滿滿茶餐廳 (已結業)

機會黎喇飛雲，有茶餐廳派傳單，可以逃離會展大飯堂魔掌，無需為難自己硬食劣質昂貴飯盒咯！價錢合理經濟，菜色多樣化，最緊要食物質素呀！送餐妹妹不斷逃避會場保安追擊，左穿右插終於安全將食物送到我手上，任務完成！辛苦喇。羅宋湯，黏厚杰杰，茄膏味強烈酸酸，單調沒雜菜味，飲不到其他味道。青紅蘿蔔粟米瘦肉湯，清甜味濃的，舒服順喉的，一飲而盡。黃瓜湯，特濃黃瓜湯超好飲。瓜味特出，一滴不漏盡收肚裡，第一啖還似為係冬瓜鴨湯呢！勁濃肉味，似鴨肉味道。海南雞飯，不是泰式不是新加坡式，係港式來的。沒有泰式酸辣汁，沒有新加坡黑糖豉油、沒有辣汁，只有薑蔥油。居然配上我最討厭的泰式雞醬，甜笠笠不喜歡。全熟沒半點血絲，苗條皮薄無肥膏，髀肉結實，胸厚韌度高，沒有隔夜異味，陣陣雞香雞甜。味飯略濕免強達標，搭舊雞肉齊齊嘆，可以掩飾一下。黑椒雜扒餐，被地獄極咸腸重擊，救命！廿成熟煎蛋，豆皮蛋白鞋烚烚。火腿沒有處理過就直接鋪上，食天然原汁原味嗎？煎煎甘黃焦香會更美味。雞扒硬硬，雞皮油油腍滑，白肉醃味略咸兼濁。豬扒鬆化，肉質粗糙，同樣過咸。咸咸的肉淋上咸咸的黑椒汁，我的腎仔啊！叉燒油雞飯，都話少飯咯，真係話知您，食唔晒好浪費！厚切肥叉鬆軟，輕輕甜有焦香，肉汁暖暖，品質有水準。搭上甜豉油躺在白飯上，拍手舔舔嘴。油雞香甜嫩嫩，髀滑胸棉，茶記燒味難得有如此效果。炸乳鴿飯，都話走飯咯，硬係咁聞塞架呢！我淨係要炸乳鴿。已經幫忙消滅大半盒叉油雞飯，依盒白飯全部要掉落垃圾桶，好多人捱餓無野食，好浪費好折福。曬黑了的乳鴿，眼測已知其味道。濃濁咸的滷水豉油，腍劈劈的鴿皮，乾鞋硬的老鴿肉，免強食晒。白汁焗龍脷柳意粉，勁厚炸粉的龍脷柳必定夠飽肚。乾韌腍劈劈的外殼，十足食包皮一樣。炸粉厚過魚柳，絕對領域完全保護，魚味徹底被掩蓋。乾爭爭咸咸忌廉汁黏在意粉，狠狠地大啖塞入！味道不過不失，意粉不腍不粉，清爽的唔難食。涼瓜排骨炒意粉，唔知食咩好，我好亂呀！靈光一閃 fusion fusion，出現喇！涼瓜爽脆多汁，回甘的味道清香，不苦不澀沒半點渣。濃而不濁的豆豉汁醒神醒腦。雖然排骨未見肥美可口絕頂，起碼不散碎不鞋硬不肥膩，心滿意足可以的了。師傳施展利害的炒功，炒得意粉乾爽嚥韌，還有點莜麵的質地及味道，有趣有趣。捲上涼瓜同吃味道獨特好好味。乾燒伊麵，味道平平有點單調，生抽老抽比例失準，落味輕了一點點。雖然有少量草菇及韮黃吊吊味，始終實在有少少偏啖。伊麵質地一流，炒得嚥韌彈彈，不濕不腍顏色均勻，好靚仔。…查看更多

滿滿餐廳係我食大多數餐廳之中，少數不滿既餐廳，環境衛生已經唔講，侍應態度亦唔多好，問多一句都會黑面。結帳時到門口收銀處付款，我們一行幾人想找續多一些散銀，換來侍應一個凌厲既眼神加 " 唔可以"。$48漁香茄子炆米，味道淡而無味，茄子大家有看到多少就是那樣了，所以下不為例，唔會再有下一次。…查看更多

