滿屋日本料理 (大埔超級城C區)

营业中

休息中

滿屋，超［滿足］🥳🍣大埔食滿屋，價錢合理，Cp值 好都高，鍾意呢到飲品款式都多！最緊要新鮮！日本油甘魚刺身，大赤蝦刺身，北寄見刺身，魚生刺身款式十分多選擇！ 仲有帶子、三文魚、油甘魚、赤蝦。 食物質素好有驚喜！ 全部都好新鮮，好鮮甜！☺️熟食方面既選擇都好多！例如牛油粟米，必食！ 清酒煮蜆，蒜蓉牛油燒帆立貝壽司，火炙玻璃蝦壽司，即叫即整雞軟骨，每一件都係新鮮熱辣處理！我諗每個月至少都會黎一次！🥳🥳☺️滿屋(大埔)地址：大埔安邦路8&10號大埔超級城C區1樓542-548號舖Openrice：https://bit.ly/3U0f5lR

呢晚放工同班同事一齊食，知道大埔呢幾年開左好多新餐廳，特別超級城升級後，好多有質素的食店進駐。呢間日式料理係任飲任食架，有經典、匠選、豪華、極緻選擇。加上係用電話落order,方便又清晰。自助吧有其他，甜品和沙律取，而且都有幾多特別食物，例如魚皮，朱古力噴泉飲品都係好有誠意架嘩嘩嘩，刺身好新鮮呀！而且擺到好靚好整齊炸品都唔係一早炸定實在款式太多，我都影唔晒🤣今日係平日，但唔使7點已經坐滿食客。真係好在有訂坐咋。CP值真係好高，店員都好勤力👏🏻👏🏻👏🏻

首先試下刺身 1.澳洲海膽：第1板 係幾好，之後就普通普通，唔係太完整，又唔係好濃味2.松葉蟹肉：服務員招乎唔周到，無剪刀工具，要問先會拎比你。蟹肉好鹹，食落就知唔係新鮮，肉質普通唔結實，真心唔推介3.吞拿魚：係ok其他比較好食食物：燒菠蘿，煮花膠（大大舊），煮包魚，榴蓮波波，movenpick雪糕服務質素：差。但又收服務費？！ 我地2個人坐左係4人枱，無位放野，拎食物黎哥哥仔話唔夠位，放住係隔離枱，我地無所謂。之後有個黑色衫肥哥哥黎話我地唔可以放野係隔離枱（話因為隔隔離有客，但人地好唔出聲咋），我地覺得好笑，因為係有人收唔切我地d野所以放隔離枱，我地仲要比人話（我地都無出聲，點解唔讚我地好？F )好野！ 下次唔會再幫襯！ #### ###未講完，呢個黑色衫肥哥哥仲要行過黎講，我地5分鍾後就完buffet時間 （當時2：55pm)。 我地未食完野，係咪要趕我地走？定係你地落場休息緊要過對客？ 好野！就係呢個服務態度更確定我以後唔會再黎「滿屋」任何其下分店既決心！！！！！老細如果生意唔好，真係要多謝呢班咁倒米既伙計！！！！+++++大家唔想食到一肚火，就真心唔好黎，一take死硬！！！！

我一直幫襯滿屋晚巿放題的，食物質素高，價格唔貴👍🏻最近發現午市唔一定放題可揀定食，於是同屋企人去試吓，估唔到一個$80-100定食餐仲包埋自助吧仼拎白飯仼添😍3大1B埋單$3xx抵到傻，又好食👍🏻👍🏻👍🏻我見人唔多，我估好多好似我咁唔知佢有午市定食半自助😂個個侍應都好nice👍🏻👍🏻有問必答👍🏻👍🏻我個百厭星周圍走/扭計會同佢玩🤣🤣已經變咗我哋屋企人飯堂😂會繼續幫襯😊❤️❤️❤️

放題開到成行成市，最重要都係款式多。今次係大埔食滿屋，放題款式多，價錢便宜，性價比都幾高。鍾意呢到飲品款式都多。魚生刺身款式數量正常，基本上帶子、三文魚、油甘魚、赤蝦、赤背等等嘅魚生都有。食物質素來講都正正常常。反而熱食方面給有驚喜。因為我唔係咁鍾意食生冷嘢，所以都叫做頗多熟食，例如牛油粟米，清酒煮蜆。雞軟骨同埋芝麻雞翼都十分之好味，每一件都係新鮮熱辣整。呢間分店嘅空間到大，枱與枱之間唔會坐得好密，適合四至八人一齊食都得。平均大概兩百幾蚊一位。

