滿記甜品 (已結業)

落單無耐性，六位客人，落完一款食物便急問仲有無，莫非6位食一客? 答佢有，落完第二款同樣照急問仲有無，莫非是口頭禪? 自己落漏一款，覆單急口令，問人欠咩? 聽鬼到你講嘢，快到龍捲風……，落張單好似欠佢咁，返工返到咁嘅面口真係替佢辛苦! 食物是正常，係樓面服務差啫!

香港仔滿記開左一段時間，人流唔算太旺，同朋友叫左熱杏仁蓮子雪耳同埋滿記星州喳喳，朋友既杏仁蓮子雪耳（$33）夠哂熱，而且唔算貴，味道ok喳喳（$23)就一般啦，太甜又唔好食,如果係香港仔食中式甜品會另有更好選擇。

去買甜品應該係開心既事黎點知!因為職員無視自己既外賣食物是否同號碼相乎,而令到我白等約15分鐘我是非常有禮貌地問職員已放出來的外賣是否我的,職員沒有理會我說的話等了一會,再問多一次,亦是沒有理會到最後他終於把那碗放了很久(我認為那碗是我的外賣)拿出來然後叫「61號飛」於是,我再問多一次職員「這是否我的,60號飛?」職員對我說「61號飛！」我再三確認「我是60號，這是我的嗎?」職員不耐煩地說「61號！！」我對職員說「但你跳了我的號碼！」這是職員再仔細看看，然後才搞清楚這碗放出來已久的甜品真的是屬於我」回到家後(少於5分鐘),終於可以食,正當我滿心歡喜地打開我的甜品時,才發現我要的甜品已完全溶化！多無奈! 吃甜品本是愉快的事,怎知會因職員犯下小小的錯誤而令我沒心情享受甜品!這已不是第一次發生!之後店內是沒有客人但我點外賣等了超過25分鐘!希望他們能有所改善!

與友人相約下班後一聚，志不在甜品，故選擇光顧集團式「滿記甜品」，為的只是那光潔明亮的店面，桌與桌之間的距離，亦令我與友人能自在地大聊近況。點選了招牌款式「榴槤班戟」及「鮮雜果涼粉（芒汁），班戟皮薄具水準，忌廉與榴槤蓉混合在口腔內沿溶化亦令人大感滿足。鮮雜果涼粉上滿滿的芒果、西瓜、木瓜及海底椰，配以濃郁的芒果汁，每一口都是清新的滋味。滿記甜品作為分店過百的集團，食物質素是無庸置疑的，惟份量與價格不相稱，我只好安慰自己吃進肚子裡的除了甜品本身，環境亦佔很大部分的位置。

又到我最喜愛的滿記食甜品，平時多數食晚飯後先食，今日意然可以係tea time 時間黎到，仲有優惠tea set , 黎到都成4:30pm , 好多tea set 已經售罄，連帶沙冰都無。我揀左個芒果waffle, 超級正。無諗過整糖水店舖有甘好食的waffle, waffle 外皮整得好薄，一咬即脆，但又唔覺係焗到好似薄pizza皮甘脆，好味過好多專賣waffle 店。

離晒普 7:30 行入去叫一個白雪黑珍珠外買等左成 20分鍾。那個時段又唔係人多（堂食都係得 3,4台客）我叫完係門口等， 眼見跟住我尾行入去堂食個位已經食完準備埋單走人，但點解我個外買都仲未有。 又冇人理我。行入去追，完來仲未整。 我話人地都食完走喇。我都未有， 廚房個阿姐佢先拿拿聲整， 前後都唔駛 2分鐘就拎左出離。 但點解要我企係門口等 20分鐘都未有？？ 即係如果我唔入去追，佢應該打算一直做晒堂食個d 先會整我入外買。 超嬲

滿記對於90後來說一點都不陌生，但對家母來講就是充滿新鮮感。滿記的版圖越擴越大，最近香港仔都開了一間滿記，就去試下分店的水準。香港仔滿記環境舒適，裝修以木版的自然風為主，令人覺得份外放鬆。來到滿記當然要食芒果甜品，家母點了一碗楊枝甘露涼粉。涼粉切得比一般粒水舖細粒，混入楊枝甘露同吃效果更好。椰香夠出，芒果不會太酸。想不到原來楊枝甘露和涼粉都幾㚒。秋風起覺得有點乾燥，所以我叫了一碗熱南北杏木瓜雪耳來潤一潤。原來滿記的中式甜品也不俗，夠清清潤亦不是死甜。日後食甜品又多了一個就腳點！

掛念姐姐，雖然成籮工作未做曬，都忍唔住搭成個鐘車去探佢。Tea time唔肚餓，所以去了糖水店，剛與姐姐講起Affagato，剛巧店裡有三樣樣似的新嘢，分別是鮮奶咖啡，豆漿咖啡和杏仁咖啡。我叫了杏仁咖啡，我估其實是熱杏仁茶配咖啡冰粒。與其說是杏仁茶，可能說是杏仁汁更貼切，因為要用來沖咖啡，所以比正宗杏仁茶較為浠，杏仁香亦較為薄，至於咖啡冰粒呢，從冰粒的外觀和沖出來的味道去估計，都試唔出係咪直接將expresso雪成冰，但咖啡味唔苦澀易入口。總之，兩樣嘢沖埋一切，過程幾得意，味道亦算可口，雖然不會飲得出清晰的咖啡味或杏仁味，但是貪新鮮一試都好架，仲可以擺FB呃like添。當然，店舖窗明几淨，幫襯咁小嘢都比個好位我地坐成粒鐘，談談情說說笑，已經開心滿足了。