有人說，在外面吃東西其實好不乾淨，尤其是當你見到廚房入面的情況，你會不敢食，所以出面餐廳食野，所謂眼不見為淨。廚房一般都好少打開比你睇到。所以對於外面食野要求都唔太高。但呢間餐廳係好離譜，係連餐廳食客區都非常嘔心的髒，食緊食時你要同小蚊子， 烏蠅搏鬥，搶食個碟頭飯，還要小心洗碗個阿姐，收碗碟個水盆，拿來拿去，佢D 洗碗盆個底係咁 滴水，佢滴到我碟飯，唔理，老闆見到，都唔理，之前，臨走，起身埋單前，讓佢行個陣，佢成個盆d 水仲滴到我件衫褲，Oh my god ，我覺得好dirty ，但個阿姐同個老闆覺得完全無問題。伏…查看更多

熱愛茶記的我, 經過灣仔, 見到呢間未試過, 好似幾地道, 可以一試。中伏了....餐廳要地下落一層, 我都唔明點解可以衛生咁差, 一邊食, 一邊有烏蠅在旁邊, 一直飛...要不時保護食物...唔只我呢枱, 見到其他地方, 周圍都係...心諗, 我都要咁努力保護我碟野, 咁廚房呢.....其實落來果下已經覺得間野有殘舊和污漕, 但估唔到衛生咁差。常餐, 叉燒通  $46通粉姐, 好難差...但D叉燒真係柴皮咁硬.....常餐, 奄列  $46只能說, 本小姐炒既蛋, 都應該好味過佢好多... 個多士, 我寫包單係咁新鮮既午餐, 生炒牛肉飯   $48係炒得乾身既, 呢點不能否認。但個味, 同我expect的茶記炒飯, 有一大距離....完全冇牛肉既味, 其實就只係食到炒飯味....只能說, 阿媽的炒飯,隨便都能高水平過這個很多.....職員態度又差....完全是中伏之選。…查看更多

之前經過幾次，午餐的選擇不太吸引，都沒有興趣試。今天趕時間，就試一試。叫了美極炒飯。地面很少（有樓下），冷氣很強。等等等等，等了二十分鐘，我全場所有人，不論遅來早來，都已經有飯吃，唯獨我一個人饑寒交迫，很是難受。第一口一吃，嘩，完全沒有鑊氣，熱度欠奉。滿以為等了這麼久會有一碟熱氣騰騰的飯，那落差實在令人失望之極。味道方面，沒有一丁點兒的美極味。用料方面，有圖為証，基本上沒有什麼料可言。唯一要說的是服務倒是不錯。但這樣的一碟等二十分鐘的冰冷無味炒飯，可以說是自己倒自己米有效趕客。如果味道有負數我一定給負分。…查看更多

琴日打波前搵餐廳食dinner，行行下幾聞到炭火味，叫到幾間餐廳係度整緊炭爐煲仔飯。依個天氣涼涼地都仲幾岩煲仔飯，所以就walkin揀左一間試下。本身諗住叫臘腸排骨煲仔飯, 但點知無哂臘腸… 個人down左一down，之後揀左窩蛋牛肉飯。黎到打開之後份量唔多，同埋唔係好食得出有咩特別。價錢就76蚊，都比較貴。…查看更多

叫外賣員工態度差勁👎 cut人線 問要等幾耐話要等1小時 明明係附近 問他最快幾耐 就cut人線 之後係電話聽到 個員工係到講買幾百蚊係到催催催 垃圾 以後再不會幫襯 自己派傳單宣傳想人食先食你…查看更多