想食日本放題又抵的話，呢間真係值得推介。之前去過尖沙咀店，今日特登去大埔店。質素都好好。我地 6:30嚟到已經full House，就知道佢抵食。叫餐可用apps 落單，有好多選擇，例如刺身，炸物，手卷、壽司、煮物、甜品。啲魚生都好新鮮，上枱擺碟都好靚❤️。打卡一流！值得稱讚嘅係啲嘢食上得好，都漏留單情況👍出邊仲有自助部可自己去攞嘢食。例如餐飲有汽水、啤酒，仲有紅酒供應。最鍾意佢嘅芝士蛋糕，好好味😋仲有布甸仔。前菜有例如海螺肉，海葡萄、八爪魚仔、炸物、薯條等。最後甜品係Dryers 嘅雪糕。味道有士多啤梨、綠茶紅豆、雲呢拿味，唔係間間餐廳都有㗎👍

因為阿仔仲細，未可以「返鄉下」，唯有食下放題，以彌補心中遺憾。今次試左大埔滿屋，吾錯喔！餐點款式亦五花八門，從壽司、刺身、手卷到炸物、串燒、一品料理、甜點等應有盡有，一次滿足各人口味需求。特別推介是香煎比目魚，非常香口甜美，不用點沙律醬也好惹味😋牛舌方面仍然保留應有水份，頗有口感。朋友說必須要推介菠蘿，是其中一款最好吃的食物之一。外皮焦糖有焦香，入口頗有水份，口感也香脆，是必點之選。不得不提非常豐富的炸物，如芝麻雞翼相當香脆，也有香芋波波、脆雙皮奶，外皮鹹脆，而且上枱時熱辣辣，重中之中，就係榴槤波波，喜歡吃香口食物和榴槤的朋友不要錯過。

放縱一下肚皮，嚟到滿屋日本料理食日式放題。選擇咗最經濟的 A餐經典放題組合💲298，任食兩小時，可以點選廚房72款食品，又可以係自助區拎前菜、甜品同飲品，飲品除咗常見嘅樽罐裝飲品，更包括清酒同梅酒放題！除咗各種刺身 （大赤蝦、北海道帶子、象拔蚌、赤貝、希靈魚、酒煮榮螺片等等）係必點之外，推介：🔅火灸玻璃蝦 - 燒完都食得出鮮甜🔅燒⻄京比目魚 - 魚香肉嫩🔅日本蠔鍋 - 配菜都煮得好入味🔅皇帝蟹棒天婦羅 - 炸漿都掩蓋唔到肥肥蟹棒的甜🔅黑松露炒雜菌菇 - 松露香氣撲鼻🔅燒新鮮菠蘿 - 超甜多汁🔅榴槤炸彈 - 香味留連在口中

食放題，除咗之前食開某間，依家多咗一個選擇，就係呢一間---“滿屋日本料理”。毫無例外哋，先來一個“刺身家族大拼盤” 一定有嘅三文魚，之後有日本油甘魚、北寄貝、希靈魚、八爪魚刺身、仿鮑片、象拔蚌、泰式生蝦、酒煮榮螺片、北寄貝、象拔蚌、赤貝，而當然大赤蝦和甜蝦也唔少得。三文魚、赤貝、大赤蝦、甜蝦都係再encore 的食物。“清酒煮蜆”唔會過鹹，蜆肉飽滿，“御品鮑汁花膠”好腍有質感，又有D菜蔬配搭，味道一流，都係會encore 嘅👍"麻辣小龍蝦"🦞亦係呢日的重頭戲，平時出邊食好貴㗎，呢日可以放肆咁食，麻麻辣辣超開💗呢晚仲食咗海膽手卷、蕃薯天婦羅、黃金燒扇貝、榴槤炸彈、燒新鮮菠蘿、燒羊鞍、蒲燒鰻魚、和西京比目魚，好飽；尾聲嘅haagen dazs果仁雪糕和哈蜜瓜雪糕為呢餐寫上完美句號。

好日子就係要同太太黎食大埔滿屋放題，每一次食到大家都樂而忘返，完全忘記個飽字點寫。今次想特別讚一讚服務員嘅服務態度非常之好好有耐性咁樣服務我地。今次想讚一讚佢三文魚壽司，特別係花枝卷，味道非常新鮮以放題黎講可以講係成本價，另外佢嘅燒羊架亦都非常出色食得出好新鮮燒完都仲好多汁，非常之好食， 其實除左刺身之外，佢加壽喜燒喎亦都係非常之出色，亦都係無限任添加，食到你讚不絕口，非常之出色。我自己就中意食佢個西京燒比目魚，本次起碼單刷3舊以上，建議大家都學我試下。

