯熱的檸檬薏米水，我問有無加糖，侍應話無添加糖，但我一飲，覺得那種甜絕對有加糖的成份，因為我飲過無加糖的薏米水。其實環境不錯，可能不是太多人，比較寧靜，絕對適合lunch time 靜靜地抖氣。

復活節假期同肥髀睇戲，完咗成10點幾，搭車去到呢個商場，仲有呢間開緊，地方幾雅緻，日式小屋加啲田園風光，幾舒服，當時仲有幾枱客人食緊，店員叫我哋坐低比低餐牌，叫咗好快到抹茶茶凍（$35）自己好喜歡食抹茶味甜品，呢個甜品杯好靚，白玉小小的，煙煙韌韌，抹茶雪榚滑但茶味唔夠，抹茶啫喱滑溜彈牙，但茶味都係唔夠，欠缺了茶微甘味，紅豆比好多，粒粒分明，但太太甜，只食到1/3，整體ok。楊枝甘露（$35）肥髀食店員比較cool，有啲愛理不理咁！不過佢又無對我唔禮貌嘅！食埋甜品好圓滿

滿記跟一般連鎖店差不多---水準能夠保持，卻不能期待有太大驚喜，不過也不失為飯後聊天的好地方。9時左右進九龍灣店，可能是平日關係，人不算多，甫進店便有位置; 感覺裝潢、食物擺盤都挺新潮，也很乾淨的模樣，特別欣賞特製的餐具。點了白雪甜品，依舊好吃，幾乎每次都忍不住點。如果白雪中的冰少一點或碎一點會更好。榴槤也許不當造，如果是夏天應該更好吃一點。抹茶甜品底下的綠茶啫哩茶味很香，星星苟蒟蒻好可愛，誠意可嘉。

一點嚟到德福，周圍都係人，又趕時間，見滿記唔駛等，諗住會快，點知中伏。1）叫咗個白汗吞拿魚煙肉意粉，催咗二次，足足20min 先嚟，又冇煙肉，得芝士同少少吞拿魚肉碎同幾塊磨菇，仲有少少酸味，為免又要再等20min.,焗住照食2）落單時加咗要杏仁茶，落完單好快就到，試問未食午餐又點食糖水？又冇問我就一早上咗，結果就梗係凍哂3）本來諗住食完快走，諗住用apple pay 比，點知個員工話要$100以上先用得（你個notice 都冇寫，你點講都得la,真係嬲爆，以後都唔會再幫襯

滿記甜品以甜品出名，卻沒想過位於九龍灣德福這間會有熱食~ 價錢亦都比鄰近的食店更合理！所以上月跟朋友去完活動後，尚未吃午餐的我就叫了 All day menu ~ 至於朋友就叫了甜品啦！All day menu 入面有不少熱葷，風格就偏向日式西餐。我揀了慢煮雞肉香草醬意粉，及加了$9配是日甜品：香芋紫米露可能希望愈大，失望愈大吧！慢煮雞肉香草醬意粉來到時的賣相很差…………很像一堆糊狀物體加白烚雞肉。香草醬再配上煮到極稔身的西蘭花，整件事真的錯了吧！賣相差，味道也不見得好……雞肉的確是白烚，無味！香草醬無味！肚子很餓的我也吃不下去了………反而香芋紫米露味道不錯，紫米及糯米比例很好，口感也一流。紫米具有很高的營養價值，所以多吃也無妨~ 所以結論就是滿記甜品的甜品水準keep到，想進軍加入正餐成食肆，廚房仍須要很大努力呀

食飯後甜品，通常第一選擇會係滿記，始終出名同感覺乾淨，食完唔怕肚痛。本身不喜歡太花巧的甜品，呢次㨂了最basic 既芒果布丁，如果一間甜品屋連基本芒果布丁都做得唔好，基本上可以摺埋，布丁食落感覺新鮮，不覺得係隔夜的，果肉夠甜夠熟，無酸味，布丁彈口比例好，加上花奶，如果份量大D就夠完美，食完唔夠喉，見隔離枱點了招牌榴槤班戟，於是也點了一份，皮薄，果肉香及夠熟，忌廉及榴槤比例剛好，甜品屋做到有名堂及連所店，品質控制真係好重要，員工有禮望落去年輕感覺正常良好，不會有果d粗聲粗氣無禮鄉音大媽，可見請人果位有要求，不會請九唔搭八員工趕客，成功之一。

想係九龍灣食少少野墊下個胃可以去滿記甜品食返個下午茶今次我就試左士多啤梨雪糕包法國軟包係熱辣辣架而且口感真係好soft配上凍冰冰嘅雪糕 我會比100分👍🏼另外唔中意食甜味嘅可以揀熱狗包同樣好味 好滿意啊🤤_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$38？________________________唔信我嘅可以自己去試試😂地址：德福廣場一期G102號舖