之前去開灣仔 能吃晚餐時已經九點多，更糟是天氣不好落大雨，想掃街也掃不到，附近餐廳又滿座，轉進譚臣道見到這間茶記沒多想就入去了，結果簡直覺得它可以榮登最差茶記top 5環境和餐具衛生差不在話下，伙記的服務簡直是世界級十問九唔應加落單錯漏百出，難得應你啲態度好到呢。大佬我尼食飯姐得罪你咩食物質素亦好參差，真點心塞。黑椒雜扒炸薯條（$55）首先扒的份量不多，肉質偏鞋。肥膏比例多，肉其實好少，而且肉面油得過份好肥膩。連腸仔都可以弄到巢曬皮。黑椒汁杰撻撻，一味只有死鹹。唯一比較好的是薯條，夠香脆。整體水準不高，加上服務絕對不值得回訪…查看更多

係灣仔食Lunch, 當然要早少少出門口，先有位食啦。今日，小編就一於12:30pm出門，見好多間茶記都好多人排隊...唯獨滿滿餐廳無人，就入去食啦。開頭坐落都ok, 但耐左又無人執台，又有蚊，開始有d心煩啦！再者，見身邊兩張台，叫Set Lunch都頻頻上錯菜，唉。。。(好在，我叫海南雞飯，就無上錯。 )再者，約左朋友黎食Lunch, send條Link比朋友，最後先發現，Openrice文字地址岩，但網上Map條Link就錯嘅，搞到朋友搵足10分鐘先到！！！！…查看更多

係書展做野，叫滿滿外賣，等到肚都笠埋終於到，無計啦，書展多人嗌外賣麻。外賣姐姐好人有禮貌。飯盒大大盒，個四寶飯見到都開心，可惜燒味一般般，始終唔係燒味鋪掛？另外一盒意式醬汁魚柳飯，個汁辣辣地，估佢唔到，都唔錯既…查看更多

海南雞餐餐牌好吸引(用雞脾？)問下侍應(是否用雞脾？)侍應答(未必雞脾，要䏲㕑房師傅切的部份)見每枱都有一，二個客叫$68海南雞餐，照要，同侍應講(走翼)嘩！雞脾位有油飯(好香口)中湯(好濃郁，唔係加水再煲)雞脾位(好多肉)肉好鲜嫩，而且雞件(無背位……指無肉位)$68好值得食！芝士撈麵配吉列魚好正！好多芝士汁(足夠拌勻個麵)麵質煮得剛好(彈牙)，芝士汁淡左小小，吉列魚好香脆(鱼好鲜嫩)好味的茶記午餐…查看更多

譚臣道有個banner寫下午茶紅豆冰+炸雞脾沙律$25，平野岩我。環境：間茶記落地庫，落到去第一刻似迷宮，好奇即管去考察。食物：紅豆冰大杯多紅豆味道奶味好淡。炸脾表面好大隻，炸得好靚，反轉睇，見到骨，係《薄身》的炸脾，唔多肉食，味道異常ok，過得去啦。…查看更多

今朝超趕，又好餓，一出地鐵站就即刻搵間餐廳食早餐。 叫左個蕃茄雜菜通粉餐，上菜極快，岩晒分秒必爭既早餐。個通粉好有驚喜，因為好多料，有好大舊蕃茄，好多菜，有好大碗（雖然我食唔晒），個湯如果可以濃少少就更佳。 …查看更多

早上在滿滿茶餐廳享用早餐，安座上層環境寧靜較光猛。一客餐肉煎蛋公仔麵，選材質素合理。餐肉有三片比預期多。公仔麵雖不及出前一丁美味，但出來的軟硬度適中及湯底口味帶甜不過鹹。餐飲有朱古力好立克供選擇，幾特別，出來效果以朱古力口味較重。…查看更多

午膳時間有點事要辦，隨便在公司附近找了一間茶餐廳速吃。滿滿茶餐廳分上下兩層，地庫層少了自然採光，甚樣看也是顯得幽暗一點，加上店中的整潔感一般，環境評分不太理想。午餐 $47 一款，筆者選了葡汁豬扒火腿焗飯。飯品賣相像樣，熱辣度普通喇！飯中內含兩塊豬扒及火腿，份量合理，質素方面，只可說可以接受，難說十分滿意。以咖啡作餐飲，苦中帶酸，屬低質素的咖啡。…查看更多