滿記冰室 (已結業)

今日午餐同家人想食沙嗲牛及撈麵，網上平台揾到滿記冰室。家人叫咗沙嗲牛肉米粉，牛肉夠入味，幾好味。跟餐加錢叫咗紅豆冰，只係淡咗小小。我就叫咗個雞扒撈出前一丁，雞扒幾好味，個出前一丁亦都時間控制得好。凍奶茶走夠茶味，不過無走到甜，要扣分。另外跟餐的炒蛋 /煎蛋及火腿都OK，不過有一份多士就太燶啦，明知焗燶咗都照出餐俾客，呢個更加要扣分。有啲事看似細微，其實呢啲就係建立正/負面口碑的關鍵位。今日的order，雖然食物整體係OK, 但我對滿記的感覺係負面。…查看更多

垃圾餐廳，嘢食難食，侍應生（後生女性）全部都態度極度惡劣，俾錢買難受，又落錯單，又黑面，不知道為什麼有人會推介給我？明明餐廳裏邊有好多位，要客人坐一個不合適的位置，絕對不會推介其他人去食，我自己亦都不會回頭幫襯…查看更多

食左個早餐好難食既櫻花豬柳個名好浪漫但無味兼咬唔瀾直接吐出黎之前食過其他餐就好普通想食靚早餐 就唔好簡呢間唯一ok係杯奶茶仲發現出面餐牌 中英文價錢係唔同不過無影到…查看更多

滿記冰室喺元朗都少有名氣 但因為佢早收工，所以有幾次想試都去唔到， 今次專誠早少少，午飯時間過去試一試，睇下係咪真係咁好味雖然佢嘅招牌菜係瑞士汁雞翼，但係我比鰻魚飯吸引咗最後都係試咗鰻魚滷肉炒蛋飯。呢個配搭好特別，而且鰻魚係原條上，配上咗好多紫菜 雖然燒汁有少少鹹魚肉，以呢個價錢講肉質可以接受，唔會好散 滷肉味道啱啱好 唔會過鹹 飯粒分明好好食炒蛋香滑，唔會過熟 仲有少少蛋汁喺面頭 我個人嚟講都好怕啲炒得過熟嘅炒蛋 呢隻蛋就非常之完美 整體黎講個飯都好出色 可以試下…查看更多

見到早餐有沙嗲牛丁同牛乳炒蛋就去試一下，因為佢列明話招牌。點知係無沙嗲牛味，我吾知自己食梗咩，但我認得個麵係出前一丁黎既。而個牛乳炒蛋好細份都吾梗要，但好乾同吾覺係牛乳炒蛋，M記炒得仲好食過佢。而杯熱奶茶好似格左幾日咁有酸澀味，我叫多奶，諗住難飲都可以入到口，點知無奶味(因為第一次去會叫得保守啲)跟住格黎兩枱客都叫左熱奶茶都要換過杯，但我見係比反原本果杯，仲要隻匙仲係到😂😂。 態度都係一般差，佢fix死您坐邊，原本坐低左，佢都要您起反身坐佢講果到。咁我覺得都可以既，諗住快快食完就閃。見到佢話走塑，但見到佢用發泡膠盒pack 勁多野😒😒。 最好笑我未食完，放低之叉飲啖茶，佢過黎收我碗野。我話未食完，但佢隻手指公已經插左入去😞我原本都吾會點專登，立即打食評既人，呢個第一間，我平時覺得吾好食就吾再食就算，好食先係咁開心share … 但吾知點解我一食完呢間係要即刻登入打呢篇野。佢吾係好難食，係中下囉。 我對食既要求已經吾係好高😅…查看更多

今日一個人既早餐時間搵到呢間舊式茶餐廳 窩蛋厚多士配咖啡連飲品$28 厚多士嘅底加埋牛油，烘到外微脆內鬆軟，真係誠意十足食法係蛋中間切一刀,等多士吸蛋黃既汁再食又香又脆口非常好食$28評分8/10元朗水車館里11號地下…查看更多

咁啱行過滿記冰室，肚仔又餓，眼見個餐牌嘅食物都吸引，於是就決定一試。步入餐廳，環境就同舊式茶記一樣，座位唔算多，坐得比較逼，唔舒服！ 叫咗個常餐-沙嗲牛肉出前一丁配3.6牛乳滑蛋、火腿、牛油厚多士同奶茶。最先到係杯奶茶，睇個樣好似唔錯，但試咗啖就覺得好一般，茶味淡。經常飲奶茶嘅香港人唔難飲得出茶同奶嘅比例點先算係一杯好奶茶。經常到唔同地方食沙嗲牛肉麵，喱度嗰麵認真一般，沙嗲味淡到令我懷疑係咪食緊沙嗲牛肉麵，牛肉炆得夠淋，份量算多但麵身唔夠彈牙。炒滑蛋炒到熟咗一啲，蛋太乾身。牛油多士輕輕烘過，但面唔夠脆，放塊火腿上去一齊食，味道都可以。總結，服務質素一般，食物質素一般，餐廳衛生一般，光顧之前真係要認真考慮一下！…查看更多

食個早餐竟然感覺屋村士多比他們好吃，進入已經覺得不太舒服員工又嘈，員工態度極差！有卡位又唔俾坐，留番啲位托咩！並不是慕名而來，只是方便帶寵物睇醫生，相信這裡的質素只是排第二由尾數上！…查看更多