女孩子任何時候都需要甜品填滿那胃部僅餘的空間，儘管口裏說著有多飽，但是也塞得下甜品作為晚餐的句號，今天健康一點，想食生果的甜品，就揀左一個芒果西米露涼一涼快，去下D悶熱感，其實滿記我通常吃碎心榴連架，真係超級好味但今天口味轉左，想食芒果，滿記出品的芒果甜品應該都不錯，打開一看，顔色鮮黃，不是沉沉的黃色，有一整邊的芒果，大大舊肉，西米mix芒果汁濃稠度適中，不似成pat糊仔, 芒果甜而不酸，西米全部都粒粒分明，煮得剛剛好，透心涼

本身住在南區的我甚少來到香港仔，但又好想食甜品，南區其實冇什麼甜品舖頭選擇。結果我們一家飯後專程坐車來到香港仔滿記品嚐。結果發現換了新的Menu，而新嘅Menu少了一些選擇，帶點失望。由於囡囡最喜歡吃芒果，於是我們點了芒果西米露、芒果涼粉雪花冰、芒果pancake及熱綠豆沙。先說芒果西米露、芒果pancake ,雖然份量較少，但裏面的芒果肉十足、芒果肉鮮甜，絕無偷工減料。另外，芒果涼粉雪花冰，那些雪花冰像雪花一樣薄片，口感很爽很脆，完全不覺在食冰，值得推介。至於，熱綠豆沙就沒有什麼驚喜。

印象中既滿記甜品，就係開係foodcourt, 倒模出產既甜品糖水其實都幾悶架。不過係香港仔，想食下甜品，都係來來去去個一兩間，何妨唔係一樣咁悶。咁岩寶寶話而家開左間滿記都裝修唔錯，見無咩人，一於去試下啦。入到去，係幾好坐既，而家可能時間早無咩客人侍應態度又好好喎。你知啦，而家食糖水，唔知點解成日都要被人催咁，真係食得唔太自在架。寶寶點左個楊支甘露豆腐花，ok 啦，楊支甘露唔夠甜。屋企人個芒果豆腐花就正正常常。我點左個榴槤加綠茶雪糕配雲里拿汁，意外地又幾好味喎。襯埋佢靚靚既文青托盤同餐具，成個甜品感覺係昇華左架（擺盤既重要性)價錢係幾貴架，不過無咩選擇下，坐得舒服d 係加左分既。

香港仔既糖水店唔多，5隻手指都數得晒，一向都光顧舊街個間，於是轉轉新口味，黎個新嘗試楊枝甘露豆腐花($40)/甘露豆腐花($36)兩碗既分別係一碗有柚子肉、西米，另一碗冇，感覺分別唔大haha，一上桌，我就覺得好冇誠意，楊枝甘露豆腐花好明顯係左一匙，右一匙配搭而成，要自己攪勻先食，冇左楊枝甘露應有既風味，我並唔係責怪於要自己攪勻，而係一碗好食既楊枝甘露係要用芒果汁，冰粒，柚子肉等打勻而成先上桌，連鎖餐廳就係咁唔重視質數吧？

呢夜冇野做，帶囡囡落去試下新開架呢間甜品舖，令我不想再回頭！糖不甩唔好味！好多都用外賣盒，好唔環保！布丁味道還可以！不過少人堂食都有好處㗎：就係容易搵位！雖然香港仔冇乜糖水舖，但咁差、冇誠意的舖，好難長做呢！

當天約14:30來時，客人不多。地方潔淨光猛。皮簿，cream亦夠滑，味道不過甜，一半均為芒果肉，可惜芒果香不算濃。我點的雖是熱的，但上枱時只是和暖。杏仁露同芝麻糊份量各佔一半，兩者都較稀，而杏仁露比芝麻糊味更濃。有三粒花生湯丸，但皮很厚，花生香亦太不香濃。

說不出的驚喜，滿記開在香港仔。作為香港仔人，梗係要做下新屎坑！當日平日晚上，店內坐滿人，幸好剛剛有人走了！所以我們不用等位！實在是太好了！黑珍珠加綠茶雪糕 HKD 40.00Order左無耐，好快就到！這個是肥膏的，他說好好味，讚不絕口。飄雪黑珍珠(配綠茶雪糕) HKD 47.00我點的飄雪黑珍珠雖然是貴了點，但真的好好味！第一是椰奶冰，溝埋黑珍珠一起，令口感更富層次。而且，又好滑 。綠茶雪糕好快溶，不過味道OK。而上層舖面的水果份量少了點，不過幾新鮮。最好吃的是亞塔子，好有咬口。與椰奶一起食，更覺美味。貴雖然是貴了點，但偶爾一兩次，還是OK的。