今日去左一間放題的日式餐廳，晚市黎講呢間算性價比高，食物都好生鮮，唔怪得平日都坐滿人客。餐廳採用手機QR code入單，食物都可以只選一件，岩晒細食人，每樣都點一件試試先，岩食一再點，避免浪費食物。餐廳除左手機下單的食物外，還有自助的沙律吧,小食吧,甜品吧,仲有任飲清酒同梅酒，好酒人士真係岩晒，飲多幾轉都回本了。*蟹籽軍艦**芝士軟殼蟹卷**雙重芝士鰻魚卷**牛油果沙律卷**吞拿魚他他*，最中意係芝士軟殼蟹卷，軟殼蟹炸得好香，與豐富的芝士完美結合。*熟芥辣八爪魚軍艦*真係好芥辣，食到流晒眼淚，但辣得好爽*海膽手卷**蝦沙律手卷*，海膽手卷有驚喜，好鮮甜*清酒煮蜆**燒扇貝*：清酒煮蜆好味，清酒的香氣與蜆的鮮味相結合，口感鮮美且酒香四溢。是一道清淡卻不失風味的菜品。*燒新鮮菠蘿**鹽燒海蝦*：燒烤過的菠蘿好甜同多汁，海蝦味道好香烤焦味，肉質新鮮。*天婦羅(蟹棒, 蕃薯, 虎蝦, 南瓜)*，都炸到外皮酥脆，熱辣辣。*榴槤炸彈*外皮的酥脆與內裡榴槤的綿軟，一咬流心，中意榴槤的唔可以錯過最尾食埋杯哈根大師雪糕埋尾，滿足了~

天氣熱呢排真係瘋狂吃日本野🙈介紹一間性價比極高既放題，大埔友請留心🍣🍣🍣滿屋放題真係選擇多到你唔信😳刺身、壽司、串燒呢啲當然唔少得，但我特別想讚佢既一品料理➡️蠔鍋 唔好睇佢細細隻，但料好多，鮮甜惹味➡️肥牛烏冬 一人份？講都唔信😳大碗到呢➡️燉花膠 係呀，你無睇錯，真係有花膠可以任叫當然仲要介紹下佢既蒲燒鰻魚，真係一啲都唔慳家，大大份，重點係燒得好香口🥰其他放題必有嘅食物，我就唔一一介紹，總括嚟講呢間食物選擇多，包你有驚喜😊🥰☺️

今日我牛一同左女朋友去大埔一間幾受歡迎嘅放題，佢係好多區都有分店，咁啱睇返相簿原來上年嘅呢一日都係食滿屋，不過就係荃灣分店，當時覺得很不錯，所以對今年都有好高期望。我地本身book左12點但由於有急事要處理要改1點，打比店員改時間果時佢地都好好無比語氣或者說話我地聽👍🏻我地踏正一點鐘去到，好快就安排我地兩個人坐，竟然有得坐闊落4人嘅卡位，諗起一陣成枱野食果個畫面都夠滿足。我地食嘅係B餐，價錢中規中矩同埋都包哂我地最想食嘅野，所以就無課金加碼到C或者D。事不宜遲等我介紹幾款我覺得必食嘅推介----榮螺、帶子、象拔蚌刺身：呢三樣係刺身嘅top3, 食落比起其他刺身更加新鮮，仲食得到甘甜同爽脆嘅口感👍🏻當然其他刺身都好食。海膽手卷：呢飯海膽屬於creamy半嘅質類，食落唔腥加兩滴豉油很不錯，利伸自己食左兩個。吉列炸蠔、釀蟹蓋：炸蠔好酥脆但無好油膩，加上蠔夠鮮味同埋有海鮮天然嘅咸味；蟹蓋食到有一絲絲蟹肉，醬汁濃而不膩食完一啖接一啖，小朋友都肯定鐘意食！吞拿魚蓉他他：剁到碎嘅吞拿魚口感綿滑完全無筋，配埋外國人口中嘅植物三文魚-牛油果，滑溜吞後都有餘香。西京比目魚：西京汁甜甜地有麵豉香，魚肉好嫩有

再訪高質日式放題😍 餐廳嘅環境好舒服，食物新鮮又好味。今次又食咗好多款壽司同刺身，仲有炸物同串燒，全部都好唔錯！放題嘅價錢都好合理，而且店員服務都好好，用QR Code下單，食物上得快。好開心嘅用餐體驗，絕對值得食！晚市人流好多，記得提早預約～兩小時放題套餐A：經典放題套餐（73品）成人✴️刺身擺盤精緻，好新鮮 質素高🤤👍🏻 特別推薦 帶子、赤貝、大赤蝦、泰式生蝦、榮螺片😋😋✴️壽司 火炙壽司 卷物 手卷 軍艦款式豐富！特別推薦海膽手卷、吞拿魚香蔥手卷、鹽燒左口魚壽司、鹽燒醬油廣島蠔壽司✴️熟食 燒物 炸物應有盡有😍 特別推薦 牛舌串、牛油炒粟米、雪花牛肉鍋、牛肉烏冬、西京比目魚✴️雪糕每位可選一款Mövenpick 或 Häagen-Dazs雪糕✴️自取區包括餐前小食、炸物、湯、飲品、甜品、醬料，仲有朱古力噴泉！

第一次打食評，就比左呢間野🖕叫左個D餐，千x幾蚊，心諗應該會好左啦，點知1 9樣，全部鹹到pk成炸鹽咁既羊架。。。香煎鵝肝吾係煎，係浪幾下炸爐，油L到呢。。。海膽ok.都算甜總括來講，吾值650一個人，咁既質素食酒店buffet仲安慰