第一次嬲到要寫上嚟星期六晏晝嗌個午餐外賣可以等40分鐘以上，店舖客人唔多，但出親都係俾堂食客，眼見隔離外賣師兄都等好耐完全hea做外賣單食物質素一般，有大把時間嘅先好嚟…查看更多

閒遊意外發現的小店，被三眼仔飯及3.6牛乳炒蛋餐牌吸引。結果兩個人食左櫻花🌸豬扒福麵及鰻魚肉燥飯，全部堅有料，好食，忍唔住再外賣流心多士畀年輕人食，流沙豈止流沙咁簡單？同場有另一年輕人叫左傳統西多士，大件到我立即影相，佢仲好有愛想同我哋分享！定必再幫襯！瞓身推介！…查看更多

疫情下無客係出面等，店內位置都迫，見少左人想調個位保障下自己，男店員又「話盡量唔好」，明明大把位，咁其實都唔係咩特別要求。仲諗住支持下黃店，心諗無下次。好簡單要求都拒絕，態度真心差。如果唔係黃店真心算啦。叫左一份三眼雞扒飯同一份三眼炸魚柳飯，塊雞扒又薄又老，炸魚柳淋林又凍，黑椒汁又冇黑椒味又唔辣，一pat黑色嘅汁。餐廳衛生一般，熱飲杯都幾多污跡。好真心講句，我本身個人無咩要求都識得態度差，有時黃店都真係好唔掙氣，想支持下都灰心。大家自行決定啦😂我就中伏，無下次。…查看更多

見黃店想幫襯好耐，入到去分配左個二人位，但係同隔離枱冇嘢相隔所以覺得冇咁好，然後問侍應可唔可以掉去另一張吉枱，得到嘅回覆係盡量唔好啦？！嘢食一般魚柳好林！熱飲杯睇落好污糟，唔會再有下次。…查看更多

第一次黎滿記食野，一黎好少行呢邊，二黎好多人話態度差就唔敢黎試了，是日食開的餐廳無開，就的起心肝黎試下佢。下午茶時段黎，好多人要等兩張枱，但店員好有效率，勁快執完枱仲帶埋位，態度好好喎。點左一份午餐同兩份下午茶，大約十分鐘左右已經黎齊所有野，勁快！午餐有餐湯送，揀左西湯，是日係雜菜湯，勁多菜好濃郁，但個人覺得偏酸左啲。餐飲要左凍檸茶，正常味囉。另外份下午茶加左個意式雜菜通粉，其實同餐湯一樣味，但加幾蚊咁大碗又抵喎。另一杯餐飲要左凍奶茶，幾香茶味，可以多多少少奶更好。下午茶叫了呢個日式宮崎牛肉軍艦，賣相靚仔喎。勁多牛，即刻煮熱辣辣，洋蔥青蔥炒肥牛，香味十足，同埋個包好軟身，吸左牛肉汁正呀。另一份叫左黃金吉列魚柳包，同樣大大份。魚柳炸得香口，入面係千島醬，酸酸地正喎，仲有粗薯條，呢隻薯味濃好食呀。午餐係卡邦尼海鮮意粉，又係大大份，正。卡邦尼味就無乜，食落係黑椒炒意嘅味，但海鮮落左好多，料仲多過意粉呀，哈哈，雖然味道不似預期，但黑椒意都好食。啲野係正常茶餐廳嘅水準，幾好食吖，大大碟價錢貼地，有下次喎！…查看更多

//食物 🌕🌕🌕🌕🌑今次食Tea 叫咗個吉列魚柳拼薯條🙆🏻‍♀️一送到嚟就覺得好大份，份量十足😂-隻薯條好粗好大條，應該係真薯仔唔係雪藏即炸嗰啲，不過就腍咗啲啲😣-個吉列魚柳就好正，外脆內嫩，好juicy😍平時去茶記都覺得佢地俾醬俾得好姑寒，呢間就完全唔會！好大pat 醬😍//價錢 🌕🌕🌕🌕🌑都係普通茶記價，一個餐四十有找，凍飲都唔洗加錢😋-//位置 🌕🌕🌕🌑🌑喺大棠路輕鐵站附近嘅巷仔，唔熟元朗嘅話可能會覺得有啲難揾😣-//環境 🌕🌕🌕🌗🌑座位唔算多，坐得比較逼，但都算幾乾淨😛-//員工 🌕🌕🌕🌕🌑員工服務好好，因為坐嗰個位對正冷氣太凍，我地調咗兩次位都無嫌我地煩😭-//總分 🌕🌕🌕🌗🌑…查看更多

間餐廳睇落都有啲歷史，我都好懷疑係咪真係黃店，落單時個女侍應皺曬眉，隔住口罩都見到佢西面，成間舖頭得幾個90後係到嘻嘻哈哈，冇人正經做野。食過咁多餐廳態度差到趕客我都係第一次見，例子如下：1.我地落緊單，佢突然閘住我地👱🏿‍♀️：啲野食未到要帶番個口罩（語氣極串）2.我地戴番口罩繼續落單，唔知佢聽唔清楚定點，黑曬面成塊餐牌搶左去，背脊篤住我地寫單🤷🏻‍♀️3.落完單我再confirm多次，個西面金髮女話👱🏿‍♀️：入左喇miss 🙄我真係隔住個罩都睇到佢黑面反白眼呀！野食細份又唔新鮮坐係到都好唔舒服永遠冇下次！第一次咁樣Blacklist間餐廳！奉勸大家唔好比錢入黎買難受🙄…查看更多