滿屋甜品 (已結業)

滿記班掉最好食

本來我o地(八個人)去街市對面o個間, 點知爆晒, 個waitress好識做, 幫我o地打去黃泥涌道o個間留位~ 不過依邊都好迫~ 楊枝金露x 4 - ok 啦, 無"松記"咁多料, 不過亦都無"松記"咁杰, 清清o地幾好~焗西米芝麻布甸- 唔漏, 幾香芝麻味, 唔錯~芒果班戟x 2 - 芒果還芒果, 忌廉還忌廉, 而忌廉亦太多~芝麻西米露- 即係芝麻糊+ 西米, 不過d芝麻糊明明係溝粉o個d, 好浠~西瓜涼粉西米露- 一個"水"字~燉雪梨x 2 - 友人話唔係好掂~埋單$256~ 係個焗西米芝麻布甸同佢o地o既服務值得一讚~

還記得小時候屋企附近的酒樓有焗西米布甸食，自酒樓易手後一直未有再嘗。終於「的起心肝」，去一趟以焗西米布甸馳名的跑馬地「滿屋」。果然無令我失望，仲食均兩款﹕芋頭味同芝麻味(各$19)。我較鍾意芋頭味，同西米夾得o黎又唔會蓋過焗布甸的味道，西米、芋頭、蛋香，編織成我久違但仍熟悉的美味。另外，小食「煎釀三寶」($20) 味道亦唔差，魚肉幾彈牙，可以一試。

呢度鋪頭細細, 感覺吾錯. 感覺好舒服, 乾淨. Ｄ待應又好人. 幾好～叫左招牌甜品～焗西米布丁, 甜味適中, 吾漏. 入面好滑, 軟綿綿, 好好味！楊枝甘露同芒果pancake 就普普通通, 好多地方都食到. 相比之下, 焗西米布丁就特別Ｄ.不過呢...當我臨走去洗手間時, 見到一位著白衫褲的員工去完廁所冇洗手就返入房. 可能呢Ｄ情況都好常見...但吾好彩比我見到...所以扣左Ｄ分.

我由尖沙咀老遠到此地, 品嘗此店出名o既焗芝麻西米布甸及楊枝甘露. 好好味唔太甜又唔滯.<br>當我好叉滋味去食甘露時我嘩然一聲~<br>點解有"pad" 紫糯米係處o架??<br>eeeeeeee 好肉酸~我向店主投訴,而她亦有向我說聲"對不起", 但很記住: 衛生係首要條件,其次係服務及味道希望下次再幫襯時有所改善

我都試過呢度o既焗香芋西米布甸，幾正！熱辣辣，但係又唔會太甜！食晒都唔怕滯！另外個楊枝金露都好好味！佢地有時會整D 新食品，好似我上次去就有串燒，估唔到除o左甜品之外，小食都幾好味！！同埋D staff 好好人，幾好傾！

特別欣賞他們的焗芋蓉布甸，熱烘烘的奉上。還有黑芝麻味的，甜味和濃度剛好，薑汁湯丸也十分不錯，薑味較濃烈，適合冬天驅寒。最難得的是坐下不久店家立即端上熱茶來。店舖雖小，座位不太多，但勝在交通方便，環境清靜。晚上有時店家會在舖外擺放桌椅，坐在門外，與伴侶相聚一刻，靜享夜閒，又是另一番滋味。

跑馬地很少有甜品屋,滿屋甜品是其中一間環境比較舒適的甜品屋.位於電車總站,環境不俗.它們亦有很多自創的甜品,最近便有芝麻pancake,而我則較愛吃它的楊枝金露,但奶味可再重一點.除了甜品以外.它們還有蒸飯供應,滿足不同人的需要.我小公主更欣賞它們老闆娘的工作態度,她會為新出的甜品試食,再和師傅改善質素,而它們的服務亦十分不俗,很nice,令人很滿意和開心地離開.