今日中午有同事請食下午茶,  放工後都仲好飽, 屋企今晚都唔駛煮飯, 放工搵左個同事陪我食飯,我地去左德福, 逛左一輪見到有間滿記甜品, 估唔到仲有意粉及PIZZA, 價錢又唔貴喎, 加上我地又唔太肚餓,不如入去輕食又可以坐低傾下計。餐廳不用等位, 價錢全部 $49 (包括意粉, PIZZA, 甜品PIZZA), 可以 +$9 有飲品或甜品。價錢真係唔貴, 最後和同事點了以下 :1) 慢煮雞肉香草醬意粉 $492) 韓式泡菜豬肉意粉 $493) 香辣夏威夷PIZZA $49+$9 要了是日甜品 (紫米露)清水有自助區或者請職員比你都得, 職員亦很爽手。餐廳到了晚市時間唔算多人, 唔知係咪好多人以為滿記只有甜品, 唔知道有埋晚餐, 所以人流唔算好多。慢煮雞肉香草醬意粉雞肉有兩件, 雖然慢煮, 但係無味道。香草醬加埋松子其實不錯, 只係主要的雞肉淡而無味, 影響成個意粉。韓式泡菜豬肉意粉泡菜加意粉真係第一次食, 豬肉份量比想像中多啦, 泡菜因為與意粉一起變得味道淡左,豬肉片炒過好入味。香辣夏威夷PIZZA3個主菜最好味係這個PIZZA, SIZE 唔算大, 係邊位有些燶。+$9 要了一個甜

頂 吾係路整碎哂啲咸蛋勞落個意份度 佢個原名係黃金大蝦意粉 黃金大蝦？雪藏蝦就雪藏蝦 其實成碗野根本放吾到落口 懷疑佢地有冇試過菜It's just a fxxking shxt.做開甜品就做甜品拉唔好搞咁多咁野

跟2個朋友在九龍灣食飽咗但又心思思想食糖水其中一個說去松記食, 但我又不想走來走去, 即刻open rice下附近的糖水鋪唔搵唔知, 原來德福有間滿記, 啱晒鐘意食芒果的我滿記食過好多次, 大家看了看menu都好快決定食邊款糖水我們都一致選了有芒果的糖水~芒果控 X 3~ HAHA朋友A點了的芒果西米露, 西米很足料, 不過芒果份量少咗D朋友B的芒果黑白配又是我經常會點的, 不過晚餐食得太飽, 紫米好食不過好飽肚我今次點了芒果黑珍珠~ 海底椰好好食, 未食過一定要試下, 黑珍珠是蘭香子,這款有芒果、香蕉, 食多些水果身體好底層的雪呢那冰比是賣點之一, 配合水果食一流~三十幾蚊一份

🍓草莓西米露 $38賣相色澤紅潤，士多啤梨愛好者應該會心心眼。一上碟雪糕球已有點快溶感覺，所以隨即秒殺了。雪糕有濃濃士多啤梨味，可惜太甜，加埋醬食甜死了😖。相反，切粒韓國士多啤梨都幾酸下😖。西米幾好食，加分了，但食到最後西米露同沙冰互相融合，反而無甘好食🤔。試過一次就夠。🍴榴槤班戟 $34食過好幾次滿記，都覺得甜品、糖水都係麻麻地🙅🏻，唯獨榴槤班戟係最好食👍🏻。忌廉同榴槤肉比例剛好，榴槤肉熟度亦剛好，做到齒頰留香。

與友人行街差不多晚上9點，想搵間餐廳有一個可以聊天的晚餐最後走到滿記見到有除了糖水的餐牌，非常驚喜~原來晚餐至9時~~我們非常幸運Last Order ^^Pizza及意粉也是新鮮煮的~很好味!!

一年四季中哪一個是甜品季節？答案是全部😝。開在德福廣場的這間 HONEYMOON DESSERT ，敞開式店鋪，沒有兩邊圍牆，店內簡潔時尚的環境一目了然，食物的香氣時不時在商場周圍四溢，每次路過都吸引到我……冬季有＂焗南瓜西米布甸＂，夏季有＂冰雪系列＂。午餐時間段有＂西式薄餅和意粉＂，下午茶時間段有中式糖水……供應的食物種類繁多，隨季節和潮流不斷變化求新，食物的賣相色彩繽紛，不僅美味而且上鏡，抵讚！😍

今晚去九龍灣有飯局見有時間咪行吓德福，行行吓見到滿記，之前食過榴蓮忘返，咪入去試試，由於太耐無去，見到有新嘢咪試吓新嘢，於是一連點了三款榴蓮甜品，分別係：榴蓮班戟，榴蓮糯米磁，醉心榴蓮。店員服務算係好，坐底一陣就禮貌地上前落單，唔駛好耐就送上有關甜品。三款甜品品評如下：榴蓮班戟：忌廉香滑，榴蓮香甜新鮮。榴蓮糯米磁：外皮軟滑新鮮，榴蓮香甜新鮮。醉心榴蓮：香甜的榴蓮果似配上士多啤梨及沙冰口感及味覺絕對係一絕。百多元試晒三款甜品加上優質的服務絕對值得推介。