7
4
3
招牌菜
唔可以堂食 天气又冻 去满记甜品外卖咗个甜品番屋企食 见到呢个姜汁桃胶芋圆 二话不说 即刻落单试试佢冇失望姜汁有辣味 都几重姜味 甜度适中 甜度适中呢样嘢真系好重要 好多甜品店d糖都好似唔洗钱咁 食完喉咙系会唔舒服嘅 呢间真系ok再试下桃胶 唔会俾好少 啖啖都有 都足料 芋圆好有口感 Q弹 重点系有香芋味 正~会再战😂下次再去试试佢其他甜品 佢款式都几多 唔会好单一 出面多少来来去去都系果几味 有时其实都选择唔到 因为根本冇选择 呢间好有新鲜感 出品都唔错 值得推介
继续阅读
满记甜品本身都几钟意食,尤其系佢啲中式糖水!我觉得比起坊间其他连锁嘅甜品糖水舖已经系相对比较出色。虽然性价比唔系太高,一碗嘅size都比较少,但系间唔中食下我觉得系好OK,同埋喺大西北呢个地方基本上都冇咩糖水舖,连最基本嘅小店都好,都比较麻麻所以满记喺大西北度开其实都系一件好事…今次买咗两款糖水返屋企同屋企人食紫米露加芝麻汤圆..大家成日以为紫米露同椰汁黑糯米系同一样嘢,但系其实唔系!椰汁黑糯米只系一旧黑糯米加椰汁,而紫米露系要煲嘅!相对紫米嘅数量冇咁多,食落去系比较流质啲,所以我好钟意食紫米露…焗芋蓉西米布甸..呢款其实系一款好传统嘅中式旧式甜品!前期系会用莲蓉去做馅,但系而家基本上都比较会转为甜度冇咁高嘅芋头去做,食落去好软滑唔腻,西米布甸西米同埋吉士嘅比例好好,焗完之后热辣辣食好好味!
继续阅读
踩完一日单车,成班朋友食完饭再直落糖水,要好好慰劳一下自己(其实系因为时间尚早,未想返屋企)✨✨红豆+仙草+芋圆+芋泥呢个组合简直系卖飞佛😍😍所以谂都唔使谂,就拣咗佢!芋泥做得好香,唔系就咁用一般芋头雪糕,至于仙草红豆甜度适中,芋圆又煮得岩岩好,好烟un 😋😋😋整体呢一个组合系我嘅最满意之选👍🏻👍🏻✨✨另外我都试咗两位朋友嘅甜品,榴梿系列都真系真材实料,会食到有榴梿肉,所以整体大家都满意😋😋
继续阅读
满记外卖自取做六折好鬼抵呀食完饭一于成家人食个甜品先见到个app𠮶度写住领汇有$50减满$150就得哗好鬼抵㖞抱住一试嘅心态竟然真系减到$50好抵糖水有质素芒果pancake同pancake都好好味呀而且仲好足料添我哋感觉满记糖水啲生果系特别靓啲嘅
继续阅读
今日同几个朋友去天水围满记食甜品,我哋叫嘅系3碗芝麻糊汤圆(两碗热一碗冻)和一个芒果班戟,收银服务员𠮶个四眼阿姐耳仔听错嘢,连只眼也是睇错野,自己打错单,结果变咗两碗热姜汁汤圆和一碗冻芝麻糊汤圆,我哋要求佢换,佢话系我哋自己叫错,仲话冇得换!初头都谂住算数,我哋堂食越食越谷气,因为呢个服务员态度真系极之差兼无品,佢嘅行为、眼神同埋态度令到我哋火上加油,一路食一路啤住你,好嚣张,原本只是上OpenRice俾个差评佢便算,佢嘅服务态度真系不可一世,唔闹唔醒!佢完全唔觉得自己有问题,系间店舖里边同我哋开战!我觉得做错野唔紧要最紧要真系要承认,但系佢完全系冇责任感,仲要逼你食,真系好反感!点解会有呢啲人出现,平时行过见到呢间野都已经唔系好生意,甚至好多时都系冇人,原来真系有原因!前线服务员嘅服务质素真系好重要,佢咁嘅态度不如唔好做啦!(最搞笑嘅就系在我哋打呢篇野之前,甘啱见到OpenRice有类似嘅情况又系关于呢个地点和呢个服务员,事件证明我哋都唔系第一个投诉佢!点解公司唔正视呢个问题去处理)
继续阅读