影片
开饭介绍
粥水火锅店，以日本珍珠米煮成粥水，绝无味精及油分。每天到巿场选购新鲜海鲜，客人享用完海鲜后，更可一尝汇聚了精华的海鲜粥。
继续阅读
营业时间
今日营业
17:30 - 22:00
星期一至日
17:30 - 22:00
公众假期
17:30 - 22:00
公众假期前夕
18:00 - 22:00
以上资料只供参考，请与餐厅确认详情
有关奖赏计划
今次嚟到呢间位于大角咀嘅粥底火锅店 估唔到$218就试到7款海鲜！！🦞海鲜套餐包七款海鲜，主茶有得简肉蟹/膏蟹/龙虾🦀仲有虾、鲍鱼、生鱼片、大圣子同两款蚬 🐟今次试左肉蟹 真系超厚肉超鲜甜！😋😋见到收银台后有自家鱼缸养住啲海鲜，够晒新鲜！！！份量恰到好处，食完觉得满足又唔会太腻🥩 其他配料有超过20款配料可供选择，可以自由搭配6款最推🍄🟫松露香菇贡丸同🐄酱爆濑尿牛丸😋咬落去真系会喷晒汁！！！我地仲叫左手工鲜虾云吞、美国肥牛、黑毛猪腩片同响铃整体质素虽然冇太大惊喜，但用料唔系cheap野🍲 粥底加料火锅尾声，店员会将南瓜、芋头、玉米同猪油渣加入粥底，慢煮至浓郁鲜甜呢个粥底真系全晚嘅亮点，粥香浓滑，带住啲海鲜嘅鲜甜，食完真系超满足～～～
继续阅读
位于大角咀嘅常满，虽然地点好隔涉，但系我觉得佢比同类型嘅其他连锁店更加高质。佢有得拣唔同类型嘅海鲜套餐，我哋通常都会拣龙虾餐🦞。除咗龙虾之外，另外都仲会有六款唔同嘅精选海鲜，仲有得自选六款火锅配料。首先，店员会上咗唔同种类嘅海鲜俾我哋先，见到我哋海鲜食得7788就会将我哋拣咗𠮶六款配料俾埋我哋打边炉食。到最后店员会帮我哋将南瓜芋头放落个已经充满海鲜精华嘅粥底度煲粥食🍲🦪🐟啲海鲜好新鲜，全部都系老板每日见到边啲新鲜边啲靓边啲当造先至拣𠮶啲做当日嘅精选海鲜。🦐啲虾上到枱嘅时候啲脚仔都仲郁紧，而且龙虾都好大只啖啖肉。🥟🥬🥒其他火锅配料全部都好精致咁帮我哋分好咗一碟一碟（有好多餐厅真系是但堆埋一碟就上枱㗎啦），虽然睇落份量唔多，但系胜在可以每样食啲乜都试吓。其实当食晒所有海鲜同埋配料之后都已经好饱，个粥成日都会食唔晒。不过呢度老板会好贴心咁样问我哋需唔需要将啲粥打包拎走，唔好浪费。
继续阅读
港人 一年365日都打边炉 近排天气凉返 突然好想食粥底火锅 畀我起openrice上面 揾到呢间小店佢最主打嘅系龙虾餐同肉蟹餐 双拼都可以 不过由于去食之前嘅一晚食咗龙虾伊面 所以最后尾拣咗肉蟹 可以加钱变膏蟹套餐入面有六款火锅配料可以自己拣 都系基本嘅肉呀 丸呀 蔬菜类 我哋嗌咗 鸡件 莴笋 两款丸 其中有个高度推介 酱爆 濑尿虾丸 一咬落去真系好似 电影咁样啲汁爆晒出嚟食𠮶阵小心辣亲 仲有腐皮卷 淮山 佢本身套餐配嘅海鲜都好丰富 蚬有两款 一大一细 煮到开口就食得 