影片
食家推介
今日family day，陪妈咪去咗食满记，妈咪系一个好钟意食甜品嘅人，我就麻麻哋钟意食甜品，妈咪想食嘅话都间唔中陪下佢嘅～有一段时间冇黎满记，见佢好似转左个新餐牌，而家所有嘅order加$10就可以有芋圆食喇。平时食开椰汁紫米露嘅我，今次就顺便加埋芋圆，睇吓味道如何。本身自己都钟意食芋圆，去到台湾旅行嘅话一定会叫芋圆嚟食。本身呢我就叫咗冻嘅椰汁紫米露，但职员就俾咗热嘅我，最后职员都好好肯换返一碗冻嘅椰汁紫米露俾我。啲芋圆好弹牙，好好食呀～
继续阅读
食饱饭又想hea下时间就同frd去食埋个糖水，挂住个白雪黑珍珠，就情不自禁咁行左入满记~除左白雪黑珍珠，今次叫左个椰汁紫米露。。。痴孖筋地难食劲漏，冇乜紫米，似饮紧椰汁，多过椰汁紫米露。。。佢d小丸子淋到一pat野咁，一d咬口都冇，真心 好！失！望！！！成碗野食完只系觉得好劲漏同滞好在 佢个白雪黑珍珠仲系一贯既水准～虽然佢都系用椰汁做底，但佢d奇异籽，同其他配料沟埋大大减低左个漏既level 所以最后既结论系以后都系叫返白雪黑珍珠算
继续阅读
星期六买左戏飞睇戏，睇戏前揾野食，德福商场好多食店价钱都唔平，但估唔到满记糖水唔止得甜品，佢既意粉都非常唔错。好喜欢呢个鸡肉香草酱意粉，上面有好多松子仁，又香又好食。劲多香草，橄榄油份量刚好，鸡肉都唔会觉得肥，仲啖啖肉又唔会鞋，只需几十蚊老公食呢个秘制牛肋条意粉，佢就觉得一般，可能牛肋条份量满足唔到佢既大食，但我都有食一点，味道都唔错，牛肋条软滑入味，几十蚊算系唔错了。当然忍唔住食甜品，唔想成日食冻野，餐牌又卖紧呢个蛋白杏仁茶，一于试下。杏仁茶一d都唔苦，好中意杏仁既味道蛋白好多，又好滑，食完好开心满足
继续阅读
经过满记，想食朋友曾介绍嘅芋圆甜品。特价嘅芋圆甜品有两款，包括绿豆仙草芋圆同埋白雪仙草芋 ，都系29蚊。其他甜品亦都可以加十蚊，就会有芋圆。本身甜品包括一球芋头雪糕，好可惜店员同我哋讲冇雪糕 ，结果转咗做西米。冇咗球雪糕 ，外表冇咁靓 。唔紧要，试一啖先!白雪仙草芋圆上面有芋圆仙草 、薏米、 红豆等等。白雪仙草芋圆嘅白雪即系用云呢拿冰碎塾底。溶咗之后 ，好似啲云呢拿味嘅汁 ，令到成碗甜品嘅滑度提升。另一碗绿豆仙草芋圆就冇白雪 ，个底系一啲类似绿豆沙 加冰碎垫底 。白雪仙草芋圆会好食啲，因为整体上会比较香甜和滑口。如果下次食有翻雪糕就好了!
继续阅读
见3:00几系时候食下下午茶，就拣左满记去食。见倒有个芒果窝夫就嗌左个黎试下。首先系即整既 所以上到枱仲系热既脆既，加上雪糕，又冷又热既感觉好正。唔会太大份女仔食完唔会有好大既饱腹感。推介！
继续阅读