只只胀卜卜 有鲍鱼 好弹牙 成只放入口过瘾 有鱼片 虾 圣子煮到离壳 好鲜 不过唔知渌几耐嘅朋友唔需要担心 因为佢枱面上𠮶张餐纸 已经写好晒各种食材需要煮嘅时间 跟住佢嘅教学 时间 就唔怕啲海鲜唔熟或者煮到落过火 当你食晒所有海鲜同埋啲火锅配料之后 成晚嘅精华就喺呢个汤入面 店员之后会帮你 加蛋 萝卜粒 粟米 加粥 煮起又绵 超甜 其实两个人应该系食唔晒d粥 本身食完d𩠌已经好饱
继续阅读
今日同朋友去咗呢间餐厅食海鲜粥底火锅，叫咗一个2人肉蟹餐。有六款海鲜六个火锅配料，同埋粥底嘅材料，都几抵食。蚬有两款蚬，两只都冇沙，而且好甜，只只都开口。沙白就大只小小，所以咬落去多汁啲，一咬落去𠮶啲海鲜味必晒出嚟。鲍鱼指引话落3分钟，又真系啱啱好。只鲍鱼非常林，味道鲜甜，一啲都唔韧，而且佢一早已经清除左啲污糟嘢，食落好方便。桶蚝桶蚝嘅海水味比较重，起码有半只手掌咁大只。而且一啲都唔腥。 虾见到个侍应系喺水捞上嚟，只虾仲系生， 所以非常新鲜。 佢用竹签吉住咗佢，所以唔怕一落去个火锅度只虾会郁嚟郁去。食落去啲虾告必晒出嚟，又弹又甜。肉蟹只肉蟹好大只，而且好多膏。 啲肉都系非常鲜甜，一定唔会系摆咗好耐。因为啲肉咬落去一啲都唔梅。 黑毛猪腩片猪肉味几浓，可能因为系黑毛猪。 食落去好滑，好软，一啲都唔韧。 美国肥牛肥瘦适中，加上本身个汤底系海鲜嘅清甜味，食呢啲肉就唔会好腻。 牛骨浓汁牛丸 推介师兄好有心咁提醒我哋，呢一只牛丸好多汁一咬入去会必晒出嚟，小心焫亲个咀。 点知真系好Juicy，而且牛味好重好特别仲好弹牙添。最后侍应帮我哋加咗啲芋头南瓜粟米粒落个海鲜粥底度，成个粥非常鲜甜。另外佢加咗啲菜脯同油渣粒，令到成个粥几有口感同埋味道几丰富。 整体嚟讲性价比非常高，侍应服侍周到，而且啲海鲜都好新鲜，最后𠮶个粥简直系精华。
继续阅读
好多年前去旅行时食过粥底火锅，之后系香港都比较少见喱类型既餐厅。当日系大角咀见到又想食清清地既火锅就简左食喱间一入去坐低已经见到台上有张纸教我地点食，首先要将七款海鲜顺序放入，时间都有规定，跟住食完海鲜先会将其他食材同粥胆放入火锅。不得不赞喱到既店员超友善，会亲自再教我地一次。海鲜份量超足料，有鲍鱼﹑蛏子﹑鱼﹑蟹﹑蚬，只只都海鲜大大只，跟住时间去煮真系好鲜甜弹牙，食完海鲜都已经饱左5成。接著再放南瓜﹑芋头﹑粟米落锅，食材本来既甜味已经令成个火锅唔需要太多额外调味，跟住我地另外ORDER左肥牛﹑猪肉片﹑莴荀同响铃等常见普通食材，或者系因为汤底够鲜甜简单，令其他配料既味道都好似更加突出，好吃~~食到最后再放餐厅准备好既粥胆，绵滑好香甜，完美总结左喱一餐!!价钱方面都系二百松D，食到咁多海鲜真系好抵!!!
继续阅读
您可能会有兴趣的...